رواية احببتها في ابتلائي الفصل الحادي والعشرون 21 بقلم هنا مصطفي
رواية : [ أحببتُها في ابتلائي ] 
{ Chapter 21 } .
في فيلا المنياوي
ريم كانت بتكلم خالد : ايوا يا خالد ماردتش علطول لييه؟
خالد : معلش كنت مشغول
ريم : انهاردة بقى في سهرة هتب....
خالد قاطعها : مش هسهر تاني اصلا !
ريم : ليه طيب دا حتى ..
خالد قاطعها تاني ب ضيق : قولت مش هسهر تاني
ريم : طيب براحتك .. اه صحيح انت ماقولتليش انت كنت هتتجوز مين ؟
خالد : بنت عمى
ريم : ايييه !! فيروز !
خالد : اه فيروز انتى تعرفيها !
ريم : احنا كنا جيران عند بيت طنط علا .. من و فيروز عندها ١٠ سنين لما طنط علا و عمو حامد اتطلقوا حتى هو كان مش سايبها ف حالها و ..
خالد قاطعها ب غضب : خلاص يا ريم !! ما تجيبيش سيرته تاني ب حاجه وحشه !
ريم : اهدى طب هوا في ايه ؟
خالد : انتى ماتعرفيش انه اتوفى انهاردة
ريم بذهول : لا ماحدش قالي البقاء لله يا خالد
خالد : و نعم بالله
ريم : انا هاقفل معاك هروح ل فيروز بقى
و قفلت معاه
____________________
في فيلا الشافعي
ف القاهرة
دخل عمر البيت و قعد على أقرب كرسي ليه و رجع راسه ل ورا هو بيتالم من رجله ، نزلت فريدة و هي متعصبه و قالت ب سخرية : أخيرًا شرفت يا حليتها !! قربت منه و مسكته من ايده : كنت فين كل دا !! رد عليا و لا اكيد مش هترد مانت اكيد كنت مع الهانم و حتى مافتكرتش انه ليك اهل تسأل عليهم و لا أم حتييي !!!
عمر شد ايده و وقف ب غضب كان عاميه : اه كنت عندها عارفه ليه مع اني عارف انك عارفه ليهه !! عشان ابوها ما.ت و كنت لازم ابقى معاها دا من الأصول يا والدتي الغاليه مش زيك !! انتي عاريتيني انهاردة قدامها لما ماجيتيش تعزيها حتى !! بقولك ايه يا ماما سيبيني انا و هيا ف حالنا احنا مش ناقصين بصراحه !
و سابها و طلع اوضته
فريدة كانت مصدومة منه هو ازاي عمل معاها كدا ازاي اتكلم معاها بالطريقه دي !
كارم صحى على صوت عمر و نزل يشوف لقا فريدة واقفه شايطه
كارم و قف على السلم و قال ب هدوء : عمر عنده حق ف كل كلمه قالها
فريدة رفع راسها و بصتله
و هو كمل كلامه : دا بناتك راحوا و انتى لا . بصي هو انتى شكلك عموما زفت قدامها بس عادي المهم انك مانزلتيش من مستواكي و روحتي لها !! ، عمر لو انتكس و تعب هيبقى بسببك ! عشان انتي عماله تعصبيه مع اني مأكد ماحدش يعصبه !!
و دخل الاوضه و سابها
زعقت فريدة تحت : يعنييي أناااا يعني اللي وحشه ف الاخرررر !!!!
رهف كانت نازله على السلم عشان تقابل صحبتها تاخد منها المحاضرات اللي فاتتها بصت ل فريدة ببرود و قالت و هي ماشيه : لا يا مدام فريدة انتي مش وحشه .
وقفت عن باب الفيلا و قبل ما تخرج لفت لها : انتي بس عاوزه تبقى كدا ، عاوزة تبقى مغرورة و تعيشي دور الحمى و تمرري عيشة عمر .
و خرجت رهف قبل ما تسمع ردها
فريدة شافت من كلامها اكتر و صرخت : أنتوا كلكوا هتشلوني !!
كانت طلعه الاوضه و قابلت قاسم و نيرة نازلين : و انتو عاوزين تقولوا حاجه !!
قاسم بنفس برود رهف : لا بس لما نعوز هنقول ماتقلقيش
و نزل مع نيرة
فريدة دخلت الاوضه و رزعت الباب
كارم : بس بقى عاوز اتخمد !
فريدة : ناام !! ماخدتش النوم من عينك اناااا !!
عمر كان سامع اللي حصل كلو بسبب صوتهم العالي ابتسم علي اللي عملوه و قعد يشتغل
__________________
في بيت فيروز العامري
كانت فيروز قاعدة ف اوضتها دخل عليها مريم و ريم
و جم حضنوها و هي قاعدة فيروز ابتسمت على تصرفهم
مريم : اهدي يا حبيبتي
فيروز : مش زعلانه !
ريم :خلاص طيب
مريم حست انه فيروز بتخطط ل حاجه: بتفكري ف ايه !
فيروز ب خبث : ولا حاجه .
_______________
تاني يوم
في كليه تجاره عين شمس
خرجت ريم من الكليه مع أمنية صحبتها بعد ما راحت الكليه بالغصب عشان الامتحانات
ريم راحت تركب العربيه لقت العجله نايمه
ريم : يادي النيله حبكت يعني !!
أمنية : طب بقولك ايه أستنى أروحك معايا أنا أخويا جاي ياخدني .
ريم : اي دا انتي عندك اخ ماقولتليش
أمنيه : ايوا عشان ماكنش عايش معانا اصلا هو كان عايش ف أمريكا و هو بيدرس مع صاحبه و اخوه و لسه راجع من شهر
ريم : اه تمام
ساعتها كان وصل ..... ايوا أخو أمنية اللي هوا مين بقا ... فارس بالظبط .
فارس نزل و شاف ريم : لا بقى هوا في ايه !
ريم :انت تاني ، لأ تاني اي بقا ، تالت المفروض !!
أمنية: أنتو تعرفوا بعض ؟؟
ريم و فارس ف نفس الوقت : للأسف
بصو ل بعض ب غضب و أمنية بتضحك عليهم
أمنية : لا بقى لازم تحكولي عرفتوا بعض فين و إمتى و إزاي ؟؟
ريم : دلق عليا مايه ف خطوبه صحبتي !!
فارس : لا يا ماما دي تاني حاجه اول حاجه الهانم خبطت العربيه بتاعتي و ماعتذرتش حتى !!
ريم : اديتك فلوس تصليحها !!
فارس : مش محتاج فلوس انتى ماعتذرتيش و دي قلة ذوق !!
ريم : انا قليلة الذوق ! ولا انت اللي وقح !
فارس : انا وقح يا ....
أمنية قاطعته ب ضيق : باااااااس ايه شبطه !! ما صدقتوا تمسكوا ف بعض !
ريم : هو اللي بدأ الاول !
فارس : ليه هو أنا اللي خبطت عربيتك برضوو !!
أمنية جابت آخرها منهم و زعقت فيهم : لا إله إلا الله بس بقاااا !
فارس : يلا عشان نروح و نروحك انتي كمان
ركبت ريم و هي بتلعن اليوم اللي شافته فيه
فارس وصل ريم ريم قبل ما تنزل : شكرا ليك
و نزلت دخلت الفيلا
فارس : زغرطي يا أمنية زي اعتذرت !!
أمنية ب صدمه : دي حاجه مابتحصلش !!
و ضحكوا الاتنين و روحوا
___________________
بليل ف عزا حامد
عند الستات كانوا فيروز و علا يستقبلوا العزا الناس اللي بتيجي و عند الرجاله كان واقف عمر و خالد
علا كانت راحت ترد على تليفونها
و فريدة دخلت ب عجرفه و فيروز ماكنتش طيقاها : البقاء لله
فيروز : شكرا
فريدة قعدت جمب بناتها و قالت بقرف : المفروض يعملوا ف مكان احسن من كدا ! اي دا !!
نيرة : ماما دا عزا !! و بعدين المكان نضيف و كويس !!
اتوزع عليهم قهوة و اتكلمت فريدة ب تكبر : لا لا افرضوا مش عاوزة قهوة !!
رهف : و هما المفروض يجيبوا ل حضرتك ايه ف عزا !! ما اكيد اي حاجه تتشرب لا إله الا الله !
فريدة : ف سِرها : منك لله يا كارم انت السبب ف اللي انا فيه دا !! لازم يعني تجبرني اجي !!
علا همست ل بنتها و هي مستغربه : مالها حماتك يا فيروز قرفانه ليه
فيروز ببرود اعصاب : عادي ، هيا كدا اصلا .
العزا خلص
و فيروز خرجت برا
لقت عمر خرج هو كمان بصتله و وقفت قدامه : شكرا يا عمر مش عارفه اقولك ايه بجد
عمر مسك ايدها : تشكريني على ايه يا زوجتي المستقبليه
فيروز ابتسمتله
_____________
في فيلا الشافعي
في القاهرة
بعد ما كلهم روحوا من العزا
كارم تليفونه كان رن و دخل المكتب و رد بنبرة حب و قلق : ايوا يا الينور فيه ايه انتي كويسه؟؟
الينور : حبيبي انا كويسه بس عاوزة اشوفك انت و عمر و قاسم .
كارم : مش هينفع دلوقتي عشان خطيبته ابوها لسه متوفي و قاسم متراقب عشان فريدة حاطه عليهم حراسه عشان شاكه انك ممكن تقابليهم و تعرفيهم الحقيقه .
الينور ب عياط : بس انا عاوزة اشوفك انت و ولادي وحشتوني اوي .
Stooooooop .
