رواية ميراث الشيطان الفصل السابع 7 بقلم شروق حسام

رواية ميراث الشيطان الفصل السابع 7 بقلم شروق حسام

الفصل السابع

بعد يومين

في احد الحارات الشعبية

سلسبيل بقوة : جرى ايه يا راجل منك ليه بتستقوى على واحدة ازاي تستجرى ترمي حاجاتنا بره البيت وتعمل كده في أمي

إسماعيل صاحب المنزل ببرود : بيتي وانا حر فيه يا ست ما لكيش فيه كفايه سمعتك اللي زي الزفت

_: نعم يا عينيا ومالها سمعتي بقى يا راجل مهيس

_: كل الحاره بتتكلم عليكي يا ها سلسبيل هانم راحه مع واحد وجايه مع واحد

_: واللي يتكلم عليا اقطع له لسانه يا اسماعيل ومش انا اللي يتقال عليا كده انا بنت بمليون راجل ولو انت واحده ست فخليك قاعد مكانك وانت بتشوف بنت حتتك بيتقال عليها كده

سلسبيل بزعيق وهي تنظر لكل أهل الحارة : جري ايه منك ليها ده انا متربيه وسطكم من وأنا حتة لحمه حمراء والمفروض لما تشوفوا حد بيتكلم عليا كده تقطعوا له لسانه قبل ما انا اعمل كده

تسنيم والدتها بتعب : خلاص يا بنتي الكلام معاهم مش هيجيب فايدة

_:فعلا ياماما وبكرا زي ما اتقال عليا كده هيتقال علي واحدة من بناتهم بس الفرق هنا أن الكلام هيطلع صح ومش هيعرفوا يرفعوا وشهم في وش حد

أنهت سلسبيل حديثها ثم اخدت تلملم ملابسها وملابس والدتها الملقاه في الشارع

أنهت تجميعهم ثم نظرت لاسماعيل بقرف : ساعه هي ساعه واحده وهيكون في رجاله هنا هينقلوا كل اللي في الشقه اقسم بالله لو اعترضت طريقهم لاكون جايبه لك البوليس يا اسماعيل

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد نصف ساعة

كانت سلسبيل وتسنيم في التاكسي وتنسيم لا تعرف الي اين سوف تأخذها ابنتها

_: هنعمل ايه يا بنتي دلوقتي وكمان انتي موديانا على فين

_: كلمت خالتو يا ماما ودلوقتي احنا رايحين لها مؤقتا عقبال ما الاقي شقه ثانيه نأجرها

_: بس يا بنتي خالتك

_: عارفه يا ماما عارفه من غير ما تتكلمي عارفه هنسكن ازاي هناك وابنها الشمام اللي عايز ضرب النار وبنتها الحربايه هيضايقونا

أكملت بتنهيدة متعبة : بس نعمل ايه ما قدمناش خيار تاني يلا الحمد لله

_:الحمد لله

سلسبيل بعد لحظات من التفكير العميق : انا نفسي بس اعرف مين اللي قال كده عليا انا ما عنديش عداوه مع حد كل الناس بتحبني ما اعرفش كلهم قلبوا فجأة يلا يولعوا الناس شكلها اتجننت في عقولها وخابت

_: الناس بتحب تنقل الكلام وخلاص من هنا لهنا لهنا وبيتحرف 100 الف تحريفه

_: عارفه يا ماما لو كان اللي في بالي هو اللي عمل كده هكون مورياه النجوم في عز الظهر ابن البطه السوداء ده

تسنيم بتعجب : مين

سلسبيل بشر وغموض : لو طلع هو هتعرفي يا ماما اول واحدة قبل اللي هعمله فيه هههههههه

تسنيم بإبتسامة عريضة : اعتبر أنه مات يعني

_: هههههه علي حسب

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

في أمريكا

في احد النوادي الرياضية

كان يرفع الأثقال الحديدية وهو يفكر بها تلك التي خطفت لب قلبه وعقله حب طفولته ومراهقته وشبابه

_: قربت ارجع لك يا سلسبيل كلها ايام وارجع لك وهتبقي ملكي انا وعلي اسمي و ما فيش حاجه هتقدر تفرقنا من تاني

_: لسه بتفكر فيها يا عم الحبيب

سليمان بضيق : هتبدا نفس السيناريو يبقى اخرس خالص

مروان بمرح : ليه دي مرات اخويا ههههه وهتعلقك فاكر لما كنا صغيرين كانت بتعمل فيك ايه

سليمان وهو يتذكر ما كانت تفعله به : اااه لا مش فاكر ومش عايز افتكر خليني بحبها كده احسن وانا مش فاكر حاجه من اللي كانت بتعمله

أكمل بوعيد محبب : كلها ايام وهرجع لها وساعتها هوريها اللي كانت بتعمله فيا

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

_: انا قلقانة علي البت يا محمد واللي خطفها ملهوش ولا حس ولا خبر ما طلبش فيدية ولا طلب اي حاجه

_:محمد

_:محممممممد

محمد بزهق : اووووف بقي نعم يا إسعاد عايزة ايه

_: انت بتستهبل يا الدلعدي بقول لك الخاطف ما تكلمش ولا طلب فيدية ولا اي حاجه والبت قلقانه عليها وانت ولا هنا ما اعرفش بالك مشغول في ايه

_: هكون مشغول بايه بفكر هجيب منين الفلوس دي

_: من الفلوس اللي محوشهنها يا روح امك

محمد بتوتر وحزن زائفين : اخس عليا هو انا ما قلتلكيش مش انا عملت بيهم مشروع وللاسف يعني المشروع خسر

نظرت له إسعاد للحظات ثم أخذت سكينة الفاكهه الموجودة بجانبها ثم رفعتها ووضعتها علي رقبة زوجها

_: بص بقى يا عينيا احنا طابخينها سوا فشغل المشروع والكلام اللي انت بتقوله ده مش هيدخل عليا ويلا قوم كده من سكات هات الفلوس من جوه ده انا إسعاد يا اخويا والقدر على الله فيلا يا ابن ساميه العامية على جوه دقيقه والاقيك قدامي بالفلوس يلاااا

نظر لها محمد بخوف ثم فر من أمامها سريعا وبعد أقل من دقيقة كان أمامها بحقيبة الأموال

إسعاد بقرف : اتفووو عليك راجل ناقص ناس ما بتجيش غير بالعين الحمراء

أكملت بشفقة علي وحيدتها : زمانها يا حبة عيني على لحمه بطنها بقى لها يومين وقاعده خايفه

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

في شقة التجمع

هناك نري تلك الفتاة المسكينة البائسة كما تحسبها والدتها تنام علي الأريكة أمام التلفاز وفي يدها انواع عديدة من المكسرات والتسالي

_: انت بارد كده ليه ما تعترف لها بحبك وخلاص سهله يعني احنا في الجزء التاني ولسه ما اعترفتش الصبر من عندك يا رب متابعه المسلسل ده عشان البطل

_: اهو اهو اهو اهو هيعترف هيعترف الحقوني هيعترف اخيرا

_: ايه ايه في ايه ايه اللي حصل مين مين

_: شيفاي وانيتا

_: مين

_: شيفاي و انيتا للعشق جنون مسلسل هندي معقوله ما تكونش تعرفه ده انا عدته 100 مره مسلسل الطفوله هذا ههههه

_: روحي يا شيخه الهي تتبلي بمصيبه

_: انتي مش عايزه ترجعي لاهلك

_:تؤ تو ارجع ليه انا هنا مبسوطة قاعده واكله شاربه نايمه ومبسوطه ولا بروح دروس ولا بروح مدرسه هذه احلامي ناقص بس فارس الاحلام اللي هيجي يخطفني على الحصان احلام العصر انا عارفه قلت كده برده من فتره اتجبست الحمد لله هههههه

الخاطف بتساؤل : ايه اللي حصل

_: واحد قمر كده في نفسه طول بعرض حليوه خبطني بس خبوطه صغنتوته

_: عجبتك انا مش كده

سهي بإبتسامة : اووووي اوووي الصراحة

سهي بمحاولة استيعاب للموقف : ثواني ايه ده هو هو انت

الخاطف بمراوغة : هو هو انا

سهي بقرف : وانت مالك عجبني ولا لأ اجري ياض من هنا

_: ياض بقى انا على اخر الزمن يتقال لي ياض ومن حته مفعوصه زيك ده انتي غبيه يا شيخه

نزع القناع عن وجهه وهي نظرت له بصدمة وإحراج عندما عرفت هويته وأنه ذلك الشخص الذي صدمها بالسيارة

_: خليكي مبحلقه كده انا داخل اكمل نوم بتستوعبي متاخر قوي غبيه

أكمل بهمس : بس حبيتك

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

_: كله تمام يا باشا وصاحب البيت طردهم

_:هههه كويس قوي برافو عليك الخطوه اللي بعدها نفذها بدقة عايزك تنفذها بكل حذافيرها عايزها تكون ضعيفه وفي اسوء حالتها

_: اعتمد عليا يا باشا وكل حاجه هتبقى زي ما انت عايزها واكتر

_: تمام يا حسن خلي عينك عليها لحد ما توصل هناك و....

_:انت عارف الباقي طبعا هههه

_: أوامر تانية يا عاصي بيه

عاصي ببرود : لا ويلا روح شوف شغلك

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

في منزل لولو (ليلي)

كانت ميراث تجلس في الصالون وهي تفرك يديها الاثنين ببعضهم البعض بإحراج من نظرات بعض الجيران الموجهه لها الذين اتوا لزياره ليلى

نوال برفعه حاجب : هي مين دي يا لولو

مديحة بقرف : وايه البتاع اللي في وشها ده

ليلي بغضب : في ايه منك ليها ميراث زيها زي في البيت وتعتبر صاحبته فالكلام اللي انت بتقوله ده تخلوه لنفسكم وتسكتوا مش بنتي اللي يتقال عليها كده

سمية بضيق : بنتك منين يا ليلى انتي اتجننتي شكلك انتي ما عندكيش غير زهره هو اي حد تجيبيه من الشارع تعتبريه بنتك

نوال بضيق : عندك حق يا سميه ما اعرفش ليلى مالها كده

ليلي بغضب : يلا من هنا منك ليها مش عايزه اشوف وشكم تاني قلبكم اسود فعلا يلااا من هنا من غير مطرود

انصرفوا وهم يتمتون بضيق وغضب من ليلي التي احرجتهم

ليلي بحنان وهي تحتضنها : متزعليش يا بنتي ستات كبار وبيخرفوا

ميراث بدموع : عادي ما هي دي الحقيقة ما كدبش في حاجه

_: حبي نفسك حبي نفسك مش هقول لك اكتر من كده يا روحي

زهرة من ورائهم بمرح : مسكتكم متلبسين بتخونوني اه يا ليلى بتحضنيها من غيري انت ولا فين اه يا خونة وانتي يا ميراث ما توقعتش كل ده يطلع منك ااااه يا قلبي الحقوني ههههه

زهرة وهي تفتح يديها الاثنين علي وسعهم : في حضن اخوك يا فواز

ركضت ميراث وليلي واحتضناها بحب

ميراث وليلي في نفس واحد : هبلة ههه بس بنحب هبلك

الثامن من هنا

تعديل المقال