رواية تشابك الاقدار الفصل الثالث 3 بقلم سعاد محمد سلامة
الفصل الثالث
+
أسدل الليل ستائره السوداء لتذهب العيون إلى غفوه إلا عيون العاشقين وأيضا بعض الحاقدين
+
وقفت جهاد بالجنينه تتحدث بالهاتف غافله عن نظرات تلك الحاقد الذى يتمنى سحقها واختفائها
+
أما هى كانت تسير وتتحدث إلى عبير تخبرها بما حدث
لتقول عبير بسؤال يعنى إنت هضمى الولاد لحضانتك دلوقتي
لتقول جهاد مافيش حل تانى أنا أخاف على الولاد من عصبيته إنت ما شفتهوش ازاى بيتعصب بسرعه
لتقول عبير باستفسار ورأى سالم أيه
لترد جهاد مقالش حاجه سواء بالرفض أو بالإيجاب
وبعدين هو مأجبرنيش
لتقول عبير الكلام فى الموضوع ده مينفعش على التليفون إنت مش هاتجى القاهره
لتقول جهاد سالم عنده بكره شغل فى القاهره بس ليوم واحد ممكن اجى معاه وأرجع معاه تانى بس الولاد
لتقول عبير خلاص تعالى معاه والولاد عمتك منال تهتم بيهم دا يوم مش اكتر علشان أنا كمان عندى موضوع عايزة اكلمك فيه
لتقول جهاد بسؤال موضوع إيه
لترد عبير أما تجى هتعرفى يلا مع السلامه أنا عايزه أنام تصبحى على خير
لتقول جهاد وانت بخير
+
)***************************************
+
بغرفة راضى
كان نائما على فراشه لتأتي زوجته هناء وتقول له
أنا مش عارفه سالم بعد غلط ماهر فيه ازاى يخليهم يباتوا فى الاستراحة بس أنا متأكده أن سالم عنده هدف من كده
ليرد راضى بتريقه وايه هدفه يا ناصحه
لترد عليه إنت بتتريق عليل بس بكره تشوف سالم فكره غويط
ليرد راضى لا فكره غويط ولا حاجه هو عمل كده ذوق منه علشان الست همت ست كبيره وأكيد هتتعب من المشوار رايح جاى فى يوم واحد
لتقول له هناء ذوق من امتى سالم بيهمه حد إلا إلى بيحبهم وبيعمل أى حاجه علشانهم زمان لما وقف قدام الكل علشان جهاد تكمل تعليمها فى مصر بعد المصيبة الى حصلت وقتها علشان كانت تمس حبيبة قلبه إلى فسخ خطبته من بنت اخويا علشانها
ليرد راضى إنت عارفه إنه عمره ما طلب يتجوز سهام وإنت إلى اسرعت وخطبتيها فى اكتر وقت كان هو مضايق فيه ودا كان رد فعل وبعدين هى ربنا كرمها واتجوزت وبقى معاها ولاد
لتقول بغضب وهو كان مفكر أنها هتقضى عمرها تبكى عليه
ليرد عليها راضى لينهي الحديث معها لا تبكى ولا تضحك إنت متدخليش فى أى حاجه تخص سالم أو اخواته وتصبحى على خير أنا تعبان وعايز أرتاح
لترد عليه بضيق وتقول وإنت من اهله
+
**************************************
+
ظل سالم ساهرا يفكر فيما قالت جهاد لماهر وأمه بشأن أولاد أختها حائر
فإن وافقها ستظل بدون زواج ولن تستطيع تكوين أسره خاصه بها وهذا ما لا يريده لها
وإن رفض ستعود وصاية الأولاد الى جدتهم وسيكونون مع ماهر الذى لايطمئن عليهم معه بعد ما سمعه منه وغضبه السريع
ظل يفكر إلى أن غلبه النعاس
+
🌱🌱🌱🌱🌱🌱🌱🌱🌱🌱🌱🌱🌱🌱🌱
+
أشرقت شمس يوم جديد
دخل عليها أطفال أختها الغرفه ليجدوها مازالت نائمه على بطنها
لتنام الصغيره على ظهرها وتضحك
لتصحو مبتسمه لهم وتقول صباح الخير
ليرد بيجاد ويمنى صباح النور
ليقول بيجاد
إنت لسه نايمه دا أحنا صحينا من بدرى وطنط منال فطرتنا
لتقول لهم أصلى نمت متأخر شويه
وبعدين إلى نايمه على ظهرى دى مش تبعدوها علشان أقوم
لترد يمنى هى كانت بتعمل كده مع ماما وبابا هو إلى كان بيبعدها
لتنزل الصغيرة من علي ظهرها تحتضن رقبتها وتقبلها وتقول لها ماما
لتعلم أن عليها فعل أي شئ لأجلها وأن تضحيتها قليله أمام محبة تلك الصغيرة
+
بعد قليل نزلت بأبناء أختها لتدخل إلى غرفة الضيوف التى يجلس بها برفقة ماهر ووالدته
لتسمع سالم يقول
أنا هاخد رأيها وأرد على طلبكم
لتفتح الجده يديها لاولاد إبنها لاحتضانهم
وهى تبتسم ليذهبوا إليها
وتجلس برفقتهم قليلا وسط نظرات الغضب من ماهر لها
لتقول الجده أنا كنت عايزه جهاد فى كلمه بينى وبينها
لتقول باحترام وأنا تحت أمرك اتفضلى معايا
لتذهب معها إلى غرفتها
لتقول الجده لها أنا عايزه اشكرك على اهتمامك وتفضيلك لولاد إبنى على حساب نفسك
لترد عليها جهاد دول ولاد أختى إلى كانت مكانة أمى وربتنى ووجهتنى وقت ما كنت محتاجه إلى يعرفنى الصح من الغلط وأكيد ولادها زى ولادى بالظبط وأنا حتى بحس إنى لو خلفت مش هحب ولادى قد ما بحبهم
لتقبلها الجده من رأسها وتقول لها وأنا كان أختياري صح من الأول لما وافقت أجور ابتهال من باهر رغم انى مكنتش أعرفها كويس وظنى ما خبش أنها من بيت أصول
بعد قليل كانت تعود إليهم برفقة الجده مره أخرى لتقول الجده
أنا بشكركم على حسن ضيافتكم لينا وبتمنى أن مشكله حصلت بنا تتحل إحنا قبل أى شى أهل
ليرد سالم بترحاب وإحنا بيتنا مفتوح ليكم فى أى وقت
ليذهب معها لتوصيلهم إلى سيارتهم بعد أن ودعت أطفال إبنها
لتقول الجده له أتمنى ترد علينا فى طلبنا بسرعه
ليرد سالم باختصار ربنا يوفق للى فيه الخير للجميع
ليبتسم لماهر ليسير
+
عاد مره أخرى إلى غرفة الضيوف ليجد جهاد تجلس بمفردها ليقول لها
الولاد فين
لترد عليه دخلوا اوضتهم يلعبوا
ليقول أنا فى حاجه حصلت ولازم تعرفيها
لترد عليه وايه هى
ليرد سالم الست همت طلبت إيدك لماهر
لتتعجب وتقول لمين
ليبتسم ويقول لماهر وماهر بنفسه أكد طلبها
لتقول بتعجب كمان أكد طلبها
ليقول سالم وطالب الرد بسرعه
لتقول له طبعا انت عارف سبب الطلب
ليقول سالم أكيد ضغط من والدته علشان الولاد
لتقول بسؤال وإنت إيه رأيك
ليرد عليها إلى إنت هتختاريه أنا هساندك فيه
لتقول له سيبنى أفكر وأرد عليك
ليقول لها براحتك أنا نازل القاهره كمان ساعه وهرجع بكره بعد الظهر تدينى رأيك
لتقول له أنا كنت عايزه اقولك أنى هاجى معاك علشان عبير كانت عايزانى فى موضوع
ليرد باستفسار وايه هو الموضوع
لتقول له معرفش هى قالت لي مش هينفع على التليفون
ليرد سالم تمام تعالى معايا
+
*******************************
قام ماهر بتوصيل والدته إلى المنزل ليغا بعدها فورا متججا بالذهاب إلى الشركه لمتابعة سير العمل
دخلت همت إلى الداخل لتستقبلها ابنتها الصغري زهر
بأشواق وتقول لها
حمد الله على السلامه قولى لى استقبلوكم ازاى
لتجلس همت وتقول لها هرتاح حبه وأقولك
بعد قليل حكت همت لابنتها ما حدث لتوافقها على ما قالت بشأن ضم ميراثهما إلى ميراث أولاد باهر وتقول
أحسن أنك قولتى له كده علشان يفوق من عصبيته وكمان من يفوق من روميساء وامها الاتنين لافين حواليه زى التعابين وأتمنى إن جهاد توافق تتجوزه لأنها أكتر واحده أتمناها تكون شريكة حياته
لتأمن أمها على دعائها
