رواية تزوجت جاري العنيد الفصل الثاني والعشرون 22 بقلم رهف سيد
الفصل الثاني و العشرون
زهرة...هي كدة غيره الرجالة تخنق يا بنتي
خديجة... ممكن تفضوها سيرة بقى وناكل
ادهم...انا هسافر بكرة
زهرة...لية كدة يا ابني انا ملحقتش اشبع منك
رؤي...بس انا مشبعتش من نور لسةة
ادهم...هي لو عايزة تفضل خليها
رؤي..ايوة خليكي يا نور
نور...مش هعرف اسيب ادهم لوحدو
بسمة...لية ان شاء الله صغير ولا مش بيعرف ياكل نفسو
زهرة ...اصيلة يا بنتي بس بردو انا عايزاكي تفضلي معايا انتي من اول يوم وخلتيني بحبك اومال لو فضلتي هتعملي ايةة
نور...بس بردو الراي الاول والاخير لادهم
على...والله وعرفت تختار يا ادهم
رؤي...اية المحن دة يا جماعة راعو شعوري انا سنجل
نور بخبث..سنجل بردو
نكزتة رؤي في كتفها
انتهى العشاء وصعدت نور لتجهز حقيبة ادهم دخل ادهم واحتضنها من الخلف
ادهم...عايزة تفضلي
نور..مش عارفة انا حبيت ماما وبابا اووي وعايزة افضل معاهم وفي نفس الوقت مش هاين عليا اسيبك
((على رأي رؤي اية المحن اللي على المسا دة انا حبيت اطمن على مرارتكو
))
))ادهم...طب خلاص اه رايك اسافر واخلص شغل واجيلك بسررررعة
نور...مش عارفة انا دماغي لفت
ادهم...خلاص خليكي انتي هنا وارتاحي شوية
لفت نور وتعلقت بحضنة احتضنها ادهم هو الاخر
ادهم...هتوحشيني
نور...وانت كمان
((وانا موحشتش حد 
انا عارفة اني غلسة 
))
انا عارفة اني غلسة ))استيقظ الجميع ونزلو لتوديع ادهم
ادهم..هتوحشيني يا ماما كلها كام يوم وهبقي عندك
زهرة..خاي بالك من نفسك وكل واشرب كويس
ادهم...حاضر وهشرب لبن نيدو قبل ما انام وهغسل سناني ورجلى وهعلق هدومي حاجة تانية
زهرة...يالمض
ادهم..من عاشر قوم يا زوزو
نور ورؤي وهم يضعون يدهم في خصرهم وبصوت واحد...نعععم!!
ادهم... اكدب يعني وادخل النار
نور..لا ابدا ودة ينفع برضو
ادهم بهمس لوالدتة...خلي بالك يا ماما على نور من عمتي
زهرة... متخافش هتبقى كويسة
على...متطولش يا ادهم
ادهم....لا متخافش هو انا اقدر ابعد عنكم
رؤي بخبث...عنا برضو ولااا عن نور اعترف اعترف
ادهم....بصراحة لا طبعا عن نور انت في ستين داهية بس هي لا
ضحك الجميع عليهم بينما هناك اعين كانت تراقبهم بالغيرة والكرة
على...ههههههه يخربيتك يا اخي
رؤي...على فكرة انت غلس يا رب انت عارف ان هو حيوان واتجوز حيوانة والاتنين اندل من بعض هموتهم وربي
نور...مش هرد عليكي علشان انا محترمة
رؤي... اية اية اية ايه محترمة فين الاحترام دة تقريبا من كتر الاحترام بدء يشر لغيط ما انتهى
ادهم...طب هتوحشيني يا ام لسان طوويل
رؤي...وانت كمان يا ابو الاداهم والمصحف
ادهم...الاداهم !!يخربيت التعليم المجاني
خديجة... اشوفك على خير يا ادهم
ادهم....تسلمي يا عمتو
اقترب ادهم من نور وطبع على جبهتها قبلة
ادهم..خلي بالك من نفسك
نور بدموع...متتاخرش
رؤي... حد يجبلي فشار علشان اعرف اتفرج عدل
زهرة..يخربيتك بت انا معرفتش اربي
رؤي..اية الجديد يا مامتي
ضم ادهم نور الي صدرة بقوة ليعلق في رئتية اكبر قد من رائحتها
رؤي..يا جماعة عايزة فشار اتفرج على الفيلم اللي قدامي يا رب اوعدني بالرومانسية دية
ادهم...خليكي في نفسك وخلي بالك من نور
بسمة...هو يعني هناكلها
ادهم متجاهلها ....خلي بالك منها يا رؤي
رؤي...متخفش في عيني يا ادهم
غادر ادهم واتجهت رؤي عند نور وذهبو نحو الحديقة
رؤي... انتي وادهم بتحبو بعض
نور...ايوة
رؤي...ربنا يسعدكم يا رب وتابعت حماس هو انا مقولتلكيش
نور...لا في اية
رؤي...عمار قالي ان هو بيحبني وهيتجوزني
نور...بجد يا حياتي على الرومانسية
رؤي...قل اعوذ برب الفلق خمسة في عينك
على... بتتكلمو في اية يا بنات
نور...تعالي يا بابا اقعد معانا
رؤي...مفيش يا بابا
على...تعرفي يا نور انا كان بقول زمان ان الولد احسن من البنت ميت مرة بس صدقيني انا لما خلفت ادهم الفرحة كانت مش سيعاني بس لما خلفت رؤي حسيت بفرق كانت هي الحنان وساعتها حبيت البنات اكتر من الولاد مهما كان البنت حنينة على ابوها والجدعة اللي تقف في ضهره
رؤي...يا جدع انت يا حج اية الكلام الحلو دة
على...تحطي جذمة قديمة في بوقك وتسكتي
رؤي....هو اية حكاية الجذمة القديمة اللي شغالة في البيت دة
نور....هههههههه علشان انتي جذمة قديمة يمكن
على ...يمكن لا ده مش يمكن دة اكيد
رؤي...بقى كدة طب واللهي لاقول لعمتو على صنية البسبوسة
على...دة انا نفسي فيها اوووي
نور...يا قلبي بكرة تبقى معمولة وبكرة لية دلوقتي حالا
على... لا لا في الوقت اللي هقولك علية تعملي علشان اظبط الدنيا
مر عليهم اسبوع كانت رؤي لا تفارق نور ابدا ودائما يجلسون معا الا عندما يهاتفها كي تمنحهم خصوصية وفي مرة كانت نور تهاتف ادهم في الحديقة ورؤي تقف في الخلف
نور...هتيجي امتى يا ادهم
ادهم..هحاول في اقرب وقت يا حبيبتي ان شاء الله انتي عاملة اية
نور..انا كويسة تخيل رؤه كل يوم بتوريني البلد ونقعد نتمشي فيها فيها بس الجو هنا عاجبني اووي يا ادهم
ادهم....اهم حاجة انك مبسوطة
خرجت بسمة وجدت رؤي تمسك الهاتف ونور تتكلم مع ادهم كانت سوف تذهب الي نور
رؤي...استني هنا انتي رايحة فين
بسمة... هروح اكلم ادهم
رؤي... هي البعيدة حمارة
نور..في اية
رؤي...خلصتي
نور...ايوة في اية
سحبتها رؤي الي الاعلى
رؤي...تعرفي البجحة كانت هتكلم ادهم
نور... طب مخليتهاش تيجي لية
رؤي...ايييية
نور..كنتي خلتيها تيجي وانا كنت سحبتها من شعرها
زهره...هتسحبي مين من شعرها
نور...يا ماما دية بت عينها عايزة تدب فيها رصاصة
زهره... ههههههههه كتك ايه يا نور
رؤي...يا زوزو دية بجد انسانة لا تطاق
نور..انا اتخنقت منها مرة دومة و دلوقتي عايزة تكلمو دية بنت مشافتش تربية واللهي لو مبعدتش عن ادهم والمصحف هسحبها من شوشتها
رؤي..صحيح يا ماما انتي جاية لية
زهرة...يخربيت اللي يرغي معاكو الاكل تحت تعالو ننزل
نزل الجميع للغداء وبعد الغداء كانو جميعا يجلسون في الصالون دخلت عليهم بسمة وهي تحمل اكواب شاي
بسمة...انا عملت ليكم شاي
زهره... غريبة دية من امتى
على...ما علينا هاتي الشاي
نور بهمس لرؤي...انا قلبي مش مطمن
رؤي... واللهي ولا انا
بدات بتوزيع الشاي عندما وصلت الي نور مثلت انها تعثرت وقعت كوب من الشاي على يد نور
نور...عااااااا ايدي ااااااااااه
رؤي...نور نور انتي كويسة انتي متخلفة يا بسمة
زهرة...مش وقت عتاب تعالي يا بنتي بسرعة
خديجة بهمس.. ايه يا بت اللي انتي عملتيه دة
بسمة...تستاهل من ساعة ما جت وهي قرفاني
خديجة... براحتك بس لو وقعتي في مشكلة ابقى تعالي
