رواية خيانة قاتلة الفصل الثالث 3 بقلم هنا عادل
خيانة قاتلة
الجزء الثالث
قطعت الكهربا مع اول صفحة اتفتحت في الكتاب
يسرا: جرى ايه ياوليد مالك انت خايف كده ليه عيب ده انت راجل وبعدين ماهو انت قريت انه الكتاب كله حاجات دينية صدق انت بس في الكتاب ده علشان يشتغل معانا لأنك طول م انت مش م أمن بقوته مش هتغير حاجة
إسراء: هو في ايه انتم مناقشاتكم دى هتبداء توترني عموما احنا في كل الاحوال لازم نجرب احنا كاتبين ايصالات امانة وعلينا مبلغ وقدره ودى عمرها ماحصلت ف زى ما خدنا الخطوة نكملها
الكهربا رجعت
والكتاب مقفول كأنهم مفتحهوش بس مجاش في بالهم حاجه توقعوا ان حد منهم قفل الكتاب وهما بيتناقشوا
بس لفت انتباههم حاجة في الورق اللي كان ملفوف بيه الكتاب مكتوب من جوة الورق ان اللي يقرا الكتاب لازم
ميكونش على طهارة
وليد : لا دى كملت انا برة القصة دى هو ايه الهبل ده هو ده لو كتاب دين ولا قرءان هيبقى مكتوب الكلام ده بصوا شوفوا انتم ناويين على ايه لكن انا برة الموضوع وكده كده متقلقوش هدفع باقي تمن الكتاب ولو ترجعوه للراجل وتنسوا القصة دى يبقى احسن وحلال عليه الفلوس
اسراء : صح غريبة اوى هو انا احنا لا بنصلي ولا متوضيين ال٢٤ ساعة لكن شرط غريب ازاى ايات قرءان وادعية وتكون مش على طهارة شايفة ايه يايسرا
يسرا: خلاص خليكم انتم برة الموضوع وانا هتعامل فيه لو اللي حصل خير يبقى انا كنت صح وانتم كده كده معاية فى الخير ولو اللي حصل شر اهو مش كلنا هنضر وساعتها انتم هتساعدونى وبرضو يبقى عملنا المحاولة وجربنا مش هنخسر حاجة لو مكسبناش الا تمن الكتاب وربنا يعوض علينا بقى ها ايه رأيكم
اسراء: موافقة
وليد: يايسرا ياحبيبتي انا قلقان علينا كلنا مش عليا لواحدى بلاش نخاطر علشان خاطري
يسرا: خلاص ياوليد والله لو لقيت مفيش منها منفعة هكبر دماغي
وليد: انتى حرة مفيش فايدة من الكلام معاكى
خرج وليد من الاوضة وطلبت يسرا من اسراء انها تخرج كمان وبرغم ان فضولها هيقتلها الا انها سمعت كلام اختها وخرجت وراحت يسرا قفلت الباب وراهم بالمفتاح
وفتحت الكتاب المكون من ٦٠٠ صفحة ومكتوب تحت عنوانه ان المقصود منه السحر وطريقته وكيفية تحضير الجن واساميهم
يسرا حسيت برعشة جسمها بس تطلعها لتغيير حياتها كان مسيطر اكتر وابتديت تقرا الرموز وتقلب الصفحات وتكمل قراءة وهى مش فاهمة دى اسامى ولا تعاويذ ولا وصفات هى بتقرا وخلاص ومستنية اي حاجة تحصل بس للاسف بالنسبالها مفيش حاجة حصلت زهقت من كتر القراية على الفاضي فتحتلهم الباب وخرجت من الاوضة وهي متعصبة
يسرا: قريت فيه كتير ولا فهمت حاجة ولا حصل حاجة هو احنا اتنصب علينا ولا ايه
اسراء : ايه يايسرا انتي عايزة يحصل ايه يعني متستعجليش احنا اكيد في حاجات مش فاهمينها اصبري الجمعه الجاية نروح لبتاع الكتب ونعرف نتعامل معاه ازاي
وليد بيسمع وساكت وبعدين قالهم انا داخل انام تصبحوا على خير
يسرا واسراء: وانت من اهله
يسرا: يعني ايه انا هفضل اسبوع بحاله مش عارفة ايه حكاية الكتاب ده لا مش هصبر انا هدخل اجرب تاني
اسراء: يسرا انا عندي شغل الصبح عايزة ادخل انام بقى ابقى جربي لما ترجعى بكرة من شغلك
يسرا: خلاص ادخلى انتى نامى انا هقعد هنا اجرب
اسراء: ابوكى لو خد باله هتبقى مصيبة خلي بالك
يسرا: ادخلى بقى نامى انا هتصرف
دخلت اسراء نامت ودخلت يسرا خدت الكتاب ولأنها فعلا قلقت من ابوها عملت مصيبة خدت الكتاب ودخلت بيه الحمام تقراه تانى ومن غير قصد وصلت لهدف الكتاب ان التحضير والاستدعاء مش بيتم غير عن طريق النجاسة وطبعا مفيش انسب من الحمام
دخلت بالكتاب وفتحت تكمل اللي بدأته وفضلت تقرا كل حاجة بتمعن وثقة في الكتاب رهيبة وهى مقتنعة ب ان الكتاب ده هيكون سبب تغيير حياتها ومن تركيزها في الكتاب واللي بتردده وتقراه تقطع الكهربا وتسمع الصوت اللي يقولها انه حضر بسبب استدعائها له
الغريب بقى ان اي حد طبيعي موقف زى ده هيخلى الدم يجمد في جسمه لكن مع يسرا الموقف عكس خالص دى كأنها عازمة واحدة صحبتها مثلا فرحت جدا وحسيت انها قدرت توصل لنتيجة علشان يكمل الكائن اللي ظهرلها طلبتيني ايه سر طلبك
وكملت يسرا بمنتهى الثبات: عايزة فلوس كتير اوي
رد الكائن: انتى استدعتيني لكن مسخرتنيش لما تحبي توصلي للي انتى عايزاه لازم الاول توصلي لفك طلاسم كتابك واختفى الكائن ورجعت الكهربا لكن يسرا بقيت هتتجن طلاسم ايه وازاي هفكها طيب اتصرف ازاي انا بدأت مستحيل ارجع تاني طيب اجرب تاني اقرا يمكن لما يرجع الصوت اقدر اعرف منه ازاي افكها وهى عبارة عن ايه بالظبط
الباب خبط وسمعت صوت ابوها بيسأل ايه ياللي جوة هتبات ف الحمام ولا ايه طبعا بقيت هتتجن هتطلع ازاي بالكتاب فقررت تشيله وسط الغسيل في الغسالة وترجع تدخل بعد م ابوها ينام وخرجت وكالعادة ابوها سمعها كلمتين علشان بتتأخر في الحمام عموما لأنها كل مابتدخل فعلا بتطول مابالكم بقى بتحضر جن
سمعت الكلمتين ودخلت اوضتها حاولت تصحي اسراء علشان تحكيلها لكن رفضت اسراء تقوم علشان شغلها وسمعت صوت ابوها بيدخل اوضته والباب اتقفل طلعت تجري ع الحمام وفتحت الكتاب تاني وحاولت تقراه علشان الصوت يرجع تانى وفعلا الكهربا قطعت مرة تانيه بس مسمعتش صوت المرة دى لكن ظهرتلها كتابة باللون الاحمر على المراية ومكتوب عليها رموز غريبة وتحت الرموز اتكتب تعويذة اتكررت كتابتها ١٣ مرة وهي بتعيدها ال١٣ مرة كل مابتتكتب وهنا ظهرلها الكائن بنفسه ومن رعبها من منظره اغم عليها وهي في الحمام .
