رواية عشق الليث وغرام الفهد الفصل الثالث والثلاثون 33 والاخير بقلم اسراء زغلول
الحلقة الأخيرة من رواية عشق ليث وغرام الفهد
بعد شهر
غرام رجعت البيت والكل فرحان بكنان الصغير ابن فهد اللى خلى الكل يتعلق بيه بسهوله
اما وعد وديمه فى خلال الشهر ده كانوا بيجهزوا حاجات الفرح بتاعهم
واخيرا انهاردة فرح عمر و ديمه وحازم و وعد
عمر.... انهاردة فرحى يا جدعان عايز كله يبقى تمام هتجوز هاتجوز
الكل ضحك عليه
ليث.... ما تعقل يلا فيه ايه
عمر..... هو أن بقى في عقل اخيرا هتجوز المزه بتاعتى
فهد.... مزه والله ألفاظك بيئة زيك بظبط
عمر بحرگه كوميديه.... لو مش عجبك طلقنى
فهد... كمان كلمه يا عمر وحيات امك هخليك بدل ما تدخل دنيا تخرج منها
عمر.... لا وعلى ايه الطيب احسن
احمد... ربنا يهديك يا عمر، طيب ما حازم قاعد عاقل اهو هو كمان هيتجوز
حازم..... اه انا بحافظ على شوية العقل اللى عندى علشان وعد لما تبقى مراتى هتطير الربع اللي فاضل
الكل ضحك
عشق.... بس يا بابا هو فيه اعقل من وعد
حازم.... اه طبعا مش صحبتك لازم تدافعى عنها
ليث بغيط من حازم وعشق
ليث حط ايده على كتف عشق وشدها ليه جامد .... خلصنا وانتى يا هانم ركزى معايا انا بس وانت متتكلمش مع مراتى أحسسلك انا بقولك اهو
عشق. ... يا يخرابى على العسل اللى بيغير من الهوى عليا
ليث..... انا بقول كفايه قعده معاهم كده ونطلع علشان احكيلك حدوته حلوه اوى
عشق.... بطل بقى يا ليث عيب اللى بتقوله ده.
عمر قرب منهم..... ما تعلو صوتكوا شويه بطلوا الصوت الواطى ده علشان كلنا نعرف بتقولو ايه وبالمره يمكن نستفيد من كلامك يا برنس
ليث بمكر ... حاضر انت تؤمر هو احنا عندنا كام عمر يعنى قرب بس اقعد جانبى علشان اقولك
عمر جاى يقعد جانب ليث علشان يمسكه ف عمر، خد باله وجرى
ليث قام وراه وكمان فهد وحازم
عمر.... يالهووووووى وحيات عيالك يا شيخ بلاش ضرب انا حتى عريس
ليث هو بيجرى وراه.... وحيات امى انا هنفخك امسك معايا يا فهد الواد ده علشان اتخنقت منه
فهد.... وانا كمان اتخفنت منه
ليث..... اقف يلا بقى
عمر هو بيجرى..... ليه انا استغنيت عن نفسي
احمد.....خلاص يا ولاد بقى تعالوا اقعدوا
فهد.... حاضر يا حاج تعال يا ليث
ليث... ماشى ابوك انقذك المره دى كنت عايز اطلع عينك
عمر.... خليها مره تانيه بقى
الكل ضحك عليهم
ليث قاعد بينهج من الجرى
عشق بصوت واطى ..... شكلك كبيرت يا ليث مش بقيت اقادر تجرى شويه
ليث بواقحه..... طيب ما تيجى نطلع فوق اعرفك ان كنت كبيرت ولا لا
عشق.... طول عمرگ قليل الادب يا حبيبي
ليث.... يخربيت كسوفك ده يا شيخه وبعدين لسه بتكسفى وانتى حامل منى اهو
وحط ايده على بطنها
غرام..... يلا يا عشق نطلع نجهز حاجاتنا علشان نروح للبنات الفندق بقى
عشق.... اه يلا
ليث بص لفهد وغمز ليه فهد فاهم هو قصده ايه...... اه وماله اطلعوا اجهزوا واحنا هنطلع نجهز معاكوا بعد اذنكوا يا جماعه
حازم..... ما تتأخرش عشان نجهز احنا كمان هنلحق نروح للبنات
فى الفندق اللى فيه البنات علشان يجهزوا للفرح
ديمه..... لا لا لا يمكن مش هتجوز انا غيرت رأيى
امل ام ديمه..... نعم يا روح امك مش ده عمر اللى كنتى هتموتى وتتجوزى
ديمه.... لا انا غيرت رأيي جواز ايه بس ما انا سنجل وعسل اهو اتجوز واشيل مسئولية ليه
امل..... بت تقومى أجهزي علشان الميكب ارتست زمانها جايه وبطلى جنان
وعد خرجت من الحمام لقيت ديمه رايحه جايه فى الاوضة
وعد..... مالك يا ديمه دوختيني اتهدي بقى
ديمه...... بصى انتى اتصلى بحازم يقول لعمر انى رجعت فى كلامى
وعد..... اهدى بس مالك فيكى ايه
ديمه.... مفيش بس مش عايزه اتجوز
وعد.... طيب اهدى طيب
ممكن يا طنط امل تسيبينا شويه لوحدنا
امل.... حاضر بس ادخل الاقيها عقلت كده بدل ما الشبشب يا روح امك هو اللى هيعقلك
وعد بعد ما امل خرجت..... امك دى عنيفه اوى
ديمه.... اه جدا انا عارفها مفترية
وعد بضحك..... طيب اقعدى يا هبله مالك بقى
ديمه.... مش عايزه اتجوز
وعد..... ايوه فهمت مش عايزة تتجوزى ليه بقى ايه الاسباب
ديمه.... خايفه
وعد....... خايفه من ايه
ديمه اتكسفت .... خايفه وخالص
وعد..... ههههههه فهمت بس عمر بيحبك ودى اهم حاجة و عمره ما هيعمل حاجه تخوفك من الموضوع اهدي انتي بس كده وقومى نجهز علشان امك هتضربك بالشبشب لو دخلت وانتى لسه قعده كده وبصراحه هيبقى شكلك قمر وانتي عروسة والشبشب بتاع الحاجه معلم على وشك 
ديمه..... حاضر يا ام عيون خضراء انت يا جميل يا بختك يا حازم بالصاروخ دا
وعد.... والله مجنونه زى عمر بالظبط
اما عند فهد فى الجناح بتاعه
غرام..... علشان خاطري يا فهد خلي كنان معاك
فهد...... لا
غرام قربت منه..... وحياتي عندك يا فهد
فهد قرب وباسها..... وحياتك عندي ما انتى خارجه من الباب ده غير على الفرح
غرام اتصدمت.... ايه
فهد قرب منها اوى..... اه يا حبيبتي اصل افتكرت حاجه عايزه اقولهالگ قبل ما كنان يصحى من النوم
غرام بعدت عنه..... لا كده كتير انت قليل الادب على فكرة
فهد مسك ايدها...... هو انتى كل ده متعرفيش اني سافل ومش متربي كمان 
تعالي بقى اقولك الكلام المهم
تعالي بقى اقولك الكلام المهم وبدا يبوس فيها وغرام خلاص نسيت كل حاجة معاه
غرام.... فهد
فهد.... عيون وقلب وروح فهد.
غرام بصوت واطي.... بطل بقى كنان معنا في الأوضة
فهد..... ابطل ايه بس انتى واحشني اوى وبعدين انا ما صدقت ان ابن الكلب ده نام من ساعة ما ولدتي وانا مش عارف اقرب منك بسببه
غرام.... فهد
فهد باسها علي شفايفها وراحوا فى العالم الخاص بيهم هما وبس
اما عند ليث
قاعد ماسك الفون بتاعه وقاعد على السرير
عشق واقفه مش عارفه تلبس انهي فستان
عشق..... يا ليث تعالي اختار معايا الفستان اللى هلبسه بليل
ليث..... انتى تؤمرينى يا قمر
عشق..... ايه رايك فى ده
عشق اختارت فستان احمر جميل جدا
ليث...... طيب ادخلي البسي كده خليني اشوفه عليكي
عشق لبست الفستان وكان تحفه عليها ليث اول ما شافها كده اتجنن
عشق....... تعال يا ليث اقفل السوسته بتاعت الفستان
ليث...... انتي تؤمري يا قمر
ليث بدل ما يقفل السوسته فضل يبوس في ظهرها ورقبتها
عشق بعدت عنه...... انت بتعمل ايه يا مجنون
ليث....... تعالي بس خليني اعمل الطقوس اللي قبل قفل السوسته
عشق جريت من قدامه...... اعقل يا ليث هنتأخر كده علي البنات
ليث مسكها من ضهرها وشالها وراح السرير...... والله ابدا لازم نعمل الطقوس
وبعدين راحوا هما كمان فى العالم الخاص بيهم
حازم..... امال فين اخواتك بتصل عليهم مفيش حد بيرد
عمر بيجهز نفسه هو بيختار القميص اللى هيلبسه
تحت البدله
عمر.... معرفش كل واحد طلع يشوف مراته ومنزلوش تاني تعال بس نجهز عشان ما نتأخرش على البنات
حازم...... لما اشوف وشهم بس كده يسيبونا في يوم زي ده
عمر قرب منه...... انت متوتر يا بطه
حازم...... بس يلا اسكت
عمر بضحك.... شكلك متوتر متخافش الموضوع سهل جدا
حازم..... بطل تريقه احسن اجي اعلقك وابقى شوف هتحضر الفرح ازى
عمر.... خلاص يا عم يلا نجهز بقى هما شويه ونزلين
،
بعد فتره من الوقت الكل جهز وعمر حازم جهزوا و مستنيين اخواتهم علشان يروحوا للبنات
عمر..... يا ماما اطلعي استعجليهم بقى
صفاء.... يا حبيبي بعت داده فاطمه وقالوا انهم نازلين
حازم..... لا احنا كده هنتأخر يلا نمشي وهما يبقى يجولنا ولا ايه يا عمي
احمد..... اه يلا
فهد وغرام نازلين
فهد.... استنوا
عمر..... اشهد ان لا اله الا الله اخيرا نزلته امال فين عشق وليث مش ناقصين تأخير
ليث..... نتأخر براحتنا هو انت مستعجل ليه كده بكره تقول يا ريتني كنت فضلت كده ولا نكد ستات ولا هرمونات حمل تطلع علي اهلك فى نص الليل
عشق وراه
عشق.... قصدك ايه يا ليث يعنى انا نكدية وبعدين مش عيالك هما السبب
ليث .... لا طبعاً هو انا قولت حاجه هو فيه احلي من انك موجوده فى حياتي يا روح قلبي انا هاخد مراتي بالعربيه بتاعي علشان اعكسها براحتي يلا يا عمري
وبعد كده قرب منها وشالها
عشق..... نزلني يا ليث كلهم بيبصوا علينا
ليث..... سيبك منهم وركزي معايا ايه الجمال ده يخربت جمل امك يا شيخه هو فيه كده
عشق ضربته علي صدره.... بطل تكسفنى بكلامك ده
ودخلها العربية ومشيوا والكل مصدوم من تصرفات ليث العاقل اللى اتجنن علي ايد عشق
فهد..... ليث اتجنن خالص
قرب من غرام وخد كنان منها واداه لصفاء مامته
فهد.... ماما خدي كنان معاكوا والمربيه بتاعته علشان انا كمان هاخد مراتي وامشي زى ليث
وشال غرام زى عشق ومشيوا
غرام.... بسرررعه يا فهد علشان نوصل معهم وطلع مع عشق للبنات
احمد ضرب كف على كف..... ههههه ربنا يصبرني العيال اتجننوا
صفاء بضحك .... خليهم يتبسطوا
عمر...... اضحوا اضحكوا عجبك كده يا بابا يعنى احنا نستني البهوات علشان فى الاخر كل واحد ياخذ مراته ويمشوا واحنا نفضل واقفين
أحمد.... العشق يا أستاذ عمر خليهم مجانين زيك كده انت وحازم كان عندى واحد ياربي مجنون بقو اربعه انتوا وافقين متنحين ليه كده يلا كل واحد يركب العربيه بتاعته عشان متتأخروش يلا ياض انت وهو
عمر وحازم جرى علي العربيات واحمد وصفاء ركبوا مع السواق والمربيه بتاعت كنان
اما ليث وصل الاول
ليث..... وصلنا اهو يا عشق قبلهم علشان تبطلي زن
عشق..... اسكت والنبي يا ليث مش عارفه هطلع ازاي ليهم انا اتأخرت اوى لو طلعت هيكلوني حرام عليك انت السبب فى تأخرى ده
ليث غمز لعشق..... بقولك ايه سيبك من الفرح وتجي نرجع البيت نكمل اللى كنا بنعمله
عشق متغاظه منه.... انت بقيت قليل الادب اوى يا ليث
ليث.... يا قلبي قولتلك قبل كده انا ماشوفتش تربيه اصلا
عشق شافت عربيه فهد وصلت
عشق..... مش هتبطل قلة ادبك دي انا عارفه انا هروح اخد غرام ونطلع ليهم علشان تضرب معايا هو انا هضرب لوحدي وجريت
ليث.... انتي يا بت براحه يخربيتك انتي حامل
عشق جريت فتحت الباب بتاع غرام غرام وفهد اتخضوا
عشق.... يلا غرام علشان تطلعي ليهم معايا انا خايفه اطلع لوحدي
غرام..... حرام عليكي خضتيني يا عشق
عشق. شدت ايدها..... لا وحيات اهلك مش وقت خضه خالص دلوقتي تعالي نشوف النصيبه اللى فوق
خدت غرام وطلعت
فهد راح يقف جنب ليث
فهد.... مراتك دى مجنونة خضتني
ليث..... ما تلم نفسك يلا وبعدين علي اساس ان مراتك عاقله اوى
فهد..... لا يا حبيبي احنا ربنا رزقنا بستات مجانين وبعدين انت أتأخرت ليه وغمز لليث
وبعدين انت أتأخرت ليه وغمز لليث ليث..... نفس اللى اخرك
فهد..... بقيت سافل اوى يا ليث
ليث.... من بعض ما عندك يا فهد ويلا ندخل نشوف الناس ونطمن ان الدنيا جوه كويسه
فهد.... يلا يا كبير
اما فوق لما عشق وغرام وصلوا الاوضة اللى فيها البنات لاقوا صفاء خارجه من الاوضة
صفاء..... اخيرا جيتوا
عشق..... غصب عننا والله
غرام.... هما خلصوا
امل..... انتوا اتأخرتوا ليه كده وسيبني مع المجانين دول
عشق.... اسفين والله معرفناش نجي كان في حاجات بنخلصها
غرام... هما خلصوا
امل.....اه بس مش هطمن غير لما الفرح يخلص انا قلقانه من المجنونه بنتي
عشق وغرام ضحكوا
عشق.......متخافيش يا ظنط مش هتهرب من الفرح
امل... واللهى تعملها بنتي وانا عارفاها مجنونة انا كان ناقص اجيب سلسه واربطها علشان اتأكد انها مش تعمل مصيبه جديدة
غرام.... ليه بس كده يا طنط بتظلمها دى ملاك
امل بتحرك بقها...... اه ما انا عارفة ادخلو يلا معاهم لغايه ما عمر وحازم يوصلوا
عشق جايه تفتح الباب بتاع الاوضة لقيته مقفول
عشق.... الباب مقفول يا طنط
امل... مقفول ازى انا لسه خارجه منه
غرام. اه والله مقفول
عشق وغرام بيخبطوا علي الباب
عشق.... افتحي يا وعد
وعد... ابدا روحي شوفي كنتي فين انتي والحيوانه التانيه طول النهار وسيبنا كده
غرام...... مين دى اللى حيوانه يا كلب البحر انتي
وعد..... اه انتي
ديمه يتغني...... انتوا اصحاب اندال اندال اندال
عشق.... سكتي البت اللى علقت دى
وعد...... انتي تسكتي خالص هو ده اللى هكون عندك من بدرى
عشق..... طيب اعمل ايه والله كنت هاجى بس ليث بقى
غرام..... اخلصوا احسن ليكي انتي وهي انا بقولك اهو والله هخلي حد يكسر الباب علي دماغكوا
ديمه..... كمان بتهددينا يا بتاعت فهد طيب مش فاتحين
عشق غمزت لغرام..... طيب خلاص احنا اسفين افتحي يا ديمه وانا هجيب لك بوكس شكولاته
وعد بصت لديمه بتحذير.... اوعي تفتحي انا بقولك اهو
ديمه فتحت الباب..... اسفه نقطه ضعفي الشيكولاته
عشق. وغرام دخلو وقفلوا الباب وبصوا لديمه ووعد نظره كلها شر
عشق.... بقى مش عايزين تفتحوا
غرام بصت لوعد.... وانا بقي كلب البحر
وعد بتشور علي نفسها ... مين االلي قال كده انا قصدي عروسه البحر انتي اللى سمعتي غلط
وعشق بتبص لديمه.... واحنا اندال اندال اهاااا
ديمه بتغني ..... انا بقول انتوا اخواتي اخواتى
غرام..... تعالوا بقى يا حلوه انتي وهي
ديمه وعد جريوا وعشق وغرام بيجروا وراهم
ديمه...... خالص والله انا حتي عروسات انهاردة
غرام. . عروسات اقفي يا هبله
وعد..... خالص الميك اب هيبوظ ومش هننزل الفرح
عشق..... احسن تعالي هنا يا بت ورحمه امي لطلع عينك وبعدين احسن احنا ناقصين بلاوي
وفي الاخر كلهم وقعوا علي السرير
عشق..... يخربتكوا اقطعتوا نفسي قوموا من عليا ي كلبه انتي وهيا انا حامل
غرام.... فرهدتوني يا جزم
وعد..... اتأخرتوا ليه
غرام وعشق.... بصوا لبعض هيقولوا ايه
عشق.... اصل ليث
غرام... فهد كان
وشهم قلبو احمر
وعد.... انا كده فهمت عيله قليلة الادب
ديمه بغباء..... ايوه كانوا بيعملوا ايه بقي
وعد وعشق وغرام..... وبصوا لبعض وموتوا علي نفسهم من الضحك.
وعد.... كانوا بيقولهم كلمه سر في بوقهم
ديمه صرخت.... عيله قليله الادب فعلا
وبعد كده كلهم حضنوا بعضهم
وفجاه لاقوا صفاء واحمد وعمر وحازم وليث وفهد وامل وقفين ببصولهم بصدمه
عشق بتبص ليهم..... هو فيه ايه
احمد..... مفيش نزلاء الفندق اشتكوا ان فى صويت فى الاوضة افتكرنا حصلكوا حاجة
غرام بصت للبنات..... باين كده صوتنا كان عالي شويه
فهد.... شويه لدرجه ان النزلاء كلهم اشتكوا صح شويه مجانين فعلا
عشق..... احنا كنا بنهزر
ليث..... بتهزروا ولسه هنشوف منكوا لما تبقو مع بعض فى القصر شكلنا دخلين علي مرار طافح
البنات بصولهم بنظره بريئه.... احنا احنا ملايكه
الكل...... جدا جدا
احمد...... يلا يا حازم خد مراتك ويلا وانت يا عمر كفايه كده شويه وهتلاقي الفندق بلغ شرطه السياحية من المجانين دول
صفاء..... اه يا بني انا مش ضامناهم ممكن يعملوا كارثة
امل وبتشاور علي ديمه.... اه وبالذات بنتي انا عارفها مجنونة
ديمه..... كده يا ست حبايب تشرديني قدام جوزى حبيبي افرضي رجع فى الجوازه
الكل ضحك عليها والكل نزل و سابوا الشباب عمر وقرب منها وقفها
عمر..... تعالي يا مصيبه انا خالص ادبست فيكي يا قدرى
حازم بيبص لوعد.... وانا كنت بقول عليكي عاقله اتريكي زيهم يا سوسه تعالي يا اختي خلينا ننزل الفرح
وفهد بيبص لغرام لقاها قعده هاديه..... ايه يا بت الهدوء ده لا بجد انا كده صدقت انك هاديه وانك معملتيش حاجه تعالي يا مصيبه
عشق لقيت ليث بيبص عليها لاقاها بتبص فى كل حته في الأوضة وعمله مش واخده بالها
ليث...... لا واللهى اعملي نفسك من بنها وانا هاجي اجيبك من قفاكي
عشق قامت وقفت قدام ليث..... فيه ايه بس يا ابو الاسود انت علي طول ظلمني كده
ليث بص بصدمه.... ابوه الاسود وظلمك اه صح انا ظالم يلا قدامي يا مفترية
كل واحد نزل بعروسته كانوا فى قمه الجمال حازم و وعد كانوا قمرات اوى اما عن الثنائي المجنون كانوا نجم الفرح وكمان اوعوا تنسوا ابطال الجمهوريه سوري قصدي ابطال الرواية بتاعتنا ليث وعشق اللى كلمة حب عمرها ما توصف نظرتهم لبعض اما بقي عن فهد وغرام مفيش كلام ولا شعر فى العالم يوصف مشاعرهم دول عبارة عن انفجار من المشاعر والحب اللى بينهم
سالي كانت فرحانه جدا علشانهم وحاسه انها في وسط العائله بتاعتها وان ربنا عوضها بيهم
وخرجت بره القاعه تشم هواء مش واخده بالها من حمزه اللى عيونه هتاكلها وخرج وراها لقي واحد قرب منها و وقف معها
حسام...... سالي عاملة ايه
حسام ده كان يبقى جار سالي
سالي..... الحمد لله كويسه وانت عامل ايه يا حسام
حسام..... بقيت كويس لما شوفتك
سالي..... طيب بعد اذنك
حسام مسك ايدها.....سالي استني انا ما صدقت لقيتك انا بحبك من زمان وعايزة اتجوزك
سالي .. حسام لو سمحت سيب ايدي
حسام..... سالي اسمعني
وفجاه لاقي حد بيضربه وبيشد سالي لحضنه
حمزه بغضب.... ابقى جرب تلمسها وساعتها اترحم علي نفسك
حسام..... انت مالك انت
حمزه....... سالي تكون مراتي
سالي وحسام بصدمه...... نعم
سالي..... مراتك ازاى ايه اللى انت بتقوله ده
حمزه..... زعلانه اني قولت مراتي اه مراتي اعتبارا بما سوف يكون بعد دقايق
حمزه مسكها من ايدها ودخل القاعه
حازم وعد ##
الكل وبيرقص
احمد.... يلا يا ولاد علشان المأذون مستني بقاله كثير يلا يا حازم
عمر..... حازم مين يا حاج انا اللى هتجوز الاول
احمد.... يا بني اعقل هو اللى هيتجوز الاول هياخد جايزة
عمر.... يا بابا انت متعرفش المصيبة المتحركه اللى معايا وبعدين انا بعمل كده مش علشاني لا ده علشانك انتوا احسن ما ننام كلنا فى السجن انهاردة
ديمه...... ليه ان شاء الله هو انا عملت حاجة دلوقتي
عمر..... ابدا طيب بص يابابا انا مسكها بالعافية كانت عايزة تتضرب الراجل بتاع البوفية
ديمه.... اه علشان حمار مش عايز يجيب ليا حاجة اكلها
احمد ضرب كف علي كف...... روح يا ابني اكتب كتابك ربنا يعينك علي ما ابتلاك
الحمدالله كتبوا الكتاب وعلو الجواب كمان
وبعد كده تم كتب كتاب حازم و وعد
حمزه دخل القاعه علي كلمه الشيخ...... بالرفاء والبنين ان شاء الله
الشيخ قايم يمشي
حمزه...... استني يا سيدنا الشيخ علشان تكتب كتابي
الكل اتصدم
ليث..... حمزه بطل جنان مش وقته
حمزه.... مش جنان هنتجوز انا وسالي ودلوقتي
ليث راح لسالي.... انتي موافقه
سالي مكسوفه وساكته
ليث قرب منها بصوت واطي وقالها..... علي فكره باين عليه اوى انه بيحبك وبعدين انا واخد بالي من نظراته من ساعة المستشفى وكمان هو جدع ومحترم والأهم من ده كله بيحبك
حمزه..... بتقولها ايه كل ده وابعد كده
ليث.... انت مالك اختي وباخد رايها قولتي ايه يا سالي مش موافقه صح
حمزه كان هيطق من ليث
ليث خدها وعلشان تقف جانبه
حمزه..... تعال هنا وخدها علي فين ما انتي هتكوني مراتي يعني هتكوني مراتي بالذوق بالعافية هتكوني علي اسمي
فهد..... ايه رايك في الكلام ده موافقه ولا ايه
سالي بكسوف وخجل..... موافقه
وفجاه سمعوا صوت زغاريط من عشق وغرام و وعد وديمه
ليث بقلة حيله مش بقولكم مجانين
ابطالنا مميزين جدا علشان كل واحد فيهم قدر يفهم نصه تاني مش اعتمدوا علي الحب بس لا دول زرعوا الموده والرحمه بينهم وقبل ما يكونوا ازواج كانوا الاب والسند والظهر اللى مهما مر الزمن عليهم مفيش حاجه تقدر تكسرهم الحب محتاج صبر وثقه وتحمل ومواجهه المشاكل علشان يقوى ويكمل اللى بيحب بجد نظره الحب اللى بيشوفها في عيون حبيبه دى عنده بالدنيا الكلام ده كله بيدور علي الاختيار الصح لنصك التاني
وبكده الرواية خلصت الحمد لله يا رب يكون عجبتكم
