رواية عشق بقلب عنيد كاملة وحصرية بقلم زهرة الربيع
يوم كتب كتابها داخلها بضره قدام كل المعازيم وبتكتب عليهم هما الاتنين في نفس اليوم انت قاصد تزلها قاصد تكسرها تقدر تقولي يا محترم هتروح الجامعه ازاي بعد الي هببتو في الفرح قدام زمايلها وفرحت عليها الي بسوى والي ميسواش ده الفرح ترند دلوقتي
اتنهد وفال بضيق..يا عمي انا مقدر انك زعلان على بنتك بس انا معملتش حاجه حرام او عيب انا من حقي اتجوز اربعه لو عايز..والهانم الي فوق قالت قبل كده انها مش عايزه جوزتنا دي ..وانا كمان مش عايزها ايه المانع اني اتجوز واحده انبسط معاها واهيه بنتك متجوزه في عصمة راجل
بقلم..زهرة الربيع
قال بسخريه وغصب..راجل..بلاش الكلمه دي يا عز مش لايقه على الي عملتو خالص ويكون في علمك انا جوزتك وتين لاني كنت فاكر ان عمر الدم ما هيبقى ميه ومهما حصل هتفضل ابن اخويا الي ربيتو على ايدي وهتحمي بنتي وتحافظ عليها لكن الغلط غلطي ..وطبعا دلوقتي مش هقدر اقولك طلقها علشان محدش يتكلم عليها نص كلمه وا يقول انك عملت كده لانك عرفت حاجه وحشه عنها..انما مش هخليها معاك يوم واحد هروحها معايا وبعد فتره هتطلقها من سكات ولا من شاف ولا من دري سامع
عز قال.. لا يعمي مش هينفع...بنتك انا كده كده هطلقها بس لحد الوقت ده مراتي مش هتخرج من بيتي...البيت واسع وهما الاتنين هيفضلو فيه
عمه بصلو بزهول وقال..انت عايز تسكن مراتك التانيه في نفس البيت مع بنتي فاكر اني هسمحلك بكده..انا مش فاهم انت جايب القسوه دي منين..انت عمرك ما كنت كده..هو انا كنت جبرتك عليها ..ما انت كنت موافق وعايزها ايه الي حصل
بقلم..زهرة الربيع
عز بص بعيد عنو وقال بضيق...عمي انا كلامي خلصان..وتين مراتي ومش هتمشي من بيت جوزها ..لو سمحت لو حابب تتفضل تنام هنا في اوض كتير
عمه بصلو بدهشه وقال..انام...لاشكرا يا ابن اخويا والله ونفعت فيك تربيتي وتعبي عليك ..قال كده ومشي بحزن محبش يعمل مشاكل علشان سمعة بنتو وفضل يمشي من سكات
عز اتنهد وطلع اوضه من الاوض
دخل و كانت فيه بنت جميله في ال٢٠ قاعده بتبكي جامد واول ما دخل قالت بدموع وحده...كويس انك جيت يا عريس..اتفضل بقى..طلقني حالا عايزه اروح مع بابا
عز بصلها بسخريه وقال...اولا ابوكي مشي ..ثانيا هو احنا اتجوزنا علشان نطلق يا عروسه
بصتلو بغضب شديد واستغربت ان ابوها مشي لانو طلعها في الاوضه لحد ما يتكلم معاه وكانت فكراه هياخدها معاه قالت بغضب...انا هروح لوحدي بس اتفضل طلقني لاني مش حابه افضل على زمتك دقيقه واحده
ابتسم ابتسامه جانبيه وقال..انا عايزك تبقى هاديه الليله دخلتك يا عروسه..وضرتك مستنيه دورها في الاوضه الي جمبك...وانا قولت الأقربون اولى بالمعروف علشان كده جيت اخيرك..تحبي ادخل عليكي انتي الاول ولا عليها..الي تختاريه ووو
