رواية الصديق الخائن الفصل الثاني 2 بقلم ملك ياسر
بارت2هشام بصدمه: انتي جيتي ليه و بعدين ازاي تخليه يقرب منك كده انتوا لسه مخطوبين؟!
أروى بكسوف و توتر: عادي ي اتش دي بوسه بريئه و بعدين هيبقى جوزي.
هشام: لسه شهرين ي أروى و بعدين محمد لو عرف هيعمل مصيبه.
أروى: يوووه بقااا كل شويه محمد محمد و بعدين هو كان شارب و باسني و انا مش واخده بالي و بعدتوا على طول.
هشام: متنسيش ان محمد اخوكي و بيخاف عليكي انا مش هقوله المره دي لكن لو اتكررت تاني لازم اقوله و حياه طويله احسن من ساعه شهوه يلا انزلي و سيبيه ينام.
نزلوا....
منه: لقيتيه ي أروى؟
أروى: اه طلع نايم.
هشام: يلا ي منه نطلع اوضتنا الوقت اتأخر و عايز انام عن أذنكم ي شباب.
محمد: أذنك معاك ي أتش.
سما: يلا ي محمد نطلع احنا كمان.
محمد: ليه كده كنا هنقعد حبه كمان.
سما: معلش ي حبيبي تعبت شويه و عايزه انام.
محمد بقلق: طب انتي كويسه اجيبلك الدكتور؟
سما: لا لا انا كويسه يمكن عشان صاحيه بدري.
عند هشام و منه....
منه: اليوم كان حلو اووي بس أروى مكنتش عجباني هو في حاجه ولا أيه؟!
هشام:......
منه بإستغراب: هشام... ي هشام....
هشام: هاا... في حاجه؟
منه بقلق: مالك ي حبيبي فيك ايه عماله اكلمك مش بترد...
هشام: لا ولا حاجه يلا ننام عشان تعبت.
منه بشك: طيب.
و الكل نام و تاني يوم الصبح كان الكل متجمع على البحر....
كانوا كلهم في البحر و بيلعبوا بالكوره بس....
هشام: انا طالع اشرب حاجه الجو حر حد عايز حاجه؟
سما و محمد و عمار: لأ.
منه: استنا جايه معاك....
أروى: خدوني معاكوا عايزه اجيب حاجه انا كمان.
محمد: جاهز ي عمار؟
عمار بإستغراب: ل إيه؟!
محمد غمزله: للجواز.
عمار بص ل سما و قال: اه و رجع بصله تاني و قال... طبعااا ده انا مستني بفارغ الصبر.
محمد: طب شد حيلك بقااا علشان الجواز حوراته كتيره.
سما ضربته في صدره و قالت: قصدك إيه ي سي محمد محنش عاجبين ولا مش عاجبين.
محمد بضحك خدها في حضنه و قال: ده انتي الحته اللي هنا... و شاور على قلبه.
سما بضحك: عارفه.
أروى بنداء و بصوت عالي: فونك بيرن ي محمد.
محمد: حاضر جاي....
عمار بدأ يقرب منها و هي تبعد...
عمار بخبث: متخافيش مش هاكلك... غير لما نروح و محمد يروح الشغل عشان راشق لنا و مش عارف اخد منك حقي.
سما بعصبيه: انت عايز مني إيه ي عمار مش كفايه اللي عملته من سنه ده انا مصدقت انها معاك عشان اطمن لكن لما شوفت قذارتك بقيت اخاف اكتر من الاول حتى النوم مش بنامو انت إيه ي اخي معندكش دم ده حتى صاحبك و عشرت عمررر مش كام يوم ولا شهر ازاي تعمل كده معاه و ازاي تلعب بأخته كده؟! انت مش بني أدم انت حيوان براس كلب برضو عشان ده تفكير كلاب.
عمار قرب منها بغل و عصبيه مسكها من دراعها جامد و قال: هدفعك تمن كل كلمه قولتيها بس انتي عارفه هدفعهالك ازاي و كفايه عندي انك مش بتنامي الليل و خايفه مني و خافي بقا ي حلوه من اللي جاي عشان هيبقا اسود من شعر راسك.. سلام.
سما بدموع: واحد مريض و طلعت هي كمان....
أروى: مالك ي سما عينك حمره كده ليه؟
سما بصت ل عمار بغل و قالت: مافيش... المايه دخلت في عيني.
محمد: ايوا ي ماما إحنا كويسين الحمدلله.
الام: هترجعوا امتا ي حبيبي؟
محمد: بكره اهم حاجه سيليا عامله إيه؟
ليلي: متقلقش ي حبيبي هي كويسه خلي بالك بس من سما عشان حساها مش مبسوطه حاول تطلعها من اللي هي فيه حرام البنت بقالها سنه على كده مصدقنا خرجت و فكت شويه.
محمد: حاضر ي ماما متقلقيش احنا كويسين يمكن عشان امبارح كانت صاحيه بدري ف انتي حسيتي كده.
ليلى: طيب يبني انبسطوا و خلوا بالكم من الطريق بكره يلا سلام.
(ملحوظه ليلى مامت محمد بس سما بتعتبرها مامتها لأن مامتها متوفيه)
سما: كنت بتكلم مين كل ده؟
محمد: دي ماما كانت بتطمن علينا تعالي يلا نروح للشباب.
محمد: ها ي شباب هتعملوا إيه تاني؟
هشام: ننزل البحر تاني.
منه: لأ نتصور للذكرى هروح اجيب الكاميرا و اجي....
منه: ممكن تصورنا لو سمحت.
ادت الكاميرا للعامل و بالفعل بدأ يصور كل اتنين مع بعض....
أروى: يلا تعالو نتصور كلنا مع بعض.
سما كانت هتقع و عمار لحقها بسرعه...
محمد بعصبيه شدها منو و قعدها و قال: مالك ي حببتي فيكي حاجه؟
سما بتعب: مش عارفه داخيه و بطني بتوجعني.
محمد شالها و خدها الاوضه و طلب الدكتور و جه....
الدكتور خلص كشف عليها ووو
محمد بقلق: خير ي دكتور سما فيها إيه؟
الدكتور: الف مبروك المدام حامل.
محمد بقا فرحان اووي و لكن سما كانت خايفه جدااا....
سما بتوتر: انا...
محمد بخوف عليها مسك إيديها و قال:مالك ي حببتي اجيب الدكتور تاني؟؟
سما بخوف و دموع و ندم: انا عايزه انزلو....
محمد بصدمه:ده اللي هو ازاي يعني انتي مجنونه صح ولا ده تأثير الحمل.
سما بشجاعه و مسحت دموعها بعنف و قالت:ده مش ابنك...
محمد بصدمه كبيره جابها من شعرها وووو
