رواية قرية الاموات الفصل الثالث 3 والأخير بقلم محمود الامين
وقبل ما تنطق فرحة خبط الباب بتاع البيت.. قامت فرحة وقلتلي خليك انا هفتح.. لاحظت عليها ان جسمها بيتنفض من الخوف..مش فاهم في اي؟.. ولا اي الكلام اللي بتقوله.. شيطان مين اللي عايش وسط الناس واللعنة رجعت أزاي؟
_ اوعي تقوله حاجة.. متقولش حاجه ارجوك
_ مقولش لمين؟.. في اي يا فرحة؟
_ ابويا هو اللي بيخبط ومتقولش حاجة من اللي قولتهولك يمشي وانا هفهمك
_ حاضر رغم اني مش فاهم حاجه
...
رجعت فرحة وفتحت الباب ودخل ابوها وهو بيقول لبنته
_ هو في اي ساعة علي ما تفتحوا الباب
_ معلش يا بابا كنا نايمين
_ وجوزك فين لسه نايم ولا اي؟
_ لا يا بابا صاحي وطالع لحضرتك دلوقتي
_ اه وياريت بسرعة عشان في موضوع مهم
خرجت من الأوضة وانا بقوله اهلا اهلا يا عمي خطوة عزيزة
_ اهلا بابن الغالي.. ابوك عامل اي دلوقتي؟
_ الحمدلله يا عمي بخير والله
_ كنت عايزك في موضوع مهم.. روحي يا فرحة اعملي كوبايتن شاي وسيبنا لوحدنا
_ خير يا عمي انت قلقتني
_ خلي بالك من عيالك وحرص عليهم يبني الفترة الجايه دي.. حتي وهما في البيت خليك معاهم
_ هو اي اللي حصل؟
_ الدجال الزفت رجع اللعنة تاني والمرة دي حضر الجن وعشيرته.. ورجعوا المقبرة من تاني ومعني كده ان التضحيات راجعة من تاني
_ وحضرتك عرفت ده كله منين يا عمي؟
_ ازاي منين؟.. انت نسيت اني انا الشيخ سالم يعني اعرف كل حاجه بتحصل في البلد دي
_ طيب وهنتصرف ازاي دلوقتي يا عمي.. لازم نرجع نوقف اللعنة تاني
_ المرة دي الموضوع مش سهل.. الجن راجع ينتقم وهينتقم منك انت بالتحديد.. والانتقام ده هيكون في عيالك
_ طيب واي الحل دلوقتي؟
_ حافظ على عيالك لحد لما نشوف هنتصرف ازاي
...
وبعدها قام ومشي الشيخ سالم.. وفضلت قاعد وبفكر في كلامه.. جات فرحة وقعدت جمبي وهي شيفاني هموت من التفكير وقلتلي
_ متسمعش كلامه هتموت من التفكير.. وهتكون انت التضحية مش عيالنا
_ ازاي هكون انا التضيحة مش فاهم تقصدي اي؟.. ابوكي قلي ان الدجال حضر الجن وعشيرته واللعنة رجعت.. احنا لازم نخلي بالنا من العيال الفترة الجاية
_ يا بني آدم افهم قولتلك الشيطان عايش هنا في البلد وسط الناس.. اقولهالك ازاي دي مش عارفة؟
_ ما تتكلمي يا فرحة في أي؟
_ انا شوفت كل حاجة من وانا صغيرة.. شوفت اللي حصل زمان وشوفت اللي حضر الجن وعمل معاه العهد وعامل نفسه حبيب الكل وخايف علي الكل
موسي الشيخ سالم هو الشيطان.. ابويا هو الشيطان
_ انتي بتقولي اي؟... الشيخ سالم؟!!
_ ايوة مفيش دجال ولا حاجة.. ابويا هو الدجال يا موسي هحكيلك كل حاجه شوفتها بعيني وحصلت زمان
...
الموضوع بدأ لما ابويا سافر جنوب افريقيا عشان يعالج ملك قبيلة هناك اتصاب بسحر اسود.. كان سيط ابويا ذايع في الوقت ده.. عشان هو كان الشيخ سالم الراجل التقي المؤمن.. المهم لما راح هناك غيابه طول لدرجة انها غاب شهر بحاله
لكنه لما رجع مكنش الشيخ سالم اللي الناس تعرفه.. كانت ملامحه كلها جمود ساكت مش بيتكلم مع حد بيقعد في اوضته بالساعات.. واسمعه بيقول كلام مش مفهوم وبينادي علي حد اسمه سروط
وبعدها حصلت الحاجة اللي هو حكالك عليها الخواجة والدجال اللي جابه الخواجة
طبعاً دي كانت لعبة دخل بيها علي اهل البلد.. لكن الحقيقة ان ابويا هو اللي سلط سروط ده لفتح المقابر ولما اتفتحت طلب الجن من ابويا دم اطفال مقابل الدهب اللي في المقابر دي.. لحد لما سروط طلبني انا ورغم قسوة ابويا علينا في المرحلة دي.. رفض طلب الجن لكن الجن مسكتش وبدأ في انه يغوي البشر ويخليهم يسلموه قرابين مقابل الدهب
وكان طلبه اللي كان الكل عاجز عنه هو انا.. عشان انا بنت الشيخ سالم
ولما انت جيت البلد لقيك فرصة يواجه بيك الجن انتصرت تمام واهو خلص من اللعنة.. منتصرتش اهو مش مهم انت كنت مجرد كبش فدي مش اكتر لكن انا معرفش اي السبب في رجوع اللعنة تاني.. مش عارفه
_ السبب ان الجن متحرقش يا فرحة.. الجن هرب ووعدني بالرجوع ولازم المواجهة لازم اواجه
...
حاولت فرحة تمنعني من الخروج لكني خرجت.. وروحت للشيخ سالم وكأني معرفش اي حاجة وطلبت منه انه ياخدني للمقبرة انا هقدر اواجهم كلهم
وهو حتي مفكرش يرفض.. بس المرة دي طلبت منه ينزل معايا وانا هحميه.. كان متردد ورفض وقلي
_ لا لا... انزل فين؟.. انا راجل كبير ومش هقدر اواجه الشر ده
_ انت الشر ده يا شيخ سالم
_ ها قصدك اي؟.. وازاي تكلمني بالاسلوب ده؟
_ انا عرفت كل حاجة.. خلاص معدش في حاجه مستخبية يا شيخ سالم
_ خلي بالك انت لو عملت فيا حاجة سروط مش هيسيبك لا هو ولا شياطين الانس اللي معاه في البلد
_ مبقتش فارقة خلاص
...
مسكت الشيخ سالم من هدومه وبكل عنف حدفته جوه المقبرة.. صرخات طالعة من الجحيم ونار مسكت في المقبرة من كل حتة
هربت ورجعت علي بيتي.. ولسه هدخل ضربة قوية علي دماغي فقدت بسببها الوعي.. لما فوقت لقيت سكين في ايدي غرقان دم.. مراتي وعيالي مدبوحين بوحشية
صرخت من المنظر وافتكرت كلام سالم عن شياطين الانس.. عارفين انا عملت اي.. انا ولعت في البيت كله وهربت.. ايوة هربت من البلد كلها
وعدت سنين.. معرفش جملة قتلت عيالك ليه يا موسي؟
فكرتني بكل ده ليه
...
بصيت للست اللي كانت علي السرير وقولتلها
_ سروط.. أنت عايز اي تاني؟
_ كويس انك لسه فاكر يا شيخ موسي.. كويس انك فاكر سيدك سروط
_ اخرس انت مش سيدي.. انت شيطان ملعون
...
اعوذ بكلمات الله التامت من شر ما خلق.. ربي اعوذ بك من همزات الشياطين واعوذ بك ربي ان يحضرون
ٱللَّهُ لَآ إِلَٰهَ إِلَّا هُوَ ٱلۡحَيُّ ٱلۡقَيُّومُۚ لَا تَأۡخُذُهُۥ سِنَةٞ وَلَا نَوۡمٞۚ لَّهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِۗ مَن ذَا ٱلَّذِي يَشۡفَعُ عِندَهُۥٓ إِلَّا بِإِذۡنِهِۦۚ يَعۡلَمُ مَا بَيۡنَ أَيۡدِيهِمۡ وَمَا خَلۡفَهُمۡۖ وَلَا يُحِيطُونَ بِشَيۡءٖ مِّنۡ عِلۡمِهِۦٓ إِلَّا بِمَا شَآءَۚ وَسِعَ كُرۡسِيُّهُ ٱلسَّمَٰوَٰتِ وَٱلۡأَرۡضَۖ وَلَا يَـُٔودُهُۥ حِفۡظُهُمَاۚ وَهُوَ ٱلۡعَلِيُّ ٱلۡعَظِيمُ
(قالَ فَاخْرُجْ مِنْها فَإِنَّكَ رَجِيمٌ.
وَإِنَّ عَلَيْكَ اللَّعْنَةَ إِلى يَوْمِ الدِّينِ)
بسم الله وبحول الله وبقوة لا إله إلا الله.. اخرج الان
..
صرخات طالعة من الست مش طبيعية.. وبعدها حالة من القيئ رهيبة كانت بترجع كتل دم
بدأت ارقيها الرقية الشرعية وتعافت من سروط اللي كان السبب في تدمير حياتي واتت فرصة الانتقام
دي حكايتي وانا بعد الجلسة دي توقفت عن العلاج من المس والسحر تماماً
..
تمت
