رواية أنا الشريرة الفصل السابع 7 بقلم نوران احمد
انا الشريره 7
بقلم نوران احمد
فجاه قرب مني شخص
جميله : مليش مكان اروحله يا عمو ياريت اروح بس مش عارفه فين متقلقش محدش بيقرب مني بيخافو من شكلي بيبصو ليا بقرف من بعيد ويمشو شكرا عشان مخوفتش ومشيت شكرا لاهتمامك
صالح : اي الكلام اللي بتقوليه ده يا بنتي استغفري ربنا انتي جميله كفايه انك من صنع الله تعالا اوعي تقولي كدا المهم تكون شخصيتك حلوه واخلاقك عاليا انسي كلام الناس لا بيقدم ولا بياخر كبري دماغك وبما انك مش لاقيه مكان تروحي فيه انا حبيتك زي بنتي واتمني تقبلي تقعدي معايا في بيتي المتواضع موافقه تعيشي معايا
جميله بابتسامه : طبعا موافقه بس ممكن اهل بيت حضرتك ميحبوش ده
صالح : ليه بتقولي كدا يا بنتي علي العموم انا معنديش حد غيرك من هنا ورايح انتي بنتي ومحدش يقدر يكره روح جميله بتساعد الناس اسمك اي بقا
جميله بابتسامه : اسمي جميله كلامك جميل بس عكس اللي انا شوفته من كل الناس اللي اعرفها محدش ابدا قال ليا الكلام ده
صالح : اسمك جميله وانتي جميله فعلا انا عمك صالح اي حد يقولك غير الكلام ده مش متربي لان ربنا قال لينا نجبر الخواطر وفي باب للجنه بسبب ده مش تجرح الناس بالكلام اوعي يا جميله تكوني زي الناس دي اجبري خاطر الناس عشان ربنا يجبر بخاطرك وكلنا من خلق الله وربنا مبيخلقش وحش ابدا قوليلي بقا اي رايك في البيت
جميله : بيتك جميل اوي وانا مبسوطه اني قابلتك بجد ومش هناديك غير يا بابا انت احن شخص انا قابلته في حياتي
صالح : ربنا يخليكي يا بنتي انا بشتغل في البحر كل يوم باخد المركب بتاعتي واطلع اصطاد وببيع السمك وبجيب اللي البيت محتاجه بكرا أن شاء الله هناكل سمك وشوفي انتي نفسك في اي واكتبيه عشان اجيبه ليكي بتعرفي تطبخي
جميله بحزن : لا انا اسفه مش هقدر اساعدك في ده اصل مبعرفش انا حمل تقيل عليك صح
صالح : يا بنتي متقوليش كدا رزقي ورزقك علي الله سيبيها علي الله هنتعلم انا وانتي وهعلمك اللي اعرفه
جميله : ممكن تحكيلي عنك شويه يعني عندك اولاد ازاي بتعيش لوحدك مش بتخاف
صالح : بصي يا بنتي انا اتجوزت وخلفت ولد بقا مهندس كبير وخدته الدنيا وطموحه نساه أبوه خصوصا بعد ما مراتي راحت للي خلقه ف متخافيش مفيش حد غيري انا وانتي هنا خدي راحتك
جميله بسرحان : برايك يا عم صالح اي اصعب حاجه في الحياه
صالح : جميله مفيش حاجه صعبه بعون الله احنا اللي نظرتنا للأمور بتخليه صعبه هوني علي نفسك كل حاجه وهتهون وهتلاقي الدنيا سهله اسالك بقا نفس السؤال اي اجابتك
جميله : اصعب حاجه في الدنيا هو انك تفضل مستني ايوه انك تستنا حد يحس بيك تستنا أنه يشوفك بس تستنا انه يبص في عيونك لكن تعرف اي اكتر حاجه صعبه انك تتامل خير في اللي قدامك انك تجري وري حلم مستحيل انك تفضل عايش وانت بتقول هو ممكن يبص ليا في يوم من الايام هو ممكن بجد يفهم اي اللي جوايا في يوم من الايام ممكن يحبني بجد كل ده اختفي من حياتي وبدأت بايدي احقق الحلم المستحيل ودلوقتي هقدر اخليه هو اللي يستنا مش انا مبقتش ادور علي اي حاجه ولا عايزه حاجه من حد
صالح : ارمي الماضي وري ضهرك وخليكي واثقه ربنا عمره ما هينساكي وكل حاجه هتترد في الدنيا والاخره المهم اليقين وعيشي حياتك وانتي بتدوري فيها علي السعاده وراحه البال بس وانسي اي حاجه تعكنن عليكي عيشي حياتك الدنيا واسعه ومفيش حاجه مستاهله
ابتسمت وحاسيت بالراحه والأمان لاول مره ونمت مبسوطه
تاني يوم صحيت لقيت عم صالح سايب ليا فطار ومش موجود
جميله : قد اي هو طيب اوي نفسي اوي اكون حره نفسي اشوف البحر والناس اي المشكله لو روحت انا دلوقتي حره
خرجت وبدأت اتفرج بسعاده علي الدنيا لاول مره علي كل حاجه والناس بتبص ليا بخوف وقرف
طفل : ماما ماما بصي البت دي شبه العفريت انا خايف اوي
الام : يا عوذ بالله لو سمحتي بصي بعيد متخوفيش ابني وياريت تمشي من المكان كله محدش مرحب بيكي ابدا هنا
مشيت بسرعه ودخلت مطعم اتفرج كل الناس سابو الاكل وبصو ليا وجه صاحب المطعم وطردني رجعت البيت وفضلت اعيط
صالح : مالك يا بنتي فيكي اي حد عمالك اي حاجه بتعيطي ليه خوفتي عشان كنتي لوحدك
جميله بدموع : انا خرجت بس الناس مش بتحبني ذنبي اي إذا كنت اتولد كدا انا بكره نفسي وشكلي انا عايزه اروح للي خلقني عايزه اروح لامي تعبت من كل حاجه محدش بيبص علي الجوهر زي ما انت بتقول محدش جرب يكلمني ويفهمني انا عايزه اغطي وشي وكدا الناس هتتعامل معايا عادي هيدولي فرصه اتكلم معاهم انا
صالح : اهدي اهدي يا بنتي اي كل الكلام ده كلامك مش صحيح ولا حقيقي الناس اللي عيونهم فارغه مش مهم يكونو في حياتك يا فرحتي بوش جميل كل اللي حواليه بيحبوه عشان بيستغلوه دول اللي مشكلتهم اكبر انتي شايفه الناس علي حقيقتها لازم تحبي نفسك وتتقبليها عشان تقدري تعيشي الثقه والشخصية هما اهم حاجه عند الناس اتعلمي تحبي نفسك الاول عشان الناس تحبك
جميله بدموع : انا بكره الناس بكرههم كلهم هما اللي وجعوني واذوني انا هبعد بجد عنهم مش عايزه اتعامل معاهم بس لو اتاذيت مره كمان انا هنتقم وهندم الكل علي معاملتهم معايا
صالح : خليكي متسامحه وانسي عارفه هقولك علي حاجه حلوه اوي انا عامل ليكي مفاجاه حلوه هتيجي كمان شهر هتصلح ليكي حياتك كلها فكي كدا وبلاش نكد وتعالي اوريكي جبتلك فستان جديد وروحت شويت السمك يلا ناكل
عدت الايام وجميله مبتخرجش ولا بتتعامل مع حد وصالح بيجيب ليها كتب كتير وبيعلمها وبقت ممتازه في كل حاجه
جميله بحماس : عدي شهر اتعلمت فيه كويس وخلصت اكتر من 100 كتاب وبقا عندي ثقه في نفسي وذكيه اكتر من الاول ممكن بقا تقولي فين المكافئه بتاعتي ثانيه صح انت قولت اصلا ان في مفاجاه فين بقا
صالح : بصي يا بنتي انا كنت شايل ورث كل السنين اللي فاتت دي وقولت اسيب حاجه ابني يورثها اهو يفتكرني بيها بس للاسف ابني نسيني وانا جبت كل الفلوس اللي ليا في البنوك وكتبت البيت ده باسمك انتي والفلوس دي من حقك انتي لو نفسك تغيري شكلك وتعملي عمليه تجميل عشان تقدري تعيشي لو نفسك تعملي اي حاجه لنفسك تمام المهم تعيشي سعيده وتعيشي سنك وتعرفي الناس وتعيشي حياتك
جميله بدموع وهي بتحضنه : انت أعظم واحن اب في الدنيا كلها انا بحبك اوي بس الفلوس دي مش من حقي ابنك أحق مني بيها
صالح : ابني عايش حياته ومش محتاجني وانا حي ولا هيحتاجني وانا عند ربك انسي هو راجل يقدر يمشي حياته أما انتي لازم اكون مطمن عليكي اكتر عشان كدا الفلوس دي من حقك امنيتي انك تخديها وتعملي بيها حاجه تسعدك وفجاه سمعو صوت عالي من رجاله كتير بره كان القريه كلها اتجمعت علي البيت طلع صالح
صالح : اي يا جماعه في اي ليه كل اللي بتعملوه ده انا مش فاهم اي حاجه حصل اي
عطيه : البت اللي عندك دي من ساعه ما جت والحيوانات بتروح للي خلقها ومش عارفين نعيش اكيد هي ساحره أو عليها اي لعنه من ساعه ما جت والأطفال عندنا بيخافو البت دي لازم تروح للي خلقها مش لازم تعيش لحظه واحده كمان
كل الناس : ايوه لازم تروح مش هنسمح بوجودها دي خطر علي عيالنا وحياتنا
صالح : يا ناس حرام عليكم دي بنت غلبانه عملت ليكم اي بس تستاهل عليه كل ده واي الكلام الغريب اللي جايين تقولوه ده خرافات سحر وعبط اي بس ودورو جائر في مرض بين الحيوانات عشان كدا بتروح للي خلقها اعقلو يا ناس بلاش جهل
ممدوح : كلام الحج صالح صح خلينا نفكر بعقولنا يا جماعه بلاش جهل هو الصح
اتعصب عطيه وقرب من صالح يضربه ضربته كانت قويه لدرجه انه خبط دماغه في صخره جامد جدا وبدأت دماغه تنزف وفجاه
وكدا تكون خلصت حلقتنا استنونا في بارت جديد وهستنا رايكم في الروايه مع السلامه
بقلم نوران احمد
الثامن من هنا
