رواية امتلكت قلب صعيدي الفصل السابع والثلاثون 37 بقلم نرمين حمدي
صخر ووعد ركبوا العربيه الي اتصلحت
لتدخل الزوجه للغرفه وتجد مبلغ كبير علي السرير
الزوجه: الحجني ياحج
الزوجه: انا لجيت دول هنا شكلهم كديه نسيوهم
ليخرج الزوج بسرعه ويجدهم تحركوا ليشاور له صخر بيده
ليفهم الزوج انه هو تركهم ولم ينساهم ليدخل وبحزن: كأن ربنا عالم بحالنا وبعتلنا الناس دي من السما
الزوجه: يعني ايه ياحج
الزوج: يعني هما منسيوش الفلوس دي هما الي سابوها هنيه كنوع من الشكر
الزوجه: بس دا كتير جوي جوي واحنا معملناش حاجه نستحج عليها كل ديه
الزوج: مش بجولك ربنا مبينساش حد دلوجتي بجي تجدري تعملي العمليه وتبجي احسن من الاول والي هيفضل هرجعهاله تاني بس يارب اعرف الاجيه
ليذهب الزوج والزوجه الي المستشفي ليدفعوا وبيعرفوا ان العمليه هتم بشكل مجاني بدون اي تكاليف
انا هعيط ياجماعه
*****
في البيت الكبير
شمس جربت تنزل بس بتقدم خطوه وبترجع خطوتين لحد مأخدت القرار انها تنزل
لتصدم بكريمه
كريمه: انتي ايه منزلك هنيه
شمس: انا انا
كريمه: انتي اي لو هارون شافك هنيه هيبجي يوم مطلعلهوش شمس
شمس: انا زهقت من القعده لوحدي فوق عايزه اعرفكم وتعرفوني
كريمه: اسمعي يابت الناس احنا لا عايزين نعرفك ولا تعرفيني كفايه مشاكل بجي
شمس: انتي الست كريمه مش كدا؟
كريمه: وه وعرفتيني كيف عاد
شمس: من كلام هنيه عنك
كريمه: اممم وجالتلك ايه كمان الجذ*مه دي
شمس: دي قالت عنك كلام حلو اوي انا حبيتك من كلامها عنك ولما شوفتك حبيتك اكتر
لتبتسم كريمه: جدعه يابت شكلك بتفهمي ومش هتتعبيني ذي البنته البا*يظه الي هنيه
لتضحك شمس: لا دا انا اعجبك اوي
ليقاطعهم نزول حنان وهي بتعلي صوتها عشان هارون يطلع من اوضه المكتب: هوو انتي مش ناويه تجبيها لبر يابت الرجا*صه بتلفي عليهم واحد واحد ذي ملفيتي علي مروان وخطفتيه
شمس: انتي اي الي بتقوليه دا
كريمه: لميها ياحنان بدل م والله اجلع الي في رجلي وانتي عارفه الباجي
حنان: انتي كمان بدافعي عنها ياعمتي عرفت تضحك عليكي بكلمتين وتاخدك لصفها وياترا بجي جدي يعرف ولا لا
ليأتي أدهم من غرفته: في ايه يابت انتي عامله صداع ليه ع الصبح
كريمه: خدها من جدامي بدل مطلع عفاريتي عليها
أدهم بضحك: طلعيهم طلعيهم
كريمه: يارب ارحمني يارب الجيها منين ولامنين كرمتني ببت اخوي عجر*به وولدي اهب*ل
أدهم بأمر لحنان: علي فوج
حنان: وانت مالك انت عاد ملكش دعوه بيا
أدهم يمسكها من زراعها بقوه ويسحبها الي الاعلي وحنان بتقاومه بس مش بتقدر عليه
شمس بتفضل تضحك
كريمه بصرامه: وانتي كمان اتعدلي كفياكي ضحك
شمس بتوقف ضحك: حاضر حاضر
كريمه: بصي انتي شكلك كديه بت غلبانه وهبله نزولك هنيه مش هيعدي علي خير لو هارون شافك
شمس: طيب هو انا ممكن ادخل اتكلم معاه يمكن يفهمني
كريمه بخضه: يامري انتي عايزه البيت يجلب حريجه دا كان بندجك انتي فكراه مروان ولا ايه
شمس: الظاهر ان الموضوع اصعب مما تخيلت
كريمه: روحي دلوجتي علي اوضتك وهنبجي نشوف حل للموضوع ديه
***
في غرفه حنان
أدهم بيدخلها غصب عنها وبيدخل هو ويقل الباب وراه
حنان: انت كد الي انت هتعمله ديه
أدهم: كده عايزه ايه بجي
حنان: اطلع برا
أدهم: يابت انتي ماشيه تخبطي في الكل كديه محدش عارف يلمك ليه
حنان: وانت بجي الي هتلمني؟
أدهم: وألم عشره ذيك
ليجذبها أدهم من يدها للخائط ويحاوطها بيده: ايه مش مصدجه تحبي اثبتلك
حنان: انت هتعمل ايه ابعد عني كديه
أدهم: صوتك ميطلعش
حنان: لا هيطلع
أدهم اقترب منها حتي وضع قبله خفيفه علي خدها وبغزل: عجبال الباجي يارب
حنان بتعيط: والله لانا جايله لجدي ياحيوا*ن انت
أدهم: لو عايزاني انزل انا اجوله مفيش مانع واهو نداري علي الفضيحه واتجوزك ونخلص
حنان: تتتتجوزني دا بعدك اوعي كديه
أدهم يمسح علي شعره: والله مانتي متجوزه حد غيري ياتبجي ليا يامتنفعيش لحد واصل
حنان: يعني ايه منفعش لحد ان شاء الله ناجصني يد ولا رجل
أدهم بغزل: مهي الحاجات دي مبتتشرحش
حنان بصدمه اتسعت عنيها وحطت ايدها علي بوقها: انت جلي*ل الادب اطلع برااااااااا
ليضحك أدهم ثم يخرج من غرفتها
*****
لتضع حنان يدها علي مكان القبله وتبتسم ثم تعود لطبيعتها: حيوا*ن
ليرجع أدهم مره اخري: كلمه كمان وهوريكي الحيوان ديه هيعمل فيكي ايه
****
وعد: سوق براحه مش لازم السرعه دي
صخر ببرود: متجي تسوجي مكاني أحسن
وعد سكتت وفضلت باصه علي الشباك لحد موصلو
وعد نزلت ودخلت البيت الكبير
كريمه: جيتي ياغندوره اتأخروتوا ليه كديه
وعد قعدت: اسكتي ياعمتو علي الي حصلنا لا يتقال ولا يتحكي
كريمه: ولا حبيتوا تجضوا يومين عسل كديه
وعد: عمتوووووا الله بنت اخوكي صاغ سليم عيب عليكي
كريمه: يافرحتي بيكي يافرحتتتتتتي
ليدخل صخر ويصعد للغرفه
وعد: بقولك ايه هي العروسه فين
لتأتي صفيه: محبوسه في اوضتها ياعيني
وعد: اي دا طيب متقوليلها تنزل عايزه اشوفها
كريمه: لا سيبوها احنا مش ناجصين مشاكل
وعد: خلاص هروحلها انا هو مروان هنا
صفيه: تعالي هروح معاكي مروان خرج
كريمه: اتلم المنحو*س علي خايب الرجا ربنا يستر علي البنيه
وعد: هغير هدومي في السريع وجايه
*******
عند ساره
زين لساره: انا اسف لو مجيتي هنيه ضايجتك بس انا كلمتك كتير وانتي مبتروديش
ساره: لا لا لا حضرتك تنور في اي وقت
زين بابتسامه: ممكن اعرف اختفيتي فجأه ليه مبجتيش تيجي للمتحف
ساره: اليومين الي فاتو دول كنت مشغوله في شويه حاجات كدا فمقدرتش اجي
زين: طيب انا كدا اطمنت بس ابجي ردي علي الموبايل
ساره: احم حاضر
ليخرج زين من البيت وتمسكها ليلي من زراعها: تعرفيه من فين يابت انطجي
ساره: في اي ياعمتي اتقابلنا صدفه وهو الي اشتري اللوحه بتعتي
ليلي بغضب: انتيييي عارفه مين ديه
ساره: معرفش غير ان اسمه زين
ليلي: دا زين هارون الدمنهووووري عارفه يعني ايه الدمنهوري
ساره بصدمه: يعني دا الي انتي متورطه مع عيلته
ليلي: بالظبط كديه ياختي
ساره: خلاص ياعمتي دا مجرد واحد اشتري لوحتي انا ممكن اقوله ميجيش هنا ولا يكلمني تاتي
