رواية ضرتي حامل الفصل الخامس 5 بقلم سيد عبدربه
ضرتى حامل
الجزء الخامس
عدت ليله الفرح وقضيت اصعب ليله بحياتى قاعده لحد الصبح ابكى بحرقه وغى الصبح نادت عليا حماتى عملت شغل البيت زطلعت اوضتى وفجاه دخل عليا عبدالله وبكيت فى حضنه اوى وقالى كﻻم جميل جدا
بعدها طلع لصفيه العروسه الجديده عشان عمى ومرات عمى جاين يباركوا للعرايس
اهل العروسه حضروا قعدت فى اوضتى منزلتش عشان اﻻحراج
طلع عمى ومرات عمى للعروسه قعدوا معاها وباركوا للعرايس
مرات عمى : ايه اﻻخبار ياصفيه
صفيه : الحمد لله ياماما
مرات عمى : ايوه كده ﻻزم تخليه يتعلق بيكى وتجبيله الولد عشان تكونى الكل فى الكل هنا واﻻرض واافلوس تكون بتاعتك انتى وعيالك
صفيه: متخافيش ياماما انا هعمل كل اللى تقولى عليه
مرات عمى : وﻻزم تخليه ينسى ناهد دى خالص وميكنش فى دماغه وقلبه غيرك
صفيه : متقلقيش انا هقلب حاله كله
بعد حوالى ساعه مشوا اهل صفيه وطلع عبدالله شويه من اﻻوضه وجه قعد معايا عشان يواسينى شويه
وفجاه سمعنا صوت بينادى طلع صوت صفيه بتنادى
بودى يا بوووودى
انا : والله طب كويس بتقولك بودى
انا : ايه ده مين بودى ده ؟
عبدالله : دى بتنادى عليا
صفيه تيجى تﻻقى عبدالله قاعد معايا وباب اﻻوضه مفتوح
ايه ده يابودى انت سايبنى قاعده لوحدى وقاعد هنا
عبدالله : اطلعى وشويه وجاى
صفيه : ﻻ تعالى معايا يﻻ بقا
انا : معلش روح يا عبدالله دى مهما كان لسه عروسه يﻻ
يقوم معاها عبدالله وتبص ليا وهى ماسكاه بصه وحشه اوى ايه ده معقوله دى صفيه بنت عمى دى بتغظنى معقوله من اﻻول كده
قعدت افكر فى نظرتها ليا مش قادره انساها طول الليل
انا مش عاوزه مشاكل معاها ومش عاوزه نكد وخناق عشان عبدالله يستريح
مرت الليله بحلوها ومرها
وجه تانى يوم وعبدالله طول اليوم مع صفيه
وانا الوقت بيعدى عليا اتقل من الجبال
مر اليوم التالت وده كان اخر يوم لصفيه بعدها عبدالله هينام عندى
فى اليوم الرابع صحى عبدالله وفطر كالعاده مع صفيه
وقبل ما ينزل الشغل قال لصفيه اعملى حسابك بعد كده هنفطر تحت كلنا مع بعض
وانتى انزلى بقى خﻻص ساعديهم فى شغل البيت
صفيه : انت عايزنى انزل دلوقتى يابودى انا لسه مكملتش تﻻت ايام بس
عبدالله : ايوه فيها ايه تﻻته زى عشره زى شهر مش هتفرق اﻻيام جايه كتير
صفيه : حاضر ياقلبى اللى تتأمر بيه
ينزل عبدالله يروح شغله وتخرج معاه صفيه لحد الباب وهى ماسكه ايده وتقوله مع السﻻمه يابوودى متتاخرش عليا عشان هتوحشنى اوى
يخرج عبدالله وترجع صفيه
تبصلى وتقولى صباح الخير ياناهد
انا : صباح الخير يا صفيه عامله ايه مع عبدالله ياترى
صفيه : انا ههههه دا انا مهنياه ومدلعاه اووى بيقولى اول مره احس بالجواز
انا : والله بيقولك كده
صفيه : ايوه يابنت عمى ههههه انتى مش شايفاه ماشى مبسوط ازاى مكنش عاوز ينزل للشغل لكن انا قولتله ﻻ يابووودى شغلك اهم يعنى انا هروح فين انا قاعده معاك على طول بس انت خلص شغلك وانا هستناك
تخرج حماتى فى اللحظه دى وتبص
حماتى :ايه ياصفيه واقفه بتعملى ايه عندك ؟
صفيه :مفيش يا ماما كنت بصبح على ناهد
حماتى : طيب تعالى عوزاكى جوه فى موضوع
تدخل صفيه مع حماتى فى اوضه ويقفلوا الباب عليهم
ياترى هيقولوا ايه ؟ وايه اللى هيحصل ؟
السادس من هنا
