رواية مكتوبة ليك الفصل الخامس والعشرون 25 والاخير بقلم ايمان جمال
وقفنا الحلقة اللي فاتت لما ندى طلبت من فهد انه يحجز ليها اوضة لوحدها
فهد مصدوم: نعم؟!
ندى بهدوء: عاوزة اوضة ليا لوحدي
فهد مستغرب طلبها وواقف مصدوم حتى البنات والشباب
فارس: ليه ياندى؟
ندى: من غير سبب انا عاوزة اكون لوحدي
فهد بهدوء طلب من الريسبشن انهم يحجزوا ليها اوضة لوحدها وبعد كدا سابهم وخرج من الفندق
عبدالرحمن بعتاب: ليه عملتي كدا؟
ندى بدموع: محدش فاهم حاجة ولا هفتهموا
ندى سابتهم وطلعت بعد ماعرفت رقم الاوضة
مهند للبنات: اطلعوا انتوا على مانشوف فهد
البنات طلعت والشباب طلعت تشوف فهد كان قاعد عند حمام السباحة (لانهم في قرية سياحية)
فارس: ممكن تطلع تستريح من السفر
فهد ماردش عليه
عبدالرحمن قعد جمبه: فهد ممكن بس تصبـ.......
ولسة عبدالرحمن هيكمل كلامه فهد اتكلم بغضب
فهد بغضب شديد: مش عاوز اسمع كلمة اصبر دي انا تعبت والله تعبت وانتوا شاغلين بالكم بيا ليا اتفضلوا اطلعوا قضوا ليلتكم
حمزة: شاغلين بالنا بيك ليه؟ المفروض ان احنا كلنا ايد واحدة واخوات مش معقول هنسيبك ونطلع
فهد بغضب: خلاص خليكم قاعدن وانا اللي همشي
وفعلا فهد سابهم ومشي خالص والشباب زعلانين على صاحبهم اللي مش عارف يفرح
فارس: مش عارف ليه هي بتعمل كدا
حمزة: ولا انا
عبدالرحمن: طب هنعمل ايه الوقتي؟
مهند: مش عارف
فارس: يالا نطلع فوق لحد مايرجع
الشباب كل واحد فيهم دخل الجناح بتاعه وبعد كام ساعة وصل فهد للفندق ودخل الجناح بتاعه وبيحاول ينام مش عارف بي هو فارد جسمه على السرير وفجأة سمع صوت باب الجناح بيتفتح فعمل نفسه نايم واللي كان داخل كان ندى، قربت منه عرفت انه نايم فتحت ايديه براحة ونامت في حضنه، وفهد فتح عنيه ومستغرب تصرفاتها
فهد: طلاما خايفة ليه طلبتي اوضة لوحدك؟
ندى اتفاجأت انه صاحي وفضلت مخبية وشها في حضنه: انا مش عاوزة اتكلم انا بجد محتاج انام
فهد اخدها في حضنه ونام وكأنه كان محتاج حضنها عشان يعرف ينام
#######################
تاني يوم الصبح _في اوضة حمزة_
حمزة صحي وطلب فطار وبدأ يصحي ليلى
حمزة: ليلتي
ليلى بنوم: عيون ليلتك
حمزة ضحك: صباح الورد على اجمل عروسة في الدنيا
ليلى بكسوف: صباح الخير ياحبيبي
حمزة: يالا قومي انا طلبت الفطار وشوية وهيطلع
ليلى فاقت وقامت دخلت تاخد دش
_في اوضة عبدالرحمن ونهلة_
نهلة هي اللي صحيت وفضل جمب عبدالرحمن تبصله اوي كأنها بتحفظ ملامحه وبدأت تصحيه
نهلة: بودي
عبدالرحمن بنوم: امممممممم
نهلة: صح النوم ياحبيبي
عبدالرحمن فتح عنيه وبصلها: ايه الصباح العسل دا، انتي صحيتي امتى؟
نهلة: من نص ساعة
عبدالرحمن: طب ماصحتنيش ليه؟
نهلة برومانسية: حبيت اشوف ملامحك وانت نايم
عبدالرحمن شدها عليه: طب وشكلي حلو وانا نايم بقى ولا؟
نهلة: انت حلو في كل حالاتك
عبدالرحمن باسها برقة وبعد شوية طلبوا الفطار
_في اوضة فارس وعزة_
فارس صحي وطلب الفطار وبدأ يصحي عزة وهي نايمة خالص
فارس: يازوزو قومي بقى
عزة بنوم: لا سبني شوية عاوزة انام
فارس: وتسيبي فارس حبيبك يقعد لوحده
عزة بنوم: شوية وهصحى
فارس بخبث: خلاص خليكي نايمة وانا هنزل افطر لوحدي وتحت الاجانب بقى وهيصا
عزة قامت بسرعة ومسكته من هدومه: سمعني كدا قولت ايه؟
فارس ضحك اوي: كان لازم يعني اعمل كدا عشان تقومي؟
عزة بغضب: ما انا عاوزة انام
فارس قرب منها: وحشتيني وعاوز واقعد معاكي
عزة اتكسفت: طب ما انا معاك اهو
فارس: لا مش معايا انتي مع النوم، والنوم واخدك مني
عزة: محدش يقدر ياخدني منك
فارس: الله اكبر ايه الكلام الحلو دا
عزة بكسوف ضربته في صدره بخفة
فارس: بحبك
عزة: بعشقك يافارسي
_في اوضة مهند وصافي_
صافي صحيت وفتحت ستاير الجناح ومهند صحي على ضوء الشمس
مهند بإبتسامة: صباح الورد
صافي بخجل: صباح الخير
مهند قام من السرير وقرب منها: حبيبتي صحيت قبلي ومش صحتني ليه؟
صافي بكسوف من قربه: قولت اسيبك تنام براحتك
مهند بيهمسلها في ودانها: راحتي هي قربي منك
صافي اتكسفت اوي من كلامه وهو حضنها
_في اوضة فهد وندى
_
فهد صحي على صوت التليفون الخاص بجناحه ورد عليه بنوم
فهد: الو
عبدالرحمن: صباح الخير يافهد
فهد: صباح الخير ياعريس ايه مصحيك الوقتي ؟
عبدالرحمن: احنا بقينا الضهر يالا قوم كدا وصحصح ونهلة هتكلم ندى
فهد بص جمبه على اللي نايمة جمبه وكالعادة ماسكة في هدومه: ندى جمبي ياعبدالرحمن
عبدالرحمن بفرحة: يعني حصل؟
فهد بزعل: لا ويالا اقفل عشان اصحيها ، بس قولي اختي عاملة ايه؟
عبدالرحمن ضحك: كويسة يا اخويا
فهد ضحك: يالا يارخم
فهد قفل مع عبدالرحمن وندى كانت صحيت على صوته
ندى: مين كان بيكلمك؟
فهد: عبدالرحمن
ندى: هما صحيوا ولا ايه؟
فهد: اه
ندى: ليه مش عرسان خليهم نايمين
فهد بصلها اوي: دا على اساس اننا مش عرسان ذيهم مثلا؟
ندى: لا عرسان ذيهم
فهد: طب كويس انك لسة فاكرة
فهد قام من جمبها ودخل الحمام وهي اضايقت اوووي انه زعلان منها وخرجت من جناحه ودخلت اوضتها وفهد خرج مالقهاش فعرف انها راحت اوضتها، لبس هدومه (شورت چينز وتيشرت وكوتشي) ونزل تحت من غير ماياخدها معاه
الشباب نزلوا وكل واحد في ايده مراته وقاعدين مستنيين فهد وندى، وشوية وفهد قرب منهم
فارس: امال ندى فين؟
فهد قعد: معرفش
عبدالرحمن: هي مش كانت عندك؟
فهد: ايوا وخرجت من الحمام ملقتهاش
نهلة بصت من بعيد شافتها: اهي نزلت اهي
ندى قربت عليهم: صباح الخير
صافي: صباح الورد ياندوش
فارس: صباح الخير ياحبيبتي
فهد بغضب: حبيبتك واقفة جمبك واتلم وعدي الاسبوع دا على خير عشان مايبقاش شهر بصل علي دماغك
فارس والشباب ضحكوا اوي على غيرة فهد
ندى: هو قال ايه يعني يافهد
عبدالرحمن: بنت عمك شكلها هتخربها يافارس
فهد بغضب: انتي يعني مش شايفة هو قال ايه؟
ندى: لا
فارس: خلاص في ايه انتوا هتتخانقوا في يوم صباحيتكم
فهد بسخرية: صباحيتنا
ندى اضايقت من سخرية فهد وان محدش قادر يفهمها ولا حتى يحاول يسيبها تاخد راحتها
البنات اخدوا ليلى وقعدوا لوحدهم شوية وفارس بيهدي فهد: في ايه يافهد؟
فهد بغضب: لو عاوز تزعل مني كتر في الكلام اوي
عبدالرحمن كان لسة هيتكلم بس فهد وقفه بنظرة من عنيه
البنات قاعدين سوا وبيتكلموا
صافي: ليه ياندى بعدتي عنه امبارح؟
ندى بدموع: كلكم مش حاسين بيا ولا عارفين انا فيا ايه
نهلة: طب ما احنا اهو بنسألك
ندى: وانا مش عاوزة اتكلم
عزة: خلاص يابنات سيبوها براحتها
ليلى بصت على الشباب وشافت حاجة صدمتها: الحقوا بصوا كدا على اللي واقفة مع الاساتذة
البنات كلهم بصوا بس اللي اتصدمت فيهم كانت ندى عشان البنت اللي وقفت معاهم كانت قريبة من فهد وسلمت عليه وباسته من خده
ندى: ودي مين دي؟
نهلة: انتي لسة هتسألي اتفضلي نشوف مين
البنات قاموا
*الحوار مترجم*
كريستين: كيف حالك مستر فهد؟
فهد بإبتسامة: بخير كريستين، كيف حالك انتي؟
كريستين: بخير
البنات قربوا منهم وكل واحدة وقفت جمب جوزها وندى بقى راحت وقفت ادام فهد ولفت ايديه حوالين وسطها ، فهد استغرب من طريقتها بس فرح اووووي انها غيرانة عليه
كويستين بإستغراب: مين دي مستر فهد؟
فهد كان لسة هيرد بس ندى ردت: زوجته
كريستين اتفاجأت: مبروك مستر فهد
فهد: شكرا كريستين
كريستين: انتوا قاعدين هنا كام يوم؟
فهد: اسبوع
كريستين: اكيد هنتقابل
ندى اللي ردت عليها: I don't think so (لا اظن ذلك)
كريستين اضايقت من ردها واستأذنت ومشيت
فهد: ليه رديت الرد دا؟
ندى بغضب: براحتي وبعدين حضرتك مبسوط اوي وهي قاعدة تسلم عليك وتبوسك لا وكمان الروچ معلم على خدودك
فهد: على الاقل هي علمت على خدودي مش مراتي اللي بعيدة عني
ندى اضايقت من رده وخصوصا في وجود البنات والشباب وسابتهم ومشيت
فارس: انت غلطان يافهد
عبدالرحمن: مكانش ينفع تحرجها ادامنا كدا
فهد اضايق من نفسه انه زعلها بس قال مش هيصالحها
ندى طلعت اوضتها وفتحت اللاب وعملت مكالمة فيديو
الدكتورة سلمى: مالك ياندى بتعيطي ليه؟
ندى بدموع: انا مش عارفة اعمل ايه المفروض اني اكون فرحانة وانا معاه بس انا مزعلاه اوي وهو مضايق من كدا
سلمى بهدوء: انا طلبت منك انك تعرفيه بس انتي رفضي
ندى: لا مش هقوله حاجة، وبعدين اقوله ايه ان انا خايفة منه وبتعالج نفسي
سلمى: اني خايفة اه بس مش منه انتي خايفة من اي راجل وخصوصا دا بعد اللي حصل
ندى: امبارح لما وصلنا طلبت اكون في اوضة لوحدي ومعرفتش انام خالص ورحت نمت في حضنه
سلمى: ندى انتي بتحبيه وهو بالنسبالك آمانك يبقى لازم يعرف
ندى: لا مش هقوله لازم اكون كويسة الاول وبعد كدا يبقى يعرف
سلمى: ماشي ياندى بس ممكن اعرف ايه اللي حصل عشان تعيطي
ندى حكتلها اللي حصل
سلمى بهدوء: هو غلطان في رده عليكي بس هو رده عشان زعلان ان مراته بعيدة عنه من غير مايفهم ايه السبب
ندى بعياط جامد: انا مش عارفة اعمل ايه وغصب عني رغم ان حضنه آماني بس خايفة اقرب
سلمى: دا طبيعي ياندى عشان انتي من اللي حصل معاكي بقيتي بتخافي
ندى: نفسي اكون كويسة عشانه
ندى خلصت المكالمة وقفلت
(دلوقتي عرفنا ندى كانت بتكلم مين فيديو.....الدكتورة سلمى: دكتورة نفسية، ندى بعد ماحازم حاول الاعتداء عليها حصلت ليها صدمة وقررت تتابع مع دكتورة نفسية بس عن طريق النت عشان محدش يعرف انها بتتعالج نفسي من العقدة دي)
نهلة طلعت لندى: ممكن تنزلي معايا يالا
ندى: انبسطوا انتوا وسبوني
نهلة: قومي ياندى بدل واقسم بالله انتي عارفة هعمل ايه
ندى ضحكت غصب عنها: لا خلاص هقوم
ندى دخلت غسلت وشها ونزلت مع نهلة، والكل كان قاعد تحت
عبدالرحمن: عاوزين نبدأ بإيه؟
فهد لسة هيرد بس جه شاب عليهم: صباح الخير مستر فهد
فهد: صباح النور، انت مين؟
الشاب: انا مدير اعمال انسة كريستين
فهد: وبتتكلم عربي؟
الشاب: ايوا عشان انا اصلي مصر، المهم دلوقتي هي عزماكم على اليخت بتاعها
فهد: تمام وانا موافق
ندى: احنا عاوزين نكون لوحدنا مش عاوزين حد غريب
الشاب هو اللي رد عليها: انسة كريستين مش حد غريب دي شريكة مستر فهد في شغل بارة مصر
فهد بهدوء: خلاص احنا موافقن تقدر تبلغها موافقتنا
الشاب كلم كريستين في التليفون واخدهم لليخت وندى مضايقة ان فهد وافق
فارس لفهد: ليه وافقت يافهد وانت عارف ان ندى هتضايق؟
فهد: عادي وبعدين يعني هي تضايق ليه؟
فارس: مابقتش فاهمك
فهد سكت وبص على ندى اللي ماشية جمب البنات وباين عليها مضايقة
وصلوا اليخت وكريستين كانت موجودة وبما انها اجنبية فكانت لابسة بكيني
(البنات هتولع)
ندى اول ماشافتها اضايقت اوي من شكلها
فهد: شكرا كريستين على العزومة دي
كريستين: you arewelcome (العفو)
الشباب قعدوا وكل واحد جمبه مراته بس ندى سابتهم وقعدت لوحدها
فارس: قوم لندى يافهد
فهد: اقوم اعملها ايه؟
فارس: مابلاش رخامة بقى ياعم انت
فهد: لا يافارس مش هقوم
_نيجي لقصر المنياري_
قاعدين كلهم متجمعين وحامد السيوفي كان موجود معاهم
سليم لمختار: كلمت فهد ياجدي؟
مختار: لا ياحبيبي لسة بس هكلمهم بالليل
حامد: احنا قولنا نسيبهم وبالليل نكلمهم
سليم: هو انا لو رحت ارخم عليهم ايه هيحصل
حامد ضحك: فهد هيموتك بس
سليم ضحك: لا مش رايح خلاص
وهما قاعدين يتكلموا هنية خالة ندى دخلت
حامد: انتي جايا هنا تعملي ايه؟
هنية: جايا اطمن على بنت اختي
حامد: معتش ليكي بنت اخت بعد اللي ابنك عمله
هنية بدموع: انا والله ماكنت في البيت ولا في البلد اصلا
مختار: اهدى ياحامد دي باردوا خالتها
حامد: وبالنسبة للي ابنها عمله؟
مختار: هو غلط وخلاص اتحبس لكن هي ملهاش ذنب
هنية: انا والله عمري ما اتمنى ان ابني يعمل كدا مع بنت اختي اللي المفروض تكون بنتي
حامد: عالعموم هي كويسة ومسافرة مع جوزها لشهر العسل
هنية: لما توصل بالسلامة انا هكلمها واعتذر منها وابني انا مش هسامحه عمري
_نرجع لشرم الشيخ_
الكل جاهز عشان ينزلوا البحر وندى باردوا قاعدة لوحدها وفهد مضايق انه سايبها كدا بس هو زعلان منها
كريستين قربت على فهد: يالا ننزل سوا
فهد: اسف كريستين مش هنزل
كريستين: ليه فهد؟
فهد: لاني اصبحت رجلا متزوجا الآن
كويستين: وايه يعنى
فهد: اسف
فهد ساب كريستين وراح لندى وقعد جمبها
فهد: ممكن اعرف قاعدة بعيد عننا ليه؟
ندى: مافيش حبيت اقعد لوحدي
فهد: يعني مش عاوزاني اقعد معاكي؟
ندى بصتله اوي وسكتت وهو اضايق من سكوتها وقام من جمبها وقلع التيشرت ونزل البحر وهي قاعدة بتبص عليه وعلى البنات وهي مع ازواجهم
ندى لنفسها: استحملني عشان خاطري انا والله غصب عني انا عارفة انك زعلان مني اوي بس والله مش قادرة
كريستين لما شافت فهد نزل قربت منه وندى اضايقت من تصرفاتها، فارس كان في البحر وقرب من ندى وهي قاعدة على طرف اليخت
فارس: ماتسبهاش معاه
ندى بعدم فهم: ليه؟
فارس: ندى افهمي اللي ذي كريستين دي عاوزة اي راجل وخلاص ومافيش حد بيقدر يقولها لا الا فهد مهما حاولت تقرب منه هو مش بيسمحلها بدا
ندى: يعني عاوزني اعمل ايه؟(هي ايه البت الغبية دي)
فارس: يعني لو فضلتي بعيد عن جوزك كدا كتير صدقيني هتزعلي وانتي فاهمة قصدي
فارس سابها وكمل سباحة وعينها على فهد وكريستين اللي كل شوية بتقرب اكتر بطريقة مستفزة وفهد شايف ندى انها مضايقة ودا مفرحه وقرر بقى يلعب على الحتة دي ، كريستين حاطة ايديها على جسم فهد وبتكلمه في ودانه وهو بيضحك (بيعاند ندى)
ندى اضايقت اوي وقررت تنزل البحر بس ازاي وهي اصلا مش بتعرف تعوم، وقفت وقررت ترمي نفسها (اه يابنت المجنونة) واللي لحقها حمزة
حمزة: ايه الجنان دا ياندى؟
ندى: كنت بحاول اتعلم العوم لوحدي
فهد قرب عليهم بغضب: انتي مجنونة ايه اللي انتي عملتيه دا؟
ندى بعناد: مالكش دعوة وخليك مع الست كريستين بتاعتك
فهد ماسك نفسه من الضحك بالعافية: مالها كريستين مضايقة ليه منها؟
ندى اضايقت اوي منه: وهضايق منها ليه عادي.......وبصت لحمزة: ساعدني اخرج ياحمزة من الماية
فهد بغضب: خليك جمب مراتك
حمزة سابهم وراح لليلى
فهد مسك ندى وشالها: ممكن تبطلي جنانك دا
ندى بصتله وعنيها كلها دموع: خرجني يافهد من الماية
فهد: لا ياندى مش هخرجك
ندى بعياط: لا خرجني
فهد قرب وشه منها: مش هخرجك
ندى اتكسفت من قربه: طب ابعد شوية
فهد بخبث: لا انا مرتاح كدا
ندى: خلاص خرجني
فهد اضايق واتكلم بغضب: انا تعبت من تصرفاتك والله تعبت ايه حرام عليكي انتي ليه بتعملي معايا كدا لييييه
ندى عيطت انه زعق عليها والشباب والبنات قربوا منهم
عبدالرحمن: اهدى يافهد مش كدا
فهد: مش عاوز اسمع كلام من اي حد واتفضلوا اطلعوا عشان نرجع
فهد شال ندى ونزلها اوضة اليخت وطلب منها ماتطلعش منها عشان هدومها اللي ماسكة على جسمها وطلع ليهم عاليخت
فهد: لو سمحتي كريستين محتاجين نرجع
كريستين: ليه فهد؟
فهد: بدون اسباب
كريستين اضايقت انهم هيمشوا وطلبت من مدير اعمالها يتحرك باليخت، وبعد شوية وصلوا الفندق وكل واحد شايل مراته حتى فهد
فهد دخل الجناح الخاص بيه وقعدها على السرير وسابها واخد هدوم ودخل ياخد دش وهي خرجت راحت اوضتها وكلمت الدكتورة النفسية وفضلت تعيط جامد والدكتورة قررت تكلم فهد بس طبعا ندى ماتعرفش
في جناح فهد، تليفونه رن ورد
فهد: الو
الدكتورة سلمى: الاستاذ فهد معايا؟
فهد: ايوا مين حضرتك؟
سلمى: انا الدكتورة سلمى، الدكتورة النفسية الخاصة بمدام ندى
فهد بقلق: دكتورة نفسية ليه هي ندى مالها؟
سلمى: ماتقلقش انا هشرح لحضرتك، مدام ندى لما اتعرضت لحالة الاعتداء من ابن خالتها حصلها صدمة ان اي حد يقرب منها وكلمتني عشان تتابع معايا، هي دلوقتي عندها خوف من اي حد يقرب منها وطبعا الحد دا لو راجل
فهد: حتى انا؟
سلمى: ايوا، رغم انها قالتلي انك حماها وآمانها بس هي خايفة انك تقرب منها، يعني هي فهمتني انها بتخاف تنام لوحدها وبتيجي تنام في حضنك ودا بس اللي هي محتاجاه لكن اي اقتراب تاني خايفة منه ودا مش بإيديها دا غصب عنها من اللي حصل
فهد: بس انا عمري ماهأذيها
سلمى: الموضوع مش كدا، ندى طلاما شيفاك آمانها يبقى استحالة تفكر انك هتأذيها بس دي ذي ماقولتلك صدمة فأثرت عليها
فهد: يعني بعدها عني دا بسبب كدا
سلمى: ايوا وانا طلبت منها تقولك قالتلي لا مش عاوزة تعرفك انها بتتعالج نفسي رغم ان العلاج النفسي دا حاجة طبيعية
فهد: هتفضل طول عمرها غبية
سلمى: انا كلمت حضرتك عشان افهمك وهي ماتعرفش اي حاجة عن مكالمتي ليك، بس هطلب من حضرتك طلب بلاش تعاندها وتخليها تغيير عليك
فهد: انا مش بعاندها
سلمى: اللي ندى حكتهولي من شوية كله معناه انك عاوز تشوف غيرتها عليك، بص يامستر فهد ندى بتحبك رغم انها مقالتلش كلمة بحبك بس هي بتحبك اووووي
فهد بفرحة: هي قالتلك كدا؟
سلمى: ايوا فأصبر عليها وصدقني يوم ماهي تحس انها بقيت كويسة ومستعدية هي اللي هتقرب منك مش انت
فهد: شكرا جدا انك عرفتيني
سلمى: دا واجبي والاهم هي مش لازم تعرف حاجة عن مكالمتنا دي غير بعد ماهي تكون كويسة معاك
فهد: حاضر ماتقلقيش
سلمى قفلت مع فهد، وهو فضل قاعد بيأنب نفسه انه كان قاسي عليا في تصرفاته بسبب كريستين وقرر انه يقربها منه، خرج من جناحه ودخل اوضتها وهي كانت في البلكونة
فهد: يعني كل شوية ادخل الحمام واخرج الاقيكي خرجتي
ندى اتخضت: حرام عليك خضتني
فهد قعد جمبها: سلامتك من الخضة ياقلبي
ندى: وبعدين عاوزني اقعد اعمل ايه وانت اصلا زعلان مني
فهد قرب منها واخدها في حضنه: هو في حد يزعل من روحه
ندى خرجت من حضنه وبصتله: انا روحك؟
فهد بإبتسامة: طبعا روحي، انتي مش بس حبيبتي انتي طفلتي المدللة اللي مجنناني
ندى فرحت من كلام فهد وفجأة: بحبك
فهد سمع الكلمة دي وقلبه بيرقص: انتي قولتي ايه؟
ندى اتكسفت اوي: مش هقول ها
فهد قعدها على رجله: لا هتقولي، يالا سمعيني قولتي ايه
ندى: دا على اساس انك ماسمعتهاش
فهد ضحك: لا سمعتها بس مش مصدق وداني
ندى: لا صدق
فهد: طب اسمعها تاني
ندى بكسوف: بحبــ....
ولسة هتكمل فهد باسها برقة اوووووي وبعد عنها: انا اللي بحبك اووووي ياندى
ندى كانت فرحانة انه معتش زعلان منها بس باردوا لسة ذي ماهي
_نيجي لنهلة وعبدالرحمن_
نهلة: كلم فهد
عبدالرحمن: ليه؟
نهلة: عشان طلعوا زعلانين ورن نطمن عليهم
عبدالرحمن حاضن نهلة: سبيهم يحلوا مشاكلهم سوا
نهلة: انا مش عارفة ليه ندى بعيدة عنه
عبدالرحمن بخبث: هو احنا هنقعد نتكلم عليهم ولا ايه؟
نهلة ضحكت وقامت من حضنه بسرعة: بعينك انا جعانة اوي وعاوزة انزل اكل
عبدالرحمن قام ومسك ايديها: طب مانطلب الاكل هنا وغمزلها
نهلة بتفكير: اممممم طب افكر
عبدالرحمن شالها: يبقى نفكر سوا
نهلة: يامجنون
_فارس وعزة_
فارس زعلان على صاحب عمره وعزة قاعدة جمبه
عزة: سرحان في ايه وانا جمبك؟
فارس باس دماغها وابتسم: مقدرش اسرح في حد وانتي جمبي اصلا
عزة بزعل مزيف: واضح اهو
فارس ضحك: لا انا مقدرش على زعلك ياعمري
عزة: وانا مش زعلانة ها
فارس: لا مين قال كدا، انتي زعلانة اهو وباين في عنيكي ولازم اصالحك
فارس شالها وحاضنها اوي
(يالا مالناش دعوة بيهم)
_حمزة وليلى_
الاتنين طلبوا الاكل وقاعدين على السرير بياكلوا وحمزة بيأكل ليلى بإيده
ليلى: على فكرة انت كدا مش هتعرف تاكل
حمزة: مين قال كدا؟ انتي لما بتاكلي انا كأني اكلت
ليلى بفرحة حضنته: هتفضل تعاملني بحب كدا على طول
حمزة باس ايديها: طول ما انا فيا نفس حبي ليكي عمره مايقل
ليلى بحب: بحبك اوي
حمزة: لا بحبك دي مش تتقال كدا خالص
ليلى ضحكت: على فكرة انا لسة ماشبعتش
حمزة: انسي
ليلى ضحكت اوي وحمزة حضنها
_مهند وصافي_
دول بقى مؤدبين صافي نايمة ومهند بيكلم ابوه فيديو
سعد: حبيبي عامل ايه؟
مهند: تمام والله يابابا انتوا عاملين ايه؟
سعد: كويسين ياحبيبى مراتك عاملة ايه؟
مهند: تمام والله
هناء قعدت جمب سعد
مهند: وحشتيني ياطنط والله
سعد: اتلم ياجذمة
هناء ضحكت: سبنا نتكلم جد بقى
سعد: مايقولكيش وحشتيني
هناء ضحكت: بلاش يامهند ياحبيبي اصل ابوك بيغيير
سعد: لا بقولكم ايه حبيبي ووحشتيني هقوم قافل
هناء: لا لا لا خلاص، قولي يامهند فهد ونهلة اخبارهم ايه؟
مهند: تمام والله ياطنط بس الاتنين قافلين تليفوناتهم من ساعة ماوصلنا هنا
هناء: ربنا يسعدهم ياحبيبى ويسعدكم كلكم
مهند: يارب ياطنط انا هخليهم يكلموكي
هناء: ياريت
مهند: حاضر
#####################
في المساء، كلهم اتجمعوا وقرروا يخرجوا يتمشوا واتصوروا صور جماعية سوا للذكرى
وقعدوا على البحر وكل واحد مراته جمبه
فهد: شايفة القمر؟
ندى: ايوا
فهد: انتي احلى منه
ندى فرحت بكلامه: بجد
فهد: طبعا بجد
ندى: بحبك
فهد: تعرفي ان الكلمة دي كنت بستناها من زمان اووووي
ندى: معرفتش اخبيها اكتر من كدا
فهد: وتخبيها ليه مش انا جوزك حبيبك
ندى بصتله: ايوا
فهد: يبقى ليه تخبيها
ندى: كنت مكسوفة اقولها
فهد: يا سلام
ندى: ايوا
فهد حضنها جامد وباسها برقة والشباب بيصفروا
فهد: دا انتوا مركزين بقى؟
مهند: طبعا يابرنس
حمزة: ياحبيبي احنا هتلاقينا وراك وراك
فهد ضحك عليهم وقام يجري وراهم والبنات قربوا من ندى
عزة: ها خلاق حنيتي عليه؟
ندى: لسة
نهلة بزعيق: لييييييييييييه؟
ندى: في حد يزعق كدا سرعتيني
صافي ضحكت: والله يابنتي انا لو منه كنت موتك
ندى بغضب: رخمين اوي
شوية والشباب رجعوا ليهم وقرروا يسهروا لحد الصبح وبكرة هيطلعوا الجبل عند البدو
الليل عدا عليهم بفرحة وسعادة وندى فرحانة ان فهد مش زعلان منها وفي نفس الوقت مستغربة انه بيتعامل عادي، طلع الصبح عليهم وراحوا ناموا ساعتين وبعد كدا هيطلعوا الجبل
صحيوا وفطروا وجهزوا نفسهم وطلعوا الجبل وندى والبنات كانوا فرحانين اوي بالجو هناك وللأسف كريستين كانت هناك (البت دي مرقباهم ولا ايه)
ندى بضيق: ايه اللي جابها هنا دي؟
فهد: عادي ياندى المكان دا كل الاجانب بتحبه
ندى: واشمعنا يعني تكون موجودة النهاردة
فهد همسلها: حبيبي بيغيير عليا بقى ولا ايه
ندى بصتله: ايوا بغيير عليك عشان بحبك وانت فهدي وبس
فهد سمع كلمة فهدي دي وفرح اوي وقرب منها: انتي قولتي انا ايه؟
ندى بكسوف: فهدي
فهد قرب منها ولسة هيبوسها بس هي منعته: على فكرة احنا مش لوحدنا ماشي
فهد ضحك: دا انتي فصيلة
ندى ضحكت اوي وسكتت وقعدوا كلهم سوا حتى كريستين جات قعدت معاهم وقعدت جمب فهد وندى اضايقت وفارس كان قاعد جمب ندى وفهد الجهة التانية فقامت وخلت فهد يقعد جمب فارس وهي جمبة من الجهة التانية وكريستين جمبها
فهد ضحك اوي: يخربيتك كدا
ندى بغضب: انت تسكت خالص عشان انا على اخري
فهد: الله وانا عملت ايه؟
ندى بصتله: معملتش حاجة خالص بأمارة حلاوتك ولا لون عيونك اللي ذي لون البحر
فهد فرحان انها بتتغزل فيه: وايه كمان؟
ندى كملت وصف فيه: وضحكتك اللي لما بسمعها قلبي بيفرح ولا شعرك اللي بحب المسه
فهد قرب منها اوي وهمسلها: على فكرة انتي منعتيني المرة اللي فاتت لكن الوقتي مش هتقدري
ندى اتكسفت من كلامه وهو فضل حاضنها طول ماهو قاعد وكريستين مضايقة اوي خصوصا ان مافيش راجل بيرفضها بس فهد الوحيد اللي مهما حاولت مانعها عنه
ندى والبنات قرروا يلبسوا لبس البدو والشباب هيلبسوا عبايان
والبنات كانوا جمال اول في لبس البدو والموسيقى البدوية ابتدت وكل واحد مسك ايدين مراته ورقص معاها، بس كلهم كوم وفهد وندى ورومانسيتهم سوا كوم تاني خالص ، كريستين حبت ترقص مع فهد وندى مضايقة
فهد: اسف كريستين اني ارقص مع زوجتي
ندى فرحت اوي وفضلت متعلقة في رقبته
فهد: انتي عارفة اني بقيت بعشق غيرتك دي
ندى: طب وبتعشقني انا ولا لا؟
فهد بحب: عشقي ليكي مالوش حدود
ندى فرحت اووووي وهو قرب منها وباسها وهي لأول مرة تتجاوب معاه وكان فرحان جدا
جه وقت الاكل وقاعدين سوا وباردوا كريستيت معاهم وفهد فاهم دماغها بس عمره ماهيسمح ليها انها تتعدّى حدودها، وقرروا يناموا هنا، كل واحد ومراته في خيمة
لوحدهم، وكلهم كانوا فرحانين بالوقت دا
تاني يوم الصبح، الكل صحي وجاهزين انهم يرجعوا الفندق وكريستين طلبت من فهد انهم يتكلموا على انفراد وندى مضايقة اوي
فهد: خير كريستين
كريستين قربت منه: ليه انت رافض انا؟(بما انها اجنبية فالكلام هيكون بطريقة غريبة)
فهد: لاني رجل
كريستين: اعلم ذلك وانا احتاجك
فهد: وانا رجا متزوج واحب زوجتي كثيرا
كريسيتين: وايه اللي يمنع انت انك تقرب مني؟
فهد: انتي مجنونة كريستين؟ اني اخبرك انني احب زوجتي ولا اريد ان اجرحها لانها كل حياتي
كريسيتين اضايقت وقربت اكتر وبتهمسله: بس انا اريدك
فهد بعدها عنه: اخبرتك اني لا اريدك
ندى شافتهم وسمعت كل الحوار وفرحت جدا ان فهد عمل كدا مع كريستين وقربت منهم ووقفت ادام فهد وهو استغرب انها جات وراهم
ندى: هل انتي لا تفهمين؟ انه اخبرك انه يحبني
فهد فرحان انها قالتلها كدا وكريستين هتتجنن
ندى كملت كلامها: وانا احبه كثيرا ومش هسمح لوقحة ذيك تقرب منه
كريستين سابتهم ومشيت وفهد فرحان بس زعل انها جات وراه
فهد: ممكن افهم ايه اللي جابك ورانا؟
ندى: كنت عاوزة اعرف هي عاوزاك في ايه
فهد: ما انا كنت هقولك
ندى: حبيت اسمع بنفسي واشوفك ردك
فهد: يعني مش واثقة فيا؟
ندى: لالالا والله مش اقصد كدا
فهد بزعل: امال تقصدي ايه؟
ندى: والله ماقصدش يافهد انا بجد بغيير عليك ومش قادرة اشوفها مقربة منك بالشكل دا
فهد عاوزها تقول كل اللي جواها: واضح عشان كدا جيتي ورانا
ندى: ماتفهم بقى ياعم انت بقولنا بغيير عليك وما استحملتش استنى
فهد ضحك: وانا بعشق غيرتك دي
ندى: يعني مش زعلان؟
فهد قرب منها: تفتكري اني اقدر ازعل منك
ندى حضنته اوي وهو حضنها وهي حاسة ان خلاص خوفها راح بس قررت تكلم الدكتورة الأول، بعد شوية وصلوا الفندق وندى دخلت اوضتها وقفلت على نفسها وكلمت الدكتورة
سلمى: شكلك مبسوط
ندى: جدا
سلمى: يعني حصل؟
ندى: لا لسة
سلمى: يبقى اكيد خوفك راح صح؟
ندى: ايوا
سلمى: طب مستنية ايه؟
ندى بكسوف: هعمله سهرة رومانسية الاول
سلمى ضحكت: ماشي ياعم الرومانسي
ندى: بجد مش عارفة اشكرك ازاي
سلمى: دا واجبي ياندى وانا جمبك في اي وقت حبيتي تحكيلي عن حاجة هتلاقيني ويالا بقى روحي لجوزك بدل مايتجوز عليكي
ندى: مين دا، دا انا كنت قتلته
الدكتورة ضحكت وخلاس قفلت مع ندى، وندى قررت انها تفرح فهد، بعد شوية فهد خبط وهي فتحتله
فهد: انتي قافلة على نفسك ليه؟
ندى: ماقولنا بخاف
فهد: هو يعني حد كان مانعك انك تبقي في جناحي
ندى: لا مافيش
فهد قرب: طب ليه قاعدة لوحدك هنا
ندى بتبعده عنها عشان عاوزة ترتب لدا الاول وهو افتكر انها لسة رافضاه
ندى: يالا عشان ننزل ناكل انا جعانة
فهد: مش لسة فاطرين
ندى بصدمة: انت بتعد عليا اكلي يافهد
فهد بضحك: ماقصدش ياقلب فهد يالا ننزل يامفجوعة
ندى ضربته في كتفه
فهد: ايدك بايت طويلة اوي
ندى: براحتي ها
فهد: مااااااااشي اما نشوف، يالا ادامي
نزلوا ياكلوا والشباب كانوا تحت وقضوا اليوم سوا وكانوا فرحانين اوي وجه الليل وندى عاوزة تعمل حاجة مميزة فاخدت فارس واتكلمت معاه
فارس: في ايه؟
ندى بكسوف: هو ممكن تأخر فهد تحت معاكم نص ساعة كمان؟
فارس تقريبا فهمها: اخيرا
ندى بصتله بغضب: وربنا لو مابطلب رخامة هخنقك
فارس ضحك: خلاص خلاص، وماشي ياستي هأخره
ندى طلعت فوق في اوضتها واخدت لبس ودخلت جناح فهد
فهد لفارس: ندى كانت عاوزاك في ايه؟
فارس: وانت مالك يارخم بنت عمي وعاوزاني
فهد: وحياة امك ماتنطق ياعم انت
فارس ضحك: مش هقولك
فهد: طيب يافارس
فهد قام وخلاص طالع
فارس: رايح فين
فهد: رايح انام
فارس: نوم ايه بس دي السهرة لسة هتبتدي
فهد: دا بالنسبالك ياحبيبي وسبني اطلع
فارس: والله ما انت طالع الوقتي
فهد لمهند: ابعده عني
مهند: تعالى يافارس اقعد وسيبه يطلع براحته
فارس بتصميم: لا مش طالع
فهد شك في حاجة: هو في ايه يافارس؟
فارس: فيش ابدك
فهد: يا سلام
فارس: اه
فهد كان لسة هيرد بس الجرسون قرب منه واداله ورقة فيها رسالة
(ممكن حبيبي يطلع لطفلته المدللة عشان وحشها)
فهد فرح من الرسالة اووووي وحس ان فعلا ندى خلاص عاوزاه وبص لفارس وفارس عاوز يعرف ايه اللي في الورقة
فارس: فيها ايه الورقة دي يافهد؟
فهد: مايخصكش يارخم
فارس ضحك: خلاص يا اخويا فهمت وطلاما كانت هتبعت رسالة مخلياني أخرك ليه
فهد ضحك وسابهم وطلع ، واول مافتح الباب كان النور مطفي بس الارض كلها شموع وهو كل اما يقرب يشوف رسالة على الارض ويفتحها وكانت اول رسالة مكتوب فيها (بحبك من يوم ماشفتك)
وتاني رسالة (بحب عيونك اللي بتجنني)
وتالت رسالة (وبحب قربك مني)
ورابع رسالة والاخيرة (وبقربك خوفي راح)
فهد مع كل رسالة قلبه فرحان وبيدق اووووي ورفع وشه وشافها ادامه لابسة فستان حلوووووو جدا وسايبة شعرها مفرود على ضهرها
فهد: هو انا بحلم؟
ندى بخجل: لا
فهد قرب منها: مش قولنا الروچ دا مش يتحط تاني
ندى بخجل: بس انا حطيته ليك ومحدش هيشوفه
فهد قرب منها اكتر: وانا هشيله وبطريقتي
فهد باسها برقة اوووي وهي بتتبادل معاه
_وسكتت شهرزاد عن الكلام المباح_
واصبحت ندى زوجة الفهد رسمي
#######################
تاني يوم الصبح الشباب وزوجاتهم قاعدين تحت بيفطروا والساعة كانت حوالي الساعة ١ الضهر
عبدالرحمن: ماترن ياعم على فهد
فارس: ماتتلم وتسيبه في حاله
مهند: ماتيجوا نرخم عليه
حمزة: ياريت
فارس: وربنا موتنا على ايديكم
عبدالرحمن والشباب راحو الريسبشن ورنوا على جناح فهد وهما اصلا كانوا لسة نايمين بس فهد رد
فهد بنوم: الو
فارس: صباحية مباركة ياعريس
فهد بنوم: مش فايقلك يارخم
فارس: اه ياعم بقى
فهد بنوم: الله اكبر ياشيخ
فارس ضحك ومقدرش يرد وعبدالرحمن اخد السماعة: اخبار حضرتك ايه يامستر فهد
فهد بنوم: دا انتوا بترخموا بقى
عبدالرحمن: ناخد فرصتنا
فهد اصلا بينام على نفسه: مش فايق ليكم والله
فهد لسة بيتكلم سمع ضحكتها: بقولكم ايه اقفلوا
فهد قفل في وشهم السكة وبص على اللي نايمة جمبه
فهد: صباح الورد
ندى بخجل: صباح الخير
فهد: الرخمين دول صحونا
ندى ضحكت: بيرخموا ذي ماكنت بترخم عليهم
فهد ابتسم: بحبك
ندى فرحت انه بيقولها بحبك في وسط اي كلام
ندى: وانا بحبك اوي
فهد قرب منها وباسها وكملوا نوم
بعد ساعتين صحيوا وفهد طلب الفطار وقعدوا يفطروا بضحك وهزار وسعادة وفهد قرر ان مافيش نزول من الجناح وندى كانت فرحانة بفرحته بيها
تاني يوم الصبح، فهد كان نايم وندى سابته ونزلت وسابتله رسالة جمبه على المخدة
والشباب كانوا متجمعين تحت وهي قربت عليهم
نهلة: اخيرا شفناكي
ندى ضحكت: انا نزلت وهو نايم اصلا
فارس: يالهوي
ندى: اه والله
عبدالرحمن: هتلاقيه نازل الوقتي
فهد صحي وشاف الرسالة مكتوب فيها (طفلتك المدللة نزلت للشلة)
فهد قام لبس ونزل
عبدالرحمن من بعيد: مش بقولكم هتلاقوه نازل
ندى بتبص وراه شافت فهد وضحكت وهو شالها وخدها من وسطهم
فارس: انت ياعم انت
فهد بصله: عاوز ايه يارخم
عبدالرحمن: ماتيجي تقعد معانا
فهد: لا ماليش مزاج اقعد معاكم
الكل ضحك عليه وندى بتضحك عليه
ندى: على فكرة انا عاوزة اخرج معاهم
فهد: لا انسيهم بقى احنا هنخرج لوحدنا
ندى فرحانة وهو فرحان اكتر منها وعدى اسبوع العسل ورجعوا للقاهرة
بعد خمس شهور بالظبط (البنات حوامل)
فهد في الڤيلا واقف ادام المرايا: ياندى ماينفعش كدا والله مش عارف البس القميص
ندى حاضنة فهد: اعملك ايه وبعدين قولتلك خد اجازة
فهد: ياسلام يعني اخد اجازة عشان هرمونات حملك اللي جايا عليا دي
ندى: اه وايه يعني
فهد: واقول للعملاء ايه معلش مراتي حملها جاي بريحتي
ندى ضحكت: اه عندك مانع
فهد ضحك: معنديش طبعا ياقلبي بس سبيني اخرج بقى
ندى بعدت وهي زعلانة: طيييييب يالا انزل
ولسة هتمشي وتسيبه وقفها
فهد: هخلص الشغل واجيلك على طول
ندى عيطت اوي: لا انت اصلا مابقتش تحبني
فهد بسرعة خلص لبس وخرج من الاوضة ورجع بصلها: انا همشي بدل ماهرمونات كل يوم تطلع وانا في الاخر بنضرب
ندى ضحكت عليه اوي
في الشركة فهد وصل وقاعد في مكتبه ودخل عليه عبدالرحمن ومهند وفارس ، وفارس كان مضايق
فهد ماسك نفسه من الضحك على منظر فارس
فارس: اضحك يا اخويا بلاش تكتم في نفسك
فهد ضحك اوي: شكلك مسخرة
فارس بغضب: انت تيجي تاخد بنت عمتك دي
عبدالرحمن ضحك: يا ابني دا انت في رحمة مش احسن من اللي مقضياها اكل دي
فارس: مقضياها اكل بس في الاخر نايمة في حضنك مش انا اللي مش طايقة ريحتي ومنيماني في اوضة لوحدي
فهد خلاس معتش قادر وضحك لحد ما بطنه وجعته
فارس بغضب: ما انت ليك الحق تضحك ما انت مراتك بتتوحم عليك دا حتى اليوم اللي خرجناه سوا فضلت لازفة فيك
فهد وهو بيخمس في وشه: الله اكبر في عينك
مهند ضحك: انا بقى صافي مقضياها نوموهما بيتكلموا دخل عليهم حمزة
فهد: في ايه انت كمان؟
حمزة: يا ابني تعبت انا هدومي بتتفتش اول مابدخل من البيت ولا كأني متجوز كلب
فارس بغضب: اتلم
حمزة: ياشيخ اتنيل انت واختك
فهد ماسك بطنه من كتر الضحك: هموت منكم يخربيتكم
عبدالرحمن: دا انت تروح تبخر نفسك
حمزة: المفروض عشان كدا هنحسده
فهد: يالا منك ليه على شغلكم، بس عارفين اقسم بالله بدعيلكم انكم تكونوا فرحانين فرحتي في فترة حملهم
فارس قام من ادامه وخرج
والشباب بيضحكوا عليه، وفارس رجعلهم تاني: مراتك بارة يافهد
عبدالرحمن: نهار اسود حتى في الشركة
فهد بيضحك اوي: يالا بارة
الكل خرج وندى دخلت وفهد قام استقبلها وهي حضنته
فهد: هو انا مش لسة سايبك في الڤيلا
ندى: وحشتني
فهد: انتي عارفة انهم كانوا قاعدين معايا بيحسدونا
ندى بغضب: خليهم كدا مش عارفة يعني ربنا هيعمل فيهم ايه اكتر من كدا
فهد ضحك اوي: طب يالا ارجعي الڤيلا
ندى: لا ها
فهد: انا عندي اجتماع
ندى: عادي هحضره معاك
فهد: وربنا مايحصل انتي فاكرة عملتي فيا ايه الاجتماع اللي فات
ندى ضحكت اوي: اعمل ايه بس ريحة برفانك هي اللي جننتني
فهد: يابنتي دا انا فضلت قاعد شايلك على رجلي ذي الطفلة
ندى بدلال: ماهو انا طفلتك المدللة
فهد: ندى حبيبتي يالا عشان تروحي احنا في الشركة ياماما
فهد رن على سالم الحارس الشخصي وطلب منه ياخد ندى للڤيلا
وبعد اربع شهور البنات كانوا موجودين في المستشفى بيولودا، وعزة نازلة ضرب في فارس
البنات دخلت اوضة العمليات والكل مستنيهم باردة وبعد شوية اصوات الاطفال ظهرت
فهد وندى ربنا رزقهم ببنتين توأم، وفهد كان فرحان بيهم اوووووي
فارس وعزة: ربنا رزقهم بولدين وفارس طاير بيهم
حمزة وليلى: ربنا رزقهم ببنت ذي القمر وفرحانين بيها جدا
مهند وصافي: ربنا رزقهم بولد ذي القمر
عبدالرحمن ونهلة بقى: ربنا رزقهم بتوأم بنت وولد
وطايرين بيهم
بنات ندى وفهد (مكة و ملك)
عبدالرحمن ونهلة (محمد ولوچي)
مهند وصافي ( اسر)
حمزة وليلى ( تالا)
فارس وعزة ( احمد ومحمود)
عدت سنة ونص على ابطالنا وكانوا فرحانين جدا والشباب قرروا انهم يشتروا قصر كبير ويعيشوا فيه كلهم سوا
في يوم سهرانين عزة بصت لفارس وكانت عاوزة تقوله حاجة
عزة: فارس حبيبي
فارس: ها
عزة: عاوزة اقولك على حاجة ياحبيبي
فارس بسرعة قام وهيجري: وحياة امك ماتقولي انتي فاكرة اني هستحمل حملك تاني
عزة ضحكت عليه والكل ضحك عليه
ندى: ايه بس يافارس ما اهو انا كمان حامل
فهد اتفاجئ: حبيبة قلبي مبروك
فارس: اه يا اخويا ليك حق تفرح
فهد: يا ابني هي نيات
عبدالرحمن ومهند وحمزة مش قادرين يبطلوا ضحك عليهم
عدت كمان خمس سنين وندى جابت ولد وسموه (مراد) على اسم ابو فهد الله يرحمه وفهد فرح جدا انها اختارت الاسم دا
وعزة جابت بنت ذي القمر وسموها (هالة)
لكن مهند وحمزة وعبدالرحمن مكتفيين باللي معاهم حاليا
الحياة سعيدة والكل فرحان وفهد بيتخانق مع الولاد عشان بناته وعامل عليهم حصار
######################
توتة توتة خلصت الحدوتة حلوة ولا ملتوتة
فهد مصدوم: نعم؟!
ندى بهدوء: عاوزة اوضة ليا لوحدي
فهد مستغرب طلبها وواقف مصدوم حتى البنات والشباب
فارس: ليه ياندى؟
ندى: من غير سبب انا عاوزة اكون لوحدي
فهد بهدوء طلب من الريسبشن انهم يحجزوا ليها اوضة لوحدها وبعد كدا سابهم وخرج من الفندق
عبدالرحمن بعتاب: ليه عملتي كدا؟
ندى بدموع: محدش فاهم حاجة ولا هفتهموا
ندى سابتهم وطلعت بعد ماعرفت رقم الاوضة
مهند للبنات: اطلعوا انتوا على مانشوف فهد
البنات طلعت والشباب طلعت تشوف فهد كان قاعد عند حمام السباحة (لانهم في قرية سياحية)
فارس: ممكن تطلع تستريح من السفر
فهد ماردش عليه
عبدالرحمن قعد جمبه: فهد ممكن بس تصبـ.......
ولسة عبدالرحمن هيكمل كلامه فهد اتكلم بغضب
فهد بغضب شديد: مش عاوز اسمع كلمة اصبر دي انا تعبت والله تعبت وانتوا شاغلين بالكم بيا ليا اتفضلوا اطلعوا قضوا ليلتكم
حمزة: شاغلين بالنا بيك ليه؟ المفروض ان احنا كلنا ايد واحدة واخوات مش معقول هنسيبك ونطلع
فهد بغضب: خلاص خليكم قاعدن وانا اللي همشي
وفعلا فهد سابهم ومشي خالص والشباب زعلانين على صاحبهم اللي مش عارف يفرح
فارس: مش عارف ليه هي بتعمل كدا
حمزة: ولا انا
عبدالرحمن: طب هنعمل ايه الوقتي؟
مهند: مش عارف
فارس: يالا نطلع فوق لحد مايرجع
الشباب كل واحد فيهم دخل الجناح بتاعه وبعد كام ساعة وصل فهد للفندق ودخل الجناح بتاعه وبيحاول ينام مش عارف بي هو فارد جسمه على السرير وفجأة سمع صوت باب الجناح بيتفتح فعمل نفسه نايم واللي كان داخل كان ندى، قربت منه عرفت انه نايم فتحت ايديه براحة ونامت في حضنه، وفهد فتح عنيه ومستغرب تصرفاتها
فهد: طلاما خايفة ليه طلبتي اوضة لوحدك؟
ندى اتفاجأت انه صاحي وفضلت مخبية وشها في حضنه: انا مش عاوزة اتكلم انا بجد محتاج انام
فهد اخدها في حضنه ونام وكأنه كان محتاج حضنها عشان يعرف ينام
#######################
تاني يوم الصبح _في اوضة حمزة_
حمزة صحي وطلب فطار وبدأ يصحي ليلى
حمزة: ليلتي
ليلى بنوم: عيون ليلتك
حمزة ضحك: صباح الورد على اجمل عروسة في الدنيا
ليلى بكسوف: صباح الخير ياحبيبي
حمزة: يالا قومي انا طلبت الفطار وشوية وهيطلع
ليلى فاقت وقامت دخلت تاخد دش
_في اوضة عبدالرحمن ونهلة_
نهلة هي اللي صحيت وفضل جمب عبدالرحمن تبصله اوي كأنها بتحفظ ملامحه وبدأت تصحيه
نهلة: بودي
عبدالرحمن بنوم: امممممممم
نهلة: صح النوم ياحبيبي
عبدالرحمن فتح عنيه وبصلها: ايه الصباح العسل دا، انتي صحيتي امتى؟
نهلة: من نص ساعة
عبدالرحمن: طب ماصحتنيش ليه؟
نهلة برومانسية: حبيت اشوف ملامحك وانت نايم
عبدالرحمن شدها عليه: طب وشكلي حلو وانا نايم بقى ولا؟
نهلة: انت حلو في كل حالاتك
عبدالرحمن باسها برقة وبعد شوية طلبوا الفطار
_في اوضة فارس وعزة_
فارس صحي وطلب الفطار وبدأ يصحي عزة وهي نايمة خالص
فارس: يازوزو قومي بقى
عزة بنوم: لا سبني شوية عاوزة انام
فارس: وتسيبي فارس حبيبك يقعد لوحده
عزة بنوم: شوية وهصحى
فارس بخبث: خلاص خليكي نايمة وانا هنزل افطر لوحدي وتحت الاجانب بقى وهيصا
عزة قامت بسرعة ومسكته من هدومه: سمعني كدا قولت ايه؟
فارس ضحك اوي: كان لازم يعني اعمل كدا عشان تقومي؟
عزة بغضب: ما انا عاوزة انام
فارس قرب منها: وحشتيني وعاوز واقعد معاكي
عزة اتكسفت: طب ما انا معاك اهو
فارس: لا مش معايا انتي مع النوم، والنوم واخدك مني
عزة: محدش يقدر ياخدني منك
فارس: الله اكبر ايه الكلام الحلو دا
عزة بكسوف ضربته في صدره بخفة
فارس: بحبك
عزة: بعشقك يافارسي
_في اوضة مهند وصافي_
صافي صحيت وفتحت ستاير الجناح ومهند صحي على ضوء الشمس
مهند بإبتسامة: صباح الورد
صافي بخجل: صباح الخير
مهند قام من السرير وقرب منها: حبيبتي صحيت قبلي ومش صحتني ليه؟
صافي بكسوف من قربه: قولت اسيبك تنام براحتك
مهند بيهمسلها في ودانها: راحتي هي قربي منك
صافي اتكسفت اوي من كلامه وهو حضنها
_في اوضة فهد وندى
_فهد صحي على صوت التليفون الخاص بجناحه ورد عليه بنوم
فهد: الو
عبدالرحمن: صباح الخير يافهد
فهد: صباح الخير ياعريس ايه مصحيك الوقتي ؟
عبدالرحمن: احنا بقينا الضهر يالا قوم كدا وصحصح ونهلة هتكلم ندى
فهد بص جمبه على اللي نايمة جمبه وكالعادة ماسكة في هدومه: ندى جمبي ياعبدالرحمن
عبدالرحمن بفرحة: يعني حصل؟
فهد بزعل: لا ويالا اقفل عشان اصحيها ، بس قولي اختي عاملة ايه؟
عبدالرحمن ضحك: كويسة يا اخويا
فهد ضحك: يالا يارخم
فهد قفل مع عبدالرحمن وندى كانت صحيت على صوته
ندى: مين كان بيكلمك؟
فهد: عبدالرحمن
ندى: هما صحيوا ولا ايه؟
فهد: اه
ندى: ليه مش عرسان خليهم نايمين
فهد بصلها اوي: دا على اساس اننا مش عرسان ذيهم مثلا؟
ندى: لا عرسان ذيهم
فهد: طب كويس انك لسة فاكرة
فهد قام من جمبها ودخل الحمام وهي اضايقت اوووي انه زعلان منها وخرجت من جناحه ودخلت اوضتها وفهد خرج مالقهاش فعرف انها راحت اوضتها، لبس هدومه (شورت چينز وتيشرت وكوتشي) ونزل تحت من غير ماياخدها معاه
الشباب نزلوا وكل واحد في ايده مراته وقاعدين مستنيين فهد وندى، وشوية وفهد قرب منهم
فارس: امال ندى فين؟
فهد قعد: معرفش
عبدالرحمن: هي مش كانت عندك؟
فهد: ايوا وخرجت من الحمام ملقتهاش
نهلة بصت من بعيد شافتها: اهي نزلت اهي
ندى قربت عليهم: صباح الخير
صافي: صباح الورد ياندوش
فارس: صباح الخير ياحبيبتي
فهد بغضب: حبيبتك واقفة جمبك واتلم وعدي الاسبوع دا على خير عشان مايبقاش شهر بصل علي دماغك
فارس والشباب ضحكوا اوي على غيرة فهد
ندى: هو قال ايه يعني يافهد
عبدالرحمن: بنت عمك شكلها هتخربها يافارس
فهد بغضب: انتي يعني مش شايفة هو قال ايه؟
ندى: لا
فارس: خلاص في ايه انتوا هتتخانقوا في يوم صباحيتكم
فهد بسخرية: صباحيتنا
ندى اضايقت من سخرية فهد وان محدش قادر يفهمها ولا حتى يحاول يسيبها تاخد راحتها
البنات اخدوا ليلى وقعدوا لوحدهم شوية وفارس بيهدي فهد: في ايه يافهد؟
فهد بغضب: لو عاوز تزعل مني كتر في الكلام اوي
عبدالرحمن كان لسة هيتكلم بس فهد وقفه بنظرة من عنيه
البنات قاعدين سوا وبيتكلموا
صافي: ليه ياندى بعدتي عنه امبارح؟
ندى بدموع: كلكم مش حاسين بيا ولا عارفين انا فيا ايه
نهلة: طب ما احنا اهو بنسألك
ندى: وانا مش عاوزة اتكلم
عزة: خلاص يابنات سيبوها براحتها
ليلى بصت على الشباب وشافت حاجة صدمتها: الحقوا بصوا كدا على اللي واقفة مع الاساتذة
البنات كلهم بصوا بس اللي اتصدمت فيهم كانت ندى عشان البنت اللي وقفت معاهم كانت قريبة من فهد وسلمت عليه وباسته من خده
ندى: ودي مين دي؟
نهلة: انتي لسة هتسألي اتفضلي نشوف مين
البنات قاموا
*الحوار مترجم*
كريستين: كيف حالك مستر فهد؟
فهد بإبتسامة: بخير كريستين، كيف حالك انتي؟
كريستين: بخير
البنات قربوا منهم وكل واحدة وقفت جمب جوزها وندى بقى راحت وقفت ادام فهد ولفت ايديه حوالين وسطها ، فهد استغرب من طريقتها بس فرح اووووي انها غيرانة عليه
كويستين بإستغراب: مين دي مستر فهد؟
فهد كان لسة هيرد بس ندى ردت: زوجته
كريستين اتفاجأت: مبروك مستر فهد
فهد: شكرا كريستين
كريستين: انتوا قاعدين هنا كام يوم؟
فهد: اسبوع
كريستين: اكيد هنتقابل
ندى اللي ردت عليها: I don't think so (لا اظن ذلك)
كريستين اضايقت من ردها واستأذنت ومشيت
فهد: ليه رديت الرد دا؟
ندى بغضب: براحتي وبعدين حضرتك مبسوط اوي وهي قاعدة تسلم عليك وتبوسك لا وكمان الروچ معلم على خدودك
فهد: على الاقل هي علمت على خدودي مش مراتي اللي بعيدة عني
ندى اضايقت من رده وخصوصا في وجود البنات والشباب وسابتهم ومشيت
فارس: انت غلطان يافهد
عبدالرحمن: مكانش ينفع تحرجها ادامنا كدا
فهد اضايق من نفسه انه زعلها بس قال مش هيصالحها
ندى طلعت اوضتها وفتحت اللاب وعملت مكالمة فيديو
الدكتورة سلمى: مالك ياندى بتعيطي ليه؟
ندى بدموع: انا مش عارفة اعمل ايه المفروض اني اكون فرحانة وانا معاه بس انا مزعلاه اوي وهو مضايق من كدا
سلمى بهدوء: انا طلبت منك انك تعرفيه بس انتي رفضي
ندى: لا مش هقوله حاجة، وبعدين اقوله ايه ان انا خايفة منه وبتعالج نفسي
سلمى: اني خايفة اه بس مش منه انتي خايفة من اي راجل وخصوصا دا بعد اللي حصل
ندى: امبارح لما وصلنا طلبت اكون في اوضة لوحدي ومعرفتش انام خالص ورحت نمت في حضنه
سلمى: ندى انتي بتحبيه وهو بالنسبالك آمانك يبقى لازم يعرف
ندى: لا مش هقوله لازم اكون كويسة الاول وبعد كدا يبقى يعرف
سلمى: ماشي ياندى بس ممكن اعرف ايه اللي حصل عشان تعيطي
ندى حكتلها اللي حصل
سلمى بهدوء: هو غلطان في رده عليكي بس هو رده عشان زعلان ان مراته بعيدة عنه من غير مايفهم ايه السبب
ندى بعياط جامد: انا مش عارفة اعمل ايه وغصب عني رغم ان حضنه آماني بس خايفة اقرب
سلمى: دا طبيعي ياندى عشان انتي من اللي حصل معاكي بقيتي بتخافي
ندى: نفسي اكون كويسة عشانه
ندى خلصت المكالمة وقفلت
(دلوقتي عرفنا ندى كانت بتكلم مين فيديو.....الدكتورة سلمى: دكتورة نفسية، ندى بعد ماحازم حاول الاعتداء عليها حصلت ليها صدمة وقررت تتابع مع دكتورة نفسية بس عن طريق النت عشان محدش يعرف انها بتتعالج نفسي من العقدة دي)
نهلة طلعت لندى: ممكن تنزلي معايا يالا
ندى: انبسطوا انتوا وسبوني
نهلة: قومي ياندى بدل واقسم بالله انتي عارفة هعمل ايه
ندى ضحكت غصب عنها: لا خلاص هقوم
ندى دخلت غسلت وشها ونزلت مع نهلة، والكل كان قاعد تحت
عبدالرحمن: عاوزين نبدأ بإيه؟
فهد لسة هيرد بس جه شاب عليهم: صباح الخير مستر فهد
فهد: صباح النور، انت مين؟
الشاب: انا مدير اعمال انسة كريستين
فهد: وبتتكلم عربي؟
الشاب: ايوا عشان انا اصلي مصر، المهم دلوقتي هي عزماكم على اليخت بتاعها
فهد: تمام وانا موافق
ندى: احنا عاوزين نكون لوحدنا مش عاوزين حد غريب
الشاب هو اللي رد عليها: انسة كريستين مش حد غريب دي شريكة مستر فهد في شغل بارة مصر
فهد بهدوء: خلاص احنا موافقن تقدر تبلغها موافقتنا
الشاب كلم كريستين في التليفون واخدهم لليخت وندى مضايقة ان فهد وافق
فارس لفهد: ليه وافقت يافهد وانت عارف ان ندى هتضايق؟
فهد: عادي وبعدين يعني هي تضايق ليه؟
فارس: مابقتش فاهمك
فهد سكت وبص على ندى اللي ماشية جمب البنات وباين عليها مضايقة
وصلوا اليخت وكريستين كانت موجودة وبما انها اجنبية فكانت لابسة بكيني
(البنات هتولع)ندى اول ماشافتها اضايقت اوي من شكلها
فهد: شكرا كريستين على العزومة دي
كريستين: you arewelcome (العفو)
الشباب قعدوا وكل واحد جمبه مراته بس ندى سابتهم وقعدت لوحدها
فارس: قوم لندى يافهد
فهد: اقوم اعملها ايه؟
فارس: مابلاش رخامة بقى ياعم انت
فهد: لا يافارس مش هقوم
_نيجي لقصر المنياري_
قاعدين كلهم متجمعين وحامد السيوفي كان موجود معاهم
سليم لمختار: كلمت فهد ياجدي؟
مختار: لا ياحبيبي لسة بس هكلمهم بالليل
حامد: احنا قولنا نسيبهم وبالليل نكلمهم
سليم: هو انا لو رحت ارخم عليهم ايه هيحصل
حامد ضحك: فهد هيموتك بس
سليم ضحك: لا مش رايح خلاص
وهما قاعدين يتكلموا هنية خالة ندى دخلت
حامد: انتي جايا هنا تعملي ايه؟
هنية: جايا اطمن على بنت اختي
حامد: معتش ليكي بنت اخت بعد اللي ابنك عمله
هنية بدموع: انا والله ماكنت في البيت ولا في البلد اصلا
مختار: اهدى ياحامد دي باردوا خالتها
حامد: وبالنسبة للي ابنها عمله؟
مختار: هو غلط وخلاص اتحبس لكن هي ملهاش ذنب
هنية: انا والله عمري ما اتمنى ان ابني يعمل كدا مع بنت اختي اللي المفروض تكون بنتي
حامد: عالعموم هي كويسة ومسافرة مع جوزها لشهر العسل
هنية: لما توصل بالسلامة انا هكلمها واعتذر منها وابني انا مش هسامحه عمري
_نرجع لشرم الشيخ_
الكل جاهز عشان ينزلوا البحر وندى باردوا قاعدة لوحدها وفهد مضايق انه سايبها كدا بس هو زعلان منها
كريستين قربت على فهد: يالا ننزل سوا
فهد: اسف كريستين مش هنزل
كريستين: ليه فهد؟
فهد: لاني اصبحت رجلا متزوجا الآن
كويستين: وايه يعنى
فهد: اسف
فهد ساب كريستين وراح لندى وقعد جمبها
فهد: ممكن اعرف قاعدة بعيد عننا ليه؟
ندى: مافيش حبيت اقعد لوحدي
فهد: يعني مش عاوزاني اقعد معاكي؟
ندى بصتله اوي وسكتت وهو اضايق من سكوتها وقام من جمبها وقلع التيشرت ونزل البحر وهي قاعدة بتبص عليه وعلى البنات وهي مع ازواجهم
ندى لنفسها: استحملني عشان خاطري انا والله غصب عني انا عارفة انك زعلان مني اوي بس والله مش قادرة
كريستين لما شافت فهد نزل قربت منه وندى اضايقت من تصرفاتها، فارس كان في البحر وقرب من ندى وهي قاعدة على طرف اليخت
فارس: ماتسبهاش معاه
ندى بعدم فهم: ليه؟
فارس: ندى افهمي اللي ذي كريستين دي عاوزة اي راجل وخلاص ومافيش حد بيقدر يقولها لا الا فهد مهما حاولت تقرب منه هو مش بيسمحلها بدا
ندى: يعني عاوزني اعمل ايه؟(هي ايه البت الغبية دي)
فارس: يعني لو فضلتي بعيد عن جوزك كدا كتير صدقيني هتزعلي وانتي فاهمة قصدي
فارس سابها وكمل سباحة وعينها على فهد وكريستين اللي كل شوية بتقرب اكتر بطريقة مستفزة وفهد شايف ندى انها مضايقة ودا مفرحه وقرر بقى يلعب على الحتة دي ، كريستين حاطة ايديها على جسم فهد وبتكلمه في ودانه وهو بيضحك (بيعاند ندى
)ندى اضايقت اوي وقررت تنزل البحر بس ازاي وهي اصلا مش بتعرف تعوم، وقفت وقررت ترمي نفسها (اه يابنت المجنونة) واللي لحقها حمزة
حمزة: ايه الجنان دا ياندى؟
ندى: كنت بحاول اتعلم العوم لوحدي
فهد قرب عليهم بغضب: انتي مجنونة ايه اللي انتي عملتيه دا؟
ندى بعناد: مالكش دعوة وخليك مع الست كريستين بتاعتك
فهد ماسك نفسه من الضحك بالعافية: مالها كريستين مضايقة ليه منها؟
ندى اضايقت اوي منه: وهضايق منها ليه عادي.......وبصت لحمزة: ساعدني اخرج ياحمزة من الماية
فهد بغضب: خليك جمب مراتك
حمزة سابهم وراح لليلى
فهد مسك ندى وشالها: ممكن تبطلي جنانك دا
ندى بصتله وعنيها كلها دموع: خرجني يافهد من الماية
فهد: لا ياندى مش هخرجك
ندى بعياط: لا خرجني
فهد قرب وشه منها: مش هخرجك
ندى اتكسفت من قربه: طب ابعد شوية
فهد بخبث: لا انا مرتاح كدا
ندى: خلاص خرجني
فهد اضايق واتكلم بغضب: انا تعبت من تصرفاتك والله تعبت ايه حرام عليكي انتي ليه بتعملي معايا كدا لييييه
ندى عيطت انه زعق عليها والشباب والبنات قربوا منهم
عبدالرحمن: اهدى يافهد مش كدا
فهد: مش عاوز اسمع كلام من اي حد واتفضلوا اطلعوا عشان نرجع
فهد شال ندى ونزلها اوضة اليخت وطلب منها ماتطلعش منها عشان هدومها اللي ماسكة على جسمها وطلع ليهم عاليخت
فهد: لو سمحتي كريستين محتاجين نرجع
كريستين: ليه فهد؟
فهد: بدون اسباب
كريستين اضايقت انهم هيمشوا وطلبت من مدير اعمالها يتحرك باليخت، وبعد شوية وصلوا الفندق وكل واحد شايل مراته حتى فهد
فهد دخل الجناح الخاص بيه وقعدها على السرير وسابها واخد هدوم ودخل ياخد دش وهي خرجت راحت اوضتها وكلمت الدكتورة النفسية وفضلت تعيط جامد والدكتورة قررت تكلم فهد بس طبعا ندى ماتعرفش
في جناح فهد، تليفونه رن ورد
فهد: الو
الدكتورة سلمى: الاستاذ فهد معايا؟
فهد: ايوا مين حضرتك؟
سلمى: انا الدكتورة سلمى، الدكتورة النفسية الخاصة بمدام ندى
فهد بقلق: دكتورة نفسية ليه هي ندى مالها؟
سلمى: ماتقلقش انا هشرح لحضرتك، مدام ندى لما اتعرضت لحالة الاعتداء من ابن خالتها حصلها صدمة ان اي حد يقرب منها وكلمتني عشان تتابع معايا، هي دلوقتي عندها خوف من اي حد يقرب منها وطبعا الحد دا لو راجل
فهد: حتى انا؟
سلمى: ايوا، رغم انها قالتلي انك حماها وآمانها بس هي خايفة انك تقرب منها، يعني هي فهمتني انها بتخاف تنام لوحدها وبتيجي تنام في حضنك ودا بس اللي هي محتاجاه لكن اي اقتراب تاني خايفة منه ودا مش بإيديها دا غصب عنها من اللي حصل
فهد: بس انا عمري ماهأذيها
سلمى: الموضوع مش كدا، ندى طلاما شيفاك آمانها يبقى استحالة تفكر انك هتأذيها بس دي ذي ماقولتلك صدمة فأثرت عليها
فهد: يعني بعدها عني دا بسبب كدا
سلمى: ايوا وانا طلبت منها تقولك قالتلي لا مش عاوزة تعرفك انها بتتعالج نفسي رغم ان العلاج النفسي دا حاجة طبيعية
فهد: هتفضل طول عمرها غبية
سلمى: انا كلمت حضرتك عشان افهمك وهي ماتعرفش اي حاجة عن مكالمتي ليك، بس هطلب من حضرتك طلب بلاش تعاندها وتخليها تغيير عليك
فهد: انا مش بعاندها
سلمى: اللي ندى حكتهولي من شوية كله معناه انك عاوز تشوف غيرتها عليك، بص يامستر فهد ندى بتحبك رغم انها مقالتلش كلمة بحبك بس هي بتحبك اووووي
فهد بفرحة: هي قالتلك كدا؟
سلمى: ايوا فأصبر عليها وصدقني يوم ماهي تحس انها بقيت كويسة ومستعدية هي اللي هتقرب منك مش انت
فهد: شكرا جدا انك عرفتيني
سلمى: دا واجبي والاهم هي مش لازم تعرف حاجة عن مكالمتنا دي غير بعد ماهي تكون كويسة معاك
فهد: حاضر ماتقلقيش
سلمى قفلت مع فهد، وهو فضل قاعد بيأنب نفسه انه كان قاسي عليا في تصرفاته بسبب كريستين وقرر انه يقربها منه، خرج من جناحه ودخل اوضتها وهي كانت في البلكونة
فهد: يعني كل شوية ادخل الحمام واخرج الاقيكي خرجتي
ندى اتخضت: حرام عليك خضتني
فهد قعد جمبها: سلامتك من الخضة ياقلبي
ندى: وبعدين عاوزني اقعد اعمل ايه وانت اصلا زعلان مني
فهد قرب منها واخدها في حضنه: هو في حد يزعل من روحه
ندى خرجت من حضنه وبصتله: انا روحك؟
فهد بإبتسامة: طبعا روحي، انتي مش بس حبيبتي انتي طفلتي المدللة اللي مجنناني
ندى فرحت من كلام فهد وفجأة: بحبك
فهد سمع الكلمة دي وقلبه بيرقص
: انتي قولتي ايه؟ندى اتكسفت اوي: مش هقول ها
فهد قعدها على رجله: لا هتقولي، يالا سمعيني قولتي ايه
ندى: دا على اساس انك ماسمعتهاش
فهد ضحك: لا سمعتها بس مش مصدق وداني
ندى: لا صدق
فهد: طب اسمعها تاني
ندى بكسوف: بحبــ....
ولسة هتكمل فهد باسها برقة اوووووي وبعد عنها: انا اللي بحبك اووووي ياندى
ندى كانت فرحانة انه معتش زعلان منها بس باردوا لسة ذي ماهي
_نيجي لنهلة وعبدالرحمن_
نهلة: كلم فهد
عبدالرحمن: ليه؟
نهلة: عشان طلعوا زعلانين ورن نطمن عليهم
عبدالرحمن حاضن نهلة: سبيهم يحلوا مشاكلهم سوا
نهلة: انا مش عارفة ليه ندى بعيدة عنه
عبدالرحمن بخبث: هو احنا هنقعد نتكلم عليهم ولا ايه؟
نهلة ضحكت وقامت من حضنه بسرعة: بعينك انا جعانة اوي وعاوزة انزل اكل
عبدالرحمن قام ومسك ايديها: طب مانطلب الاكل هنا وغمزلها
نهلة بتفكير: اممممم طب افكر
عبدالرحمن شالها: يبقى نفكر سوا
نهلة: يامجنون
_فارس وعزة_
فارس زعلان على صاحب عمره وعزة قاعدة جمبه
عزة: سرحان في ايه وانا جمبك؟
فارس باس دماغها وابتسم: مقدرش اسرح في حد وانتي جمبي اصلا
عزة بزعل مزيف: واضح اهو
فارس ضحك: لا انا مقدرش على زعلك ياعمري
عزة: وانا مش زعلانة ها
فارس: لا مين قال كدا، انتي زعلانة اهو وباين في عنيكي ولازم اصالحك
فارس شالها وحاضنها اوي
(يالا مالناش دعوة بيهم
)_حمزة وليلى_
الاتنين طلبوا الاكل وقاعدين على السرير بياكلوا وحمزة بيأكل ليلى بإيده
ليلى: على فكرة انت كدا مش هتعرف تاكل
حمزة: مين قال كدا؟ انتي لما بتاكلي انا كأني اكلت
ليلى بفرحة حضنته: هتفضل تعاملني بحب كدا على طول
حمزة باس ايديها: طول ما انا فيا نفس حبي ليكي عمره مايقل
ليلى بحب: بحبك اوي
حمزة: لا بحبك دي مش تتقال كدا خالص
ليلى ضحكت: على فكرة انا لسة ماشبعتش
حمزة: انسي
ليلى ضحكت اوي وحمزة حضنها
_مهند وصافي_
دول بقى مؤدبين
صافي نايمة ومهند بيكلم ابوه فيديوسعد: حبيبي عامل ايه؟
مهند: تمام والله يابابا انتوا عاملين ايه؟
سعد: كويسين ياحبيبى مراتك عاملة ايه؟
مهند: تمام والله
هناء قعدت جمب سعد
مهند: وحشتيني ياطنط والله
سعد: اتلم ياجذمة
هناء ضحكت: سبنا نتكلم جد بقى
سعد: مايقولكيش وحشتيني
هناء ضحكت: بلاش يامهند ياحبيبي اصل ابوك بيغيير
سعد: لا بقولكم ايه حبيبي ووحشتيني هقوم قافل
هناء: لا لا لا خلاص، قولي يامهند فهد ونهلة اخبارهم ايه؟
مهند: تمام والله ياطنط بس الاتنين قافلين تليفوناتهم من ساعة ماوصلنا هنا
هناء: ربنا يسعدهم ياحبيبى ويسعدكم كلكم
مهند: يارب ياطنط انا هخليهم يكلموكي
هناء: ياريت
مهند: حاضر
#####################
في المساء، كلهم اتجمعوا وقرروا يخرجوا يتمشوا واتصوروا صور جماعية سوا للذكرى
وقعدوا على البحر وكل واحد مراته جمبه
فهد: شايفة القمر؟
ندى: ايوا
فهد: انتي احلى منه
ندى فرحت بكلامه: بجد
فهد: طبعا بجد
ندى: بحبك
فهد: تعرفي ان الكلمة دي كنت بستناها من زمان اووووي
ندى: معرفتش اخبيها اكتر من كدا
فهد: وتخبيها ليه مش انا جوزك حبيبك
ندى بصتله: ايوا
فهد: يبقى ليه تخبيها
ندى: كنت مكسوفة اقولها
فهد: يا سلام
ندى: ايوا
فهد حضنها جامد وباسها برقة والشباب بيصفروا
فهد: دا انتوا مركزين بقى؟
مهند: طبعا يابرنس
حمزة: ياحبيبي احنا هتلاقينا وراك وراك
فهد ضحك عليهم وقام يجري وراهم والبنات قربوا من ندى
عزة: ها خلاق حنيتي عليه؟
ندى: لسة
نهلة بزعيق: لييييييييييييه؟
ندى: في حد يزعق كدا سرعتيني
صافي ضحكت: والله يابنتي انا لو منه كنت موتك
ندى بغضب: رخمين اوي
شوية والشباب رجعوا ليهم وقرروا يسهروا لحد الصبح وبكرة هيطلعوا الجبل عند البدو
الليل عدا عليهم بفرحة وسعادة وندى فرحانة ان فهد مش زعلان منها وفي نفس الوقت مستغربة انه بيتعامل عادي، طلع الصبح عليهم وراحوا ناموا ساعتين وبعد كدا هيطلعوا الجبل
صحيوا وفطروا وجهزوا نفسهم وطلعوا الجبل وندى والبنات كانوا فرحانين اوي بالجو هناك وللأسف كريستين كانت هناك (البت دي مرقباهم ولا ايه)
ندى بضيق: ايه اللي جابها هنا دي؟
فهد: عادي ياندى المكان دا كل الاجانب بتحبه
ندى: واشمعنا يعني تكون موجودة النهاردة
فهد همسلها: حبيبي بيغيير عليا بقى ولا ايه
ندى بصتله: ايوا بغيير عليك عشان بحبك وانت فهدي وبس
فهد سمع كلمة فهدي دي وفرح اوي وقرب منها: انتي قولتي انا ايه؟
ندى بكسوف: فهدي
فهد قرب منها ولسة هيبوسها بس هي منعته: على فكرة احنا مش لوحدنا ماشي
فهد ضحك: دا انتي فصيلة
ندى ضحكت اوي وسكتت وقعدوا كلهم سوا حتى كريستين جات قعدت معاهم وقعدت جمب فهد وندى اضايقت وفارس كان قاعد جمب ندى وفهد الجهة التانية فقامت وخلت فهد يقعد جمب فارس وهي جمبة من الجهة التانية وكريستين جمبها
فهد ضحك اوي: يخربيتك كدا
ندى بغضب: انت تسكت خالص عشان انا على اخري
فهد: الله وانا عملت ايه؟
ندى بصتله: معملتش حاجة خالص بأمارة حلاوتك ولا لون عيونك اللي ذي لون البحر
فهد فرحان انها بتتغزل فيه: وايه كمان؟
ندى كملت وصف فيه: وضحكتك اللي لما بسمعها قلبي بيفرح ولا شعرك اللي بحب المسه
فهد قرب منها اوي وهمسلها: على فكرة انتي منعتيني المرة اللي فاتت لكن الوقتي مش هتقدري
ندى اتكسفت من كلامه وهو فضل حاضنها طول ماهو قاعد وكريستين مضايقة اوي خصوصا ان مافيش راجل بيرفضها بس فهد الوحيد اللي مهما حاولت مانعها عنه
ندى والبنات قرروا يلبسوا لبس البدو والشباب هيلبسوا عبايان
والبنات كانوا جمال اول في لبس البدو والموسيقى البدوية ابتدت وكل واحد مسك ايدين مراته ورقص معاها، بس كلهم كوم وفهد وندى ورومانسيتهم سوا كوم تاني خالص ، كريستين حبت ترقص مع فهد وندى مضايقة
فهد: اسف كريستين اني ارقص مع زوجتي
ندى فرحت اوي وفضلت متعلقة في رقبته
فهد: انتي عارفة اني بقيت بعشق غيرتك دي
ندى: طب وبتعشقني انا ولا لا؟
فهد بحب: عشقي ليكي مالوش حدود
ندى فرحت اووووي وهو قرب منها وباسها وهي لأول مرة تتجاوب معاه وكان فرحان جدا
جه وقت الاكل وقاعدين سوا وباردوا كريستيت معاهم وفهد فاهم دماغها بس عمره ماهيسمح ليها انها تتعدّى حدودها، وقرروا يناموا هنا، كل واحد ومراته في خيمة
لوحدهم، وكلهم كانوا فرحانين بالوقت داتاني يوم الصبح، الكل صحي وجاهزين انهم يرجعوا الفندق وكريستين طلبت من فهد انهم يتكلموا على انفراد وندى مضايقة اوي
فهد: خير كريستين
كريستين قربت منه: ليه انت رافض انا؟(بما انها اجنبية فالكلام هيكون بطريقة غريبة)
فهد: لاني رجل
كريستين: اعلم ذلك وانا احتاجك
فهد: وانا رجا متزوج واحب زوجتي كثيرا
كريسيتين: وايه اللي يمنع انت انك تقرب مني؟
فهد: انتي مجنونة كريستين؟ اني اخبرك انني احب زوجتي ولا اريد ان اجرحها لانها كل حياتي
كريسيتين اضايقت وقربت اكتر وبتهمسله: بس انا اريدك
فهد بعدها عنه: اخبرتك اني لا اريدك
ندى شافتهم وسمعت كل الحوار وفرحت جدا ان فهد عمل كدا مع كريستين وقربت منهم ووقفت ادام فهد وهو استغرب انها جات وراهم
ندى: هل انتي لا تفهمين؟ انه اخبرك انه يحبني
فهد فرحان انها قالتلها كدا وكريستين هتتجنن
ندى كملت كلامها: وانا احبه كثيرا ومش هسمح لوقحة ذيك تقرب منه
كريستين سابتهم ومشيت وفهد فرحان بس زعل انها جات وراه
فهد: ممكن افهم ايه اللي جابك ورانا؟
ندى: كنت عاوزة اعرف هي عاوزاك في ايه
فهد: ما انا كنت هقولك
ندى: حبيت اسمع بنفسي واشوفك ردك
فهد: يعني مش واثقة فيا؟
ندى: لالالا والله مش اقصد كدا
فهد بزعل: امال تقصدي ايه؟
ندى: والله ماقصدش يافهد انا بجد بغيير عليك ومش قادرة اشوفها مقربة منك بالشكل دا
فهد عاوزها تقول كل اللي جواها: واضح عشان كدا جيتي ورانا
ندى: ماتفهم بقى ياعم انت بقولنا بغيير عليك وما استحملتش استنى
فهد ضحك: وانا بعشق غيرتك دي
ندى: يعني مش زعلان؟
فهد قرب منها: تفتكري اني اقدر ازعل منك
ندى حضنته اوي وهو حضنها وهي حاسة ان خلاص خوفها راح بس قررت تكلم الدكتورة الأول، بعد شوية وصلوا الفندق وندى دخلت اوضتها وقفلت على نفسها وكلمت الدكتورة
سلمى: شكلك مبسوط
ندى: جدا
سلمى: يعني حصل؟
ندى: لا لسة
سلمى: يبقى اكيد خوفك راح صح؟
ندى: ايوا
سلمى: طب مستنية ايه؟
ندى بكسوف: هعمله سهرة رومانسية الاول
سلمى ضحكت: ماشي ياعم الرومانسي
ندى: بجد مش عارفة اشكرك ازاي
سلمى: دا واجبي ياندى وانا جمبك في اي وقت حبيتي تحكيلي عن حاجة هتلاقيني ويالا بقى روحي لجوزك بدل مايتجوز عليكي
ندى: مين دا، دا انا كنت قتلته
الدكتورة ضحكت وخلاس قفلت مع ندى، وندى قررت انها تفرح فهد، بعد شوية فهد خبط وهي فتحتله
فهد: انتي قافلة على نفسك ليه؟
ندى: ماقولنا بخاف
فهد: هو يعني حد كان مانعك انك تبقي في جناحي
ندى: لا مافيش
فهد قرب: طب ليه قاعدة لوحدك هنا
ندى بتبعده عنها عشان عاوزة ترتب لدا الاول وهو افتكر انها لسة رافضاه
ندى: يالا عشان ننزل ناكل انا جعانة
فهد: مش لسة فاطرين
ندى بصدمة: انت بتعد عليا اكلي يافهد
فهد بضحك: ماقصدش ياقلب فهد يالا ننزل يامفجوعة
ندى ضربته في كتفه
فهد: ايدك بايت طويلة اوي
ندى: براحتي ها
فهد: مااااااااشي اما نشوف، يالا ادامي
نزلوا ياكلوا والشباب كانوا تحت وقضوا اليوم سوا وكانوا فرحانين اوي وجه الليل وندى عاوزة تعمل حاجة مميزة فاخدت فارس واتكلمت معاه
فارس: في ايه؟
ندى بكسوف: هو ممكن تأخر فهد تحت معاكم نص ساعة كمان؟
فارس تقريبا فهمها: اخيرا
ندى بصتله بغضب: وربنا لو مابطلب رخامة هخنقك
فارس ضحك: خلاص خلاص، وماشي ياستي هأخره
ندى طلعت فوق في اوضتها واخدت لبس ودخلت جناح فهد
فهد لفارس: ندى كانت عاوزاك في ايه؟
فارس: وانت مالك يارخم بنت عمي وعاوزاني
فهد: وحياة امك ماتنطق ياعم انت
فارس ضحك: مش هقولك
فهد: طيب يافارس
فهد قام وخلاص طالع
فارس: رايح فين
فهد: رايح انام
فارس: نوم ايه بس دي السهرة لسة هتبتدي
فهد: دا بالنسبالك ياحبيبي وسبني اطلع
فارس: والله ما انت طالع الوقتي
فهد لمهند: ابعده عني
مهند: تعالى يافارس اقعد وسيبه يطلع براحته
فارس بتصميم: لا مش طالع
فهد شك في حاجة: هو في ايه يافارس؟
فارس: فيش ابدك
فهد: يا سلام
فارس: اه
فهد كان لسة هيرد بس الجرسون قرب منه واداله ورقة فيها رسالة
(ممكن حبيبي يطلع لطفلته المدللة عشان وحشها)
فهد فرح من الرسالة اووووي وحس ان فعلا ندى خلاص عاوزاه وبص لفارس وفارس عاوز يعرف ايه اللي في الورقة
فارس: فيها ايه الورقة دي يافهد؟
فهد: مايخصكش يارخم
فارس ضحك: خلاص يا اخويا فهمت وطلاما كانت هتبعت رسالة مخلياني أخرك ليه
فهد ضحك وسابهم وطلع ، واول مافتح الباب كان النور مطفي بس الارض كلها شموع وهو كل اما يقرب يشوف رسالة على الارض ويفتحها وكانت اول رسالة مكتوب فيها (بحبك من يوم ماشفتك)
وتاني رسالة (بحب عيونك اللي بتجنني)
وتالت رسالة (وبحب قربك مني)
ورابع رسالة والاخيرة (وبقربك خوفي راح)
فهد مع كل رسالة قلبه فرحان وبيدق اووووي ورفع وشه وشافها ادامه لابسة فستان حلوووووو جدا وسايبة شعرها مفرود على ضهرها
فهد: هو انا بحلم؟
ندى بخجل: لا
فهد قرب منها: مش قولنا الروچ دا مش يتحط تاني
ندى بخجل: بس انا حطيته ليك ومحدش هيشوفه
فهد قرب منها اكتر: وانا هشيله وبطريقتي
فهد باسها برقة اوووي وهي بتتبادل معاه
_وسكتت شهرزاد عن الكلام المباح_
واصبحت ندى زوجة الفهد رسمي
#######################
تاني يوم الصبح الشباب وزوجاتهم قاعدين تحت بيفطروا والساعة كانت حوالي الساعة ١ الضهر
عبدالرحمن: ماترن ياعم على فهد
فارس: ماتتلم وتسيبه في حاله
مهند: ماتيجوا نرخم عليه
حمزة: ياريت
فارس: وربنا موتنا على ايديكم
عبدالرحمن والشباب راحو الريسبشن ورنوا على جناح فهد وهما اصلا كانوا لسة نايمين بس فهد رد
فهد بنوم: الو
فارس: صباحية مباركة ياعريس
فهد بنوم: مش فايقلك يارخم
فارس: اه ياعم بقى
فهد بنوم: الله اكبر ياشيخ
فارس ضحك ومقدرش يرد وعبدالرحمن اخد السماعة: اخبار حضرتك ايه يامستر فهد
فهد بنوم: دا انتوا بترخموا بقى
عبدالرحمن: ناخد فرصتنا
فهد اصلا بينام على نفسه: مش فايق ليكم والله
فهد لسة بيتكلم سمع ضحكتها: بقولكم ايه اقفلوا
فهد قفل في وشهم السكة وبص على اللي نايمة جمبه
فهد: صباح الورد
ندى بخجل: صباح الخير
فهد: الرخمين دول صحونا
ندى ضحكت: بيرخموا ذي ماكنت بترخم عليهم
فهد ابتسم: بحبك
ندى فرحت انه بيقولها بحبك في وسط اي كلام
ندى: وانا بحبك اوي
فهد قرب منها وباسها وكملوا نوم
بعد ساعتين صحيوا وفهد طلب الفطار وقعدوا يفطروا بضحك وهزار وسعادة وفهد قرر ان مافيش نزول من الجناح وندى كانت فرحانة بفرحته بيها
تاني يوم الصبح، فهد كان نايم وندى سابته ونزلت وسابتله رسالة جمبه على المخدة
والشباب كانوا متجمعين تحت وهي قربت عليهم
نهلة: اخيرا شفناكي
ندى ضحكت: انا نزلت وهو نايم اصلا
فارس: يالهوي
ندى: اه والله
عبدالرحمن: هتلاقيه نازل الوقتي
فهد صحي وشاف الرسالة مكتوب فيها (طفلتك المدللة نزلت للشلة
)فهد قام لبس ونزل
عبدالرحمن من بعيد: مش بقولكم هتلاقوه نازل
ندى بتبص وراه شافت فهد وضحكت وهو شالها وخدها من وسطهم
فارس: انت ياعم انت
فهد بصله: عاوز ايه يارخم
عبدالرحمن: ماتيجي تقعد معانا
فهد: لا ماليش مزاج اقعد معاكم
الكل ضحك عليه وندى بتضحك عليه
ندى: على فكرة انا عاوزة اخرج معاهم
فهد: لا انسيهم بقى احنا هنخرج لوحدنا
ندى فرحانة وهو فرحان اكتر منها وعدى اسبوع العسل ورجعوا للقاهرة
بعد خمس شهور بالظبط (البنات حوامل)
فهد في الڤيلا واقف ادام المرايا: ياندى ماينفعش كدا والله مش عارف البس القميص
ندى حاضنة فهد: اعملك ايه وبعدين قولتلك خد اجازة
فهد: ياسلام يعني اخد اجازة عشان هرمونات حملك اللي جايا عليا دي
ندى: اه وايه يعني
فهد: واقول للعملاء ايه معلش مراتي حملها جاي بريحتي
ندى ضحكت: اه عندك مانع
فهد ضحك: معنديش طبعا ياقلبي بس سبيني اخرج بقى
ندى بعدت وهي زعلانة: طيييييب يالا انزل
ولسة هتمشي وتسيبه وقفها
فهد: هخلص الشغل واجيلك على طول
ندى عيطت اوي: لا انت اصلا مابقتش تحبني
فهد بسرعة خلص لبس وخرج من الاوضة ورجع بصلها: انا همشي بدل ماهرمونات كل يوم تطلع وانا في الاخر بنضرب
ندى ضحكت عليه اوي
في الشركة فهد وصل وقاعد في مكتبه ودخل عليه عبدالرحمن ومهند وفارس ، وفارس كان مضايق
فهد ماسك نفسه من الضحك على منظر فارس
فارس: اضحك يا اخويا بلاش تكتم في نفسك
فهد ضحك اوي: شكلك مسخرة
فارس بغضب: انت تيجي تاخد بنت عمتك دي
عبدالرحمن ضحك: يا ابني دا انت في رحمة مش احسن من اللي مقضياها اكل دي
فارس: مقضياها اكل بس في الاخر نايمة في حضنك مش انا اللي مش طايقة ريحتي ومنيماني في اوضة لوحدي
فهد خلاس معتش قادر وضحك لحد ما بطنه وجعته
فارس بغضب: ما انت ليك الحق تضحك ما انت مراتك بتتوحم عليك دا حتى اليوم اللي خرجناه سوا فضلت لازفة فيك
فهد وهو بيخمس في وشه: الله اكبر في عينك
مهند ضحك: انا بقى صافي مقضياها نوم
وهما بيتكلموا دخل عليهم حمزةفهد: في ايه انت كمان؟
حمزة: يا ابني تعبت انا هدومي بتتفتش اول مابدخل من البيت ولا كأني متجوز كلب
فارس بغضب: اتلم
حمزة: ياشيخ اتنيل انت واختك
فهد ماسك بطنه من كتر الضحك: هموت منكم يخربيتكم
عبدالرحمن: دا انت تروح تبخر نفسك
حمزة: المفروض عشان كدا هنحسده
فهد: يالا منك ليه على شغلكم، بس عارفين اقسم بالله بدعيلكم انكم تكونوا فرحانين فرحتي في فترة حملهم
فارس قام من ادامه وخرج
والشباب بيضحكوا عليه، وفارس رجعلهم تاني: مراتك بارة يافهد
عبدالرحمن: نهار اسود حتى في الشركة
فهد بيضحك اوي: يالا بارة
الكل خرج وندى دخلت وفهد قام استقبلها وهي حضنته
فهد: هو انا مش لسة سايبك في الڤيلا
ندى: وحشتني
فهد: انتي عارفة انهم كانوا قاعدين معايا بيحسدونا
ندى بغضب: خليهم كدا مش عارفة يعني ربنا هيعمل فيهم ايه اكتر من كدا
فهد ضحك اوي: طب يالا ارجعي الڤيلا
ندى: لا ها
فهد: انا عندي اجتماع
ندى: عادي هحضره معاك
فهد: وربنا مايحصل انتي فاكرة عملتي فيا ايه الاجتماع اللي فات
ندى ضحكت اوي: اعمل ايه بس ريحة برفانك هي اللي جننتني
فهد: يابنتي دا انا فضلت قاعد شايلك على رجلي ذي الطفلة
ندى بدلال: ماهو انا طفلتك المدللة
فهد: ندى حبيبتي يالا عشان تروحي احنا في الشركة ياماما
فهد رن على سالم الحارس الشخصي وطلب منه ياخد ندى للڤيلا
وبعد اربع شهور البنات كانوا موجودين في المستشفى بيولودا، وعزة نازلة ضرب في فارس
البنات دخلت اوضة العمليات والكل مستنيهم باردة وبعد شوية اصوات الاطفال ظهرت
فهد وندى ربنا رزقهم ببنتين توأم، وفهد كان فرحان بيهم اوووووي
فارس وعزة: ربنا رزقهم بولدين وفارس طاير بيهم
حمزة وليلى: ربنا رزقهم ببنت ذي القمر وفرحانين بيها جدا
مهند وصافي: ربنا رزقهم بولد ذي القمر
عبدالرحمن ونهلة بقى: ربنا رزقهم بتوأم بنت وولد
وطايرين بيهمبنات ندى وفهد (مكة و ملك)
عبدالرحمن ونهلة (محمد ولوچي)
مهند وصافي ( اسر)
حمزة وليلى ( تالا)
فارس وعزة ( احمد ومحمود)
عدت سنة ونص على ابطالنا وكانوا فرحانين جدا والشباب قرروا انهم يشتروا قصر كبير ويعيشوا فيه كلهم سوا
في يوم سهرانين عزة بصت لفارس وكانت عاوزة تقوله حاجة
عزة: فارس حبيبي
فارس: ها
عزة: عاوزة اقولك على حاجة ياحبيبي
فارس بسرعة قام وهيجري: وحياة امك ماتقولي انتي فاكرة اني هستحمل حملك تاني
عزة ضحكت عليه والكل ضحك عليه
ندى: ايه بس يافارس ما اهو انا كمان حامل
فهد اتفاجئ: حبيبة قلبي مبروك
فارس: اه يا اخويا ليك حق تفرح
فهد: يا ابني هي نيات
عبدالرحمن ومهند وحمزة مش قادرين يبطلوا ضحك عليهم
عدت كمان خمس سنين وندى جابت ولد وسموه (مراد) على اسم ابو فهد الله يرحمه وفهد فرح جدا انها اختارت الاسم دا
وعزة جابت بنت ذي القمر وسموها (هالة)
لكن مهند وحمزة وعبدالرحمن مكتفيين باللي معاهم حاليا
الحياة سعيدة والكل فرحان وفهد بيتخانق مع الولاد عشان بناته وعامل عليهم حصار
######################
توتة توتة خلصت الحدوتة حلوة ولا ملتوتة
