رواية مجرد كتاب الفصل الثالث 3 بقلم چنا
*الكتاب*
«جنه»
كنت قاعده ومستنيه لين عشان راحت الحمام بس طولت اوي ف رحت اشوفها لقيت الكتاب مرمي علي الأرض في الحمام بس هي نفسها مش موجوده رنيت عليها
بس رقمها غير متاح حطيت الكتاب في شنطتي وعشان اتأكد ان لين رَوحت ولا لاء جه في بالي اكلم مامتها واسألها بس ممكن تقلق لو مطلعتش رَوحت كلمت مامتها في الآخر وقولتلها ان لين هتبات عندي النهارده واتحايلت عليها لحد موفقت
وقولت اقعد استناها يمكن راحت تشتري حاجه
*علي الجانب الآخر في كوريا*
«جين»
سألت البنت هي مين.. بس دي شكل دماغها طايره منها خالص وبتكلم نفسها وكنت ببصلها وانا مستغرب هي دخلت ازاي وهي مين واي الي جابها هنا
قولتلها:
-لو مقولتيش انتي مين هكلم الشرطه
لينا:
-خلاص عرفنا انك هتكلم الشرطه.... والله يبني انا مش عارفه انا جيت هنا ازاي انا كنت ماسكه الكتاب الي جالي امبارح هديه وفجأه...
قولتلها:
-كتاب يبقا انتي فعلا الي سرقتي الكتاب
لينا: سرقت اي دا جالي هديه وبعدين انا اسرق كتاب ليه يعني
قولتلها:
-مش يمكن عشان انا كاتب مشهور مثلا وانتي حابه تنسبي كتابي ليكي
لينا:
-يا جدع مشهور امال مش باين عليك يعني وبعدين اظبط كده انا مش حراميه ومش يوم ما اجي اسرق هسرق كتاب
قولتلها:
-ولما انتي مش حراميه بتعملي اي هنا
لينا:
-اه صح هو احنا فين
بصتلها بغموض وقولتلها:
-في بيتي
لينا:
-ايوه يعني في بلد اي برضو
قولتلها:
-كوريا
لينا بذهول:
-متهزرش يعني دا مش حلم لو حلم ازعل منك خد بالك
قولتلها بقرف:
-متتفلقي ولا تروحي في داهيه اخلصي هاتي الكتاب ومع ألف سلامه
لينا:
-الكتاب اه منا شكلي نسيته
قولتلها بقلق:
-نستيه فين
لينا وهي قاعده بتتفرج علي الشقه:
-في مصر
قولتلها:
-مصر اي هاتي الكتاب اخلصي بدل ما اتصل بالشرطه
لينا وهي مكمله فرجه في الشقه:
-اه والله زي مبقلك كده نسيته في مصر... وبعدين اي كل شويه شرطه شرطه اتصل بيهم وانا اقلهم انك خاطفني
قولتلها بقرف:
-وانا هجيب الهم لنفسي ليه
لينا:
-المهم بقا روح فسحني كده في كوريا شويه ورجعني مصر تاني
قولتلها:
-افسحك اه.... هاتي الكتاب واتفضلي بعد اذنك امشي زي ما جيتي
لينا بقلق:
-هو مش انت الي جبتني هنا ولا اي
قولتلها بستغراب:
-لاء.... هو انتي هبله قوليلي بجد انتي هبله
لينا بقلق:
-مش وقته انا مش عارفه انا جيت هنا ازاي ممكن من الكتاب
قولتلها:
-اكيد لاء
لينا بقلق:
-انا بجد معرفش انا جيت هنا ازاي وانا اصلا مش من هنا انا مصريه ومبعرفش اكلم كوري ومعرفش انا بكلمك كده ازاي اصلا
«ساعتها انا فكرت وقولت هي شكلها بتكلم بجد ولا اي»
قولتلها:
-طب انتي اخر مره كنتي بتعملي اي
لينا:
-كنت ماسكه الكتاب وبفكر مين الي بعتهولي
قولتلها بقلق:
-طب انتي قرأتيه
لينا:
-انت غبي بقلك مبعرفش اتكلم كوري اصلا هقراه ازاي... اه بس انا فهمت ان انت كنت بعته لحبيبتك
قولتلها وانا مطمن:
-كويس بعدين متشتميش انتي الي غبيه..... المهم دلوقتي عايزين نفكر انتي جيتي ازاي من الكتاب وليه جيتي اصلا
لينا:
-طب بالمناسبه الي مش سعيده دي مقولتليش اسمك اي
قولتلها ب ابتسامه وفخر:
-انا كيم سوكجين الروائي المشهور وممكن تناديني جين
لينا:
-محسسني انك نجيب محفوظ دا اي دا..... امهم وانا لينا وممكن تقولي لين
قولتلها:
-تمام
لينا:
-بما اني في بلد احلامي وكده فسحني بقا وبعدين نبقا نشوف هرجع ازاي
قولتلها:
-بدل متشوفي انتي هتباتي فين
لينا:
-ابات اي انا لازم ارجع مصر بعد ساعتين بالكتير
قولتلها:
-ابقي قابليني
لينا:
-اه انت ليك دين بقا ولا زي معظم الي في كوريا
قولتلها:
-اه انا مسلم
لينا:
-مممم حلو... خلينا صحاب لحد ما ارجع مصر بقا.... احكيلي بقا مين حبيبتك دي واسمها اي
قولتلها:
-انتي فاضيه روحي شوفي طريقه ارجعي بيها
لينا:
-دا انت نكدي... طب هات تليفونك
قولتلها:
-ليه
لينا:
-هكلم صحبتي اطمنها عليا بدل منا سبتها كده
ادتلها التليفون
*في مصر*
«جنه»
روحت البيت لما لقيت ان لين اتأخرت اوي وكنت قلقانه ومش عارفه اعمل اي بس فجأه لقيت تليفوني بيرن من رقم برا مصر ف قفلت رن تاني ف رديت
لينا:
-جنه مش هتصدقي انا فين
قولتلها وانا قلقانه:
-انتي فين يا لين روحتي فين وسبتيني ومروحتيش ليه لحد دلوقتي
لينا:
-اسمعيني بس دلوقتي انا في كوريا ومش عارفه انا جيت ازاي بس تقريبا بسبب الكتاب ومش عارفه هرجع ازاي ف حاولي تغطي علي غيابي لحد ما اشوف هاجي ازاي
قولتلها:
-كوريا اي وازاي وجبتي فلوس التذكره والتأشيره والكلام دا عملتيه امتي..... ثواني انتي بتقولي بسبب الكتاب
لينا:
-اه.... طب هو الكتاب معاكي ولا لاء
قولتلها:
-اه معايا
لينا:
-طب كويس هقفل معاكي دلوقتي وبعدين هبقا اكلمك بااااي
قولتلها:
-الو لين... لين
بس ازاي بسبب الكتاب
بصيت علي شنطتي وجبت منها الكتاب وفتحته وجبت التليفون وصورت اول صفحه عشان اشوف الترجمه بس اتفجأت ب الي شوفته....
