رواية من الجاني الفصل الثاني 2 بقلم محمود الامين
حل من الجانى؟
طبعا واجهنا ياسمين باقوال صاحبتها نادين وكانت في حاله صدمه انها اتكشفت بسرعه ولكن حلفت كتير انها مقتلتش مرات ابوها وانها لما وصلت لقيتها مقتوله لكنها محستش بأى تعاطف تجاه جثتها اللي على الارض ولا حتى حاولت تقرب هي مشيت من سكات وكأن لسان حالها في الوقت ده خدت الشر وراحت
طبعا كلامها مكانش مصدق بالنسبلنا خصوصا انها كدبت علينا في اقوالها قبل كده عشان كده تم التحفظ عليها لحين استكمال التحقيق
....
انا مكنتش عايز الوضع يوصل لكده انا فعلا كنت عندها في العصر وحاولت اني اتكلم معاها بدون ما اتعصب عشان هي كانت انسانه مستفزه مش مقدره انها كانت السبب في موت ابني دي عرضت عليا بمنتهى الجحود اللي في الدنيا مبلغ تعويض عن ابن اللي مات للاسف مدرتش بنفسى غير وانا بضربها مكانش في نيتي وقتها اني اقتلها انا كنت هضربها واسيبها وامشي لكن هي اللي مسكتلي السكينه وقالتلي اطلع بره بدل ما اقتلك
قربت منها وهي كانت بترجع لورا اتكعبلت ووقعت على الارض والسكينه وقعت منها مسكت السكينه ومكنتش شايف غير نفسي وانا واقف قدام قبر ابني ومنهار من العياط شفت في ثواني كل لحظه عشتها من غيره وكل لحظه عشتها معاه محسيتش بنفسي غير اني قدام البني ادمه اللي حرمتني ضربتها مره واثنين وتلاتة واربعه ما اعرفش انا وصلت لكم طعنة لكنى فوقت والدم مغرق السكينة ومغرق الارض اخذت السكينه وخرجت اجري من البيت ما اعرفش حد شافني ولا لا بس رجعت البيت دفنت السكينه في مكان محدش يعرفوا عشان ما حدش يوصلها ورجعت على الورشه وكأن شيئا لم يكن
....
يمكن من قسوه اللي حصل انا مش قادر انسى القضيه دي ومش عارف اتعاطف مع المجني عليها ولا مع الجاني لكن في النهايه كل ده حصل بسبب ان الجاني ما رضيش بقضاء الله وقدره
واتحكم عليه بالاعدام وخلصت القضيه اللي هتفضل عالقه في ذهني مهما مر الزمن.
