رواية من الجاني كامله وحصريه بقلم محمود الامين
انا المقدم سعيد ابو الفضل والنهارده جاي احكيلكم عن اغرب قضيه ويمكن بسببها وبسبب قسوتها انا لحد دلوقتي فاكرها رغم انه عدى عليها فتره كبيره
من كم سنه كنت واخد اجازه وفي رحله وانا واسرتي لكن جاني تليفون من رئيسي المباشر في الشغل وطلب مني اقطع الاجازه واروحله فورا وفعلا مكذبتش خبر وقطعت الاجازه ورجعت الشغل
دخلت لرئيسي المباشر واتكلم معايا وقالى
- هتتحرك فورا لمكان الحادث، ست في ال60 من عمرها مقتوله ب 16 طعنة عندها ثلاث 3 اولاد وبنت
حسب كلام الجيران ان في مشكله مع البنت لانها مش بنتها هي بنت جوزها لكن3 اولاد هم اولادها، سبب المشكله هي الميراث هي بتقول ان بنت جوزها ملهاش حق في الميراث وان جوزها كتبلها في الميراث كله
لكن الست او المجني عليها يعني عندها خلافات مع اخوها وده بسبب انها كانت السبب في موت ابنه وانها سابته يعدي الشارع لوحده وخبطته عربيه ومات
وفي مشتبه تالت واحده من الجيران اتسببت المجني عليها بعد مشكله معاها في اجهاضها لجنين بعد ان قامت المجني عليها بدفعها من على سلم العمارة وتعهدت السيده بالانتقام منها
دى بالظبط التحريات اللي اتعملت عن المجني عليها وهتلاقي كل حاجه مفصله في ملف على مكتبك مطلوب منك دلوقتي تتحرك على موقع الحادث وتعاين الموقع بنفسك وتشوف هل في ادله ممكن نمشي وراها ولا لا
= تمام يا فندم هتحرك فورا على موقع الحادث
....
فعلا اتحركت على موقع الحادث كانت الشقه اللي في الدور الثالث من العماره في منطقه سكنيه مزدحمه بالسكان
دخلت الشقه واللي من الواضح انه حصل شجار ما بين الجاني المجني عليه انتهى بقتل السيده بهذه الوحشية وده باين من خلال بعض التلفيات الموجوده في الشقه من تكسير زجاج النيش ووجود بعض الكراسي ملقاه على الارض
دخلت جوه الشقه اكثر لكن مفيش حاجه ملفته طبعا المعمل الجنائي والطب الشرعي خبير البصمات كانوا انتهوا من عملهم
في المكان
خرجت ورجعت على مكتبى عشان ابدأ اقرأ ملف القضيه
الست او المجني عليها اسمها صفاء كمال محمد عندها 60 سنه عندها ثلاث اولاد من جوزها عمر ومحمد وكريم وبنت من مراته الثانيه ياسمين
المجني عليها وجدت في منزلها مقتوله بسكين حاد ب 16 طعنه ولم يعثر على اداه الجريمه
وكانت المجني عليها تعاني من خلافات مع ثلاثه
هم ياسمين بنت زوجها
واخوها المدعو اشرف كمال
وجارتها كريمه علي حسن
....
انا سمعت اسباب الخلافات من مديري وكان عليا ابدا التحقيق مع المشتبه فيهم تم استدعاء الثلاثه وبدا الاستجواب
_ ياسمين، انتى كنت على خلاف مع مرات والدك بسبب انها كانت عايزه تحرمك من الميراث وبشهاده الجيران قالوا انه حصل بينكم مشاكل كتير وصلت للتهديد الصريح بالقتل رايك ايه في الكلام ده؟
= مش هنكر ده يا فندم وحصل فعلا لكن انا كنت في اسكندريه وقت وقوع الحادث معتقدش اني اقدر اقتلها حتى لو متواجده وان ده كلام اتقال في لحظه عصبيه
_ عندك دليل على وجودك في اسكندريه؟
= عندي يا فندم صاحبتي نادين سامح كنت متواجده معاها في بيتها اليوم كله
= تمام طيب تفتكري مين ممكن يكون قتلها؟
_ الله اعلم يا فندم مش عارفه
= تمام تقدري تتفضلي
....
_ اشرف، انت اخو المجني عليها البقاء لله تقدر تقولى اخر مره شفت فيها اختك كان امتى؟
= يوم الحادثه الصبح طلبت منى اننا نتصالح وننهي الخلاف وان اللي حصل ده قدر ربنا وانها مستحيل تكون متعمده موتوا
_ وكان ردك عليها ايه؟
= بصراحه انا مكنتش قادر اتخطى ده... عشان كده طلبت منها تبعد عني عشان ميكونش في مشاكل
= وكنت فين وقت الحادثه؟
_ كنت في الورشه بتاعتي يا فندم انا بشتغل ميكانيكي وبشهاده العمال كنت هناك
= تمام تقدر تتفضل
....
_ كريمه علي حسن، ايه طبيعه علاقتك بالمجني عليها صفاء كمال محمد بعد الخلاف اللي حصل ما بينكم وانها تسببت في اجهاضك للجنين؟
= كل واحد في حاله يا باشا انا كنت تعبانه الفتره اللي فاتت ومشفتهاش غير من اسبوع واحد وشفتها يوم الحادثه بس انا قلت حسبي الله ونعم الوكيل
-بس التحريات بتقول انك هددتيها بالقتل وقلت باللفظ هقتلك وهشرب من دمك اي ردك على الكلام ده؟
=حصل يافندم وانا قلته بس ده كان وقت الاجهاض لكن يوم الحادثه انا شفتها كانت واقفه مع اخوها عند باب الشقه وكنت انا بخرج الزباله بس قفلت الباب على طول
_الكلام ده كان الساعه كام تتذكري؟
= الساعه تلاتة العصر يا فندم
_ تمام جدا تقدري تتفضلي
....
بعد سماع اقوالهم تم استدعاء نادين سامح لاخذ اقوالها
وبعد موجهتها بكلام صاحبتها انكرت وقالت هي جت عندي قبل اليوم ده وباتت الصبح والمسافه ما بين بيتي وبيتها اربع ساعات
...
كده احنا عندنا تضارب في اقوال 2 من المشتبه فيهم الاولى هي ياسمين واللي قالت انها كانت عند صاحبتها في اليوم ده وتضاربت معها اقوال شهاده الاثبات
والثاني اخو المجني عليها واللي قال انه كان متواجد عندها في صباح اليوم اللي تمت فيه الجريمه وهو كان متواجد الساعه الثالثة عصرا وتم التاكد بعد مراجعه كاميرا مراقبه خاصه سوبر ماركت امام ورشته الخاصه بالميكانيكا
...
توقعوا من الجاني؟
