رواية عشق ملوث بالخيانة الفصل الثاني 2 الاخير بقلم اسراء ابراهيم
الجزء الاخير
فريد بغضب/ حمزة مين ده ان شاء الله ؟
حمزة بصوت واطي / منك لله يا اسيا فريد هيقت*لني
ملحقش حمزة يكمل كلامه لما قرب فريد بغضب من اسيا وشدها من ايديها وسحبها وراه لحد اوضته وقفل الباب عليهم تحت صريخ اسيا اللي مكنش مهتم بيه فريد
اسيا بغضب / افتح الباب ده وخرجني ،،انت اتجننت ؟
فريد بغضب / ايوة يا اسيا اتجننت ومش هتكوني لحد غيري انتي فاهمة
اسيا بح*دة / انت بتحلم ، انا خلاص قولتلك اني نسيتك ومش هرجعلك انا هتجوز حمزة
فريد فجأة شد اسيا ليه فخب*طت في صدره وكانت قريبة منه اوي فبص في عيونها وقالها بهمس / لو جبتي اسمه تاني علي لسانك يا اسيا هطلع اقت*له وانتي عارفة اني اعمل كدة ،، اسيا ارجوكي سامحيني وارجعيلي ،، انا كنت هتجنن من غيرك ،،مش متخيلة السنة دي عدت عليا ازاي ،،كل يوم كنت بسأل نفسي ايه اللي قصرت فيه عشان تعملي كدة ؟ ،،قلبي كان بيقولي انك لا يمكن تخو*نيني بس عقلي كان بيجيب ليا دايما صورة الشات اللي علي تليفونك والكلام اللي بينكم فكانت النا*ر بتقيد فيا ،،حطي نفسك مكاني يا اسيا وانتي تعرفي
اسيا بدموع / لا يا فريد مش هحط نفسي مكانك لاني لو عملت كدة صدقني مكنتش هصدق الشات واصدقك لاني كنت واثقة فيك ،،لكن انت ؟ ،،انت صدقت ده عني وانا مش مسامحاك
فريد بلهفة وهو بيسمح دموعها بايديه/ حقك علي قلبي يا اسيا ،،ارجوكي خلاص بقي ننسي اللي فات ونبدأ من جديد
اسيا بغضب / ننسي؟ ولو انت اللي مكاني كنت هتنسي ؟ لا يا فريد مش هنسي
اسيا زقت فريد بعيد عنها بغضب وبعدين بصتله بقوة وهي بتمسح دموعها
اسيا بقوة/ افتح الباب ده حالا والا هصرخ والم عليك الدنيا
فتح فريد الباب بيأس فخرجت اسيا بغضب تحت نظرات الكل
مجدي بحنية/ ها يا اسيا ،،خلاص يا بنتي اتصافيتو ؟
اسيا بسخرية/ هو خلاص يا عمي فعلا ،، بس خلاص نهينا كل حاجة ،، يلا يا حمزة
مجدي بأسف / طب وخطيبتك يا حمزة ،،انت سيبتها ؟
حمزة بكدب وهو بيبص لاسيا/ اايوة يا عمي ،، لاني اكتشفت اني بحب اسيا وهتجوزها
فريد قبض علي ايديه بغضب وهو بيبص لحمزة اللي اتوتر ومشي بسرعة ورا اسيا
.........................................
بعد اسبوع كانت قاعدة اسيا في الكافيه مع حمزة وهي باين عليها الحزن
اسيا بحزن/ انا بجد متشكرة اوي يا حمزة علي كل اللي عملته معايا ،، وخصوصا ريهام خطيبتك القمر اللي وافقت انك تساعدني
حمزة بجدية/ بس ده مش معناه اننا موافقينك علي اللي انتي بتعمليه يا اسيا ،،انتي لسة بتحبي فريد يبقي ليه تعملي كل ده
اسيا بتهرب / بحبه ؟ لا طبعا ،،انا لو بحبه كنت وافقت ارجعله من اول او تاني او عاشر مرة يترجاني ارجع
حمزة بقصد/ لا بتحبيه يا اسيا وباين عليكي دلوقتي وانتي متوترة وبدليل انك لسة بتفكري تضايقيه وتنتقمي منه وده اكبر دليل انك لسة بتحبيه
اسيا بهدوء / لو سمحت يا حمزة ياريت نبطل نتكلم عنه وغير الموضوع بقي والا هقوم امشي
حمزة بخبث/ لا واضح ان انهارده مش بس هنتكلم عنه ده احنا هنشوفه كمان ،،البيه لسة داخل الكافيه اهو لا ومعاه مزة جامدة اوي
بصت اسيا بسرعة وشافت فعلا فريد داخل ومعاه بنت حلوة اوي وبيتكلمو سوا ووقتها حست بنا*ر في قلبها فقامت وهي بتشاور لحمزة
اسيا بهدوء/ قوم يا حمزة يلا انا عاوزة امشي
حمزة بخبث / ليه ما كنا قاعدين والقاعدة حلوة
اسيا بانفعال / هتمشي ولا امشي انا لوحدي ؟
حمزة قام بسرعة بس وهو بيقوم تعمد يوقع الشوكة عالارض فانتبه فريد وبص ناحيتهم واتفاجئ بيهم فقبض علي ايديه بغضب وقام راحلهم
حمزة بابتسامة/ اهلا يا فريد ازيك عامل ايه ومين القمر دي ؟
فريد بص لحمزة بغضب لانه افتكر ان هو بيسأله عن البنت عشان يوحش شكله قدام اسيا وعشان كدة رد بسرعه وهو بيبصلها
فريد بسرعة/ دي كارما وتبقي خطيبة فادي صاحبي وكانت عاوزاني في موضوع يخصها هي وهو عشان يعني عارفة اني قريب منه و
اسيا ببرود عكس اللي جواها / واحنا ميخصناش ،، يلا يا حمزة هنتأخر علي حجز القاعة
فريد بغضب / قاعة ايه ؟
اسيا ببرود / قاعة الخطوبة ،، اصل خلاص خطوبتنا قربت اوي وهنبقي نعزمك
حمزة بصدمة/ انا بدبس ،، منك لله يا فريد
اسيا بهزار / اخس عليك يا حموزي ،، يلا بينا بقي هنتأخر
مشيت اسيا تحت نظرات فريد اللي كان في قمة غضبه وكان قابض علي ايديه بغضب وهو متابعهم بعنيه
..................................................
واخرتها يا اسيا ؟
قالت كدة نيرة بقلة حيلة وهي بتقعد جمب اسيا اللي سرحانة وفي دنيا تاني
اسيا بحيرة/ مش عارفة ؟ حقيقي مش عارفة،، انا كنت فاكرة لما اجننه واخليه يتعذ*ب بسببي هرتاح ،، بس الحقيقة اني مش عارفة اذا كنت كدة بن*تقم منه ولا من نفسي
نيرة بجدية/ قولتلك يا اسيا انك لسة بتحبي فريد ،، خلاص سامحيه بقي وعيشي حياتك من جديد واهو ربنا انتق*ملك من امه وعمي طلقها واهي مشيت من البيت خالص وفريد وحس بغلطه رغم ان اي راجل مكانه كان هيعمل كدة يبقي ليه تكابري بس
اسيا بحزن ودموعها بتنزل / مش قادرة اسامحه يا نيرة ،، حاسة اني لو رجعتله مش هنسي اللي حصل ومش هيبقي في بينا غير الخنا*ق والشك
نيرة باصرار / مين قالك كدة يا عبيطة بس ،، بالعكس ده فريد ما هيصدق انك سامحتيه وهيعيش عمره كله يعوضك عن اللي حصل ،،انتي اللي حاسباها غلط
اسيا بتفكير / تفتكري ؟
نيرة بحب وثقة / طبعا يا حبيبتي ،،ده انا متأكدة كمان ،، هو بس يحس انك رضيتي عنه وشوفي هيعمل ايه وبعدين خلاص بقي متشوقيش فيها احسن الواد يمل ويزهق ويبطل يري وراكي ويقول اروح اشوف عروسة غيرها وخلاص بقي
اسيا بصدمة/ يا لهوي ،، ده يبقي معندوش د*م ،، تفتكري فريد يعمل كدة يا نيرة ؟
نيرة بضحك/ قال مبحبوش قال ،، ده انتي ميتة في دباديبو كمان
اسيا باحراج / بس يا بت انتي انا ولا بحبه ولا نيلة ماشي
نيرة وهي بتغمز بعنيها / هعمل نفسي مصدقاك يا جميل انت
...................................................
كان رايح فريد يفتح الباب بعد ما الجرس ضر*ب بس كان باين عليه الغضب لانه كل شوية يفتكر موقف المطعم واول ما فتح الباب ملامحه اتشجنت اكتر وعنيه احمرت من الغضب اول ما شاف حمزة قدامه وحمزة وقتها بلع ريقه بخوف اول ما شاف فريد متعصب كدة وكان لسة هيتكلم بس فريد قاطعه ببو*نية جامدة في وشه خلاه وقع عالارض
حمزة بو*جع/ يخربيتك افهم الاول وبعدين مد ايدك
فريد بغضب وهو بيقومه من الارض / وكمان ليك عين تيجي لحد هنا يا حيو*ان ،،انا هوريك
حمزة بسرعة / متبقاش مجنون واسمع انا عاوز مصلحتك وهساعدك ترجع لاسيا
فريد باستفهام/ هتساعدني ارجعها ؟ ده ازاي بقي وانت عاملي فيها تامر حسني ورايح جاي معاها في كل حتة ؟
حمزة بضيق / ماهو لو نفهم الاول قبل ما نمد ايدينا مش هيبقي في خساير منك لله ورمت وشي
فريد باحراج/ طب اقعد وبعدين بعد اللي انت عملته ،،كنت عاوزني اخدك بالحض*ن ؟ فهمني بقي ايه موضوع انك تساعدني ده ؟ وازاي وانت من يومين قولت لبابا انك بتحبها وانك سيبت خطيبتك عشانها
حمزة بتررد/ رغم اني ممكن اخسر اسيا كصديقة واخت بس قلبي مطاوعنيش مجيش اقولك واتكلم معاك
فريد بنفاد صبر/ يا مسهل ما تنجز يا عم البارد ،، انت جاي ليه دلوقتي وايه صديقة واخت دي فهمني ؟
حمزة بأ*لم / هقولك يا ابو ايد حديد ،، بص يا سيدي ،، اسيا وانا مش مرتبطين ولا نيلة ،، دي لعبة هي لعبتها عليك عشان يعني تخليك تندم اكتر وتو*جعك زي ما انت و*جعتها
فريد بصدمة / يعني اسيا طول الوقت ده كانت بتلعب بيا ؟ كانت مفهماني انك بتحبها وانها هتتجوزك عشان تغيظني وتضايقني ؟
حمزة بتوتر / حقها يا فريد ،، اللي انت عملته فيها مش شوية ومتنكرش انك جر*حتها جامد برضه لما صدقت امك وكدبتها رغم انك عارف انها مبتحبش مراتك ومع ذلك طاوعتهم في كدبتهم وطلقت اسيا بمنتهي القسو*ة
فريد بندم/ وندمت يا حمزة ،، عارف اني اتسرعت بس كان و*جعي منها علي قد حبي ليها وعشان كدة مكنتش شايف قدامي غير خيا*نتها ليا ،، ليه اسيا مش قادرة تفهم ده
حمزة بهدوء/ هتفهم لما تحس انك فعلا ندمان وتوصلها انك مهما حصل لا يمكن هتفكر تشك فيها تاني او تصدق عنها اي حاجة من دي ،، المهم انا قولتلك اني جاي اساعدك وهساعدك ترجعها يا فريد
فريد بابتسامة / بجد يا حمزة ؟ انا مش عارف اشكرك ازاي ،،انا بجد ممنون اوي لكل اللي بتعمله بس من جوايا حزين لاني اتأكدت ان اسيا بقت بتكر*هني لدرجة انها بتفكر ازاي تكسر*ني
حمزة بثقة / بالعكس ،،تصرفات اسيا بتثبت انها لسة بتحبك واوي كمان وان هو ده السبب اللي ببخليها تعمل كل ده لانها من جواها عارفة ومتأكدة انها لسة بتحبك رغم كل اللي حصل
فريد ابتسم بتلقائية اول ما فهم كلام حمزة وقام و فجأة حض*نه فزقه حمزة بضيق وهو بيقوله / يا نحلة لا تقرصيني ولا عايزة عسل منك ،، خليك في حالك واول ما ترجع لاسيا مش عايز اعرفكم انتو الاتنين فاهم ؟
فريد بلهفة / طب قولي هنعمل ايه ؟
حمزة بغرور/ هقولك بس تنفذ بالحرف
............................................
كانت رايحة اسيا بيت عمها بعد ما اقنعتها نيرة بكلامها وقررت انها تنسي كل حاجة وترجع زي الاول وكانت من جواها متأكدة ان فريد هيطير من الفرحة وفعلا راحت بيت عمها هي وحمزة بعد ما كلمتو وخليتو يجي معاها وكان الكل فرحان بيها وانها وافقت تسامحهم علي سوء ظنهم بيها ،، بس طول الوقت كانت اسيا عنيها رايحة وجاية بتدور علي فريد اللي كانت متوقعة انها هتيجي تلاقيه وفعلا وقتها شافته داخل من باب الشقة ومعاه نفس البنت بتاعة الكافيه فكشرت اسيا بغضب
مجدي باستغراب/ ايه ده يا فريد ،،مين دي يابني
فريد بقصد / دي كارما يا بابا ،، انا جبتها عشان تتعرف عليكم ،،اصلي هخطبها وده الوقت المناسب بقي
اسيا اتصدمت وبصت لحمزة باستفهام بس حمزة بصلها بتوتر وبص بعيد بهروب
حمزة بتردد/ مبروك يا فريد ،، مش دي نفس البنت اللي شوفناك معاها في الكافيه ؟ واضح انها مكنتش علاقة صداقة بقي
فريد بقصد وهو بيقرب منهم/ اه يا حمزة ،،انا حتي بفكر تبقي خطوبتي معاكم ،، اهو تبقي الفرحة فرحتين
اسيا بصوت مخنوق / الف مبروك ،، فعلا لايقين علي بعض
فريد بغموض / الله يبارك فيكي عقبالكم
خلص فريد كلامه وقعد هو و كارما عالسفرة معاهم تحت نظرات اسيا اللي قبلها و*جعها ومش متخيلة انه بجد خلاص اتخطاها وجه في بالها كلام نيرة لما قالتلها تلحقه قبل ما يزهق ويمل منها ويشوف واحدة تانية
فريد بغموض / انتي مش بتاكلي ليه يا كارما ،، تحبي اجبلك دليفري ؟
مجدي بتوتر / خف شوية يا فريد عيب كدة احنا قاعدين يابني في ايه ؟
فريد بخبث / معلش يا بابا ،،اصلي مش بحس بتصرفاتي وهي معايا بنسي الدنيا
اسيا وهي بتقوم/ انا شبعت ،، بعد اذنكم
ابتسم فريد وهو متابع اسيا واتأكد من غيرتها الواضحة اللي حافظها و انها لسة بتحبه فاتنهد براحة
.........................................
تاني يوم كانت رايحة جاية اسيا بغضب ودموعها علي خدها بعد اللي حصل من فريد امبارح وكانت طول الليل بتسأل نفسها ليه فريد عمل كدة وازاي بسرعة كدة قدر يزهق ويمل منها ،، فضلت كدة لحد ما دخلت نيرة عليها
نيرة بخبث / مالك بس يا اسيا ،، ما انا قولتلك من الاول اديكي فضلتي تسوقي فيها لما الواد زهق
اسيا بانهي*ار / زهق ؟ المفروض بعد اللي عمله يقعد عمره كله ندمان عليا مش يشوف حياته ويخطب وينساني
نيرة بخبث / لا لسة عارفة من عمي دلوقتي بقي انه خلاص هيتجوز انهاردة علطول
اسيا ببهتان / هيتجوز ؟
نيرة بقصد/ ايوة ،،انا معرفش مستعجل علي ايه ،، لو الاقي اجابة بس
اسيا بغضب / عندك حق ،،وانا هعرف الاجابة دي
قالت اسيا كلامها وهي بتروح ناحية دولابها عشان تغير هدومها وتخرج وكانت متابعاها نيرة بفرحة وحماس
................................
كان واقف فريد قدام المراية بيظبط جرافتته وهو مبتسم لحد ما الجرس ضر*ب فخرج وراح فتح واول ما شاف اسيا ابتسم رغم انها كانت بتبصله بحزن الدنيا كله
فريد بلهفة/ مكنتش متخيل انك هتيجي وبالسرعة دي
اسيا بغضب ودموع/ يعني كنت عارف اني جاية ؟ طب عارف جاية ليه ؟
فريد بتنهيدة / عارف يا اسيا
اسيا بحزن/ طب جاوبني ازاي ؟ انا عملت معاك ايه يخليك بالسهولة دي تنساني وتكمل حياتك وكأنك مدم*رتليش حياتي ،، ازاي هتتجوز وانت عارف انك السبب في ان حياتي تقف
فريد وهو بيقرب من اسيا / انا عارف اني عملت كل ده فيكي يا اسيا وصدقيني ندمان اوي ونفسي اعوضك عن كل اللي شوفتيه بسببي
اسيا بحيرة/ تعوضني ؟ بايه ؟ بجوازك من غيري وانك تنساني ؟
فريد بابتسامة/ انا عمري ما اقدر انساكي يا
اسيا ،،انا اصلا عملت كل ده عشان تسامحيني
اسيا باستفهام/ اانا مش فاهمة انت تقصد ايه ؟ وايه اللي انت عملته
فريد بابتسامة جذابة/ عملت زي اللي انتي عملتيه ،، يعني اتفقت مع صاحبي يسلفني خطيبته بنية اني ارجع مراتي لحض*ني زي ا ما انتي اتفقتي عليا مع حمزة ،،اهو مبقاش في حد احسن من حد
اسيا بصدمة / هو اللي قالك صح ؟ ماشي يا حمزة
حمزة من وراها / ما خلاص بقي يا اسيا ميبقاش قلبك اسود ،،الراجل طلع بيموت فيكي
فريد بعشق وهو مركز في عيون اسيا / وزود عليهم يا حمزة اني ندمان وحقيقي لو رجع بيا الزمن كنت غيرت حجات كتير واني هعيش عمري كله اعوضها عن كل اللي شافته بس هي تصفالي وتسامحني
اسيا ابتسمت بتلقائية/ خلاص يا حمزة ،،افكر
فريد بهيام/ لا بقولك ايه يا حمزة قولها ان المأذون في الطريق ومفيش وقت للتفكير
اسيا بخبث/ امممم خلاص يا حمزة بس بلغه اني ليا شروط ولازم يوافق عليها
فريد بتقييم/ خير يارب ،، قولي شروطك يا ست البنات وربنا يستر
اسيا بتنهيدة/ نبعد ،، انا عاوزة ابعد عن هنا ،،حاسة ان كل مكان هنا بيفكرني باللي حصل وده هيخليني طول الوقت متحفزة وخايفة
فريد بحب / حبيبتي انا موافق من غير ما تتعبي نفسك ،،انتي بس اؤمري بس انا ليا رأي ،، انتي في اي مكان مش هتنسي يا اسيا ،، لكن لما تواجهي وتثبتي لنفسك ان اللي حصل كان مجرد كابوس وفوقتي منه وقتها هتقدري تكملي وهنعرف نعيش بصورة طبيعية ومع ذلك انا هعملك اللي انتي عاوزاه
بصت اسيا لحمزة اللي حرك راسه ليها بتأييد فاتنهدت هي براحة وتشجيع وبصت لفريد
اسيا بهدوء/ موافقة
فريد بفرحة وهو بيضمها ليه/ اوعدك اني اعيش اللي باقي من عمري عشان اعوضك بس عن كل اللي حصل واني افضل احبك لحد اخر نفس ليا
اسيا بسعادة / وانا مصدقاك يا فريد وشايفة ده في عيونك ،،عشان كدة قررت افتح صفحة جديدة معاك
تمت
