رواية سحر الخراب الفصل الثاني 2 الاخير بقلم محمود الامين
لما دخلت الاوضه كان المشهد زي ما هوصفوا كده بالظبط.... ابويا كان بيطلع في الروح حرفيا عينيه كانت بيضه تماما ومراته كانت متخشبه وكأنها متكتفه وفي مليون ايد منعاها تقوم ومبرقه وباصه للسقف.... حاولت اجري بسرعه علي ابويا عشان الحقه حاجه
شلتني وهبدتني في الحيطه... اختي زينه واخويا عمر قوموني... وفضلت استعيذ بالله من الشيطان الرجيم وقريت قرأن وبعض الاذكار ... صمت عم علي المكان بصيت علي بابا الي كان استرخي تماما وتقدروا تقولوا راح في النوم ومراته نفس الكلام... اخدت اخواتي وخرجنا بره الاوضه وقعدنا في الصاله بفكر في الي حصل ووصلنا ليه.... قطع تفكيري صوت موبايل اختي بيرن وكان خطيبها علاء الي هو ابن خالتي.. ردت عليه زينه ومقدرتش تمسك نفسها وعيطت وقلتله ابويا تعبان... قفل معاها ونص ساعه وكان عندنا وعرف الي حصل معرفش ليه اول مره اشوفه سلبي ومش بيفكر غير في مصلحته لما قال وانتي ازاي يا زينه عايشه في البيت ده لا اسمعي انا مش هضحي بيكي... انا هكلم ابوكي عشان نتجوز وتمشي من هنا... بصراحه كنت عايز اقوم اضربه واطرده بره بس قولت عيب وده ضيف في بيتي.... قولتله مش وقت الكلام ده راعي الي احنا فيه ودار ما بينا جدال انتهي انه قال كلامي مش معاك كلامي مع ابوك... ومشي طبعا زعقت مع اختي وقامت مشكله في البيت بسبب انها حكتله الي حصل
.......
تانى يوم لقيته بيتصل ببابا الصبح وبيقول انه عايز يجيله عشان موضوع مهم... رد عليه بابا وقاله تشرف فى اى وقت... بالمناسبه بابا ومراته مكنوش فاكرين اي حاجه من الي حصل إمبارح واتعاملوا عادي جدا.... وفعلا كان عنده بعد ساعه من المكالمه وقاله بص يا عم عماد انا عايز بنتك وشاريها وهيا انت عارف رأيها وبصراحه كده انا جاهز وعايز اتمم الجوازه في اقرب وقت... رد عليه بابا وقاله وماله يبني امتي عايز يكون الفرح... رد عليه وقاله الاسبوع الجاي... ابويا استغرب وقاله ليه الاستعجال ده كله... ملقاش مبرر يقوله وانتهي الحوار ان بابا وافق رغم اعتراضي..... تقدروا تقولوا الدنيا ابتدت تهدي شويه من ناحيه الاحداث الغريبه الي كانت بتحصل واختي اتجوزت وكبرت المشاكل جدا في الوقت ده لان اهل امي رفضوا حضور مرات ابويا الفرح... تقدروا تقولوا وصلت لقطع صله ارحام.... مفيش غيري انا واخويا كنا بنزورهم مراعاه لامي الله يرحمها... بعد مرور اسبوع مرات ابويا طلبت طلب شرعي ومن حقها انها عاوزه تخلف الدنيا عند طريق الحقن المجهري.... ورجعت المشاكل تزيد من تاني... لحد ما في يوم وكان هو اليوم الفاصل لعوده الاحداث الغريبه من تاني... رحت زياره لبيت جدي لقيت هناك العيله كلها وكانوا بيتكلموا في نفس الموضوع ازاي تخلف وفي وسط الكلام اطلب مني حاجه لا يمكن تخطر علي بال حد ولا اتخيلت انها ممكن تتقال... لما خالتي قلتلي اول ما تخلف اقتل العيل كانت صدمه بالنسبالي كنت حاسس اني بحلم... عايز تانى اتأكد من الكلام وللاسف مكنتش بحلم... لاول مره بسمع الكلام واقوم امشي من غير ما حتي افتح بوقي.... رجعت البيت كانت الانوار مطفيه كلها... دخلت اوضتي واترميت علي السرير ونمت... وشوفت نفسي المره دي في البيت وكنت سامع صوت طفل صغير بيبكي بس انا مش عارف الصوت جاي منين... قربت من اوضه ابويا... لقيت مراته بتقولي تعالي شوف اخوك يا سليم... قربت كان طفل جميل جدا... في اللحظه دي عنيا ابيضت تماما مبقتش قادر اتحكم في نفسي ومسكت المخده ودوست بيها علي راس الطفل وامه بتصرخ وبتضرب فيا لكن انا كنت اقوي..... صحيت مفزوع من الحلم ده علي زغروطه بتلفت وبقول في اي لقيت مرات ابويا بتقولي هجبلك اخ يا سليم.... فرحت جدا وقومت باركت ليها... لكن فجأة افتكرت الحلم حيطت ايديا علي وداني وفضلت اصرخ لاني كنت سامع صوت صفاره بشع في وداني وقعت في الارض.... وابويا جيه قومني وقالي مالك... قولتله مش عارف وحكتله الي حصل... قالي تروح لدكتور.. قولتله لا يا بابا مش مستاهله.... انا هدخل انام ونمت... صحيت علي صوت عمر بيقولي اصحي يا سليم... اصحي مرات بابا في الحمام وبتطلع اصوات غريبه ومرعبه انا خايف.... قومت من السرير وقربت من الحمام سامع همهمات وهمس بس مش فاهم حاجه... فجأه صوت صرخه ضرب المكان كله... بابا جيه علي الصوت وكسر باب الحمام لقينا مرات بابا واقعه في الارض ومغمي عليها.. فوقناها وقالت انها مش فاكره حاجه... حاولنا نجيب الشيخ محسن لكن للاسف كان مسافر مكنش قدامنا غير اننا نجيب شيخ تانى دورنا وملقناش غير شيخ اسمه نصر
بصراحه انا مش برتحله لكن اهو شيخ والسلام من اول ما دخل البيت فضل يبص في كل ركن فيه وبعدين قال عايز حاجه من لبس الاب ومراته... فعلاً جبناله مسك الحاجه وقرا عليها معرفش بقا قرآن ولا اي وبعدها ولع فيهم وقال استغفر الله العظيم بقا الواحده تعمل كده في جوزها.. بصله بابا وقاله تقصد اي... رد الشيخ وقال مراتك عملالك سحر عشان تحبها وتفرقك عن عيالك واهلك... مرات ابويا قلتله انت كداب انا معملتش حاجه..... فضل يقولها لا عملتي كتير وهتتسببي في موت الراجل... انا اخدت الشيخ وقولتله كفايه احنا مش عاوزين مشاكل ومشيته... ابتدا الشك يدخل دماغ ابويا وخلاص طالما الشك دخل البيت بينسفه.... اخواتي البنات سمعوا بالي حصل وطلبوا من ابويا حقهم في البيت وهو عايش... كانت صدمه بالنسبه لابويا كلامهم جرحوا واثر فيه ازاي البنات عايزين يورثوا ابوهم بالحيا..... بعد كام يوم مرات ابويا مستحملتش نظره الشك الي جوا عيونا وقررت ترجع بيت ابوها... لكن حصل حاجه زودت الدنيا سوء... في يوم كنت نايم وصحيت علي صوت حد بيتألم صوت ابويا جريت ناحيه مصدر الصوت لقيت ابويا نايم وجسمه متخشب وعينيه مفتوحه علي الاخر وبيتنفض مكانه جريت عليه واول ما قربت منه صرخ.... جريت علي بيت الشيخ محسن الي اول ما خبطت الباب فتح وقالي مالك يبني قولتله ابويا الحق ابويا.. جيه معايا بسرعه واول ما دخل الاوضه قال
بسم الله الرحمن الرحيم
وَاتَّبَعُوا مَا تَتْلُو الشَّيَاطِينُ عَلَىٰ مُلْكِ سُلَيْمَانَ ۖ وَمَا كَفَرَ سُلَيْمَانُ وَلَٰكِنَّ الشَّيَاطِينَ كَفَرُوا يُعَلِّمُونَ النَّاسَ السِّحر
صدق الله العظيم
اعوذ بكلمات الله من شر ما خلق.... اعوذ بالله من كل شر وسوء
......
اي يا عم الشيخ هو عامل اي دلوقتي... لسه يبني في جلسات كتير.....ااااااه
الحق يا عم الشيخ ابويا بيصرخ
دخلنا الاوضه عشان نشوف ابويا لكن للاسف ابويا ماااات كان عاي وشه اشد انواع الفزع عينيه بيضه بوقه معووج ايديه مليانه عروق سوده... صرخت وفضلت ابكي... ايام صعبه فراق ووحده... وعزا كبير وجنازه وانا حاسس اني بحلم ازاي هقدر اعيش من غيره ده سندي وضهري
.....
بعد فتره او شهر بالظبط رحت للشيخ محسن عشان مخنوق قولت يقري عليا شويه وعرف وانا بتكلم معاه الي حصل من الشيخ نصر... رد الشيخ محسن وقال لا يبني مش مرات ابوك هيا السبب... قولتله اومال مين.... سكت... مين يا شيخ ارجوك اتكلم
اخواتك واهل امك يبني 
انت بتقول ايه يا شيخ محسن.... بقولك الصح انا شوفت ده لما حاولت اعالج ابوك احنا الي بنعالج بنشوف حاجات بس المفروض انها اسرار
خرجت من عنده زي المجنون مفيش في دماغي غير الانتقام هنتقم منهم كلهم... اخدت عمر واديته للشيخ محسن وقولتله لو جرالي حاجه وديه لمرات ابويا... قالي انت هتعمل ايه... قولتله هعمل الي مفيش دين ولا رب يرضوا بيه..... اتصلت باخواتي وخوالي وخالتي وقولتلهم يجوا البيت عشان نقسم الورث... رشيت ماده في كل حته في البيت الماده دي قابله للاشتعال وبدون ريحه... وصلوا مع اذان العشا كلهم وقعدتهم في الصاله ومطولتش عليهم الكلام وقولت.... ابويا كتب كل حاجه باسم عمر وقبل ما حتي يعترضوا قولت متخفوش ده نصيبكم ورميت الولاعه... وقفلت الباب عليهم النار التهمت جسمهم في دقايق وطفت نار قلبي نار انتقامي
....
كده انا خلصت حكايتي... وتاني يوم المحامي قالي ان الطعن اترفض والحكم اصبح نهائي انا مش زعلان بالعكس انا مبسوط كفاية اني حكيت الحقيقه لكل الناس
......
تمت
