رواية شيب العذاري الفصل الحادي عشر 11 بقلم حنان حسن
الجزء الحادي عشر
للكاتبة...حنان حسن
بعدما اتأكدت ان عز الدين رجلة سليمة
سالتة سؤال مباشر
فا رد عز الدين
بعدما لقي نفسة انه اتكشف ادامي
وقالي....انا هعترفلك بكل حاجة
بس لازم ارجع بالاحداث للخلف
واسردلك الحكاية من الاول
عشان كده ...
لازم تسمعيني للاخر
وبدء عز الدين يسردلي حقيقة الالغاز الي كانت هتجنني
وقالي...
الحكاية بتبدء ايام ما كنت لسة في شغلي
وايامها انا كنت ضابط ليا شنة ورنة زي ما بيقولوا..
ودا كان مخلي صيتي مسمع والكل كان بيخشي من بطش الضابط عز الدين
لغاية ما في يوم
وانا قاعد في مكتبي
جالي اتصال من ابويا
(الدكتور خليفة)
ولقيت ابويا بيستغيث بيا و بيقولي..
ان في شخص اعتدي عليه
واطلق عليه كلب مسعور لينهش في جسدة
وابويا عايز يستنجد بالشرطة
فا طار عقلي ساعتها
ازاي الدكتور خليفة يتعرض للاعتداء وانا عايش
وبسرعة اخدت قوة من القسم وروحت علي المكان الي ابويا اتعرض فيه للاعتداء
وهناك عرفت سبب المشكلة
وهي ..ان الدكتور خليفة اتفاجئي باكتر من حالة بتعاني من مضاعفات خطيرة بسبب ادوية مصنعة تحت بير السلم..والغريبة ان الادوية سعرها غالي لكن عليها اقبال غير طبيعي
ودا لان الي بيبعها شخص دجال و بيدعي انه متصل بالعالم الاخر
وله علاقة بالجن والعفاريت
والعفاريت دول بقي هما الي في ايديهم انهم يشفوا المرضي من جميع الامراض
للكاتبة..حنان حسن
المهم..لما الدكتور خليفة اكتشف النصب دا
سال عن مكان الدجال وراح لغاية عنده عشان يحذرة
ويقولة انت كده بتأذي الناس ولو مرجعتش عن الي بتعملة دا انا هبلغ عنك
وكان رد الدجال علي الدكتور خليفة
انه اطلق علية
كلب من كلابة الشرسة
للكاتبة..حنان حسن
المهم..
لما دخلت انا و القوة علي بيت الدجال
لقيتة واقف بيصلنا وهو مبتسم... وكأنة كان منتظر وصولنا
والغريبة انة كان بيواحهنا بثبات انفعالي غير عادي
في اللخظة دي
امرتهم بالقبض عليه
لكن الغريبة ان الدجال متحركش من مكانة...وكل الي عملة
انه بصلي ووجهلي تهديد مباشر
وقالي..بلاش انت يا عز الدين بدل ما اذيك
فا ثار غضبي عليه اكتر
واتقدمت انا بنفسي منه عشان اقبض عليه
ولما الدجال لقاني بقرب منه اصدر امر للكلب بتاعة عشان يهجم عليا
انا شوفت الكلب بعيني وهو بيستعد للهجوم عليا
وبصراحة كان كلب اسود ولابس طوق فيه خرز ازرق حوالين رقبتة و شكلة كان مخيف
لكن انا كنت اسرع منه وخرجت سلاحي وضربت الكلب طلقتين في بطنة ووقع الكلب الضخم وبقي جثة هامدة في غمضة عين
للكاتبة .حنان حسن
في اللحظة دي
بص الدجال لجثة الكلب بهلع
وقالي...انت كده غلطت غلطة عمرك
استلقي وعدك بقي يا عز الدين
طبعا ساعتها انا مهتمتش بتهديداتة واعتبرتها هرتلة او شوية حركات من الي بيعملوها الدجالين
المهم
بعدما قبضت علي الدجال
وامرتهم انهم ياخدوه هو والي معاه علي البوكس...
ركبت معاهم في مقدمة البوكس واتوجهنا علي قسم الشرطة
واول ما وصلنا للقسم
فتحوا الباب الخلفي ونزلوا المتهمين وسحبوهم لداخل القسم
وجه بعدها دوري اني انزل انا كمان من العربية
لكن...
لما فتحت باب العربية عشان انزل من البوكس
كانت المفاجئة في انتظاري
وفجاءة
لقيت نفسي مش قادر اتحرك ورجلي مش حاسس بيها نهائي
فا اخدوني علي المستشفي
والاطباء ساعتها شخصوا حالتي علي انها شلل نصفي
وبالرغم ان الي حصلي كان محنة وقصمة ظهر
لكن سلمت بالامر الواقع
وقلت محدش كبير علي المرض
ومين عارف في يوم من الايام اخف وارجع امشي علي رجلي تاني
لكن للاسف الايام والشهور مرت .. وانا فضلت علي حالي
لغاية ما يأست ودخلت في حالة اكتئاب
وكنت بتمني الموت
وفضلت علي كده
لغاية ما في ليلة
كنت بايت فيها لوحدي في البيت
وفجائة
لقيت النور قطع
وبعدها سمعت اصوات غريبة شبيهة بشلالات المية
والصوت كان جاي من اتجاه الحمام
فا اخدني الفضول
واتجهت بحذر للحمام...
وبمجرد ما وصلت للحمام وفتحت الباب
اتفاجئت بالكلب الاسود الي في رقبتة طوق مليان بالخرز الازرق
والي جنني اكتر. ان الكلب اتكلم...
وقالي ..ازيك يا عز الدين؟
ياتري لسة فاكرني؟
وعرفت ساعتها ان دا هو نفسة الكلب الي انا قتلتة بايدي
وفهمت ساعتها ان الكلب الي انا اذيتة مكنش كلب عادي
و الكلب طلع جن
بس الغريبة ان صوت الكلب الي كنت سامعة
كان شبيه بصوت ابويا
ساعتها انا اتسمرت مكاني ومنطقتش بنصف كلمة
لاني كنت مزهول من الي انا شايفة وعقلي كان رافض يصدقة
دا غير اني كنت مرعوب من كل الي بيحصلي
وكنت محتاج سنين عشان استوعب الجنان الي بيحصل
لكن الكلب مستناش عليا لما افوق من صدمتي ولا استوعب حاجة
ولقيتة بيسألني
و بيقولي
عايز تخف وترجع تمشي علي رجلك تاني
فا رديت بعدما ابتلعت ريقي
وقلتلة ..الصوت دا صوت ابويا...لكن الي ادامي كلب
انا عايز اعرف مين الي بيكلمني؟
فا تجاهل الكلب سؤالي
ورجع يعيد عليا السؤال بطريقة تانية
وقالي...
متضيعش الوقت في اسالة اجابتها مش هتفيدك بشيئ
سيبك من الاسالة
واسمع المفيد
انا عندي ليك عرض يا عز الدين
وهو...انك تطيع اوامري وتنفذ كل الي هطلبة منك
في مقابل اني اشفيك واخليك ترجع تمشي علي رجلك
فا رديت بيأس
وقلتلة..متحاولش تتبع الحيلة معايا
انا عارف ان حالتي ميئوس منها واستحالة ارجع امشي تاني مهما حصل
فا رد الكلب
وقالي...طب متيجي نجرب
وفجاءة هز الكلب ذيلة بحركات سريعة
وبعدها اقترب مني
وبمجرد ما ذيلة لمس رجلي
شعرت بملمس شعر ذيلة علي رجلي
ولما حاولت احرك رجليا لقيتها بتتحرك بالفعل
لا وكمان قدرت اقف وامشي في نفس الوقت
للكاتبة..حنان حسن
في اللحظة دي
مبقتش مصدق نفسي
وقلت خلاص الغمة انزاحت عني...واخيرا هقدر امشي علي رجلي
لكن للاسف
فرحتي مطولتش
لان العفريت حذرني
و قالي...
حذار حد يعرف انك بتمشي علي رجلك
لان شفائك دا شفاء مؤقت
وهيبقي في فترة الليل فقط
لكن اول ما يطلع عليك النهار
هترجع قعيد الكرسي المتحرك تاني
ولو عايز الشفاء التام
يبقي لازم تعطيني المقابل
ومش هتتخيلي
هو كان عايز ايه مقابل شفائي
في اللحظة دي
اخدني الفضول لمعرفة باقي الحقيقة
فا استوقفت عز الدين
وسالتة
وقلتلة...
وهو العفريت كان عايز ايه منك في المقابل
فا رد عز الدين باسف
وقال..
في الاول العفريت طلب مني
اني اتجوز مني بنت زوجة ابويا
وطبعا انا وافقت علي المقابل الي طلبة مني دا
وخصوصا اني كنت معجب بيكي
وعشان كده عملت حيلة وخططت لغاية ما اتجوزتك فعلا
والخطة كانت اني اوهمكم باني عايز اتجوز عايدة المعاقة...وفي نفس الوقت اخدت شنطتك بدون ما تعرفي وسرقت منها بطاقتك واتجوزتك انتي بدل ما اتجوز عايدة
وكنت فاكر اني كده خلاص نفذت الي العفريت طلبة مني
وفي نفس الوقت اتجوزت البنت الي انا بحبها
لكن...للاسف
بعدما تممت جوازي عليكي
العفريت قالي
ان المقابل لسة متدفعش
وان جوازي منك كان جزء من المقابل
اما المقابل بقي
فا كان... انه هو الي يتمم دخلتة عليكي مش انا
يعني انا اكتب الكتاب والعفريت هو الي يعلي الجواب
فا رفضت طبعا
وقلتلة...مش موافق ومش هنفذ طلباتك
لكن بعد ايه
ساعتها انا خلاص كنت كتبت كتابي عليكي فعلا
والعفريت استغل الوضع واتجسد في صورتي في ليلة الدخلة
ودخل عليكي الكلب
وللاسف الكلب هو الي تمم دخلتة عليكي
ود الي فهمتة من العفريت
لما جاني عشان يوفي بوعده
معايا...
وقالي...انه هيوفي بوعده معايا و شفائي هيبقي دائم لانة خلاص اخد المقابل الي هو كان عايزة
ساعتها حسيت بالذنب من ناحيتك
ومكنتش عارف هكمل معاكي ازاي وخصوصا لما عرفت انك حامل من الكلب
فا قررت اعمل فيها عاجز وادعي باني مازلت مشلول
عشان مقربش منك
لغاية ما تولدي
لكن الليلة لما لقيتك بتقعي من علي السرير واغمي عليكي
خوفي عليكي خلاني قمت ومشيت واتفضح امري ادامك
ودي كل الحقيقة
بعدما سمعت من عز الدين حكايتة
اتأكد ظني...بان الكلب هو الي دخل بيا
في اللخظة دي
جسمي كله اتلبش...وعرقت وحسيت ان الدنيا بتلف بيا
فا اخدني عز في حضنة
وقالي...اطمني يا مني انا جنبك ومعاكي واوعدك اني مش هسكت علي الي بيحصل دا ولازم اشوف حل
فا بصيت لعز وانا بعيط
فا ضمني لحضنة تاني
وقالي...
طبعا انتي مش محتاجة اقولك...ان الكلام دا لازم يفضل سر بيني وبينك
لغاية ما نشوف حل
للكاتبة..حنان حسن
في اللخظة دي
ابتعدت عن عز الدين
وطلبت منة كوباية مية
واثناء ما كان عز الدين بيجيبلي المية
فضلت افكر في المصيبة السودة الي انا فيها
وقلت لنفسي
يارتني ما كنت عرفت الحقيقة
لان الحقيقة اكدت الظنون البشعة الي كانت في دماغي
وزودت حيرتي اكتر
وبدل ما كنت عايزة اعرف اجابة سؤال واحد
دلوقتي عندي اكتر من مية سؤال عايزين اجابة
واول سؤال
هو...
ياتري الحمل الي في بطني هيبقي ايه
يعني الحمل هيطلع عفريت ؟...ولا هيطلع كلب ؟....ولا هيطلع ايه بالظبط؟
والسؤال الاهم
هو..
هل الكلب الي دخل عليا في ليلة دخلتي
هو نفس الكلب الي بيهجم علي دعاء كل ليلة في المقابر؟
وازاي كلب او عفريت يوصل للميت اصلا؟
وازاي ميت يجيب فوطة وخصلة شعر بيضاء في المتام
وامي تصحي تلاقيهم في الحقيقة؟
وياتري ايه علاقة الكلب او العفريت بزوج امي؟
واشمعني العفريت اختار نبرة صوت زوج امي بالتحديد؟
ولية دعاء بتستغيث من زوج امي برضوا بالتحديد؟
لا كده بقي اكيد جوز امي له علاقة بالي بيحصل
ورجعت افكر
واقول...
يكونش جوز امي لما اتعض من الكلب بتاع الدجال
اتحول وبقي جني ومش بني ادم؟
يلهوي...دا كدا بقي امي كان عندها حق لما فكرت تخلص منه
ورجعت اراجع نفسي تاني
واقول...
بس ازاي جوز امي مش بني ادم؟
دا بياكل وبيشرب وعايش حياتة زي اي بني ادم عادي
يبقي ازاي نقتلة بدون ذنب؟
ورجعت تاني اقول...
لا بس الي بيحصل مش طبيعي و اكيد جوز امي وراه سر
للكاتبة..حنان حسن
وفي اللحظة دي
قررت اراقب جوز امي واحطة تحت عني ليل نهار
بدون ما حد يعرف اني براقبة
وخصوصا عز الدين
لانة في الاول وفي الاخر
جوز امي يبقي ابوه
وعز مش هيصدق عن ابوه اي كلام
الا لما يشوف بعنية دليل ملموس
يربط بين الدكتور خليفة وبين كل الي بيحصل
وقبل ما اتحرك من مكاني
فضلت اتلفت حواليا
لغاية ما لقيت سلسلة المفتايح بتاعة عز الدين
وانا كنت عارفة ان السلسلة بتاعة عز الدين فيها كل المفاتيح بتاعة البيت
حتي المفتاح الي بيفتح غرفة جوز امي ومفتاح مكتبة كمان
عشان كده اخدتهم
بدون ما عز يشعر وخفيتهم في جيبي
وبعدما عز رجع
قعدت معاه شوية
وبعدها سيبتة ورجعت علي غرفتي
للكاتبة..حنان حسن
المهم...
بعدما استأذنت من عز الدين
ورجعت لغرفتي
لقيت نفسي بمر من امام المكتب بتاع جوز امي
ولقيتني بقول لنفسي
انا كنت بسمع من امي ان المكتب دا جواه اسرار الدكتور خليفة كلها
ايوه فعلا...انا بنفسي كنت بشوف جوزها بيقفل علي نفسة في مكتبة و بيقضي يومه كله في المكتب دا
وممكن لو دخلت مكتبة
الاقي حاجة كده ولا كده
وبالفعل
ا انتهزت فرصة ان مفاتيح المكتب كانت معايا
واتسللت وفتحت مكتب جوز امي
وقلت اشوف يمكن الاقي اي حاجة تدينة...او تبرئة
وبعدما..دخلت مكتبة
وقفلت عليا
قضيت طول الليل وانا بفتش في كل الادراج والملفات والورق بتاعة
لكن للاسف ملقتش اي حاجة مهمة
وكنت تقريبا قربت ايأس واسيب المكتب واخرج
لكن الي رجعني عن فكرة الخروج من المكتب
هو...الملف الازرق الي جه في ايدي اخيرا
والي خلاني ركزت مع الملف
هو الصورة الي جواه
اصلها كانت صورة شخص اعرفة كويس اوي
ومجرد وجود صورة الشخص دا بالذات في مكتب جوز امي
فا دي لوحدها مصيبة سودة
ودا خلاني اتفحص الملف الي في ايدي كله بمنتهي التركيز
وبعدما شوفت الصورة بتاعة الشخص اياه...و انتهيت من قراءة الملف
عارفين ليه...؟
