رواية عذاب الارواح الفصل العاشر 10 بقلم هنا عادل
عذاب الارواح
الجزء العاشر
فريال اخدت نفسها
ياسر بيمسح وشه بأيديه.عاملة ايه بس يمة
ده انتى وقعتى قلبى فى رجلى
انا قولت حصلت مصيبة علشان كده بتتكلمى كده
رئيسة.لا مصيبة ايه
بعد الشرعننا من المصايب
بس يعنى اقولك ياواد هقعد اتكلم انا وانت فى الموضوع بتاعنا
اول ما تشوف فريال
تقولى لاء انا هتكلم معاها بنفسي
ياسر وفريال طبعا مش فاكرين حاجة
ياسر.حقك عليا يمة
انا بس كنت عايز اخد رأيها فى الموضوع قبل ما اقولك امين
وهى ترفض
رئيسة.لا ياشيخ
وماله ياخويا
واتكلمت معاها
خدت رأيها
بصيت رئيسة لفريال.ايه يا عروسة قولتيله رأيك
ولا لسه تقلانة
فريال مستغربة اسلوب رئيسة وحاسة انها عارفة اللى حصل بينها وبين ياسر.اه ياختى قولتله
عرفتى تكبرى الموضوع فى راسنا يارئيسة
رئيسة بتضحك.طيب ياختى الف بركة
بالرفاء والبنين هيهيهيهيهي
بس خلى بالك على الواد ده اخر العنقود
حافظيلنا عليه بقى
فريال اتحرجت من كلام رئيسة
ياسر.طيب يمة هنقول ايه لعبدالله اخويا
رئيسة.مالكش انت بس دعوة انا هتصرف
فريال.انا نفسى اعرف انتى بتتصرفى ازاى اليومين دول
مفيش حاجة بتحطيها فى دماغك غير لما بتحصل
ياخوفى منك
رئيسة بتضحك.خوفك ايه ياولية
ده انا لسه جايبالك عريس زى الفل
ده زينة شباب الحتة
قرب ياسر من رئيسة ومسك ايديها باسها
رئيسة طبطبت على راس اخوها
وزرغطت
صوت الزرغوطة صحى ابن رئيسة
معتز
معتز طالع والنوم فى عنيه.خير فى ايه
ايه يمة صوت الزراغيط دى
رئيسة مشيت جنب ابنها وبتحط ايديها على كتفه.عقبال م افرح بيك ياحبيبى
اخوك ياسر هيتجوز
معتز بيضحك وبيبص لياسر.هيتجوز
بجد
الف مبروك
ده امتى وازاى ومين
بقى كده بتخطط من ورايا
عيب عليك على فكرة
ياسر.ياعم انا لاخططت ولا الهوا
دى هى ست الكل اللى خططت واتفقت ورشحت
وانا والعروسة قولنا امين وبس على كده
معتز.ومين العروسة بقى
من هنا ولا من اسكندرية
انا عارف امى ذوقها حلو
رئيسة.العروسة من اسكندرية ومن هنا ياولا
معتز مش فاهم وبيبص لياسر ورئيسة
معتز.قوليلى انتى ياخالتى مين
لاء
اوعى تقولى هتاخد حد من بنات خالتى فريال
رئيسة بتضحك.لاء هياخد خالتك ذات نفسها
معتز تنح
اتصدم
بيبص لياسر والضحكة اللى على وشه راحت
وبيرجع يبص لفريال مستنى حد منهم يكدب اللى سمعه
لكن الاتنين كانوا مبتسمين
وشكلهم بيأكد الكلام
معتز.الكلام ده جد
ولا امى بتهزر
ياسر حس بأحراج فريال.لا بجد
انا وفريال اتفقنا نتجوز
بس ييجى عبدالله وابوك ونفاتحهم فى الموضوع
معتز مش مقتنع.طيب على البركة
مبروك يا ابو اليسر
مبروك ياخالتى
هدخل انام انا علشان عندى شغل الصبح
تصبحوا على خير
كلهم.وانت من اهل الخير
فريال.الواد اتصدم يا رئيسة
مابالك بقى عبدالله
ولا طرابلسى
ولا اى حد هيعرف
رئيسة.بقولك ايه يا فريال ياختى
الناس مش بتبطل كلام
انتى براسك ولواحدك
ومش سايبينك فى حالك
هتتجوزى راجل كبير
هتتجوزى عيل صغير
برضه مش هيبطلوا كلام
انتى ياختى مش هتعملى حاجة غلط
هتتجوزى
لا هتمشى فى البطال
ولا هتاخدى واحد من على مراته وتخربي بيت
سيبك بقى من الناس واللى هيقولوه
وخليكي فى نفسك وحياتك
ياسر.على فكرة يافريال
هى عندها حق
محدش له دخل احنا هنتجوز على سنة الله ورسوله
السن بقى ده اللى بينى وبينك
حاجة تخصنا احنا
ياستى انا قابل وراضى
هنشغل بالنا ليه بقى بكلام العالم
رئيسة بتضحك.ايه يافريال
انتى عرفتى تسيطرى على الواد بسرعة كده
لاء ده انتى مش سهلة بقى
الواد قابل وراضى
والله وعرفت تتكلم ياحبيب اختك
راجل ياحبيبى مش قولتلك يافريال
الولا ده جدع
فريال.يلا ربنا يستر بقى
رئيسة.بقولك ايه انا عندى فكرة حلوة
احنا نطلع دلوقتى حالا
انا وانتم والولا معتز ومفتاح
ونروح عند الشيخ صمد
ونطلب منه يكتب كتابكم دلوقتى
وييجى الصبح عبدالله وطرابلسى نقولهم
ومحدش ساعتها هيقدر يقول حاجة علشان الفاس هتبقى وقعت فى الراس
فريال.دلوقتى ايه يا رئيسة
انتى عارفة احنا امتى
وبعدين لا ياشيخة ميصحش ابدا
يقولوا علينا معملناش ليهم اعتبار
هيزعلوا
ميرضنيش
وبعدين انا الكبيرة هيفكروا انى ضحكت على ياسر ولعبت بعقله
ياسر.هو ايه اللى لعبتى بعقلى دى هو انا عيل بمص فى صوابعى
لاء انا راجل وعارف انا هعمل ايه
وعارف فين مصلحتى
وانا موافق على الكلام اللى اختى قالته
فريال.يا ياسر بلاش تعدينا الاصول اكتر من كده
اخوك كبيرك برضه لازم نشوره
رئيسة.وليه نشوره
ماهو ممكن يحط العقدة فى المنشار وميرضاش
ولا يتشرط ان عيالك يعرفوا
هيطلع اى حاجة يعقرب بيها الجوازة
ياوليه ده هما اسبوع ولا اتنين وهترجعى لعيالك
اهو على الاقل لما تيجي تانى تيجي على بيت جوزك
وتساعدوا بعض
لو انتى مطولة هنا شوية يسافر هو يجيبلك بضاعتك وانتى تصرفيها من هنا وتبعتى للعيال الفلوس مع اى مكتب سفريات
فكرى فى حالك بقى بلاش النبر الكتير ده
فريال.يعنى انتم شايفين كده
ياسر.بصراحة اه
خير البر عاجله
فريال.خلاص اللى شايفينه صح اعملوه
رئيسة.طيب ادخلى البسى وانت يا ياسر ادخل غير هدومك
وهدخل اصحي العيال ييجوا معانا
فعلا دخلت فريال تغير هدومها
وياسر دخل هو ورئيسة اوضة الشباب علشان يصحوا ولادها
معتز كان مش رايح فى النوم
لكن مفتاح نومه تقيل
صحيته رئيسة بالعافية
مفتاح.ايه يمة خيرك انتى ليه بتصحينى
(طبعا كل كلامهم ليبى بس انا مش هعرف اكتب كل كلامهم)
معتز.قوم هنروح نجوز خالك
مفتاح بيفتح عينه بالعافية.خالى
هيتجوز على مراته
لا متقولش
رئيسة.يلا فوقوا كده وغيروا هدومكم هروح انا كمان اغير هدومي
خرجت رئيسة
مفتاح.ماتفهمونى
انتم بتتكلموا جد ولا ايه
خالى عبدالله هيتجوز على مراته
معتز.لا ده خالك ياسر هو اللى هيتجوز
اتنفض مفتاح من مكانه.ايه ياسر
ازاى يعنى
ودلوقتى حالا
انتم بتعملوا فيا مقلب ولا ايه
ياسر.لا يا سيدى ولا مقلب ولا حاجة
وعلشان نخلص من كتر الكلام فى الحدوتة دى
انا هتجوز فريال
ومش عايز حد يستغرب من الموضوع ده قصادها علشان محدش يحرجها
اتفقنا
مفتاح بأستغراب.فريال مين
ونحرج مين
هو فى ايه يا شباب ما تفهمونى
معتز.ياسيدى خالك ياسر
هيتجوز خالتك فريال
ام اسامة
اللى اكبر من امك
وقالك اللى فيها محدش يتكلم فى الموضوع ده ولا حد يحرجها
خلاص
فهمت
مفتاح مبرق عنيه ومصدوم.ياسر الكلام ده بجد
انت وخالتى فريال
طيب ليه يا عم
انت عارف الفرق بينك وبينها كام سنة
دى كبيرة اوى عنك
وباين عليها واللى هيشوفك معاها مش هيشوفها غير امك او اختك الكبيرة
وهتعجز بسرعة
وهتلاقى نفسك عينك على كل واحدة تشوفها قصادك
ياسر.بلاش نسبق الاحداث
خلى كل حاجة لوقتها
اللى عايزه بس منكم
انى لما اتكلم مع عبدالله وابوكم
تكونوا واقفين معايا
وتساعدونى انى اقنعهم بالحوار
ومش عايز حد يحرج فريال بكلمة
وانا كده كده من بكرة هدور على بيت جنبكم هنا
علشان ننقل فيه انا وهى
مفتاح.انا مش مقتنع يا ياسر بالموضوع ده
غريبة
وجه بسرعة
ومش فاهمين ايه السبب ولا القصة دى جت ازاى
بس براحتك
محدش هيشيل الطين غيرك انت
بس علشان ميجيش عليك يوم وتلومنا اننا سيبناك ومقولناش ليك نصيحتنا
ياسر.سلموها بس لله
يلا قوموا بقى انا اصلا مستغرب احنا ازاى هنروح للشيخ صمد فى الوقت ده ونقوله يجوزنا
معتز بيتريق.هنقوله العريس مش قادر يمسك نفسه للصبح
العروسة لوحته
خليته مش شايف الليل من النهار
ياسر.بلاش تريقة وحياة امك ويلا بينا
طلع ياسر ومعاه الشباب
وفريال جهزت ولفيت عليها الملحفة ومنزلاها على وشها
علشان تدارى احراجها من معتز ومفتاح
خرجت رئيسة من اوضتها
لقيتهم كلهم جاهزين
رئيسة.طيب استنوا اروح اخبط على الشيخ صمد ابلغه علشان يستعد
بدل ما ندخل عليه مرة واحدة كده
ياسر.ماشى يمة روحى وعشر دقايق ونحصلك
راحت رئيسة خبطت على الشيخ صمد اللى عايش لواحده
فتح الباب وكان مش نايم
قاعد بيصلى قيام الليل وخلص وكان بيقرا قرأن
رئيسة.اتمسى بالخير يا شيخ صمد
صحيتك
صمد بيبص لرئيسة وبيركز فيها ومش واخد باله منها بس قلق منها حس بحاجة مش مريحة ناحيتها
رئيسة.ياشيخ صمد انا ان معتز ساكنة فى البيت اللى بعدك هنا
انت مش واخد بالك مني ولا ايه
جوزى طرابلسي
صمد.خير يا ست ام معتز
رئيسة.عايزينك تكتبلنا كتاب ياشيخ
صمد استغرب وبص وراه فى ساعة الحائط وشاف الساعه 2 بليل
صمد.دلوقتى يا ست ام معتز
رئيسة.معلش يا شيخ
العريس مسافر كمان ساعتين زمن
وعايز يكتب كتابه على العروسة قبل ما يمشى
متأخذناش احنا عارفين الوقت متأخر
بس ما باليد حيلة
صمد مش مقتنع ومش مرتاح بس هو هيكتب كتاب يعنى حاجة حلال مفيش منها قلق
صمد.طيب يا ست رئيسة اتفضلوا تنوروا
بس الشهود ووكيل العروسة معاكم
رئيسة.الشهود جاهزين يا شيخنا
والعروسة وكيلة نفسها
صمد.على بركة الله هاتيهم وتعالوا اتفضلوا
رئيسة.هروح اجيبهم واجى
دخل صمد جهز ترابيزة وحط عليها دفتره
وراحت رئيسة جابت الباقى ورجعت على بيت صمد
اللى كان بابه مردود
خبطت على الباب واذنلهم صمد يدخلوا
قعدوا كلهم واخد البطايق
وعنيه مع رئيسة
ومش مرتاح ابدا من ناحيتها
ابتدا يكتب الكتاب
وشاف تواريخ الميلاد بتاعت فريال وياسر
وقف كتابة
وبص لياسر وفريال
صمد.فين بطاقة العريس
انا اللى معايا دى باين عليها بطاقة الشاهد
رئيسة.لا يا شيخ صمد
دى بطاقة العريس
صمد بأستغراب.يعنى البطاقة دى اللى بأسم ياسر
اللى صاحبها عنده 18 سنة وكام شهر
بتاعت العريس اللى هيتجوز الست فريال
اللى عمرها فى الاربعينات
رئيسة بحدة.اااه يا شيخ
انت هتكتب الكتاب ولا هتسننهم
وبعدين يعنى هو من امتى فرق الاعمار بيوقف الحلال
صمد.لا يا بنتى الحلال مفيش حاجة تقف قصاده
انا مش هحرم اللى ربنا حلله
ورسولنا الكريم عليه الصلاة والسلام خير مثال
احنا مش افضل منه
انا بس كنت بتأكد
ياسر علشان حس ان فريال اتوترت ومعتز ومفتاح مقتنعين بكلام الشيخ طبعا.ياشيخ
انا العريس
وانا مقتنع بالموضوع
والعروسة راضية
بنت عمى وبتشتغل هنا
ومش هسيبها للى رايح واللى جاي يطمع فيها
رئيسة بتبص لصمد فى عنيه وبتتكلم بحدة.يلا يا شيخ خلصنا واكتب الكتاب بنقولك العريس مسافر
بلاش تضيع وقته على الفاضى
فعلا كتب صمد الكتاب
وهو مش مرتاح ابدا
بس ده شغله
وده حلال ربنا
وهو نفذه
خرجوا من عنده راحوا على البيت
وياسر ماسك ايد فريال
وطبعا مفتاح ومعتز بيضحكوا على المنظر
هى فعلا باينة جدا انها امه مش اخته كمان
فرق السن كان كبير اكتر من 20 سنة
رئيسة بتزرغط
فريال.خلاص بقى يا رئيسة كفايا فضايح ياختى
الساعه داخلة على 3
رئيسة.يوه واحنا عندنا عريس كل يوم يعنى
ده انتى اول فرحته
ولازم نهيصله
معتز.ماشى يمة الف مبروك
بس مش ده وقت الهيصة
الناس نايمة
واستنى لحد ما خالى يعرف الاول وابويا
كفايا ان الجوازة تمت من وراهم
فريال.معتز عنده حق يا رئيسة الصباح رباح ياختى
يلا تصبحوا على خير
انا بقى هدخل انام
رئيسة.تنامى فين ياولية انتى
تعالى ادخلى نامى انتى وجوزك فى اوضتى
ايه هتقضى ليلة دخلتك نايمة مع بناتى
فريال اتصدمت من جرأة رئيسة قدام مفتاح ومعتز
مفتاح.طيب احنا هندخل ننام
مبروك يا خالتى
مبروك يا ياسر
تصبحوا على خير
معتز.مبروك ان شالله تتهنوا
تصبحوا على خير
ردوا عليهم الله يبارك فيهم
وانتم من اهل الخير
دخلوا الشباب يناموا
ياسر.طيب انا هدخل استحمى
رئيسة.حمام الهنا ياعريس
ابقى اطلع على اوضتى بقى
ناموا فيها الليلة
بركة ان طرابلسى مش هنا
دخل ياسر الحمام
رئيسة.وانتى بقى يافريال ادخلى ياختى اوضتى
افتحى الدولاب وشوفيلك اى حاجة مدلعة كده
عايزة الواد يفرح ويتبسط
فريال.بطلى بقى الكلام ده قدام العيال يا رئيسة انتى مش شايفة عيالك مضايقين ازاى من اللى حصل
بلاش تكسفينى بقى
ومن صباحية ربنا هخليه بقى يطلع يدورلنا على اى حوش علشان انا مش هبقى براحتى ابدا
طول م العيال شايفينى خطفت خالهم العيل الصغير
رئيسة.بطلى نكد يا ولية انتى
بقولك حاجة مشخلعه
ومدندشة
وليلة دخلتك
تتكلمى فى الهم والغم ده
ده انتى نكد صحيح
ضحكت فريال.ماهو انتى لو مكانى مش هتقولى كده
ده انا حاسة انى لسه بتجوز لأول مرة من الكسوف
رئيسة.لاء ياختى ادخلى الاوضة كده روقى نفسك بقى
عقبال ما ياسر يجيلك
ضحكت فريال وراحت على اوضة رئيسة
وفعلا ابتديت تتزوق
وغيرت هدومها
ولبست قميص نوم من بتوعها
واستنيت ياسر
اللى خرج من الحمام
على اوضة اخته
وقضى اول ليلة له مع فريال
وهى مراته وعلى ذمته
رئيسة دخلت اوضة بناتها
علشان تنام معاهم للصبح
كانت حنان نايمة جنب اختها عائشة على السرير
وعلى سرير تانى البنتين الصغيرين
وفرشت رئيسة ملاية على الارض ونامت وهى بتضحك ومبسوطة انها اخيرا هترتاح من ناحية جوزها وبنت عمها
واتأكدت ان كده مش هيفكر فيها مرة تانية
وده خلاها تروح فى النوم بسرعة البرق
فاتت الليلة بسرعة
وطلع النهار
والبيت كله فتح عنيه
على صراااااخ حناااااااااااااااااااااان
الحقوااااااااااااااااااااااااااااااااااا
اصحوووووا الحقوووااااااااااااااااااا
