رواية امتلكت قلب صعيدي الفصل الخامس 5 بقلم نرمين حمدي
روايه "إمتلكت قلب صعيدي"
حبيبه: اي دا مال صوتك
وعد حكتلها علي كل حاجه
حبيبه بصدمه: يانهار اسود سيف مات وهتعملي ايه ياوعد
وعد ببكاء اكثر: مش عارفه انا تعبت
وعد: ابلغ ايه دا ياما قتل ناس وياولا ولع في بيوت وحرق قلوب امهات علي اولادها ومخدش ساعه سجن دا شخص محدش يقدر عليه غير الي خلقه 
حبيبه: ياحبيبتي والله زعلتيني علي الي بيحصلك دا
وعد: مبقتش تفرق عادي حياتي مبقلهاش طعم
حبيبه: معلش ياحبيبتي استحملي يمكن لما تتجوزي زين ميقدرش يتكلم معاكي
*****
تاني يوم
المؤذون جيه وهارون وصخر وباقي العيله مستنين تحت
لينزل زين ويفاجأ الجميع: جدي انا مش هتجوز وعد انا مش هجبل اتجوز وحده رفضاني
هارون: يعني ايه الكلام ديه
زين: يعني الي سمعته انا مش هتجوزها
هارون: وهو لعب عيال ولا ايه
زين: حرام نظلمها كديه كفايه الي هي فيه
هارون: انت اولي بيها من الغريب
زين: دا لما تكون بتحبني وريداني لكن هي معايزانيش
صخر يضع يده علي كتف زين ويهمس في اذنه: انا اديتك الفرصه وانت رفضتها مفيش ظروف احسن من دي تجدر تتجوزها فيها لكن انت غبي وبغبائك ديه ضيعت فرصه عمرك
زين: معلش اثل انت واخد علي الجبروت وان الي جدامك يعمل كل حاجه انت عايزها غصب عنه لكن انا مش كديه
صخر: ماشي يابتاع المبادئ والحنيه
هارون: يعني ايه بعد مكل أهل البلد عرفو انهارده كتب كتاب وجواز زين حفيد هارون الدمنهوري كل حاجه تتلغي كديه إلا اسمي يازين إلا اسمي
زين: دا كل الي هامك اسمك وسمعتك لكن مستجبل البت الغلبانه دي مش فارج معاك
هارون بغضب شديد: غور من جدامي غووووووووور
ليلي: هدي نفسك ياعمي مش كديه كل حاجه وليها حل
هارون: ملهاش غير حل واحد تتجوزها انت ياصخر
صخر: لا مليش في الجواز انا وبصراحه كديه لو وجعت تحت يدي ه..
ليقاطعه هارون
هارون: وانا جولت هتتجوزها ياصخر والكلام خلص علي كديه
صخر: اناكماان كلامي خلص ومش هتجوزها
هارون: افهم بجي أهل البلد كلهم برا بيهيصوا دا غير الناس المهمه جوي الي جايه عايزني كيف اجولهم الفرح اتلغي وسمعتي ليك مني الشركه الي انت عايزها هتكون باسمك بكرا الصبح
صخر: ماشي بس هيبجوا شركتين
هارون: تلاته بس يلا ياولدي
صخر: انا مستعد
وفعلا طلعوا برا للناس وصخر سلم علي كل الناس الي كان في عينها نظره استغراب فالمفروض العريس هو زين
