رواية تزوجت جاري العنيد الفصل العشرون 20 بقلم رهف سيد
الفصل العشرون
استيقظت نور من نومها وجدت ادهم ينام على صدرها ويده تحتضنها بدات تلعب في شعره الي ان استيقظ رفع وجهه لها
ادهم..صباح الخير يا حبيبتي
نور..صباح النور
ادهم...صاحية من بدري
ادهم...طب خليني اكمل نوم دة انا نمت نوم عمري ما نمتو انا مرتاح اووي كدة
نور..يا ادهم بقى هنضيع اليوم
ادهم..لسة فاضل ايام كتيييير خليني نايم بقى في حضنك
ترررررن ترررررن
نور..طب روح شوف التليفون
مد ادهم يدة ووضع السماعات على اذنة
رؤي...ازيك يا دومة
ادهم...خير على الصبح
رؤي...لا مفيش دة امك الضغط على عليها
ادهم...طب هي كويسة
رؤي...فل الفل بس عايزة تشوفك واوعى تقولها اني قولتلك
ادهم...اشمعنا
رؤي...قالت تخليك مع مراتك شوية بس هي نفسها تشوفك وتشوف نور
ادهم...طب هاجي بكرة اوعى تقولي لحد انا هعملها مفاجاة
رؤي...تمام يلا سلملي على نونو
ادهم...حاضر يلا غوري
رؤي...باي يا وحش منك ليها
تيت تيت تيت
رؤي...قفلت في وشي يا ادهم ماشي بس يا رب المقلب يظبط وادهم يجي وميكلمش ماما
نور...مالها طنط
رجع ادهم للنوم مرة اخرى على صدرها...تعبانة انا هسافر ليها بكرة
بدات نور في اللعب على شعره مرة اخرى...هتسافر لوحدك
ادهم...عايزة تيجي
نور...يا ريت
ادهم... خلاص جهزي الشنط ونسافر بكرة
نور...طب ممكن تقوم علشان اعرف احضر الشنط
ادهم...لا متحضريش خليني في حضنك
بعد مدة من الصمت
ادهم...نور
نور..نعم
ادهم...تعرفي وانا في حضنك حاسس بأية انا حاسس اني ملكت الدنيا كلها بين ايدي انا حاسس ان انا في حضن ماما انا بحبك اووي اوعى تسبيني ابدا
زادت نور في الاحتضان
نور..مش هسيبك بس ممكن اقوم علشان اجهز الشنط
ادهم...ماشي
نهضت نور وبدات في تحضير الشنط بمساعدة ادهم
نور...خلاص مبقاش غير حاجات صغيرين روح انت نام علشان السفر بكرة وتعرف تسوق
ادهم... مش هتيجي تنامي
نور...شوية كدة
تقدم ادهم وطبع قبلة مطولة على جبينها....تصبحي على خير
نور بابتسامة... وانت من اهل الخير
ذهب ادهم الي النوم بينما استكملت نور الاشياء الباقية وذهبت الي النوم وفي الصباح استيقظ ادهم وجد نور نائمة بجانبة وتضع يدها اسفل ذقنها جلس قليلا يتاملها ثم طبع قبلة صغيرة على وجنتها
تململت نور من الفراش اعاد ادهم فعلته
نور...يوووه يا ادهم عايزة انام
ادهم...اصحي يا كسولة
نور...سبني شوية بص هخطف حلم سريع وارجعلك
ادهم...قومي بقى متاخرين
نور...لا
ادهم...يبقى مفيش غير حل واحد
نهض ادهم من الفراش وحمل نور
نور...يا ادهم يا غلس عايزة انام نزلني
ادهم....لا احنا متاخرين
نور...يوووه خلاص صحيت اوف منك
ادهم...ربنا يسامحك
انزلها ادهم امام الحوض
ادهم...اغسلي وشك يلا
نور...طب اطلع برة
ادهم...لا علشان متنميش يلا
غسلت نور وجهها
نور...اهو ممكن بقى علشان اخد دش
ادهم...لا انا اللي هاخد
نور..ماشي وانا هروح اجهزلك هدومك
خرجت نور من الحمام وجهزت ملابسه استلقت على الفراش
ادهم...نووووور هاتي الهدوم هار اسود نوووووور يا بنتي
لف ادهم الفوطة على خصره وخرج وجدها نائمة على الفراش ابتسم لها واخذ ملابسة وارتداها اقترب ادهم منها
ادهم...نور يلا اصحي بقي انتي كسولة
نور...مش قادرة اقوم خالص خليني نايمة
ادهم...طب خلاص يا ستي انتي مش هتفوقي غير بدش
مدت له نور يدها كي يحملها
ادهم..كمان اشيلك تاني كدة كتير
نور..خلاص مش قايمة
ادهم...لا تعالي
حملها ادهم مرة اخرى وذهب بها نحو الحمام
ادهم...تحبي استنى حضرتك لغية ما تخلصي واشيلك ارجعك
نور بغرور...امممممم لا مش عايزة لما ابقى اعوز هبقى اندهلك
دفعها الي الداخل ...طب ادخلي يا لمضة
انتهت نور وارتدت ملابسها وغادرت هي وادهم من العمارة وقف ادهم في احد الاستراحات
ادهم...جعانة
نور..مش قوي
ادهم...طب هجبلك اكل ولو جعتي كلية
اكتفت نور بالابتسام نزل ادهم وعاد وهو يحمل كيس به بيبسي وكروسون وشبسي وشيكولاتة
نور..كل دة يا ادهم
ادهم...الطريق لسة طويل ومش هنقف في كل رست يعني
نور..طب يلا
واكمل ادهم ونور طريقهم اخرجت نور الكروسون
نور..تاكل
ادهم..مفيش مشكلة
بدات نور في قطع الكروسون الي قطع وان تطعمها الي ادهم كان ادهم فرح جدا وصل اخيرا بعد طريق دام ل٣ ساعات لا تخلو من مزاح ادهم ولماضة نور نزل ادهم من السيارة امام الفلة التي تشبة القصر نزلت نور وهي تنظر لحولها بنظرات فرح وحب تقدم ادهم وامسك يدها شددت نور في امساك يدة
نور... ادهم انا...
ادهم...عارف انك خايفة
نور..بس انا مش خايفة انا متوترة شوية
قبل ادهم يدها ...متقلقيش
الحارس...ادهم باشا حمد لله على سلامتك
ادهم...ربنا يخليك يا عم حمدي دية نور مراتي ودة عم حمدي الحارس
حمدي..ما شاء الله الف مبروك يا ابني ربنا يباركلك فيها الف مبروك يا بنتي
نور...الله يبارك فيك يا عم حمدي
امسك ادهم يد نور ودخلو كان الجميع مجتمع لوجبة الغداء كانت نور تقف خلف ادهم
ادهم...السلام عليكم يا قوم
زهره...ابني حبيبي نورت
ركضت رؤي واحتضنن نور وزهرة احتضنت ادهم
على ...عامل اية يا ابني وحشني واللهي
ادهم...انا كويس يا بابا
خبط ادهم رؤي على جبهتهها
اده...يعني الواحدة اول ما تشوف اخوها تجري علية مش على مراتو
رؤي...طب تصدق لو قلتلك انها وحشاني اكتر منك
تقدمت نحوهم بسمة وهي تمشي بمياصة((معرفتش اجبها لغة عربية اموت نفسي يعني
))
))بسمة...دومة حبيبي وحشتني اووي
زهره...انتي نور يا بنتي
نور..ايوة يا طنط
على...يا زين ما اخترت يا ابني
خديجة واخير تكلمت...اهلا اهلا بالعرسان مش كنتو تقولو انكو جايين
ادهم...ازيك يا عمتو
خديجة... كويس انك لسة فاكر عمتك
ادهم...وازي ضغطك دلوقتي يا امي ان شاء الله تكوني بخير
زهرة ...ضغط اية يا ابني
ادهم...اصل رؤي اتص...ثم اتسعت عينة وقال بصوت عالي رؤؤؤؤؤي
رؤي...انتو عايزين شاي صح انا بقول كدة برضو
جائت لتركض امسكها ادهم من شعرها
ادهم..يعني كل دة مقلب يا جذمة
رؤي...اصل يعني نور كانت وحشاني وكنت عايزة اشوفها
نور..ههههه حرام يا ادهم خلاص سبها
اخذتهم زهرة واجلستهم وجلس الجميع حولهم
زهرة ...وانتي يا بنتي خريجة اية ولا لسة بتدرسي
رؤي..يا ماما نور اكبر مني بسنة يعني ١٩
زهرة...تعرفي تحطي جذمة قديمة في بوقك وتسكتي
رؤي...ربنا يسامحك يا زوزو
نور...ههه لا يا طنط انا لسة بدرس
زهره... لا انا هزعل منك طنط اية قوليلي يا ماما زي فردة الجذيمة
القديمة اللي هناك دية
رؤي...يا ماما حرام كدة ما تتكلم يا علوة ولا انت سايلنت
على...مستني امك تخلص فقرة الاسئلة بتاعت الحما دية واتكلم
خديجة... وانتي بقى بتدرسي اية
نور..انا بدرس صيدلة
على....واللهي يا بنتي اقولك على حاجة
نور...اتفضل يا عمي
على ...طب بذمتك انتي ينفع تقولي لحماتك يا ماما وانا لا انا عايزك تبقي زي الجذمة القديمة اللي هناك دية وتقوليلي يا علوة يا كبير يا حج يا بابا
ادهم...طب انا لازم ارجع القاهره
بسمة...ما تخليك معانا يا دومة
نظرت له نور نظرة غضب
رؤي بهمس..اهدي يا منار
نور..مش قادرة يا عاطف هروح اسحبها من شعرها
سمعتهم زهرة
زهرة...بس يا بت منك ليها
نور..يعني شايفة يا ماما دومة في عينها انا عمري ما قولت لادهم كدة
زهرة...هي بتعمل كدة يا هبلة علشان تغيظك
نور..والمصحف هقوم اقتلها
خديجة... بتقولو اية
زهرة..ها لا لاا ابدا دية نور كانت بتقول انها فرحانة وكدة
على...ما تخليك يا ابني
ادهم...يا بابا انا كنت هاجي اخر الاسبوع واكون خلصت شغلي بس البركة في رؤي هانم
