رواية كيان فارس الفصل الخامس 5 بقلم رنا تامر
♡نوفـيلا كـيـان فـارس♡
𝐩𝐚𝐫𝐭 𝟓♡
ريم ذهبت الي مكتب عمر وهي في صدمه من الحديث الذي سمعته من فارس وهو يتحدث في الهاتف.
ريم جلست امام عمر بصدمه.
عمر بإستغراب/ في ايه يا ريم.. مالك عامله كده ليه.
ريم بصدمه/ انت مسمعتش اللي انا سمعته.
عمر بقلق/ في ايه يا ريم اتكلمي.
ريم قصت علي عمر ما سمعته من فارس.. وعمر اصبح مثلها مصدوم 
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في فيلا المنشاوي•
•في غرفه فارس وكيان•
حاولت كتابه اسمها وانصدمت عندما فتح اللابتوب وظهر لها ان الباسورد الذي كتبته صحيح.
كيان بصدمه/ معقول انا مش بحلم.. معقول عامل الباسورد بأسمي.
كيان بدات تتفحص ما بداخل اللابتوب و وجدت كثير من الصور والفيديوهات لها.
بدات تفتح كل صوره وكل فيديو وعينيها ممتلأتان بالدموع.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
• في المساء •
•في فيلا المنشاوي•
جاء عمر ومعه فارس.
جلسوا هما الاثنان و هما يهمسون من سيبدا بالكلام اولا.
سليم بإستغراب/ في ايه يا ولاد بقالكوا ساعه بتهمسوا لبعض ومش بتقولوا حاجه.
عمر بشجاعه/ بص يا عمي من الاخر كده انا جاي وطالب القرب من حضرتك.
سليم بإستغراب/ ده اللي هو ازاي.
عمر بهمس لفارس/ الحق ده بيقولي ازاي.
فارس بإبتسامة/ بص يا بابا هو عمر جاي يطلب ايد ريم واذا كان عليا انا موافق.
سليم بإبتسامه/ طبعا يا بني انت شخص كويس وانا مش هلاقي لريم حد احسن منك.. وانا كمان موافق.. بس ناخد راي العروسه.
فارس في نفسه بضيق/ لما هو مهتم بالاراء كده كان يهتم لرأي لما رفضت الجواز.
سليم قام بنداء ريم.
• عند البنات •
ريم وكيان وجاسمين كانوا واقفين علي الدرج ويتسمعون الي الحديث بين سليم وعمر وفارس.
سوزان من ورأهم/ قفشتكوا.. بتعملوا ايه.
جاسمين بتوتر/ مفيش يا مامي احنا كنا ماشين عادي.. صح يا بنات؟
ريم وكيان بتوتر/ ايوه صح
.
. سوزان بخبث/ يعني مكنتوش بتلمعوا اوكر.
الثلاثه توتروا اكثر حتي سمعت ريم انه عمها يناديها.
ريم في سرعه/ احم انا هنزل عشان انكل سليم بيناديني.
ريم هربت وتركت البنات في توتر.
كيان بهمس/ يا بختك يا ريم سابتنا وهربت.
جاسمين بهمس/ ده حظها يختي.. اهدي بقي لما نشوف مامي هتعمل معنا ايه.
سوزان بتهديد/ ها بقي هتتكلموا ولا اقلب علي الوش التاني.
كيان جائتها فكره عبقريه ونظرت لجاسمين وهي شبه ما فهمت علي كيان.
كيان بخضه/ اده يا طنط ده فار اللي جمبك ده.
سوزان بصت تحتها بخضه/ فين ده؟.
كيان بصوت عالي نسبيا/ اجري يا جاسمين.
كيان وجاسمين هربوا وسوزان لم تلحق بالامساك بهم.. ولكنها ابتسمت لذكاءهم.
•عند سليم•
هبطت ريم وجلست بجانب عمها.
سليم بهدوء/ ها يا ريم يا بنتي موافقه علي جوازك من عمر.
ريم ظلت صامته وتنظر لعمر بخجل.
عمر يهمس لفارس/ هي بنت عمك جايه تعمل كومبارس دلوقتي.
فارس بتعجب/ انا عارف وبعدين ما انت عارفها صوتها قد كده مش عارف جت دلوقتي اتخرست ليه.
سليم بإبتسامه/ السكوت علامه الرضا يلا علي بركه الله.. يلا نقرأ الفتحه.
بعد دقيقه.. انتهوا من قراءه الفاتحه.
جميعهم بهدوء/ اميييين.
سليم بإبتسامة/ طيب يا بني الفرح الشهر الجاي إن شاءلله.
عمر بإبتسامة/ باذن الله.
عمر قام بالرحيل و سليم صعد الي غرفته ومعه سوزان.
فارس ل ريم/ استني يا ريم.. انا عايزك في كلمتين.
ريم بهدوء/ تمام يا فارس اتفضل.
فارس بنفس عميق/ بصي انا الصراحه ابتديت اتغير واكيد اتغيرت للاحسن.. وابتديت ارجع احب كيان تاني.
ريم بعدم فهم/ ده شئ كويس.. بس انا مطلوب مني ايه.
فارس بتردد/ انا عايزك تساعديني فإني اخلي كيان تحبني وتثق فيا تاني.
ريم بإستغراب/ واشمعنا التغير ده دلوقتي.
فارس وهو يتحدث من قلبه/ عشان انا بحب كيان اكتر ما هي بتحبني وفعلا طلع كلام عمر صح لما قالي انه طول ما هي مبينالك حبها انت هتبقي مغرور وهتنسي حبك ليها.. ولما هي اتغيرت معايا انا اكتشفت قد ايه انا بحبها ومقدرش استغني عنها.
ريم بفرحه/ والله يا ابن عمي ده شئ يفرحني جدا بس اتمني انه يكون الكلام ده من قلبك بجد.
فارس بهدوء/ انتي عارفاني يا ريم وبعدين ربنا شاهد علي كلامي.. ها بقي هتساعديني ولا ايه.
ريم بإستسلام/ هساعدك وامري لله.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في غرفه فارس وكيان•
فارس صعد الي غرفته و دخل وجد كيان نائمه.
فارس جلس بجانبها علي الفراش.
فارس بهدوء/ كيان قومي انا عارف انك صاحيه.
كيان همت بالجلوس.
كيان بضيق/ افندم.
فارس في نفسه/ كان نفسي اقولك اني بحبك.. لكن مش هينفع دلوقتي.
فارس بهدوء/ احم هو انا ورايا مؤتمر في لندن لمده اسبوع.
كيان في نفسها/ كان نفسي اقولك خدني معاك بس عارفه مش هترضي.
كيان بحزن مكتوم/ وانا مطلوب مني ايه.
فارس بتردد/ يعني كنت بقول لو تحبي تيجي معايا يعني بما انك كده كده استقالتي.
كيان حاولت انها تخفي فرحتها.
/ احم بس انت رايح في شغل انا هروح اعمل ايه.
فارس في سرعه/ لا انتي اصلا هتزهقي من كتر الخروجات.
كيان بعدم فهم/ ده اللي هو ازاي.
فارس بتوتر/ انتي بتسالي كتير ليه.. هتروحي يا ايوه يا لا.
كيان بضيق مصتنع/ هروح اما نشوف اخرتها.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في اليوم التالي علي مائده الافطار •
فارس بهدوء/ بابا في مؤتمر في لندن انا هروحه..
سليم بتكمله للحديث/ وهتاخد كيان معاك.. ده شئ كويس.
جاسمين بإستغراب/ وحضرتك عرفت ازاي.
كيان بسخريه/ ده انكل سليم يا بنتي.. يعني بيعرف اي حاجه في الدنيا.. ثم نظرت لي سليم واكملت.. مش كده بردوا يا انكل.
سليم بإبتسامه/ صح يا روح عمك.
ريم بجديه/ انكل سليم المشروع الجديد اللي احنا هنبدا في تنفيذه محتاج فيه مهندسين بارعين.
سليم بجديه/ طيب يا ريم لما نخلص نبقي ندخل المكتب ونشوف الموضوع ده.
ريم بهدوء/ تمام.
سوزان بتساؤل/ انتم مش هتروحوا الشغل.
فارس بهدوء/ لا احنا اجازه انهارده.
سليم بجديه/ جاسمين من بكره انتي و كيان وراكم تدريب في الشركه و فارس اللي مسؤل عن تدريبكم.
جاسمين بإبتسامة/ تمام يا بابي.
كيان بضيق/ بس يا انكل....
سليم بمقاطعه/ مفيش بس انا مش عايز اسمع اي اعتراضات.
كيان شعرت بضيق وقامت من الافطار وصعدت الي غرفتها.
فارس بضيق/ ليه يا بابا عملت كده هي مش عايزه تشتغل دلوقتي.. هو كل حاجه عافيه.
فارس قام وصعد ورأ كيان.
سوزان بضيق/ ليه عملت كده يا سليم؟.
سليم بجديه/ انا مش عايز نقاش في الموضوع.
انتهوا من الطعام و كل واحد ذهب لينهي عمله.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في غرفه فارس وكيان•
كيان ظلت تبكي وفارس يهدأ فيها.
فارس وهو يهدئها/ خلاص بقي اهدي يا كوكي.
كيان ببكاء/ هو انا ليه كل حاجه بتتفرض عليا كده.
فارس بحنان/ متقوليش كده لو مش عايزه الشغل خلاص انا هتكلم مع بابا.. بس مش عايز اشوف دموعك طول ما انا عايش.
كيان بدات تهدي/ انت فكرتني لما كنا صغيرين وانا اعيط وانت تهديني زي كده.
فارس في نفسه/ كان نفسي اخدك في حضني واحسسك انه مفيش حاجه في الدنيا تستهال دموعك دي.. حتي لو كان انا.
فارس بإبتسامة/ طول ما انا جمبك انتي مش لازم تخافي ولا تعيطي.. كل اللي تحسي بيه هو الامان فقط.. فاهمه يا قطيتي.
كيان بإبتسامة/ فاهمه يا فاروستي.
فارس ابتسم وتذكر وهما صغار.
𝒇𝒍𝒂𝒔𝒉 𝒃𝒂𝒄𝒌..
« هي في الثانويه.. وهو في الجامعه».
كيان كانت جالسه في غرفتها ومعها ريم وكانت تحاول ان تهدئها لكن لا فائده.
دخل فارس وهو مخضوض عليها.
فارس بخضه/مالك يا كيان في ايه.
ريم بحزن/ من ساعت ما جات من المدرسه وهي بتعيط.
فارس بهدوء/ طيب اخرجي يا ريم انتي دلوقتي.
ريم خرجت وفارس جلس بجانب كيان.
فارس وهو يرفع وجهها.
/ انا مش قولتلك قبل كده طول ما انا معاكي مش عايز اشوف دموعك.. ها بقي مين اللي استجري انه يزعل قطيتي.
كيان ببكاء/ الميس سقطيتني في امتحانات الشهر عشان صحبتي كانت بتتخانق معايا وانا معملتش حاجه.
فارس بغضب/ ازاي يعني ازاي قدرت تعمل كده.
كيان ازدادت في البكاء.
فارس اخدها في حضنه ليحسسها بالامان.
فارس وهو يلمس علي شعرها بحنان/ خلاص يا كوكي بقي انا هوريكي هعمل فيها ايه بس عايزك متعيطيش تاني.. اتفقنا يا قطيتي.
كيان هدات بعض الشئ ثم نظرت له وتحدثت بإبتسامة.
/ اتفقنا يا فاروستي.
𝒃𝒂𝒄𝒌..
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في المكتب•
ريم وسليم انتهوا من امر المشروع الجديد.
ريم بهدوء/ خلاص كده احنا ظبطنا كل حاجه.
سليم بجديه/ تمام لو في حاجه تاني تعالي قوليلي.
ريم بإحترام/ حاضر عن اذنك يا انكل.
خرجت ريم و دخل فارس وقام بغلق الباب وجلس امام والده.
فارس بجديه/ انت عايز توصل ل ايه بالضبط.
سليم بعدم فهم/ قصدك ايه
فارس بحده/ بابا انت فاهم قصدي كويس.
سليم ببرود/ روح يا فارس قول ل مراتك تجهز للتدريب في الشركه بكره.
فارس بتساؤل/ بابا انت ايه اللي غيرك كده.
سليم بغموض/ كل حاجه هتعرفها في وقتها.. اتفضل بقي عشان ورايا شغل.
خرج فارس من المكتب وترك سليم في حزن.
سليم في نفسه/ اسف لمعملتي دي بس ده عشان مصلحتكوا.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في شركه ادهم الهلالي•
ادهم بغضب/ يعني ايه انا كده خسرت وفارس هو اللي كسب.
مدحت شريكه/ ما انا قولتلك اللعب مع فارس المنشاوي مش سهل.
ادهم بتوعد/ انا مش هسيبه يفرح بالسهوله دي.. انا هعرفه مين ادهم الهلالي.
مدحت بتحذير/ احسنلك لو في حاجه في دماغك شيلها عشان هتفشل.
مدحت خرج من المكتب وترك ادهم في غضب شديد.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
• في الحديقه تبع الفيلا•
•عند كيان وريم وجاسمين•
كيان قصت علي ريم وجاسمين حديث المؤتمر.
جاسمين بغمزه لها/ ايوه يا عم اتاري الفرحه مش سيعاكي.
كيان بضحك/ والله ابدا ده انا مستغربه تغير فارس المفاجئ.
جاسمين بخبث/ ودي حاجه حلوه ولا وحشه.
كيان في سرعه/ حلوه طبعا.. ده انا ما صدقت انه هيرجع فارس القديم.
ريم بإبتسامة/ انا كده فهمت كل حاجه يبقي فارس لما كان بيتكلم في الفون و كان بيحجز تذكرتين ل لندن يبقي كان ليكي وليه.
كيان بشك/ بس انا لسه مش متاكده انه رجع فارس اللي اعرفه فعلا.
ريم بإبتسامة خبيثه/ انا هقولك تتاكدي ازاي هي كذا خطه.. بس اياكي متنفذيش حرف من اللي هقوله.
كيان مسكتها من قفها/ انا مش عارفه ليه شامه ريحه تهديد.
ريم بارتباك/ لا والله انا بس كنت بتكلم مجازا.
كيان بسخريه/ ايوه كده اتعدلي.
كيان تركتها وجلست علي الكنبه.
جاسمين بزهق/ يلا بقي يا ريم قولي ايه هي الخطط دي.
ريم بتبتسم بشر/ اسمعوا كويس
.
. ⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
• في المساء •
•في غرفه فارس و كيان•
فارس خرج من التويلت وقام بتجهيز نفسه.
فارس واقف امام المرأه وكيان جالسه تتامله.
فارس و هو يضع البرفيوم خاصته/ عجبك صح.
كيان بعدم فهم/ هو اي.
فارس بابتسامه ساحره/ البرفيوم.
كيان تمثل انها لا تهتم/ وانا مالي هو انا اللي بحطه.
فارس بسخريه/ هعمل نفسي مصدقك.. المهم انا رايح عند عمر.
كيان بلا مبلاه/ مسألتكش رايح فين.
فارس بهدوء/ انا قولتلك عشان لو اتاخرت تبقي عارفه انا فين.
كيان اتجهت ل الفراش
واسترخت.
كيان اغلقت نور الابجوره وتحدثت ببرود مصتنع/ ياريت تقفل الباب وراك.
فارس تنهد ثم خرج بإحباط وأغلق الباب وترك كيان في تفكير فيه.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في اليوم التالي•
•في شركه المنشاوي•
وصل كلا من كيان وجاسمين ومن ثم دخلو.
جاسمين بإستغراب/ انا مش فاهمه مجتيش مع فارس.. ولا حتي خلتيني اجاي معاه ليه.
كيان بجديه/ هو كده لازم اتقل عليه شويه.. وبعدين يا ندله كنتي عايزه تمشي وتسيبيني لوحدي.
جاسمين بتردد/ لا طبعا اسيبك ازاي ياقلبي.
كيان بسخريه/ طيب يلا ياختي لما نشوف فين مكاتبنا.
كيان وجاسمين اتجهوا لمكتب فارس ودخلوا بعد ان اخدوا اذن من السكرتيره.
كيان بسخريه/ حلوه السنيوره اللي برا لا عرفت تختار يا فارس بيه.
فارس بعدم فهم/ قصدك مين.
كيان بضيق/ مش مهم.. فين مكتبي انا وجاسمين عشان نروحه.
فارس بهدوء/ اقعدوا.
فارس طلب عمر.
جاء عمر ودخل مكتب فارس.
فارس ل عمر/ خد جاسمين و ورايها مكتبها.
عمر بسخريه/ يلا يا اوزعه قدامي.
جاسمين بزعل طفولي/ قولتلك ميت مره متقوليش يا اوزعه.
عمر بضحك/ طب امشي قدامي يا اوزعه.
وبالفعل ذهب كلا من عمر و جاسمين.
كيان بغيظ/ انت بردوا مقولتليش فين مكتبي.
فارس اقترب منها وهي وقفت بارتباك ومن ثم ظلت تبتعد عندما وجدته يقترب.
فارس ظل يقترب منها حتي قربها الي الحائط.
فارس بإبتسامه خبيثه/ قولتيلي بقي قصدك علي مين ب السنيوره.
كيان بارتباك/ ابعد لو سمحت.
فارس اقترب اكثر وهمس لها/ لو قولتيلي ابعد تاني هقرب اكتر فاحسنلك متقوليهاش تاني.
كيان بارتباك اكبر/ فارس مينفعش اللي انت بتعمله ده.
فارس بنظره خبيثه/ اماال ايه اللي ينفع.
كيان بخجل/ فارس بجد ابعد بقي.
