رواية امتلكت قلب صعيدي الفصل الثاني والعشرين 22 بقلم نرمين حمدي
مروان: ياجدي كفايه افتري عليها دي بت غلبانه وملهاش حد
هارون بغضب شديد: اسمع كلامي جولته البت دي تنساها وطول مانا عايش مهتتجوزهاش ولو فكرت تعصي أوامري وتتجوزها ساعتها لا انت حفيدي ولا اعرفك وكل الي تحت يدك هيتسحب
وسابه ومشي
هارون دمه غلي في عروقه من تمسك مروان بتلك الفتاه لينادي بصوت عالي علي صخر
هارون: صخرررررر
صخر: ايه في ايه
هارون بعصبيه: تهب وتغطس وتغور البت دي من طريجه
صخر: بت مين وطريج ايه فهمني
هارون: بت الرجا*صه الي شاغله دماغه دي
صخر: اممم العنوان وانا اخلصك من الموضوع ديه
هارون اداه العنوان: تسافر علي القاهره دلوجتي حالا ياصخر ولو اصرت انت عارف هتعمل ايه
صخر بابتسامه خبيثه: عارف عارف
*******
وعد لصفيه: بقي انا تعملي فيا كدا انا اتمسح بكرامتي الارض يابت
صفيه: ايوا مهو من عمايلك برضو هههه
وعد: ماشي ياصفيه الكل*ب جايلك يوم
صفيه: بهزر معاكي ايه يامرت اخوي
وعد بجنون: متقوليش الكلمه دي الكلمه دي بتنرفزني
كريمه وهي قاعده جنبهم بتشرب الشاي: خيبه عليكي انتي وهي بنات اخر زمن جابلوني ان عمرتو في حته
وعد بنكش: يمزاجك يمزاجك متحكلنا كدا انتي عمرتي ازاي ياعمتو يمكن نستفيد حاجه
صفيه بتريقه: كانت هرياه مكرونه بشاميل هههه
ليضحك وعد وصفيه ويخبطوا ايدهم في بعض
كريمه سرحت في ذكرياتها مع الحاج محمد وهي بتشرب الشاي: الحاج محمد ياسلاااااااام راجل ولا اجدعها راجل دا مسابش في البلد حد إلا ورحله عشان يقنع ابوي بالجواز
مكنتش بجول غير حاضر ونعم كان يحبني جوي جوي جوي
لتستغل وعد الموقف وتقف وبترجع للخلف وتغني: هسمع كلامه تحت امره في الي يقولي عليه وباي شكل هريحه لو حتي يطلب اي
لترميها كريمه بالشبشب: اه ياوا*طيه
وعد لسه مكمله وبترجع للخلف وفجأه بتغلق عنيها وبتلف وبتقول بصوت عاليوبتشاور قدامها: وهقول للناس بحالها دا الي اختاره قلبي
لتسمع صوت كريمه وصفيه بيضحكوا لتفتح عنيها وتجد صخر امامها مباشره
لتتسع عينيها وتبتلع ريقها ببطئ لتقول لنفسها: ياأرض انشقي وابلعيني والنبي
صخر بحده: فاكره نفسك فين انتي رايحه جايه تغني
وعد هربت من قدامه لغرفتها فورا
كريمه وصفيه بيكتموا صوت الضحك بالعافيه علي منظرها وهي بتجري
*****
حنان كانت في الجنينه بتتمشي وكان في تعبان بيحاول يقرب منها وهي مش واخده بالها
أدهم كان في بلكونه اوضته الي علي الجنينه وشافه فنزل جري عليها وزقها بعيد في اللحظه الاخيره
حنان بتقوم بعصبيه: انت مجنون ياجدع انت ولا ايه جاتك الجرف انت كيف توجعني كديه دا انا هخرب بيتك بجي انا تعمل فيا كديه يومك مش معدي سيبني في حالي بجي
أدهم فضل باصصلها لحد متخلص المرشح بتاعها يجي ربع ساعه ولما زهق مسك الثعبان وحطه قدام عنيها لتنظر هي له ولم تعطيه انتباه وتكمل كلامها فلما استوعبت انه ثعبان بصت عليه تاني وقالت: أااااااااااااااااااه انت جايبلي تعبان كمان عايز تجتلني يامرك ياحنان ابعد عني ياجدع انت
أدهم بنفاذ صبر: افصلي بطاريتك دي اي نازله كلام كلام كلام يخر*ب بيتك بلا*عه واتفتحت
حنان وهي بتوزع نظراتها بين ادهم والثعبان وفي لحظه بتدعي فيها الثبات: انت يعني جاي تخوفني بتعبان فكرك هخاف اياك
أدهم: لا تخافي كيف دا انتي متربيه وسطيهم
حنان بعدم فهم: ايوا اومال ايه...... ايه ديه جصدك ايه يعني جصدك اني حيه
أدهم: لا ميته ههههه
حنان: ثقيل جوووي
أدهم: تصدجي انا غلطان كان المفروض اسيبه عليكي كان ريحنا منك ومن لسانك ديه
حنان: وماله لساني هتغلط ولا ايه
أدهم: طيب حاسبي حاسبي وراكي اها
حنان نطت بقت ورا أدهم بصريخ
أدهم فضل يضحك عليها
****
في غرفه مروان
مروان كان مضايق جدا ومش عارف يحلها ازاي لتدخل له كريمه
كريمه: مالك يامروان جاعد هنيه ليه
مروان: مفيش ياعمه مفيش
كريمه: مفيش كيف ياولدي دا انت عينك بطج شراره في ايه
مروان حكالها علي الي حصل
كريمه بجديه: كلام جدك صوح يامروان
مروان بضيق: حتي انتي ياعمه وانا الي فاكرك غيرهم
كريمه: انا معاك في الصوح بس يامروان كيف يعني عاوز تتجوز واحده امها كانت رجا*صه واحنا لينا اسمنا والكل بيعملنا حساب
مروان: اديكي جولتيها كانت
كريمه: ومن متي ماضي الواحد بيسيبه الماضي بيفضل مع البني ادم ذي ضله كديه
مروان: وأنا هتجوزها هي ولا امها
كريمه: هتتجوزها هي بس دي كمان امها
بعد مرور 6ساعات
في القاهره عند شقه شمس ومامتها الجرس بيرن وشمس بتفتح لتجده صخر
شمس باستغراب: مين حضرتك
صخر بهدوء بيدخل وبيبص لمنظر الشقه البسيطه وللعفش القديم بيأخذ عده خطوات للداخل ويري مدي البساطه الي هما عايشين فيها ليقول بهدوء: انتي بت الرجا*صه
لتخرج ليلي من المطبخ: مين ديه ياشمس
شمس: مش عارفه ياماما ممكن ترد علينا وتقولنا مين حضرتك
صخر: اسمعي من غير كلام كتير عايزه كام
شمس بعدم فهم: كام ايه انا مش فاهمه حاجه
صخر يجلس ويضع رجل علي رجل: تمن انك تبعدي عن مروان وميعرفلكيش طريج
شمس: اه وحضرتك بقي تبقي مين
صخر بحده: حضرتي ابجي ذي ماابجي خلصيني انا مش فاضيلك
شمس: انا بحب مروان ومش هقبل مال الدنيا طول مهو بيحبني وعايزني
صخر باستهزاء: بيحبك اه.... بصي مهو انا مش جاي اخيرك بينه وبين الفلوس
شمس: اومال جاي لي بقي
صخر: جاي اخيرك بين الفلوس وبين عمرك فخدي الفلوس وابعدي عن هنيه احسن
شمس: دا تهديد
صخر بثقه: ايوا
صخر وقف فجأه: رجالتي واجفين تحت لو عدت الساعه 6 المغرب وممشتيش من هنيه وشوفتيلك اي داهيه تاني اعتبري الخرابه دي هتولع بالي فيها وليكي حريه الاختيار برضو
شمس بصدمه: حريه اختيار وهو حضرتك سيبتلنا اختيار غير اننا نمشي وإلا هتولعوا في الشقه
صخر: دا الي عندي سلام
شمس: فلوسك يابيه احنا مش محتاجين حاجه
لينظر لها صخر باستغراب ناس ذي دول عايشين في شقه ذي دي ورافضين مبلغ ذي دا ازاي حتي ترك لها المبلغ ومشي
