رواية بنت بنوت الفصل الحادي عشر 11 بقلم محمد عصام
-نفسي أشوفه واشوف الكلبش في ايده يمكن يشفي غليلي
دموع وداد زادت وقعدت مكانها وانصدمت لما لقت باسل واقف وبيبص لها
-ف اي
-انتي لازم تحكيلي كل حاجه بالتفاصيل علشان ميلاقوووش صغره يدخلولنا منها
مسحت دموعها وابتسمت وعدلت الحجاب
-بص ....أنا وحيدة ابويا ... ابويا الشيخ قاسم اشهر شيخ في قرية دنهور بقنا ... انا خريجة كلية حقوق وطالعه بتقدير
امتياز كمان... عندي عمه أسمها مصدقه ....عمتي مصدقه دي تطييق الموت ولا تطيقنيش من ساعة ما رفضت اني اتجوز
ابنها ....وهي السبب في اللي حصلي ده .... في يوم من الايام ابويا سافر يعمل فريضة الحج ... كنت قاعده لواحدي في
البيت ... صحباتي قالولي ان في درس في جامع الدمنور في نهاية الناحيه القبليه من الصحرا. ... روحت معاهم ويارتني ما
روحت ولا نيلت. ...المهم وانا راجعه سمعت ناس بيتكلموا عن ثفقة سلاح هيستلموها .... خوفت جيت امشي ... زعيم
المافايا بتاعهم شافني ...حاولت اجري او اهرب بس وقعت زي الدبش في ايديهم... زعيم المافايا ده أمر حد فيهم بقتلي وكان بليغ. ..اسمه بليغ. ... مسمعشي كلامهم ومقتلنيش
واخدني بيته من غير ما زعيم المافايا يعرف ..المهم بقي يضربني ويهددني واللي زاد البلا ان هو اتجوزني .... بس اتجوزني تحت تهديد سلاح
باسل اول ما سمع اتجوزني اتحرك في قلق واشعل سيجاره ...وقلع النضاره اللي كان لابسها
-نعم كان اتجوزك!
-اسمع للأخر يا استاذ متقاطعشي
-طب كملي
اتعدل باسل في الجلوس و وداد كملت الحديث
-وملمسنيش وقعدت معاه ثلاث ايام كان بيعاملي اسود معامله والاقيه فجاءه اتغير وبدأ يعاملني كويس... كنت مفكراه مجنونه وهو اصلا تصرفاته معايا كانت كلها جنان ف جنان ...وفي يوم وليله عرفت ان هو يهودي ومتجوزني علي المله بتاعتي وتاني يوم جه زعيم المافايا وقتله ...بس كان فيه الروح وشيلني ذنبه ...اني ملحقتوش
دموع وداد بدأت تنزل وافتكرت كلام بليغ معاها قبل ما يموت
-" البيت هينفجر كمان دقايق ابوس ايدك متسيبنيش ... عاوز اخرج للحياه على إيدك .... -أنا فديتك وانتي كمان لازم تفديني انتي في ايدك تغيريني وتنجديني من اللي انا فيه.... ابوس ايدك متسبنيش.. انا طالب منك انك تغيريني وانا مستعد انتي المفتاح اللي هفتح بيه باب الحياه "
كانت وداد بتردد الجمل دي وبتبكي جامد ودموعها نازله
-كان قلبي بدأ يستريح له.... مكنتش عارفه اروح ...كنت لواحدي في الصحرا ...اربع ايام ديابه وكلاب وتعابيين وعقارب كنت بترعب. ..شوفت الموت بعنيا ... ولما لقيت اهل بدو نجدوني .... لقيت فيهم شاب عرف حكايتي وقرر يوصلني .... و وصلني وياريته ما وصلني ولسوء الحظ وصلنا الساعه 3 الفجر .... اهل البلد شافوه وهو بيوصلني وزفوني وقالولي كلام يجرح قالولي كلام مفيش حد يطيقه. ..
تتذكر وداد حديث الناس معها وتضع يدها علي أذنها
-" راجعه مع عشيقها ورا الفجر أنا شوفتهم بعنيا..... دي قعدت معاه في بيته أسبوع .... الطبق مستور ولا لسه يا بنت الشيخ .... العيب مش عليكي العيب علي اللي أنيكي .... تعالي ليله وخدي 100 جنيه ... شغل أي لحد 3 بليل ..... كنتي فين طول الأسبوع يا طاهره..... "
علامات الدهشه اللي كانت علي وش باسل اتحولت لعلامات شفقه وحزن ...بس وداد كملت
-جريت علي عمتي علي أساس تنجدني.... طلعت أغبي وأوسخ وألعن منهم ...قفلت بابها في وشي وقالت زيهم وفضحتني وعامت علي كلامهم .... القريب نهش في لحمي مع الغريب
باسل ابتسم واخرج المناديل من جيبه ومد ايده لوداد فمسحت دموعها وكملت
-نزلت البندر وحصل اللي حصل واللي حكتهولك
-طب انتي عارفه هتقولي لوكيل اي بكره
-لا مش عارفه
-طب بصي
****
اليوم التالي
وداد جالسه وواقف بجانبها باسل وهي تنظر الي باب الدخول ...كل دقيقه بتمر عليها بتخليها هتتجن ...عاوزه تقتل سريانوسي عاوزه تخلص الغليل والنار اللي جواها .... وبالفعل دخل سريانوسي وفي يداه الكلبش وجعبل هو الاخر في يداه الكلبش ...وداد شافتهم جريت عليهم
-يا ولاد الكلب
بس باسل منعها ومسك ايدها جامد و وداد في حاله عصبيه
سريانوسي وقف مع المحامي بتاعه وهو متعصب
-هتعمل اي يا متر
-مفيش أي اثبات عليك يا سريانوسي بيه ...تقرير الطب الشرعي بيقول ان هي انتهاك للغشاء الداخلي ومفيش اي سائل منوي لحضرتك ...يعني انت ف الامان
-اومال انا بتهان لي رد عليا انا هنا لي
-المشكله بس ان كاميرات المراقبه جابت الواد جعبل طالع في كاميرات المراقبه وهو بيرميها من علي الكوبري
-جعبل!
انصدم سريانوس وظل ينظر الي جعبل في صدمه
وداد كانت واقفه بتنهار دموعها مبتتوقفشي و باسل كان بيحاول يهدئها
-مش هقدر اشوفه واقف قدامي كده. .. انا هقتله
-اهدي يا وداد متضيعيش اللي احنا بنعمله ده كله اهدي
-الكلب ...الحقير
باسل حاول يخليها تهدأ وبالفعل وقفت ودخلت لوكيل النيابه وسريانوسي دخل والمحامي بتاع سريانوسي وجعبل وباسل
وكيل النيابه : اي رد حضرتك يا حفيظ عبدالعال حمدى المشهور ب سريانوسي في التهم الموجهه ليك
سريانوسي دموعه المزيفه بدأت تتحرك
-والله يا سيادة البيه انا ما اعرف البت دي غير ان هي جت لي من اسبوع هربانه من أهلها وطلبت مني شغل ... وشغلتها واتفاجئت من يومين بالمحضر ده
عين وداد اتسعت في صدمه وكانت هتجن ووقفت وصرخت
-ي ابن الكلب يا سااافل يا حيوااااان يا كداب
وكيل النيايه اتعصب ووقف وقال
-لو سمحتي عيب كده هحولك للتحقيق لو فضلتي كده
وداد كانت بتتنهد زي المجنونه وبتشار علي سريانوسي وبتصرخ
-ده كداب والله انا هحكي لجنابك كل حاجه
وكيل النيابه: طب اهدي خالص وهسمحلك تتكلمي
سريانوسي واقف ينظر الي جعبل خايف ان جعبل يخالف الاتفاق بس نظرات جعبل ليه بتقول ان هو مش ممكن يضحي بنفسه
وكيل النيابه : التقرير الشرعي بيقول ان حدث اختراق للغشاء بتاع المجني عليها وداد يا سريانوسي
سريانوسي ببكاه : طب انا هحكيلك حكايه وانت عليك التصديق او التكذيب سيادتك....انا البت دي جت لي وباسل اخو مراتي الله يرحمها كان عندي في المكتب صح ولا لأ ...عاوز باسل يرد
انصدم باسل وحس ان دي لعبه من سريانوسي وقال بتعجب
-أها لحظتها في اليوم ده
صرخ سريانوسي وببكاه : ظهر الحق اهو اعترف اهو
وقف باسل في صدمه : هو إي اللي اعترف
وكيل النيابه صرخ بتعصب : اهدو ....كمل يا سريانوسي
سريانوسي ببكاه : بص يا بيه ... انا كنت متجوز عزيزه اخت باسل الله يرحمها ماتت وهي حامل
باسل بتعصب والدموع في عينه وحاول يتمالك اعصابه
سريانوسي ببكاه مزيف : كان شغال عندي وكنت بعتبره زي اخويا وكبرته وخليته محامي مشهور وأول ما عض جه يعض أيدي
علامات الدهشة زادت علي وجه باسل ... ودموع وداد اتوقفت وظلت تنظر في صدمه هي الاخري
-باسل غدر بيا وانا ماسك عليه كمبيلات. ... فعمل اي بقي راح اتفق مع البت اللي لمتها وحميتها من اهلها اللي كانوا عاوزين يقتلوها .... وخلاها تقول عليا كده ...علشان يساومني
وداد وقفت في زهول و باسل اتحرك ووقف هو كمان في صدمه
وكيل النيابه :- بس التقرير بيقول ان هي كانت بنت بنوت بكر يعني
سريانوسي ببكاه : وليه ميكونشي هو اللي عمل معاها كده وبرضاها وهي وافقت ان يتعمل معاها كده وجايين بيتهموني علشان يساوموني
وداد واقفه في حاله من الصدمه العصبيه من كلام سريانوسي
هتدخل على صفحتي تعملي متابعه هيوصلك كل جديد وان شاء فاضل فصليين او تلاته وهتنتهي
في الفصل القادم
الكل هيتحول وشهود قدام وداد قابلتهم في القصه هل هيشهدوا
معاها ولا عليها .... وربنا يستر الي الشيخ من الخبر اللي هيسمعه
