رواية اسير الناردين الفصل السابع 7 بقلم مريان بطرس
الفصل السابع
طلب عمل
داخل شركة البنهاوى للمقاولات
دخل هو كنمر سينقض على فريسته كل من ينظر له يخاف ويفسح له الطريق وكل منهم يسال ماذا يفعل التايجر هنا حتما هناك من سيموت اليوم
وقف امام سكرتيرته قائلا
نظرت له السكرتيرة واومئت برعب ثم قالت
_ ايوة يافندم بس
لم يستمع الى كلامها بل اقتحم المكتب مما افزع حمدى وابنته ركضت خلفه السكرتيرة قائلة
_انا اسفة يافندم بس
اشار لها حمدى بالخروج
مفيش مشكلة اخرجى انتى
بعد خروجها ابتلع ذلك الرجل الخمسينى رمقه قائلا خير يااسر بيه؟
ابتسم اسر ابتسامة مخيفة قائلا بشر
بقى انا تتجسس عليا من خلال السكرتيرة بتاعتى اسمعنى بقى انا هدخل الصفقة الجديدة وهقدم الpresentation بتاعها علشان اكسبها عايز تقدم على المشروع قدم لكن اقسم بالله اعرف انك بتشتغل من تحت التربيزة ولا الالاعيب القذرة دى معايا بيتهيألى انت عارف هيحصلك ايه فبلاش الشغل دة معايا علشان متشوفش وش التايجر
حمدى:ياتايجر اسمعنى انا مش
قاطعه الآخر باشارة من يده قائلا
خلص الكلام واظن اتفهم كل كلمة فيه مفهوم
قال كلمته الاخيرة بصوت عالى تزامنا مع ضربه على سطح المكتب بقوة فاومئ الاخر برعب بينما خرج آسر كالاعصار مثلما دخل وهو يبتسم بتشفى وعلم انه نفذ ماراد حيث ان فريسته تكاد تموت رعبا اما ذاك المسكين لايصدق ان الامر مر بسلام
سالته ابنته قائلة بذهول من ذلك الشخص الغريب الذى دخل المكتب بقو
ة :مين دة يابابى؟
اجابها قائلا:
التايجر اسر التهامى
***************************
عند كريم ومى
كان يسير معها صامتا الى ان قطعت الصمت قائلة
_مالك يا كريم زعلان من اية لو على ناردين فمتقلقش كلها يومين وهترجع زى الاول واحسن
تنهد كريم قائلا
: عارف مش دة اللى بفكر فيه
تحركت ووقفت امامه قائلة بتعجب
امال بتفكر فى ايه قولى؟ ايه اللى شاغل بالك كدة؟
اخذ هو نفس عميق ثم قال
انتى متاكدة انِك لسة عايزانى يامى يعنى مش ندمانة
قاطعته هى قائلة
:اندم على اية بس انا لو لفيت الدنيا كلها مش هلاقى زيك
امسك هو يدها بحنان ثم قال بحزن
مى انتى عارفة ظروفى انى انا اللى بكون نفسى وبابا مش بيساعدنى علشان مصاريف اخواتى وانتى من حقك تعيشى فى المستوى اللى انتى عايزاه احنا مخطوبين اكتر من سنة ولسة معملتش حاجة وباباكى
قاطعته قائلة بحب
_عمرى ماندمت ولا هندم انى معاك انا معايا سيد الرجالة وبابا عمره ماندم انه خطب بنته ليك بالعكس
ثم نظرت الى عيناه بحنان قائلة
الفلوس بتروح وتيجى يا كيمو بس اهم حاجة الاخلاق والاصل وانا معايا ارجل واحد فى الدنيا اللى من يوم ماحبنى عمره ما اذانى او قالى كلمة وجعتنى دة بالعكس بيحمينى من نفسه كمان وكمان حبيبى بيتحمل المسئولية وبيشتغل من وهو فى الكلية علشان يوفر شقة وكل حاجة انا معايا ارجل واحد واحن اخ وافضل ابن واجدع حبيب يا احلى كيمو فى الدنيا
ثم اكملت بمرح
وبعدين ياكيمو انت شايفنا هنتجوز بكرة دة احنا فى الكلية لسة قدامنا سنة غير السنة دى
قال لها بس باباكى
نظرت اليه بابتسامة ثم قالت وهى تنغزة بسبابتها فى صدره
بابا يهمه المعدن مش الفلوس
ثم اكملت بدلال وانا عارفة ان خطيبى معدنه دهب
امسك يدها مقبلا ربنا
_يديمك نعمة فى حياتى
ابتسمت هى ثم قالت
_ويديمك ليا يا حبيبى وتاج راسى
نظر لها بذهول فتلك الخجولة اصبحت تتقرب منه وتقول كلام لم يظن انها ستقوله يوما فقال لها بخبث
_بغض النظر عن حبيبى دى بس واضح ان فية ناس اتطورت اوى
ضحكت واحمرت وجنتها خجلا وركضت تجاه البيت
اما هو فوقف ينظر لها وعلى وجهه ابتسامة عاشقة فهو يحبها منذ ان اصبحت صديقة اخته وهى فى الثانوية احبها وهو يوصل اخته لدروسها واقسم ان تلك الخجولة ستكون له وبدأ يعمل إلى أن كان بمقدوره شراء شبكة وتقدم لخطبتها ووافق اهلها لانهم يعلمون اخلاقه والآن استطاع شراء الشبكة وقريبا جدا سينهى كل شئ فشركة التهامى تعطيه مرتب جيد جدا
همس لنفسه متمتما
_الصبر ياكيمو الصبر
****"**************
عند ناردين
كانت جالسة على الفراش شاردة تتذكر كلام مارينا صباحا عندما اتت
Flash back
مارينا
:ناردين فين ياطنط انا مصدقتش لما مى قالتلى على اللى حصل
اشارت سامية الى الغرفة التى بها ناردين
:ادخليلها جوة هى فى الاوضة
دخلت مارينا الغرفة فصُدِمَت من منظر ناردين فكانت حالتها مزرية همست باسمها برعب
: ناردين
نظرت اليها ناردين ثم مالبثت ان ألقت بنفسها بين احضانها فهى جارتها و قوتها وصديقتها منذ الروضة
صمتت مارينا وتركتها تخرج مابداخلها من هموم ومتاعب
بعد بعض الوقت كانت قد هدأت ناردين نظرت اليها مارينا ثم قالت بجدية
:خلاص عيطنا وحضنا وطلعنا كل اللى جوانا يبقى ننسى اللى فات بقى ونرجع زى ماكنا قبل مانعرفه
نظرت اليها ناردين بصدمة ولكنها اكملت
:ناردين الضربة اللى ماتقتلش صاحبها بتقويه ان كان اللى حصل دة علشان حاجة فهو علشان تتعلمى وتتعرفى على الناس وتعرفى ان زى مافيه الحلو فيه الوحش انا عارفه انك لحد اللحظة دى ماتعرفيش غير الحلو بس اديكى عرفتى النوع التانى
بكت ناردين قائلة وياريتنى معرفته
اجابتها مارينا بهدوء
:لا مفيش حاجة اسمها ياريت واشكرى ربنا انك عرفتيه فى الاول حتى دبلته ملبستيهاش واكيد ربنا ليه حكمة فى كدة وجايز اللى حصل دة ربنا ليه حكمة فيه
ثم امسكت يدها قائلة
: اللى لسة ربنا عاوزك تمسكى ايده بقية عمرك وهيبقى حمايتك وسكنك وسندك لسة مظهرش بس لازم ترجعى ناردين القديمة لانه لافائدة من البكاء على اللبن المسكوب وكويس ان محصلش حاجة
نظرت اليها ناردين بذهول وقالت محصلش حاجة وارجع زى ماكنت ازاى؟
اجابتهامارينا بهدوء
:آه محصلش حاجة انتى لا اتجوزتيه ولا اتخطبتيله ولا اى حاجة ولازم ترجعى زى ماكنتى قوية ومرحة وترجعى كليتك وتتعاملى مع الناس وانتى هتنسى
نظرت اليها ناردين فاكملت مارينا رغم معرفتها بتألمها
:فاكرة كلامك ومبدئك فى الحياة ولا افكرك
دايما كنتى بتقولى امبارح مقدرش ارجعه بس اقدر احاول اتناسى وجعه بعد ما اتعلم منه وبكرة انا مش ضامنة هييجى ولا لا فكل اللى املكه النهاردة فلازم اعيشه كويس لانى مش ضامنة اذا كنت هعيش بكرة ولا لا
ثم نظرت لها قائلة مش دة كلامك ومبدئك ولا لا؟؟
اومئت ناردين براسها فقالت مارينا
:يبقى ننسى ونعيش حياتنا ولا كأن حاجة حصلت ونرجع لكليتنا وحياتنا تانى ونهتم بدراستنا اوكى
ناردين: اوكى
Back
قامت ناردين وارتدت ملابسها واستعدت للذهاب لجامعتها
****""*************
فى شركة ماكس
دخل اسر شركته فوقف الجميع مرتعدين فقال لهم اى واحد هيخون هيبقى نصيبه زيها ويمكن اسوأ لان أنا اكتر حاجة اكرهها الخيانة
اومئ الجميع برءوسهم ثم نظر الى شادى قائلا
:شوفلى سكرتير او سكرتيرة كويسة بس يكونو محل ثقة
اومئ شادى براسه فى حين ترك هو الجميع ودخل مكتبه فرن الهاتف الخاص بمكتبه ف اجاب
الو.....ايوة ياعامر خير كنت عايز حاجة الباشا كويس
...........
يعنى ابراهيم باشا مقلش عايزنى فى ايه
.............
خلاص جاى
واغلق الهاتف قائلا
:اكيد وصله اللى حصل وهيعملى تحقيق
ثم قام من مكانة متجها الى شركة والده
********************
فى الجامعة
كانت ناردين تسير بجانب صديقتيها بعد ان انهت محاضرتها فقابلت الدكتور خالد
خالد:الف سلامة عليكى ياناردين اكيد كنتى تعبانة برده امبارح علشان كدة مجيتيش
نظرت اليه ناردين باستغراب ثم قالت
بس حضرتك عرفت منين انى مجتش امبارح
خالد بمرح
:علشان محدش جه امبارح ماخر امبارح وقطع عليا المحاضرة وانا شغال
ضحكت الفتيات بينما هو نظر الى ذراعها المعلق وقال الف سلامة عليكى مرة تانية وياريت تاخدى بالك بعد كدة
اومئت براسها
بعد ذهابة نظرت هى اليهم ثم قالت اخد بالى من ايه
مى :سالنى عليكى امبارح فقولتله انك وقعتى ودراعك اتكسر
اومئت هى بلا مبالاة
***"***************
فى شركة التهامى
سار بجبروته المعتاد بينما يرتعد الموظفين من مجيئه الى الشركة اما الفتيات فينظرون له بهيام وخوف فى نفس الوقت فهو حلم جميع الفتيات
دخل مكتب والده
اسر:خير يا ابراهيم باشا؟
ابراهيم: اية اللى حصل؟
اسر: حصل ايه فى ايه مش فاهم
صرخ ابراهيم بغضب
: لا فاهم وعارف بتكلم عن ايه عن اللى حصل فى شركتك
اسر ببرود:محصلش حاجة سكرتيرتى طلعت بتخونى وانا طردتها
ابراهيم: وحمدى البنهاوى؟
اسر: مفيش حاجة حذرته بس
صرخ به ابراهيم بانفعال :انت عارف لو حد شافك من الصحافة كانت هتبقى فضيحة
أجابه آسر بهدوء: انا معملتش حاجة انا بس بعرفه غلطه ودخلت شركته عادى من الباب لا جبت بلطجية ولا حاجة
ثم قام من مكانه قائلا
ان كان التحقيق خلص ف انا ماشى بقى لانى مش فاضى
*********************
عند ناردين
دخلت ناردين غرفة كريم بعد ان دقت الباب واذن لها بالدخول
ناردين :كنت عاوزاك فى موضوع يا كيمو
اجابها كريم بهدوء: تعالى يا نادو كنتى عاوزة اية
ردت ناردين بردها الصاعق
كنت عاوزة اشتغل
صُدِم كريم من ردها الغريب ايجيب بتعجب : نعم؟!!تشتغلى؟ تشتغلى ازاى وكليتك؟ وهتشتغلى فين؟
ناردين :دراستى هعرف اظبطها اما بقى فين فى شركة التهامى للاستيراد والتصدير
وقبل ان يسال قاطعته هى
وانت اللى هتتوسطلى فيها
نظر لهاكريم لبرهة ليسأل بتعجب :طيب ليه؟ ايه اللى جاب الموضوع فى دماغك واشمعنا شركة التهامى؟
ناردين: هقولك
