رواية الهروب الي المجهول الفصل التاسع عشر 19 بقلم أروي عادل
هنا لف عمر وجهها له فجأة ثم تغيرت ملامحه لغضب وهو يقول
عمر ٠٠٠ أنا عارف أنتى كنتى فين النهاردة
إيلا ٠٠٠ تقصد .....ايه .....بأنك ..عارف ..
قطع عمر عبارتها وقال
عمر ٠٠٠ خوفك ده بيأكدلى ان شكى فى محله
إيلا ٠٠٠ ( بأرتباك قالت) شكك .. انت شكك فيا
هنا اقترب منها عمر وهى ترجع للخلف بخوف حتى خبطت بظهرها فى الحائط لذلك سندت ظهرها على الحائط
وهنا عمر حاوطها وهو يسند يديه الأثتين على الحائط و حتى انعدمت المسافات بينهم وقال بصوت مرعب
عمر ٠٠٠ كنتى مع حمزة مش كده
برغم من صدمتها من شك عمر بها إلى انها شعرت بأريحيه من انه لا يعلم شئ عن حملها. هنا قالت
آيلا ٠٠٠ أنت بجد مصدق نفسك .
عمر ٠٠٠ طيب فهمينى ليه ليه مردتيش عليا لما اتصلت عليكى و ليه اتلخبطى لما شوفتينى قدامك و انتى راجعها من المدرسه مع الولاد و ليه اتوترتى و وشك جاب اللوان لما سألتك كنت فين .
لم تعرف إيلا بماذا تجيب .و التوتر و الخوف كان ظاهر على ملامحها . وهنا ارتعشت عندما صرخ فيها عمر و هو يضرب يده بالحائط بقوة وقال
عمر ٠٠٠ ساكته ليه... انطقى ردى عليا .
إيلا ٠٠٠ ( بخوف مرعب قالت) عايزنى اقول ايه
عمر ٠٠٠ كنتى معاه مش كده و اوعى تكدبى لانى هعرف. و ساعتها عقابك هيبقى..
قطعت عبارته وهى بتحاول تطصنع القوة برغم ان كان واضح على ملامحها الخوف وقالت
آيلا ٠٠٠ هتعمل ايه هتتضربنى ولا هتغتصبنى عادى ما انت عملتها كتير قبل كده
هنا تذكر عمر كلام مروان انه لابد ان يسيطر على غضبه. لذلك حاول عمر يضبط أعصابه وهو يقول
عمر ٠٠٠ أنتى ليه مش عايزه تريحينى . انتى عجبك النار إللى انا فيها دى
إيلا ٠٠٠ النار دى انت السبب فيها مش انا .. انت ليه عايز تطلعنى ست خاينه
كان عمر يشعر بألم يعتصر قلبه كل ما ينطق هذه الجملة وهو يقول
عمر ٠٠٠ انا عارف انك مش بتخونينى بجسمك
بس بتخونينى بقلبك .. تنكرى انك بتحبى حمزة
إيلا ٠٠٠ طلقنى و رايح نفسك
عمر ٠٠٠ موافق بس تجوبى على سؤالى وانا هطلقك
إيلا ٠٠٠ سؤال ايه
عمر ٠٠٠ ( بألم قال) أنتى عارفه السؤال ....بس هسألك تانى .. انتى بتحبى حمزة
إيلا ٠٠٠ أنا.........
قطع عبارتها وقال
عمر ٠٠٠ بس قبل ما تجوبى. انا عايز اعرف الحقيقة وبس . أى كانت هى.. مش هقبل غير الحقيقة و بس
اخذت إيلا نفس طويل ثم قالت
إيلا ٠٠٠ الحقيقة انا قولتها ليك قبل كده . بس انت إللى صدقت رقية و كذبتنى
هنا تذكر عمر اليوم إللى حاول حمزة يعتدى على إيلا وقتها إيلا قالت له ان حمزة بيحبها وكان عايز يتجوزها لكنها رافضت ..لذلك قال
عمر ٠٠٠ طيب قوليلى تانى ممكن و آنا هصدقك
إيلا ٠٠٠ أنا عمرى ما حبيت حمزة . لا دلوقتى ولا قبل كده .
هنا حضنها يقوة هو يقول
عمر ٠٠٠ و ليه مقولتش كده من الأول
بعدت إيلا عن عمر وقالت بغضب عارم
إيلا ٠٠٠ كنت عايزاك تتعذب زى ما انا بتعذب كنت عايزاك تحس بطعم الخيانه . كنت عايزاك تتوجع زى
ثم سكت فجأه
وهنا نظر عمر إليها بصدمه من كلامها ثم قال
عمر ٠٠٠ و ليه ده كله ..لدرجدى بتكرهينى
إيلا ٠٠٠( بقهر و وجع قالت) ياريت كنت اقدر أكرهك ماكنش ده بقى حالى.. واللهى حاولت كتير اكرهك بس معرفتش بس شكلى غاويه وجع قلب
هنا حضن وجهها بيديه وقال
عمر ٠٠٠ تقصدى ايه .. بأنك معرفتيش تكرهينى
اشاحت بوجهها للجهة الأخرى حتى لا تفضحها عينيها وهى تقول
إيلا ٠٠٠ سيبنى يا عمر بالله عليك
هنا مسكها عمر من وجهها برفق هو يدير وجهها له ويقول
عمر ٠٠٠ إيلا انتى بتحبينى
هنا خانتها دموعها و نزلت غصب عنها و هى بتهز رأسها بنعم
هنا قال عمر وهو لما يصدق نفسه و لذلك قال بأرتباك
عمر ٠٠٠ إيلا هو انا فهمت صح مش كده .. انتى بتحبينى.. صح . يعنى ده مش حلم
إيلا ٠٠٠ عمر وبرغم انى ب..ح..ب..ك بس بردوا
قبل أن تكمل عبارتها .التهم عمر شفتيها بقبله تبث فيها كل الحب و شغف و الاشتياق
بعدت عنه بانفاس غير منتظمة وهى تقول بصعوبه
آيلا ٠٠٠ عمر انتى قولتى لو قولتلك الحقيقة هتطلقنى
عمر ٠٠٠ أنتى مجنونه ده انا مقدرتش اسيبك و آنا كنت فاكر انك بتحبى حمزة .. عايزانى أسيبك بعد ما عرفت انك بتحبينى
إيلا ٠٠٠ عمر احنا ماننفعش لبعض
عمر ٠٠٠ إيلا انا بحبك مقدرش اعيش من غيرك.
سكتت إيلا وهى بتحاول تتستوعب كلمات عمر
ثم شعرت بأن قلبها أصبح ينبض بسرعة لذلك وضعت يديها على قلبها ليهدء . ثم أغلقت عينيها و قالت
إيلا ٠٠٠ طلقنى يا عمر .. لو كنت بجد بتحبينى زى ما يتقول طلقنى
شعر عمر بغضب عارم هو يمسكها من ذراعيها ويقول
عمر ٠٠٠ أنتى عايزه تجننى . بتقولى انك بتحبينى بعدها تقولي انك عايزه تطلقى .. طيب ليه
إيل٠٠٠( قالت بعصبية) لأنك مش هتقدر تلتزم بحبك ليا... انت عارف انت خونتنى كام مره عملت علاقة مع كام واحده غيرى ٠
طيب بلاش كل ده. انت تقدر تكون ليا لوحدى .. هتسيب خطبتك عشانى .. هتقدر تسيبنى اخلف و اكون انا أم أولادك
عمر ٠٠٠ آيلا انتى ليه بتعقدى الأمور . بعدين إيلا انا مكدبتش عليكى . انتى اتجوزتنى وانتى عارفه حياتى ماشية ازاى و كنتى موافقة.
إيلا ٠٠٠ اه كنت عارفه ..بس ماكنتش اعرف انى هتنيل و أحبك.. صدقنى مش هقدر اعيش معاك بطريقة دى تانى ..
عمر ٠٠٠ إيلا انا أوعدك انى هحاول اتغير عشان خاطرك . . بس انا لازم اتجوز بنت عمى لان دى رغبة بابا.. وانا ماينفعش اكسر كلمته و خصوصآ ان بابا عنده القلب وان مقدرش ازعلو
إيلا ٠٠٠ عمر عشان خاطرى حس بيا بقى . عمر انت مقدرتش تستحمل فكرة انى احب واحد تانى .
ازاى عايزنى استحمل فكرة ..أن واحده تانى تشاركنى فيك
عمر ٠٠٠ انا حاسس بيكى واللهى . بس انا مقدرش أسيبك. مقدرش اعيش و انتى بعيد عنى انتى خلاص بقيتى فى دمى زى الإدمان بالظبط
إيلا ٠٠٠ وانا مصممه على رأى
عمر ٠٠٠ و آنا مش هسيبك يا إيلا ده اخر الكلام عندى
إيلا ٠٠٠ عمر أسمعنى عشان خاطرى
عمر ٠٠٠ ششش ولا كلمة تانى
هنا اقترب منها و انهال عليها بوابل من القبلات
كانت إيلا بتحاول تبعد عنه لكن كعادتها فشلت أمام لمساته لها التى أطاحت بعقلها ثم بدء عمر الاستمتاع بجسدها
بعد ما انتهى مما كان يفعلوا
أخذها فى حضنه و ذهبوا فى سبات عميق
فى الصبح اليوم التالى
أستيقظت حاولت تنهض من الفراش لكن عمر كان محكم ذراعه حول خصرها بقوة
و كأنه خائف ان تهرب منه . ظلت إيلا بتحاول الأفلات منه لكن عمر قال
عمر ٠٠٠ خليكى جانبى
إيلا ٠٠٠ بس المفروض اجهز الولاد عشان يروحوا المدرسه
عمر ٠٠٠ ماشى .. السواق هيجى ياخدهم الساعة ٧
إيلا ٠٠٠ تمام
عمر ٠٠٠ إيلا بعد مايمشوا الولاد ابقى ارجعيلى
هزت إيلا رأسها بنعم ثم دخلت الحمام
◇◇◇◇◇◇◇◇◇◇□□□□□□□□□□بعد مرور أسبوعين
لقد مره أسبوع على إيلا وعمر مثل الحلم
لم يسهر عمر خلال الأسبوع ولا مرة
ذلك الشئ ازعج أصدقاء عمر كثيرآ
و خصوصآ ميار
كان ذلك بمثابة معجزة بالنسبال لعمر
=========================
صباح يوم جديد
عمر ٠٠٠ صباح الخير
إيلا ٠٠٠ ( بضيق قالت) صباح الخير
عمر ٠٠٠ القمر ماله على الصبح
كريم ٠٠٠ شوف يا عمر ماما مش عايزانى العب بالعجله لا انا ولا كارما
إيلا ٠٠٠ أنت أكبر غلط عملتوا فى حياتك انك جبتلهم العجله دى
عمر ٠٠٠ كده بردوا مزعلين ماما
كارما ٠٠٠ أنا قولتلها هنلعب بيها حبه صغيرين
كريم ٠٠٠ احنا حتى فى الأجازة مش عارفين
نلعب
عمر ٠٠٠ اجازة ايه دى هو النهاردة مش
السبت
كارما ٠٠٠ ما احنا عندنا السبت و الجمعة
أجازة
عمر٠٠ خلاص سيبهم يلعبوا شوية
أيلا٠٠ لاء مافيش لعب . بيبهدلهوا البيت
عمر ٠٠٠اه .. طيب ايه رأيكم لو أشترينا بيت
كبير و يكون فيه جنينة عشان تلعبوا فيها
براحتكم
كارما ٠٠٠ الله ياريت يا عمر
كريم ٠٠٠ و يبقى يكون عندنا جنينة و هنلعب
فيها
عمر ٠٠٠ أه. بس دلوقتى روحوا ألعبوا فى أوضتكم عشان خاطر ماما
بعد ما غادروا الولاد لغرفتهم قالت إيلا
إيلا ٠٠٠ ايه إللى انت بتقولو للولاد ده يا عمر
عمر ٠٠٠ انا بجد بفكر اشترى فيلا
إيلا ٠٠٠ عمر انت ناسى كلامى معاك . انا وافقت افضل معاك لحد ما تتجوز بنت عمك و بعدين انا
قطع عبارتها وقال
عمر ٠٠٠ ولا كأنى سمعت حاجة .. انتى متقدريش تسبينى زى انا مقدرش أسيبك. احنا خلاص بقينا متعلقين ببعض ...
ثم قبلها عمر من شفايفها وقال
عمر ٠٠٠ أنا عايز افطر ممكن
إيلا ٠٠٠( بنفاذ صبر قالت) حاضر
بعد ما تناول عمر الفطار قال
عمر ٠٠٠ أنا رايح الفندق عندى شغل
إيلا ٠٠٠ عمر انا كنت عايزه أروح مع أميرة م......
عمر ٠٠٠ من غير ما تكملى الوقت إللى تحبى تخرجى فيه أخرجى براحتك . بس ابقى قوليلى.. لانى بغير عليكى
هنا حضنته إيلا. و لأول مره تبدء ايلا الأول فى الاقتراب من عمر لذلك قال عمر
عمر ٠٠٠ تعرفى الحضن ده عندى بالدنيا وما فيها
بقولك ايه ما بلاش شغل النهاردة و خلينى اكمل الحضن ده فى أوضتنا
إيلا ٠٠٠ بس بقى متكسفنيش يا عمر
عمر ٠٠٠ يااااادى عمر إللى هيتجنن على ايدك
إيلا ٠٠٠ آه منك انت . شاطر فى كلام بتعرف تثبتنى
عمر ٠٠٠ أنتى هو حد بردوا يعرف يثبتك انتى
هنا رن الهاتف عمر عندما رأه هوية المتصل قفل صوت رنين الهاتف
إيلا ٠٠٠ ايه ماترد
عمر ٠٠٠ . فى ايه مش عايز أرد
إيلا ٠٠٠ رد يا عمر انا شوفت أسمها
عمر ٠٠٠ بقولك من غير زعل دى مجرد صديقه
إيلا ٠٠٠ بالنسبالك ولا بالنسبالها
عمر ٠٠٠ أنا ماليش دعوة بغيرى ميار بالنسبالى صديقة و بس
إيلا ٠٠٠ بس هى بتعتبرك اكتر من كده
عمر ٠٠٠ مش ذنبى انا مافيش غير واحده بس فى قلبى وهى انتى و انتهى
إيلا ٠٠٠ لما أشوف يا عمر.. خليك ورا الكداب لباب الدار
عمر ٠٠٠ لوكل اوى المثل ده يا حبيبتى
إيلا ٠٠٠ ماشى يا حبيبى
عمر ٠٠٠ الله برغم انك بتتريقى بس حبيبى طالعه زى العسل
إيلا ٠٠٠ ( ضحكت و قالت) واللهى انت ما طبيعى تسمح يلا روح على شغلك
عمر ٠٠٠ طيب ممكن اخد بوسه بعدين امشى
إيلا ٠٠٠ أنت مابتشبعش
عمر ٠٠٠ طيب بالله عليكى الجمال ده يتشبع من بردوا
إيلا ٠٠٠ عمممممر
عمر ٠٠٠ خلاص خلاص ماشى
هنا خطف منها قبله سريع و انصرف
◇◇◇◇◇◇◇◇◇◇◇□□□□□□□□□
الفندق
=========
عز ٠٠٠ دى كل الأوراق إللى انت طلبتها للجرد السنوي
عمر ٠٠٠ الاوراق شامله القرى السياحية ولا الفندق بس
عز٠٠٠ لاء القرى السياحية كلها
عمر ٠٠٠ تمام . بس عايزك تعملى حصر لجميع القرى السياحية و الفنادق . و شركات السياحة.. إللى لينا فى مصر . عشان عايز اعمل جرد شامل على الكل
عز ٠٠٠ بس ده هياخد وقت
عمر ٠٠٠مش مهم .
عز ٠٠٠ هو فى حاجة ولا ايه
عمر ٠٠٠ أرباح السندى مش عجبانى
عز ٠٠٠ معلش يا عمر بيه بس احنا محققيين ارباح كويسه أوى السندى .. تقريبآ نفس أرباح السنه إللى فاتت
عمر ٠٠٠ و دى المشكله المفروض الأرباح فى زياده مش هى هى
عز ٠٠٠ تمام انا فهمت حضرتك تقصد ايه .
و خلال أسبوع ده هكون مجهزلك الأوراق إللى حضرتك عايزه. تأمر بحاجة تانى
عمر ٠٠٠ لأ متشكر روح انت
انصرف عز المساعد الشخصي لعمر و دخل مروان
مروان ٠٠٠صباح الخير .. تعرف انا بعرفك من و احنا عيال صغيرة . مش فاكر آخر مره قولتلك فيها صباح الخير
عمر ٠٠٠ بتتريق حضرتك
مروان ٠٠٠ ابدآ واللهى ده انا فرحان بيك. معقوله عمر القاضى بيشتغل من الساعة ١٠ الصبح . تعرف المفروض إيلا دى يتعملها تمثال
عمر ٠٠٠ يعنى عايز أيه من واحد بينام الساعة ١١
ما لازم اصحى بدرى
مروان٠٠٠ هههه و انت ايه إللى يخليك تنام الساعة ١١
عمر ٠٠٠ عندى ولاد بيروحوا المدرسه بدرى
ضحكه مروان بصوت عالى وقال
مروان ٠٠٠ يا حبيبى واللهى صعبت عليا
عمر ٠٠٠ بتتريق .. طيب ايه رأيك انا مبسوط كده
مروان ٠٠٠ يارب يوعدنى بواحده زى إيلا وانا مستعد انام بدرى . واشرب اللبن كمان قبل ما انام
عمر ٠٠٠ ما تلم نفسك يا مروان فى ايه
مروان ٠٠٠ انت بتغير .. واللهى كان عندى حق .
عمر ٠٠٠ حق فى ايه بقى
مروان ٠٠٠ فاكر اول مره جيت كلمتنى عن إيلا قولتلك يومها . انا خايف عليك يا عمر من البنت دى.ساعتها عملت فيها دنجوان عصرك. قولتى انا مش ممكن واحده تأثر فيا .
عمر ٠٠٠ أنا حاسس انك شمتان فيا
مروان ٠٠٠ لأ أتأكد فعلآ انى شمتان فيك
عمر ٠٠٠ هيجى اليوم إللى هتحب فيه
و ساعتها هتعرف ان ده احلى احساس فى الدنيا
مروان ٠٠٠ بصراحة انا مستغرب ان الكلام ده طالع منك . طيب قولى هتعمل ايه فى بنت عمك وفى ميار
عمر ٠٠٠ أنا لازم اتجوز بشرة عشان خاطر بابا.و ميار انا كده كده مش وعدتها بحاجة
مروان ٠٠٠ طيب إيلا راضيه انك تتجوز بشرة
عمر ٠٠٠ لأ مدايقه بتقول انها هتطلق
لو اتجوزت. ..بس كل ده كلام فى الهوا .
هى بتحبنى متقدرش تبعد عنى . و آنا هعرف أرضيها . مش تنسى انى عمر القاضى مافيش ست تقدر تقاومنى
مروان ٠٠٠ مغرور يا صاحبى ..بس انا عايزه افكرك ان ميار مش ساهله و مش هتسكت
عمر ٠٠٠متشغلش بالك انت بميار انا عارف اخرها ايه
مروان ٠٠٠ أه صح رقية جات امبارح اترجتنى اكلمك عشان ترجعها الشغل تانى
عمر ٠٠٠ مش ممكن ارجعها تانى بعد إللى قالته عن إيلا
◇◇◇◇◇◇◇◇◇◇◇◇◇□□□□□□□
فى غرفة فطين فى الفندق
ميار ٠٠٠ اتصلت عليا و صحتنى من النوم وقولتلى عايزك فى حاجة مهمه . قولى بقى فى ايه
فطين ٠٠٠ هقولك .. امبارح كنت مع مروان فى البار جات بنت كانت بتشتغل فى البار كلمت مروان
وقالت
============
فلاش باك
============
كان مروان جالس هو و فطين و لؤى عندما جاءت رقية لتتحدث مع مروان و قالت
رقية ٠٠٠ مروان لو سمحت عايزه أتكلم معاك
مروان ٠٠٠ عايزه ايه يا رقية
رقية ٠٠٠ عايزاك تتوسطلى عند عمر بيه عشان ارجع الشغل
مروان ٠٠٠ أنتى عارفه ان عمر استحاله يرجعك الشغل بعد إللى عملتيه
رقية ٠٠٠ مروان لو سمحت. انا مستعدة أروح لإيلا و هعتذر منها
انتبه فطين من ما قالته رقية انها تريد ان تعتذر من إيلا
هنا سحبها مروان لمكان بعيد حتى لا يسمعهم أحد وقال
مروان ٠٠٠ أنتى متخلفة ازاى تتكلمى عن إيلا قدام اى حد كده
رقية ٠٠٠ أنا أسفه والله ماخدش بالى.. ياريت يا....
قطع عبارتها وقال
مروان ٠٠٠ رقية انسى ان عمر يرجعك الشغل تانى
رقية٠٠٠ يعنى ده اخر كلام عندك
مروان ٠٠٠ أنتى إللى عملتى فى نفسك كده
قال جملته ثم تركها و انصرف
بعد أن ابتعده مروان عن رقية .اقترب منها فطين و قال
فطين ٠٠٠ يا أنسه ... انتى يا أنسه
رقية ٠٠٠ أنتى بتنادي عليا انا
فطين ٠٠٠ أيوه . انا سمعتك بتقولى
لمروان انك عايزه يكلم عمر يرجعك الشغل صح
رقية ٠٠٠ أه صح بس مروان مرضاش يتوسطلى عنك عمر بيه
فطين ٠٠٠ ( قال كاذب) أنا ممكن اكلم عمر يرجعك الشغل . عمر مستحيل يرفضلى طلب
.
رقية ٠٠٠ بجد والله ربنا يكرمك كلمهولى
يرجعنى الشغل
فطين ٠٠٠( قال بخبث) من عينى حاضر . بس انا لازم اعرف السبب إللى يخلى عمر يطردك من الشغل
رقية ٠٠٠( قالت بأرتباك ) موضوع خاص ماينفعش اقولو لحد
فطين ٠٠٠ خلاص براحتك.انا مقدرش أقولو يرجعك من غير معرف السبب إللى يخلى عمر يطردك
سكتت ثوانى ثم قالت
رقية ٠٠٠ هقولك بس ده سر
بعد ما حكت السبب لفطين قال
فطين ٠٠٠ كل ده عشان كدبتى وقولتى ان إيلا بتحب إللى اسمه حمزة ده
رقية ٠٠٠ أه واللهى انا قولتلك الحقيقة
فطين ٠٠٠ طيب و عمر هيفرق معاه يعنى.... انها بتحب ولا لاء
رقية ٠٠٠ ازاى مش مراته
أتصدم فطين ثم قال
فطين ٠٠٠ هو انا سمعت صح .. انتى قولتى مراته مش كده
انتبهت رقية ماذا قالت لذلك أرتبكت وقالت
رقية ٠٠٠ ايه إللى انا قولتو ده.. لو سمحت
لوكنت هتساعدنى ارجع الشغل قولى ولو مش تساعدنى خلينى امشى
فطين٠٠٠ تمشى تروحى فين انا مصدقت لاقيتك
احكيلى بقى على كل حاجة وانا هديكى إللى انت عايزه
رقية ٠٠٠مش فاهمه انت تقصد ايه
فطين ٠٠٠ تحكيلى قصة جواز عمر و آيلا من الأول
لأخر . وانا هدفعلك إللى انتى عايزه
رقية ٠٠٠ لاء انا مش ممكن أعمل كده
فطين ٠٠٠ليه ما انتى عملتيها قبل كده و بعتى صاحبتك قبل كده فيها ايه لو بعتها مره تانى
رقية ٠٠٠ عندك حق هتدفع كام
فطين ٠٠٠ أيوه كده . إللى انتى هتقولى عليه انا هتدفعه ليك
رقية ٠٠٠ تمام وانا هحكيلك ازاى اتجوزوا
ثم قالت كل شئ عن الجواز عمر و إيلا وعن الاتفاق إللى بينهم
===================
العوده من الفلاش باك
====================
صرخت ميار بكل قوتها عندما علمت أن عمر تزوج إيلا ثم قالت بحقد و شر إيلا انتى لازم تختفى من حياة عمر و النهاردة قبل بكره انتى انتهيتى يا إيلا
