رواية الهروب الي المجهول الفصل الثالث والثلاثون 33 بقلم أروي عادل

رواية الهروب الي المجهول الفصل الثالث والثلاثون 33 بقلم أروي عادل 

إيلا ٠٠٠( بفرحه قالت ) بجد هتسيبهم

عمار ٠٠٠ طبعآ. عشان خاطرك انا ممكن أعمل أي حاجة . بعدين قدر تتقدر

إيلا ٠٠٠ يعنى ايه

عمار٠٠٠ يعنى انتى عارف البيت بكره الصبح تكونى عندى لوحدك .. نتفاهم و نتراضا وكل واحد ياخد من التانى إللى عايزه

إيلا ٠٠٠ حاضر انا هاجى لوحدى

ثم انتبهت ماذا قال عمار لذلك كملت كلامها وقالت

إيلا ٠٠٠ تقصد أيه . بكل واحد ياخد إللى عايزه

عمار ٠٠٠ أنتى ذكية و فاهمه انا اقصد ايه بكره الصبح الساعة ١٠ تكونى عندى لان الساعة لو جات ١١ و ماجتيش . انا هخفى. العيال مش هتشوفيهم تانى طول حياتك

إيلا ٠٠٠( بخوف قالت ) لاء هاجى عمار استنا

لم يسمعها عمار لانه أغلق الخط بعد ما قال جملته

(انتهت المكالمة )

دارت آيلا وجهها بعد موضعت السماعة مكانها بحزن

هنا شهقت عندما رأت الواقف امامها بعيون بالون الد،م تكاد تشتعل و عروق بارزه من شدت الغضب

إيلا ٠٠٠ ( بأرتباك قالت) عمر .. واللهى انا كنت بكلم كريم . هو إللى اخد منه السماعة و كلمنى

عمر ٠٠٠( بصوت مخيف قال) هتروحيله

هنا اتأكدت ان عمر سمع المكالمة كلها لذلك قالت بخوف من غضب عمر

إيلا ٠٠ هو قالى انه.......

قطع عبارتها وهو يصرخ بها بغضب ويقول

عمر ٠٠٠ أنا مايهمنيش هو قال ايه ..انا يهمنى انتى قولتى ايه

انتفضت إيلا من صراخ عمر بها و بخوف قالت

إيلا ٠٠٠ عمر براحة انا كنت هقولك واللهى

عمر٠٠٠ امتى بعد متروحى له بكره صح

إيلا ٠٠٠ اسمعنى بس

هنا مسكها عمر من ذراعيها بقو،ة قبل أن تكمل عبارتها وقال

عمر ٠٠٠ لو انا ماكنتش سمعت المكالمة. كنتى هتخبى عليا مش كده .

إيلا ٠٠٠ أه ه ه براحه يا عمر دراعى بيو،جعنى

عندما رأه عمر الألم وضح على ملامحها تركها

وقال

عمر ٠٠٠ كنتى هتروحى له و انتى عارفه هو عايز منك ايه .مش كده

إيلا ٠٠٠ عمر انا خايفه على كريم و كارما

عمر ٠٠٠( بغضب مخيف قال) يعنى انتى مستعده تعملى إللى عمار عايزه عشان خاطر الولاد

إيلا ٠٠٠ لاء لاء .. عمر انا مش ممكن أعمل حاجة زى كده مستحيل المو،ت عندى ارحم. انا بس كنت هتكلم معاه يمكن نوصل لحل

عمر ٠٠٠ يبقى بتضحكى على نفسك.. انتى عارفه كويس هو عايز منك . عارفه كمان انه بيستغل حبك للولاد عشان يضغط عليكى

هنا جاءت نفين عندما سمعت صوت زعيق عمر

نفين ٠٠٠ فى ايه صوتكم عالى ليه

عمر ٠٠٠ أسألى بنتك عشان انا جبت أخرى منها

نفين ٠٠٠ فى ايه يا إيلا

تطلعت إيلا فى نفين بصمت لذلك قال عمر

عمر ٠٠٠ اتكلمى ساكته ليه . بلاش اتكلم انا

الهانم اتفقت مع عمار انها تروحله بكره

نفين ٠٠٠ صح الكلام ده يا إيلا ....اتكلمى ساكته ليه . عايزه تروحى ل عمار .انتى مش عارفه عايز منك ايه

إيلا ٠٠٠ ( ببكاء قالت) طيب يعنى اعمل ايه أسيبو ياخد الولاد منى . مش هستحمل الولاد يبعدوا عنى

عمر ٠٠٠ كل إللى بتفكرى فيه كريم و كارما طيب و أبنك مابتفكريش فيه ليه

إيلا ٠٠٠ ابنى معايا فى حضنى

عمر ٠٠٠ كمان عمار ولاده فى حضنه

إيلا ٠٠٠ايه إللى بتقولو ده

عمر ٠٠٠ الحقيقة اللى متقدريش تغيريها

عمار يبقى أبوهم .همآ دلوقتى مع أبوهم

إيلا ٠٠٠ أنت إللى بتقول كده٠ وانت لسه قايل انه بيستغل الولاد

عمر ٠٠٠ خلاص خليهم يعرفوا أبوهم على حقيقته .لانهم هيجوا فى يوم هيسألوا فين أبوهم ساعتها هتقولى ليهم ايه

نفين ٠٠٠ عمر عندو حق ..و خدى نفسك مثل جلال بعدك عنى سنين .. و يوم محتاجتى مساعدة دورتى على عليا .على أمك

إيلا ٠٠٠ ماما . عمار هددنى انه هيخفى الولاد مش هعرف أشوفهم تانى

نفين ٠٠٠ ده بيقول كده بس كان يضغط عليكى

إيلا ٠٠٠ طيب افرض انه بيتكلم بجد . انا مش هخاطر بالولاد

عمر ٠٠٠ يعنى انتى عايزه ايه دلوقتى

إيلا٠٠٠ أروح اتكلم مع عمار و احاول اقنعوا يدينى الولاد

نفين ٠٠٠ أنتى مجنونه تروحى فين

عمر ٠٠٠( قال بغضب) طيب اسمعى بقى لو روحتى ل عمار يبقى متلزمنيش تانى

اتسعت إيلا بذهول من تهديد عمر لها

نفين ٠٠٠ فى ايه يا عمر براحه مش كده

إيلا ٠٠٠ أستنى حضرتك يا ماما ... عمر انتى تقصد ايه بكلامك ده

عمر ٠٠٠ يعنى لو روحتى عند عمار تبقى طالق

قال جملته و صاعد لغرفته و ترك إيلا مصدومه و مقهوره .. دى أول مره ينطق عمر هذه الكلمة .رغم أن إيلا طلبتها كثير قبل ذلك لكنها لم ينطقها ولا مره

نفين ٠٠٠ عجبك كده استريحتى لم وصلتى جوزك للمرحله دى

إيلا ٠٠٠ هو انا عملت ايه كل ده عشان خايفة على كريم و كارما

نفين ٠٠٠ لاء يا إيلا . انتى جر،حتى كرامته كراجل أزاى عايزه يقبل تروحى لعمار وهو

عارف متأكد عمار عايز منك ايه

إيلا ٠٠٠ وهو كمان عارف متأكد .انى مش حسمح ل عمار يلمس شعره منى

نفين ٠٠٠ مين قال ان عمار هيستناكى

تسمحي له يلمسك أو متسمحيش .. انتى شكلك نسيتى آخر مره كنتى عنده كان هيعمل فيكى لولا تدخول عمر و انقاذك فى الوقت المناسب..

إيلا ٠٠٠ بس قلبى أكلنى على الولاد . وفى نفس الوقت مش عايزه اخسر عمر

نفين ٠٠٠ يبقى تسيبى عمر هو إللى يتصرف

أسمعى يا إيلا واحد غير عمر كان قال انا مالى و سابك تغرقى فى مشاكلك. بس عمر معملش كده بالعكس هو بيعمل المستحيل عشان يطلعك من قضية السر،قة و كمان يرجعلك الولاد . كل ده بيعملو عشان بيحبك فبلاش تضغطى عليه اكتر من كده.

إيلا ٠٠٠ أنا اضغط عليه يا ماما

نفين ٠٠٠ آمال إللى بتعمليه فيه ده اسمه ايه

عايزه تروحى ل عمار و انتى عارفه أد ايه عمر بيغير عليكى و خصوصآ من عمار لانه عارف نيته ايه من ناحيتك

إيلا ٠٠٠ بس انا مافكرتش فيها بالطريقه دى

يمكن خوفى على الولاد خلانى مش عارفه افكر صح

نفين ٠٠٠ يبقى تروحى تراضى جوزك . لأنك مش هتلاقى حد بحبك أده

هزت إيلا رأسها بنعم ثم ذهبت لغرفتها

◇◇◇◇◇◇◇◇◇◇◇□□□□□□

فى غرفة عمر و إيلا

عندما دخلت الغرفة كان عمر واقف يتطلع من الشرفة.و هو يدخن سيجاره وينفخ دخانها بغضب

كان شارد لم ينتبه ل إيلا عندما دخلت الغرفة

ظلت إيلا تتأمل بعمر الذى كان يبدو على ملامحه الغضب و التذمر

لذلك اقتربت إيلا منه و حضنته من ظهره و قالت

إيلا ٠٠٠ أسفه ..

عندما شعر عمر بحضنها الدافئ و سمع أعتذارها . تبدلت ملامحه و خصوصآ بعد ما ضمته إليه أكثر وقالت

إيلا ٠٠٠ عمر انا بحبك

كانت هذه الكلمة كانت كفيله بأن تضرب غضب عمر عرض الحائط

لذلك استدار وجه له ثم ضمها لصدره وقال

عمر ٠٠٠ وانا بعشقك بجنون و بغير عليك حتى من الهوا .لانه يقدر يدخل صدرك وانا لاء

إيلا ٠٠٠ لدرجة دى بتحبنى. برغم كل إللى عملته فيك

إخذ نفس طويل بتنهيدة وقال

عمر ٠٠٠ واكتر . لدرجة انى ساعات بسأل نفسى .هو حبى ليك حب عادى و عشق .ولا نوع من أنواع الجنون.

خرجت إيلا من حضنه وقال بمكر

إيلا ٠٠٠ يا سلام إللى يشوفك وانت بتقول الكلام ده .. ما يشوفكش لم بتتعصب عليه

او لما بتزعل منى

عمر ٠٠٠ مش بيقولوا على أد الحب بيكون ازعل و الغضب

إيلا ٠٠٠ كمان بيقولوا إللى بيحب بيسامح

عمر ٠٠٠ ماهو مش كل حاجة نقدر نسامح فيها..

إيلا ٠٠٠ لدرجة انك ممكن تسيبنى

عمر ٠٠٠ ماهو بردوا ماينفعش تيجى على رجولتى يا إيلا

إيلا ٠٠٠ عمر انا عمرى ما اعمل كده

عمر ٠٠٠ مجرد تفكيرك انك تروحى ل عمار

ده حاجة تد،بح رجولتى

إيلا ٠٠٠ أسفه يا عمر واللهى انا خوفى على كريم و كارما خلانى مش عارفه افكر صح

عمر ٠٠٠ عارف بس مش عايزك تخافى

إيلا ٠٠٠ بس انا..

قبل أن تكمل كلمتها قال

عمر ٠٠٠ إيلا انتى بتثقى فيا

إيلا ٠٠٠ طبعآ و اكثر من نفسى كمان

عمر ٠٠٠ يبقى تتأكدى انى هرجعلك الولاد فى خلال أسبوع.. كمان هطلعك من قضية السر،قة .. و إللى اسمها كوثر دى انا هسجنها ده وعد منى

إيلا ٠٠٠ طيب ازاى

عمر٠٠٠ ده شغلى انا بقى . . انتى بس ارتاحى و التفرجى عليا انا هعمل ايه. وحياة حبك كل واحد أذاكى أو جيه عليكى او كان سبب فى دمعه من عينك هيدفع التمن و غالى أوى .انا عارف ان انا كمان كنت من الناس إللى أذيتك. بس انا دفعت التمن يوم ما......

قطعت جملته و هى تضع يديها على فمه لمنعوا من الكلام و قالت

إيلا ٠٠٠ ششش ولا كلامه حبك مسح جوايا أى حاجة تانى

هنا التهم عمر شفتيها بقبله تبث فيها عشقهم وحبهم لبعض ..

◇◇◇◇◇◇◇◇◇◇◇◇◇◇□□□□□□

صباح اليوم التالى

بعد ما انتهوا من تناول الفطار جلسوا يحتسون القهوة و يتحدثون .إلى أن وصلت الساعة ١١ و نصف

هنا رن هاتف الارضى . عندما ردت الخادمه قالت

( بداية المكالمة )

الخادمة ٠٠٠ الوو

عمار ٠٠٠ أدى السماعة ل إيلا

الخادمة ٠٠٠ نقولها مين حضرتك

عمار ٠٠٠ أديها السماعة وهى هتعرف لوحدها

جاءت الخادمة وقالت ل إيلا

الخادمة ٠٠٠ إيلا هانم فى تليفون عشانك . بس مرضاش يقول اسمه

نظرت إيلا ل عمر هى تعلم جيدآ من هو المتصل

و عمر ايضآ لذلك قال

عمر ٠٠٠ أنا هرد ...

ذهب عمر لكى يرد على الهاتف و خلفه ايلا

قبل أن يرد على الهاتف قال عمار بغضب

عمار ٠٠٠ أنتى غلطى أكبر غلطه فى حياتك

لماجتيش النهاردة لأنك عصبتينى. أسمعى....

قطع عمر عبارتها وقال

عمر ٠٠٠ فى ايه براحه على نفسك شوية

عمار ٠٠٠ أنت ازاى بترد عليا

عمر ٠٠٠ آمال انت فاكر مين هيرد عليك

عمار ٠٠٠ تمام يبقى بلغ الهانم مراتك انها تنسى العيال خالص

عمر ٠٠٠ ( بسخريه و برود قال) أوكى. خدهم. أو بلهم و أشرب ميتهم . دول ولادك وانت حر فيهم

عمار ٠٠٠ ده كلامك انت..انما الست إيلا اكيد ليها كلام تانى خالص

عمر ٠٠٠ لاء متقلقش ده كلام إيلا بردوا . هى دلوقتى عندها ابنها محتاج كل اهتمامها. مش عايزه حد تانى يشاركها اهتمامها فى ابنها

كانت إيلا تنظر ل عمر بأستغراب من ما يقوله لكن عمر وضع يده على وجهها ليطمئنها

عمار ٠٠٠ انت كداب انا عارف إيلا كويس اوى استحالة تسيب الولاد مهما حصل

عمر ٠٠٠ غريبه يعنى انتى هتعرف مراتى اكتر منى . على العموم تحب إيلا هى تقولك الكلام ده بنفسها انا معنديش مانع

عمار ٠٠٠ و ماله اكلمها لانى مش مصدقك

عمر ٠٠٠ تمام ثوانى انادى عليها

همس عمر ل إيلا انها تقول نفس كلامه

ثم تصنع انه بينادى على إيلا حتى يسمعوا عمار ثم وقال

عمر ٠٠٠ إيلا . حبيبتى ممكن تيجى هنا . كلمى عمار و قوليلو انتى قررتى ايه بخصوص الولاد

اخذت إيلا السماعة من عمر وقالت وهى تتألم برغم ان ما ستقوله ليس حقيقه لكنه كان صعب عليها قوله

إيلا ٠٠٠ ايوه يا عمار

عمار ٠٠٠ سمعتى إللى قاله جوزك

آيلا ٠٠٠ عمر قال إللى انا عايزه اقوله بالظبط

عمار ٠٠٠يعنى ايه انتى مش عايزه العيال تانى ايه كرهتيهم فجأة . ايه انتى فاكرانى هصدقك الهبل ده

إيلا ٠٠٠ لاء انا عايزهم . لسه بحب الولاد .بس مش اكتر من ابنى و جوزى .فى الاخر كريم و كارما ولادك و انت أبوهم أوله بيهم منى

( إنتهت المكالمة)

قالت جملتها ثم وضعت السماعة مكانها لتغلق الخط و ترتمى فى حضن عمر و هى تبكى

لذلك قال

عمر ٠٠٠ ششش أهدى متخافش . خليكى واثقه فيا

إيلا ٠٠٠ طيب فهمنى ليه قولت كده

عمر ٠٠٠ افهمك عمار عارف ان الولاد نقطت ضعفك عشان كده بيضغط عليكى بيهم . لكن بعد الكالمة دى هيخرج الولاد من حساباته خالص

إيلا ٠٠٠ يعنى مش ممكن يأذيهم

عمر ٠٠٠ إيلا أوعى تنسى انه بردوا أبوهم

كمان انا عامل حسابى على كل حاجة.. ومخلى واحد من رجالتى عينه على الولاد متخافيش

إيلا ٠٠٠ شكرآ يا عمر انا مش عارفه من غيرك كنت عملت ايه

عمر ٠٠ ( قال بمكر) شكرآ حاف كده يا خسارة تعبى

هنا قبلته إيلا من خده لذلك قال

عمر ٠٠٠ أيه ده هو انتى بتبوسى ابنك الصغير البوسه بتكون كده

ثم جذبها من خصرها ليقربها اليه و قامه بالتقط شفتيها بقبله رقيقه ناعمة . ثم ازدادت قبلته قوة عمق. ناسي تمامآ أنهم ليس فى غرفتهم .. استيقظوا من ما كانوا يفعلوا على صوت

عزت ٠٠٠ احممم احممم

اتسعت عين إيلا عندما رأت عزت امامها

لذلك خافضت رأسها للأرض وقالت بخجل

إيلا ٠٠٠ أنا رايح اشوف أدم

قالت جملتها وذهبت لغرفتها هى تشعر بأحراج شديد لذلك قال عمر ل عزت

عمر ٠٠٠ فى ايه يا بابا كسفتها

عزت ٠٠٠ واللهى انتو مش ليكم أوضه تعملوا فيها الحاجات دى

عمر ٠٠٠ ( بأحراج قال) خلاص بقى .. اه صح انا لازم امشى دلوقتى عشان اتأخرت على الشغل

عزت ٠٠٠ اه اهرب اهرب

◇◇◇◇◇◇◇◇◇◇◇◇◇□□□□□□□□

فتى نفس الوقت

منزل كوثر

~~~~~~~~~

كان الشر يتطاير من عينه من شدة غضبآ بعد ما انهى مكالمته مع إيلا وعمر . لذلك قالت كوثر

كوثر ٠٠٠ ما تهدى بقى اكيد بتعمل كده عشان تعصبك . انا عارفه ان روحها فى العيال

عمار ٠٠٠ الكلام ده قبل ما تتجوز و تخلف.

كوثر٠٠٠خلاص بقى طلعها من دماغك و انسها

عمار ٠٠٠ على جثتي انا مش هسيبها لو آخر يوم فى عمرى

كوثر ٠٠٠ يابنى هى كده كده هتتحبس .

عمار ٠٠٠ اه صح عملتى ايه مع جلال

كوثر ٠٠٠ جاله الاستدعاء و آنا طبعآ خبيته عنه .

عمار ٠٠٠ يعنى هو مايعرفش حاجة عن القضية ولا انه مطلوب بكره للشهادة

كوثر ٠٠٠ ولا اى حاجة

عمار ٠٠٠ خليه كده نايم فى العسل .. وانا كمان بكره أديله تذكرة هيروين يخليه ينسى حتى اسمه.. و تورينى بقى الست إيلا هتطلع منها ازاى من غير شهادة جلال

◇◇◇◇◇◇◇◇◇◇◇◇◇□□□□□□□

اليوم التالى

قسم الشرطة

مكتب التحقيق

~~~~~~~~~~~~

صممت نفين .عزت يحضروا مع إيلا التحقيق كما كان مروان حاضر بصفته محامى إيلا

بينما كوثر كان معاها عمار و المحامى

عزت ٠٠٠ مروان آمال فين عمر

مروان ٠٠٠ زمانه جاى . هو قالى عنده مشوار هيخلصه و هيجى على طول

آيلا ٠٠٠ هو ده وقت مشاوير

نفين ٠٠٠ معلش الغايب حجته معاه

هنا قال العسكرى

العسكرى ٠٠٠ كوثر رشاد عبدالعاطي

كوثر ٠٠٠ أنا يا شاويش

العسكرى ٠٠٠ أدخلى يلا دورك

داخل مكتب التحقيق

الظابط ٠٠٠ اسمك و سنك و عنوانك

بعد ما عرفت كوثر عن نفسها قال الظابط

الظابط ٠٠٠ لسه مصره على أقوالك أن المدعى عليها إيلا جلال محمود الصاوى قامت بسر،قت منك مبلغ قدره ١٥٠٠٠٠ الف جنية بعد ما قامت بتخديرك انتى و باقى أفراد أسرتك .. ثم فرت هاربه

كوثر ٠٠٠ طبعآ يا باشا مصره و مصممه كمان

الظابط ٠٠٠ بس مش ده كلام المدعية عليها

بتقول انها اخدت ١٥٠٠٠ الف بس من فلوس والدها كمان

كوثر ٠٠٠ ماهى طبيعى تنكر اكيد مش هتقول انها سر،قتنى يعنى

الظابط ٠٠٠ يعنى الفلوس ماكنتش تخص والدها جلال محمود الصاوى

كوثر ٠٠٠ لاء دى كدابه دى فلوسى . و اساسآ أبوها متبرى منها .من ساعة ما سر،قت الفلوس و هر،بت

الظابط ٠٠٠ طيب فى اتهام متوجه لحضرتك من عمر عزت القاضى بيقول فيها انك قدمتى بلاغ كيدى ضد زوجته إيلا جلال الصاوى

انتقا،مآ منها لانها اتهمت ابنك بق،تل شقيقتها

كمان طلب تعويض لأنك حاولتى تشويه سمعة زوجته و التشهير بأسمها و ابتزازها

كوثر ٠٠٠ دى بيكدب يا باشا و آنا هنت،قم منها ليه اذا كان ابنى طلع براءه من قضيه دى انا هبتزها ازاى هو كنت اعرف ساعتها انها هنتجوز واحد غنى

الظابط ٠٠٠ تمام أمضى على أقوالك.

و استنى بره

امام مكتب التحقيقات

بعد ما خرجت كوثر كانت تنظر إلى إيلا و نفين بشماته و خصوصآ لما قال العسكرى

العسكرى ٠٠٠ جلال محمود الصاوى. فين جلال محمود الصاوى

هنا قالت كوثر ل عمار وهى تضحك بش،ر

كوثر٠٠٠ خليه ينادى لصبح ماحدتش هيرد عليها

هنا تذكر عمار عندما أعطى جلال تذكرة الهير،وين و تركه فى عالم تانى عالم كله أوهام بعيد كل البعد عن أرض الواقع

هنا اقتربت كوثر من إيلا و نفين وقالت

كوثر ٠٠٠ هههه أوعى تتأملى ان جلال ممكن يجى أو يشهد فى صفك هو اساسآ مش

عايز يشوف و شك ولا وش امك ٠هههههه . طول عمرك فرحانه بجمالك أوى ياترى هتبقى جميله بردوا بلبس السجن هههه

ثم ضحكت كوثر بصوت عالى لكن فجأة قطع ضحكاتها رؤيت جلال برفقت عمر امامها

الرابع والثلاثون من هنا

تعديل المقال