رواية بنت الوادي الفصل الثامن 8 بقلم سلمي سمير
#زواج_جسد
#البارت_الثامن
****************
عاجِزة عن الحياةِ مع الناس وعن الحديث مَعهم،
منغمس في ذاتي ولا أُفَكِر إلا بنفسي، متبَلِّد وعاجزٌ عن التفكير، وليس عندي ما أَقوله لأحدٍ.
عندها لا ندرك ما هي الحياة، فكيفَ يمكننا أن نعرِف ما هو الموت______
من داخل المستشفي الاستثماري بمصر
استيقظت امتثال علي حركه كبيرة حولها فسالت التمريض عن سر ما يحدث فاجابتها احدهم:
الحمد لله حالتك يا مدام استقرت والدكتور طلب نقلك لغرفة عادية، وكمان الزيارة هتكون مفتوحه
+
تنهدت امتثال بضيق وردت عليها بخيبة امل:
زيارة ياريت انا مليش حد غير ابني، وهو حاليا بره بيدرس ومنتظر اسافر ليه، واخو جوزي بينا عداوة
اما اهلي علاقاتي بيهم محدودة مفيش غير خالتو وهي قعيدة مش بتتحرك، يعني محدش هيزورنا،
المهم طمنيني اقدر اكلم ابني في اي وقت ولا في تعليمات علي الاتصالات
+
اتاها الرد من الطبيب المعالج الذي دخل عليهم كي يطمن عليها وقال:
لو الاتصال هيتعبك ويوترك اكيد هيكون في تعليمان وممنوعات، المهم كلامك يكون بعيد عن التوتر،
انت لسه في مرحلة النقاهه، ولو كنت مريضة مطيعة اوعدك سبوع واكتب ليكي علي خروج اتفقنا
+
اومات له بابتسامة سعيدة وقالت:
مدام هطمن علي ابني كله يهون، معني كلامك اني مبلغهوش باختفاء مراته، لانه سالني وبالحاح
+
غمغم الطبيب بعدم فهم ورد عليها:
مش فاهم ايه المشكلة انك تبلغيه، هو مسؤول عنه وتحمل اسمه الواجب يعرف هي فين
+
نكست راسها حزنا واجابته بعدم ارتياح:
اصله مكنش عايز الجوازه دي من الاساس ولو بلغته باختفاءها هيحملني الذنب وممكن ادخل انا وهو في نقاش حاد ويحملني مسؤولية اللي حصل
+
رفع اصبعه في وجهه باعتراض صريح وقال :
نقاش وحاد، لا طبعا ممنوع لو شايفه ان الموضوع ده هيكون سبب لتوترك بلاش دلوقتي، واصبري وحاولي انت تشوفي طريقة تعثري بيها علي البنت، وتوفري علي نفسك وابنك المشاكل اللي هيجلبها اختفاءها
+
زفرة بقلة حيله واردفت بنزق:
تمام هشوف هحاول ااجر تحري يشوف البنت راحت فين، انا مش هسامح نفسي لو جرالها حاجه
ياريتك يا دكتور كنت خليتها بالمستشفي لحد ما يجي حد يستلمها، بدل ما تاهت وضاعت في الزحمه
+
تافف الطبيب من اعتراضها علي نظام المستشفي وقال مفسرًا موقفه منها رغم شعوره بالذنب نحوها:
يا مدام امتثال البنت لا تقرب ليكي باي صله تذكر ازاي اسمح ليها بالتواجد، يمكن لو قالتلي انها مرات ابنك كنت عملت ليها استثناء
هي نصيبها كان كده، اعملي انت اللي عليكي وان شاء الله خير،
+
فجاة ابتسمت بسعادة وقالت :
عرفت مين اللي هيوصل ليها، عادل صديق ابني، ممكن تليفوني يا دكتور اتصل بيه
+
اخرج من احد الادراج هاتفها واعطاها له محذرًا:
عصبية او نرفزة او توتر ممنوع انا بحذرك
اؤمات له واتصلت بعادل الذي رد عليه بلهفه:
طنط امتثال فينك وحشتيني من يوم فرح فريد والفيلا دايما مقفوله انت سافرتي معاه ولا ايه،
+
اخذت نفس عميق واخذت ترتبت افكارها قبل الرد عليها واجابته واخيرًا بهدوء:
اهدي عليا يا عادل واسمعني، عايزه منك خدمة، انا حاليا في الاسماعيلية عند خالتو،
بس عايزاك تعرف فرحه راحت فين بعد سفر فريد، انت عارف انه مطلقهاش، واكيد حصل ليها مشاكل مع اهلها، وطبعا انت عارف محدش بيعرف يتواصل معايا طول ما انا عند طنط فاطيما،
ها ياعادل هتقدر تخدمني في كده ولا صعب عليك
+
اخذ عادل نفس عميق وسالها بريبة:
طيب يا طنط فريد لما رجع الفيلا سالتيه عمل معاها ايه مش يمكن طلقها شفهيًا وهي اتجوزت وحسبت ان الطلاق تم رسمي،
+
ردت عليه بثقه وتاكيد علي عدم تطليقها وقالت:
لا فريد اصلًا مشفهاش من بعد ما خرج معاكم، هي سابت الفيلا ومرجعتش ليها تاني ، انا هفهمك بس امانة عليك لو كلمك فريد متعرفهوش
بعد فريد ما خرج معاكم قعدت انا وفرحه ننتظر رجوعه علشان يطلقها، لكن جالي اتصال من عمه عصبني وتعبت وروحت المستشفي، وهي جت معايا،
ومن سوء حظها دخلت الانعاش ومعرفش راحت فين
ولما فقت سافرت انا لطنط فاطيما ونسيت امرها خالص، لما اتصلت بالفيلا بلغوني ان والدها جه وسال عنها ومحدش عارف ليه طريق
عادل فريد مش لازم يعرف ان مراته مفقودة، انت عارف انه مكنش عايز الجوازة دي وانا غصبته عليها، ومش هيسكت لو عرف وهيحملني الذنب، وممكن يقطع دراسته ويرجع مهما كان دي شرفه،
+
سمعت زفير انفاسه العالي ورد عليه بضيق:
خسارة البنت شكلها طيوب اوي، ماشي يا طنط انا فهمت كل حاجه، وهدور عليا وباذن الله هلقيها واعرف كانت فين وهتصرف معاها بطريقة تحفظ كرامة صديقي وشرف العيلة
+
تنهدت امتثال براحه وقلق وحذرته قائلة:
اوعي تاذيها مهما حصل، اول ما توصل ليها اتصل بيا انا هسيب الفون مفتوح بانتظار اتصالك
+
وافق عادل علي طلبها بعدم التعرض لها الا بعد الرجوع اليه اولًا وغلق معه الاتصال وقد تملك منه الضيق والحزن علي خسارتها، فقد توسم فيها النجاح والشهرة، اذا كانت سمعت له ولكنها ضاعت في زحام المدينة والله وحده العالم بحالها
*****************
من داخل عيادات ميديكال اكسبرس بلندن
جلس فريد بتهالك علي احد المقاعد وقال:
افهم من كلامك مفيش امل بانقاذها، دي لسه صغيرة عاشت ايه او شافت ايه من الدنيا علشان تفارقها بسرعه كده، استغفر الله العظيم استغفر الله العظيم
سامحني يارب لا اعترض علي قضاءك
+
رد عليه الطبيب بمهنية لكثرة ما مر عليه وشرح لها حالاتها التي تكون نسبة الشفاء تكاد تكون معدومه :
للاسف انتشار المرض سريع جدا، ربنا بيحبها الحمل لسه في الاول والطفل كأن ربنا ارسله ليه انقاذ باخد المها كله، وطبعا مستحيل نستخدم معاها كيماوى كده بنقتل الجنين وبنفس الوقت مش هننقذها، ونزبد من حدة المها،يمكن ربنا خلاك تتجوزها وتحمل منك علشان يخفف عنها الم لا يحتمل،
+
