رواية امتلكت قلب صعيدي الفصل السابع عشر 17 بقلم نرمين حمدي
ليلي ببكاء وصريخ: معملتش حاجه معملتش حاجه الحجوووووني ياناااااااس
كريمه بتهمس لصخر: انت متوكد مالي بتعمله دا ياولدي
وعد في غرفتها بتسمع صوت ليلي وهي بتصوت فبتطلع علي البلكونه وبتشوف المنظر بتحط ايدها علي بوقها بزهول وبتجري علي تحت
صخر لليلي: الخمس دجايج خلصو والورج هعرف اجيبه بطريجتي ثم يأمر الغفير كي يكمل الدفن
ليقاطعهم مجئ وعد وهي تقف امامهم
وعد: لاااااا محدش يقربلها انت اي ياخي مخلوق من اي معندكش رحمه ولا قلب عملت اي عشان تدفنها بالحيا
صخر يقف وفي عينيه غضب شديد: انتي ايه نزلك هنيه انا مش جولت اطلعي فوج
وعد بترجع للخلف بقلق ولكن بتجمد قلبها وتقف صامده امامه: نازله انقذ انسانه بريئه من ديب زيك جدو هارون لو كان موجود مكانش هيوافق علي كدا كفايه بقي كفايه الناس الابرياء الي قتلتهم كفايه ظلم وجبروت
كريمه بزعيق: وعدددد اطلعي فوج ومتدخليش في الحاجات دي انتي متعرفيش حاجه
وعد بتعب: لا ياعمتو انا عارفه كل حاجه انا من يوم مجيت هنا وهو بيظلم ويقتل كأن الروح دي لعبه يحركها ذي مهو عايز
صخر بغضب: لاخر مره ومش هكرر كلامي اطلعي فوج واتجي شري
وعد بثقه: لو عايز تقتلها اقتلني انا الاول
ليغضب صخر ويمسكها من زراعها بقوه ويأخذها للاعلي ثم يرميها في ارضيه الغرفه ويغلق الباب بالمفتاح لتخبط وعد بقوه وتصرخ عاليا
صخر للغفير بغضب: انت لسه مدفنتش
الغفير: حاضر حاضر ياصخر بيه
ليلي والتراب بيجي علي وشها: استني استني
ليرفع صخر يده للغفير اشاره بالايقاف
ليلي بضيق تنفس ورعب: اضمنلي اطلع من هنيه عايشه وانا اجولك مكان الورج
صخر يسكت قليلا ثم يقول: هتطلعي هتطلعي اخلصي انطجي
ليلي: وانا اضمن منين انك مش هتجتلني بعد مجول
صخر: كلمتي سيف مش هجتلك اخلصي
ليلي بحكم معرفتها بصخر صدقته لانه فعلا كلمته سيف وقالت علي كل حاجه
صخر: يابت ال**** بتمضيه علي كل املاكه دا انتي جادره وايامك معايا سوده طيب سيبيله شركه اتنين
ليلي برعب: متنساش انت جولت انك مش هتجتلني سيبني امشي وانا مش عاوزه حاجه انا حرمت والله حرمت ومعوزاش حاجه واصل حتي حجي مش عايزاه
صخر بسخريه: ليه هو انا ظالم كديه حجك هتاخديه
ليأمر الغفير: شيل التراب ديه وحطوهالي في المخزن لحد مجيب الكل*ب التاني
ليلي بصريخ: انت جولت مش هتجتلني ابوس يدك ياصخر سيبني ومش هتشوف وشي تاني والله ابوس يدك ارحمني
صخر بجمود: لا اله إلا الله وانا عند كلمتي انا جتلتك دلوجتي؟ لسه لسه يامرت ابوي
ليأخذها الغفير الي المخزن ويربطها
*******
في القاهره
في تحد المنازل البسيطه في اسره ميسوره الحال مكونه من ام وابنتها الام زينب والابنه شمس
شمس فتاه 18 سنه مخلصه ثانويه عامه بمجموع 98%
الام زينب كانت بتشتغل رقا*صه ولكن تركت هذه المهنه منذ اعوام
زينب: شوفي ياشمس مين بيخبط يابنتي
شمس كانت بشعرها المفرود والبيجامه وبتفتح الباب لتجد مروان
مروان دا حفيد هارون بيدير الشركات الي في القاهره يبلغ من العمر27 عاما
وهو بيحب شمس بقاله سنين وشمس كمان بتحبه بس هارون رافض رفض نهائي علي جوازهم بسبب ان امها كانت بتر*قص
شمس بصدمه: مروان!!
وبتجري من قدامه علي اوضتها وبتلبس طرحه وهدوم واسعه
زينب: معلش معلش ياابني اتفضل
مروان: نديهالي نديهالي
زينب دخلت تنادي علي شمس
شمس: يانهار اسود ياماما يعني كان ضروري تقولي انا الي افتح دا هيخرب بيتي
زينب: ههههه معلش يابتي قوليله اي حاجه
شمس بتطلعله وبتقف قدامه بالاسدال وعينها في الارض
شمس: السلام عليكم
مروان وهو باصصلها: ياسلام ياختي
شمس بتلقائيه: هفهمك والله
مروان: ولا كلمه شعرك الي فرحانه بيه ديه هسوهولك ع الزيرو لو متعدلتيش
شمس: أسفه
مروان: والله ياشمس لو حصلت مره تاني وفتحتي الباب وانتي كديه لاي مخلوج الباب دا هكربهولك عشان تعرفي تفتحيه زين
شمس: والله كنت مستعجله وملحقتش
مروان: هعديها المره دي
شمس بتبسمله
زينب: مروان ياولدي انا كنت عايزاك في موضوع كدا
مروان: اكيد اتفضلي
زينب: ادخلي اوضتك انتي ياشمس
شمس بعند: في اي ياماما بقي عايزه اسمع
مروان بنظره لشمس: يلا
شمس بتبرطم: يووووه بقي وبتدخل اوضتها
مروان: نعم ياست الكل
زينب: مروان انت عارف طبعا ان انا بعتبرك ولدي واني بثق فيك ثقه عميا بس ياولدي الموضوع زاد عن حده وانت اكيد مش هيرضيك كلام الناس علينا وانت عارف شمس واخلاقها وانا مش مستعده اشوف بنتي بيتقالها كلام مينفعش
مروان: طبعا ميرضنيش الي يزعلكم اكيد يزعلني
زينب: انا عارفه كدا والله وعارفه انك راجل وشاري بنتي بس لحد امتي يامروان جدك بقاله سنتين وهو رافض لو انت شايف ان مفيش امل جدك يوافق يبقي متعلقش قلبها بيك اكتر من كدا يابني
مروان: اطمني بتك مش هتبجي لحد غيري لو الكل اعترض علي جوازنا هتجوزها يعني هتجوزها اديني فرصه بس الكام يوم دول عشان لسه مكلميني امبارح وهارون في المستشفي وانا نازل الصعيد مش عايزك تجلجي والي يستجري يجول كلمه علي شمس يجولها وشوفي انا هعملك فيه ايه
زينب: دا العشم برضو يابني والف سلامه علي جدك
مروان يعلي صوته بعمد: الله يسلمك المهم البت دي بتسمع الكلام ولا مغلباكي جولي بس وانا هظبطهالك
لتخرج شمس من غرفتها: ماما مش انا بسمع الكلام
زينب: هههه بصراحه لا هههه اروح انا بقي اعملك حاجه تشوبوها
شمس: ونعم الام والله
مروان: تعالي اجعدي هتفضلي واجفه اليوم كله
شمس قعدت: قعدت
مروان: خدي الفلوس دي خليها معاكي
شمس: بتوع اي دول يامروان
مروان: يابت انتي مسؤله مني كفياكي عند وخوديهم
شمس: لا مش هاخدهم وانا مش مسؤله منك ولسه مبقتش مراتك ولا حتي خطيبتك
مروان يمسح بيده علي وجهه: ياشمس متبجيش عنيده كديه خوديهم انتي وراكي جامعه وحاجات كتير
شمس مردتش تقوله انها لسه مقدمتش علي الجامعه اصلا: خلاص يامروان مش هاخدهم كفايه وجودك جنبي
مروان بنفاذ صبر وحط الفلوس جنبها: وانا جولت هتاخديهم
شمس قامت مره واحده وكانت هتعيط: لو سمحت يامروان انا مش محتاجه فلوس بلاش تعاملني اني محتاجه
