رواية العملية الفصل الثالث 3 بقلم نانسي اشرف
خدني شوقي لقيتني بروح عندها
+
غمز عمر بعنيه لعزيز بمكر وهو بيغني بمتعة وكأنه وصل للي هو كان عايزه.
عزيز الي كان بيلف في المكان بيغيظ وتوتر واضح.
+
_ حد تاني سابقني وخد يدها.
+
مسكه من الجاكيت وضغط على اسنانه.
+
_ انطق وديت اختي فين
_ اما تطلع اختي اطلعلك اختك
_ هي بقت كدا ؟!!!! .. طيب
+
قعد ورا مكتبه وفضل مركز في عين عمر المبتسمة بتشفي.
+
_ كان حبيبها وغايب بقاله سنة وانهردا وصل على بختي أنا
+
***********************
_ قومي معايا !
+
دخل راجل بنيانه ضخم
كان بيشدني بقوة من دراعي وانا مش فاهمة في ايه
+
_ ايه دا نزل ايدك عني !
+
شدني بالعافية وطلعني، وفجأة لقيتني في الاوضة بين عمر أخويا الي قام جري ناحيتي اول ما دخلت
وبينه وهو بيشدني وبيبعدني عن اخويا.
وبدأوا يتكلموا مع بعض
+
_ عايدة فين يا عمر ؟
= ليلى تروح بيتها واطمن عليها وبعدين تشوف اختك
_ انت هتستغبط يالا
= والله دا الي عندي .. مش عاجبك ؟
+
رجع قعد على الكرسي بمنتهى اللامبالاة
+
= رجعها الحجز و رجعني انا كمان انا حتى بقا ليا حبايب كتير
+
وغمز في اشارة انه كشف الولد المخبر الي كان معاه في الحجز.
+
_ ماشي
+
عزيز بصلي في عيني وهو بيضغط على اسنانه
+
_ روّحي
+
فضلت باصة في عينه لحظات .. اول مرة اشوف عينه مكسورة بالشكل دا
بصيت ناحية عمر وهو بيدندن كلمات اغنية
وطلعت
+
***********************
+
_ اختي فين يا عمر ؟؟؟
_ اقعد عل مكتبك
+
راح قعد على مضدد
+
_ تحت المكتب هتلاقي كيس ملزوق فيه فلاشة .. طلعها وشغل الفيديو الي فيها.
+
فعلاً شغلها وشاف اخته وهي قاعدة في الصالة الكبيرة لفيلا واضح انها بتاعته.
الدم غلي في عروقه، بلع ريقه ووشه احمر وبصله يغيظ
+
_ انت هتستعبط يا روح أمك
_ متغلطش في أمي عشان مغلطش في امك وانت عارف اني بحبهاالست دي
+
قام عزيز من مكانه وحاول يمد ايده على عمر لكنه مسكه.
+
_ أختي فين ؟؟!!
_ انا قولتلك تروّح ليلي اخليك تشوفها .. وانت شوفتها.
_ عايز ايه يا شرقاوي
+
شاور في الهوا على هيئة طير _ اطير من هنا
_ نعم!!!!!!
_ زي ما سمعت
_ على جثتي
_ يبقى ترجعني الحجز و يا دار ما دخلك عمر
+
مكنش عارف يعمل ايه .. فضل يلف في مكانه ويدور وعمر مبسوط من الي وصله ليه.
عزيز ضغط على عنيه من الضغط والتفكير
اتنهد
+
_ ماشي يا شرقاوي ماشي ..
+
قرب من الكرسي بتاع عمر وهمس
+
_ وحياة أمي لأجيبك تاني
_ ابقي سلملي على خالتي بالله عليك
+
عض على شفايفه وبعد
وفعلاً عمر خرج من الحجز
+
***********************
فيلا الشرقاوي | التجمع
بعد الافراج بـ أسبوع.
+
_ عاملة دوشة وبتزعقي ليه مش عارف اتفرج على المسلسل!
+
قرب عمر منها وهي قاعدة على الارض مربوطة
+
_ احنا مش بنأكلك مولتو .. انتي عارفة المولتو بقا بكام
+
فضلت تهمهم وهو قعد جمبها على الارض وسط الرجالة والحرس بتوعه
+
_ بيبسي وجبنالك .. وجبة من ماك وطلبنالك مع ان البطاطس وصلت باردة .. ايه ! .. اييييه!!
+
قرب منها وشد بطاطس من الباكيت وكلها
+
_ هو انتي مبترديش ليه ؟!!!
+
سكت وركز في عنيها
+
_ عشان يعني حته لازقة على بوقك مش عارفة لا تاكلي ولا تشربي !!!
_ ....
_ دا انتي عجيبة جدا يا عايدة والله !
+
شد اللازقة من بوقها
+
= الحقونااااااااااي
+
مد عمر ايده للأكل الي قدامها وبدأ ياكل بلامبالاة وهي فضلت تصرخ.
+
= يا ناس! الحقوني .. خاطفناااااااي
_ عارفة يا عايدة احلى حاجة في زيد التجمع ايه
= ايه !
_ الخصوصية .. يعني مثلاً لو دفنتك مكانك محدش هيدخل
+
رن الفون جمبه ففتح
+
_ ايوه .. ايوه يا امو شروق .. ايه!!! .. البت بنتك اتطلقت ! .. شوف الناقص! .. كمان ؟ .. عشان زودت زيت في الاكل .. مهو بردو عنده حق ازازة الزيت غليت يا امو شروق .. والكليسترول والراجل صحته على قده ... اه يا حبيبتي يا شروق .. محسودة والله يا حجة محسودة .. ماشي يا حبيبتي .. هعدي عليكوا .. ابداً بعذب واحدة هنا هخلص دنيتي واجي نتفرج على فاينل ديستنيشن سوا .. في حفظ الله يا حبيبتي .. سلام .. سلام .. سلام .. سلام .. سلام.
+
قفل الفون ورجعلها مرة تانية
+
_ خصوصية .. بقولك خصوصية
= وانت عاوز تدفني ليه! .. انا عملتلك ايه
_ انتي!!! هو انتي بعنيكي دي تعملي حاجة لحد
+
قرب منها وهو بيسحف على الارض
+
_ لينسيز دي ولا عدسات
= سم .. دمك سم .. يا ربي يعني يوم ما اتخطف اتخطف من واحد دمه تقيل
_ دمي تقيل !؟
+
بص لرجالته بنظرة حزن طفولي _ انا دمي تقيل ؟
" لا يا باشا .. لا طبعاً
+
_ بقولك ايه يا قمر
= يا قمر ؟!!!!
_ انا عندي حل حلو
= حل لايه
_ انتي مقضياها صويت وصريخ وانا مقضيها
= مقضيها ايه
_ مقضيها مقضيها يعني مش هزار
