رواية حب الطفولة الفصل الثالث 3 بقلم ايمي الطيب
حب الطفوله
البارت التالت
بقلم ايمي الطيب
*" عندما تعجبنا الروح تعجبنا الملامح ، حتي وإن لم تكن جميلة .."*
*
************************
وتحديدا في غرفه ماريا
ماريا بخوف: نور انتي متأكده من الي هتعملي ده
نور بثقه: اه متأكده مفيش غير كده عشان نعرف ايه الي ورا العقرب
ماريا بقلق وتوتر: ما بلاش انا عارفه ان ممكن يأذيكي
نور بصتلها بشك: وانتي الي مخليكي متأكده كده
ماريا بتوتر: هاا لا م م مفيش
نور بحنيه: ماريا حببتي انتي لو عارفه حاجه قولي عشان اعرف اساعدك
ماريا بتنهيده: انا حاسه اني اعرف مين هوا العقرب او اني شفته قبل كده
نور: متقلقيش انتي وانا هتصرف سبيها عليا
******************** بقلم ايمي الطيب
عند العقرب (رحيم)
صحي زي كل يوم وعمل روتينه اليومي
ونزل الشركه وطبعا زي العاده دخل بجبروته وغروره الي ملهوش مثيل تحت همسات البنات عن جماله
دخل مكتبه وبدأ يشوف شغله
ولكن قاطعه فتح الباب مره واحده ودخول مراد بمرح وهو بيقول: صبح صبح ياعم الحج
رحيم: انت يابني مش هتعقل بقا وتبطل شغل الاطفال ده
مراد بصوت احمد حلمي: طلقني لو مش عجبك طلقنييي
رحيم وهو بيمسك قلم وبيحدفه عليه: اطلع بره يلا
مراد بضحك: ههههههههههه خلاص طالع بس بقولك في سكرتيرات بره انا هدخلهملك وانت اختار
رحيم بهدوء: تمام
وفعلا بدأ يدخل البنات وكان معظمهم بيطلع وهو بيعيط
لحد ما دخلت بنت لابسه سلوبيت جينز اسود وتحتيها تيشرت بتلت تربع كم ابيض وكوتشي ابيض ورفعه شعرها ديل حصان ولابسه نظاره نظر مخبيه نص وشها
رحيم بصلها وقال ببرود: اتفضلي اقعدي
قعدت البنت بتوتر
رحيم: اسمك ايه
البنت: اسمي مريام الترساوي
رحيم: وعندك كام سنه
مريام: 20سنه
رحيم: بس ميبنش عليكي الي يشوفك يديكي اصغر
ابتسمت مريام بخجل وقالت: شكرا
رحيم: اشتغلتي في حته قبل كده
مريام بتوتر: لا بصراحه اول مره
رحيم: طيب قلقانه ليه
مريام بتوتر: ما انا قلت لحضرتك عشان اول مره
رحيم: طب بتعرفي تتكلمي لغات
مريام: اه بتكلم تركي واسباني وايطالي والماني وفرنساوي
رحيم بإعجاب: واااااو هايل جدا طب تمام انتي اتقبلتي يا مريام وتقدري تبدأي من بكره
مريام بفرحه: بجد يعني انا خلاص هشتغل هنا
اوميء رحيم رأسه بنعم
مريام: شكرا شكرا جدا يا فندم وان شاءلله اكون عند حسن ظنك وخرجت مريام من عنده وهي مبسوطه
وطلعت بره الشركه واول ما بعدت طلعت تلفونها
واتصلت علي حد وقالت: Done والعقرب كل الطعم وصدق اني سكرتيره
الشخص المجهول:...............................
مريام: متقلقش كله تحت السيطره
الشخص المجهول:............................
مريام: اوك سلام
******************** بقلم ايمي الطيب
عند ماريا في المستشفى
دخل والد ووالدة ماريا ووالد نور
والد ماريا (ياسر): حببتي عامله ايه انهارده
ماريا ببتسامه: الحمد لله يابابا
والدة ماريا بدموع فرحه ان بنتها اتكلمت: يا حببتي يا بنتي وحشني صوتك يا حببتي
ماريا بمرح لكي تخفف الجو المشحون بالتوتر: جرا ايه ياماما انا كنت ساكته يوم واحد مش سنين وبعدين ريحتك من صداعي يوم
سندرا والدة ماريا: تعرف ان دلوقتي اتأكدت اني مقدرش اقعد من غير ماسمع صوتك واشوف منكفتك معايا بحس اني يومي ناقص
ماريا وهي بتحضن مامتها: بحبك اوي اوي ياماما ربنا يباركلي فيكي وميحرمنيش منك ابدا
سراج والد نور: امال فين نور يا ماريا
ماريا؛: نور في ولكن قاطع كلمها خروج نور من الحمام الي في غرفة ماريا
نور: انا هنا يا بابا واكملت ازيك يا عمي ازيك يا طنط
والد ماريا: الحمدلله يا بنتي بس تعالي اشهدي
سراج: بس يا ياسر
ياسر: انت لازم تقلها هتخبي ليه
نور بقلق: هو في ايه
ياسر والد ماريا: في ان انا وام ماريا هنسافر نعمل عمره وبقول لابوكي يجي معانا بيرفض ووبيتحجج بيكي فقلت اقولك عشان تقنعيه
نور برتياح: والله وقعت قلبي ياعمو واكملت ليه يا بابا مش عايز تسافر مع عمو حتي انت كان نفسك تعملها زمان انت و ماما قالتها بحزن
سراج والد نور: عشان مسبكيش لوحدك يا حببتي
نور: يا حبيبي متقلقش عاليا وبعدين ما انا هبقي مع ماريا
وافق يا بابا واطمن
والد نور بصلها بتدقيق وقال: موافق عشان خاطر عيونك
وقعدو يهزرو ويضحكو وفي نفس اليوم كان ماريا خرجه من المستشفى
وهما طالعين
سراج: يلا تعالو معايا هنطلع علي البيت عندي
ياسر: لا احنا تعبناك معانا اليومبن الي فاتو فا احنا هنروح وكمان عشان نجهز حاجات السفر
سراج: مفيش الكلام ده يلا بس وبعدين لو على الحاجات فنبقي نشتريها يلا بقا
ياسر: اسمع بس يا سراج احنا هنروح وبعدين كلها يومين ونور تيجي تقعد مع ماريا
سراج: ماشى يا اخويا الي يريحك طب يلا هوصلكم في السكه
ياسر: لا لا روح انت يا اخويا عشان تعبت من الصبح انا معايا عربيتي يلا في رعاية الله
سراج: ماشي يلا السلام عليكم
الكل: وعليكم السلام
ومشي سراج ونور
وماريا وعائلتها روحوا
******************* بقلم ايمي الطيب
عند رحيم
كان قاعد في قصره بيشتغل علي الاب توب بتاعه
وتلفونه رن وكان مراد
مراد: مسا مسا عليك يا كبير
رحيم: عايز ايه يازفت
مراد بحزن مصطنع: اخص عليك يا قاسي بقا بتقولي يا زفت طب خساره فيك الخبر اللي كنت هقلهولك
رحيم: لا والله طب انجز عشان مزعلكش
مراد: خلاص خلاص انت قفوش ليه البنت خرجت انهارده والي عرفته ان اهل البنت وابو صحبتها ماسفرين يحجه ومش هيرجعه الا بعد شهر علي الاقل
رحيم: كويس اه صح في بنت عايزك تجيب كل المعلومات عنها
مراد بمرح: تاني ايه يا عم انت مبتعتقش دي تاني بنت ادورلك علي معلومات عنها
رحيم بعصبيه مصطنعه: انت عبيط يا مراد البنت دي تبقي السكرتيره بتعتي وانا حسيت انها كانت متوتره في الانترفيو فعايز اتاكد. انها مش مبعوته من حد
مراد: ماشي يعم شويه وهرن عليه
وبعد فتره رن مراد
رحيم: الو ايه يمراد ايه الاخبار
مراد: نضيف وصفحتها بيضه
رحيم: تمام يا مراد تعبتك معايا
مراد: متقلش كده يا صاحبي بلا تصبح على خير
رحيم ببتسامه: تلاقي الخير
وقفلو
************************** بقلم ايمي الطيب
تاني يوم في شركة العقرب
دخل رحيم شركته ووصل عند مكتبه لقا مريام قاعده
وكانت بتنظم الملفات
قعد رحيم يسرح فيها ويتأملها ولكن فاق واستغفر ربه
وبعدين تنحنح فبصتله مريام وقامت وقفت بسرعه وقالت بإحترام: صباح الخير مستر رحيم
رحيم: صباح النور هتيلي القهوة بتعتي والملفات اللي عايزه تتمضي واه مظبوط
مريام بإستغراب: هو ايه الي مظبوط
رحيم: القهوة مظبوط
مريام: حاضر يفندم
دخل رحيم مكتبه راحت قالت مريام: ياباي علي برودك
وراحت تنفز طلباته
وبعدها بخمس دقايق
خبطت مريام على باب المكتب
رحيم من جوه: ادخل
*******************بقلم ايمي الطيب
داخل المكتب
دخلت مريام وحطت القهوه قدامه
وسلمته الملفات الى هيمضيها
رحيم: ايه الاجتماعات الي علينا انهارده
مريام: حضرتك معاك معاد الساعه1 مع شركة النويري عشان توقعه العقود ومعاد مع شركة الجارحي الساعه3
رحيم: تمام اتفضلي انتي
************************* بقلم ايمي الطيب
عند ماريا
في الليل
ماريا مع نفسها: انا ليه حاسه اني شفت العقرب دا قبل كده
ليه حاسه انه شخص قريب مني اوي
ولكن قاطع كلامها مع نفسها
دخول والدها
ياسر والد ماريا: حبيبتي عامله ايه انهارده
ماريا ببتسامة حب: الحمد لله يابابا وحضرتك
ياسر: انا كويس الحمد لله يا حبيبتي
سكت شويه وبعدين بص لماريا: انا عايز حبيبت بابا تخلي بالها من نفسها ومن بنت عمها نور اتفقنا
ماريا بقلق: انت بتقول كده ليه يابابا انت كويس
ياسر بحنيه: اهدي يا حبيبتي انا كويس انا بقلك كده عادي مش عشان حاجه
ماريا بعدم اقتناع: حاضر يا بابا
ياسر: يحضرلك الخير ياحبيبة بابا يلا تصبحي على خير
ماريا: وانت من اهل الخير يا حبيبي
*************************** بقلم ايمي الطيب
مر اليوم بسلام وجه اليوم الموعود وهو
سفر عائلة ماريا ووالد نور
نور وهي بتحضن باباها جامد: خلي بالك من نفسك ياحبيبي وابقي ادعيلي
والد نور وهو بيحضنها: عنيا يا حبيبتي وانتي خلي بالك من نفسك ومن بنت عمك هه واوعي تتضعفي عايزك زي الجبل
مهما حصل فهماني يانور
نور بقلق وهي بتحضن باباها اوي: انت بتقول كده ليه بابا
والد نور وهي بيبوس رأسها: مفيش حاجه يا حببتي انا بس بنصحك مش حاجه
وبعدها ودعت باباها وعمها ومراته
ومشيو
ودخلت هي وماريا البيت
************************* بقلم ايمي الطيب
عند رحيم في الشركه
وتحديدا عند مريام كانت قاعده بتشتغل
وفجأة تلفونها رن
مريام ردت وهي متوتره: الوووو
الشخص المجهول:............
مريام: هكون فين في الشغل
الشخص المجهول:.................
مريام: انت مجنون انت بترن عليا عشان كده الطم
الشخص المجهول:.................
مريام: حاضر حاضر يلا بقا عشان مش ناقصه كلام من استاذ تلاجه الي جوا
****: انتي بتكلمي مين
مريام برقت بعيونها واول ما لفت اتصدمت
بووووووم
خلاص خلاص خلويص خلصنا
انتهي البارت
يتري مين مريام وعايزه اي من العقرب
ومن الشخص المجهول
ويتري والد ماريا ونور بيودعو ولادهم بالطريقه دي ليه
ويتري مين اللي سمع مريام وهي بتتكلم
هنعرف المره الجايه
بقلم ايمي الطيب
