رواية مصيبتي الجميلة الفصل الثامن 8 بقلم ايمان محمد
الدكتور . استاذ ناصر انا مش هكدب عليك المريضه لازم تعرف بمرضها عشان تبدأ بالعلاج ب اسرع وقت انا كنت منتظر لحد ما حضرتك تقولها زى ما انت قولت وحضرتك مقولتلهاش لحد دلوقتي
ناصر بكسرة فى قلبه .... هقولها ي دكتور قريب جدا
الدكتور. انا مش هستنى لما حضرتك تقولها دى لازم تاخد العلاج فى اسرع وقت والمفروض تاخد اول جلسه انهاردة حالتها بدأت تدهور جدا ولو سكتنا عنها فى اقرب وقت حضرتك ممكن تخسروها
ناصر . لو سمحت ي دكتور متقولش كدا انا هروح اقولها اول ما تفوق بس استنى لما اقولها انا
الدكتور . تمام عن اذنك بس لو سمحت متتاخرش لازم تبدأ فى العلاج فى اسرع وقت ممكن وببسيبه وبيمشي
فى الشركه.
مليكه.انا هعرف اتصرف مع البنت دى بقااا تعمل نفسها فقدت الوعى عشان تتمسكن وانا عارفه الاشكال دى وعارفه ازاى هخليها تقول حقى برقبتي ...........
انا رأسي وجعتنى منها لله ....انا اروح اجيب فنجان قهوة احسن عكرتلي مزاجى واحدة ولا تستاهل
ناصر بيروح الاوضه بتاعت أخته وبيقعد جنبها ع الكرسي
ومع ماسكه أيدها بحنان دمعه بتنزل من عينيه انا مش عارف هقولك ازاى بس انا لازم اقولك
......عارف انك هتزعلى بس مش هعرف اخبي عنك .........
امنيه بتكون بدأت تفوق ....... وبتتكلم وهى بتفرك فى عينيها تخبئ عنى ايه ها
ناصر . انتى فوقتى ي حبيبتى.......الف سلامه ي روحى
امنيه..الله يسلمك ........كنت عايز تقول تخبئ عنى ايه
شكلك بتحب ي نصورة من ورايا
ناصر محاولا أن يتكلم ي امنيه ي روحى انتى عارفه انى هفضل جنبك على طول
امنيه. فى ايه ي ناصر قلقتنى .........اقولك يلا نمشي من هنا انت عارف انى مش بحب المستشفيات وبعدين نتكلم فى بيتنا
ناصر .امنيه استنى انتى مش هتمشي دلوقتى
امنيه بإستغراب ليه
ناصر بدمعه من عيونه وجفاء انتى ي امنيه مصابه بمرض .................مرض . ...وبيكون مش قادر يتكلم
امنيه . مرض ايه .....شكله مرض الضحك ةبابظأ تضحك
ناصر بتهته مرض ...............الكا......الكانسر
امنيه. بلاش هزار ي معفن انت شايفنى زى القردة ازاى هو شويه وجع راس خليتهم كانسر
ناصر بدموع وحنان مش بهزر ي ريتنى كنت بهزر
امنيه. طب ليه العياط بقاااا وفيها ايه مصابة بالكانسر ربنا كبير وزى ما جيت الدنيا همشي منها متعيطش انت بس اما اموت ماشي........ ولا اقولك شكلك هتفرح معتش هاخد هدومك ألبسها ي اجمل اخ فى الدنيا ..... بس اما اموت تخلى بالك من ماما كويس مفهوووم
ناصر بدموع من كلام أخته ......انتى اصلا هتفضلى قرفانى طول حياتى وأنا اللى هموت قبلك متخافيش ساعاتها ابقى البسي هدومى كلها ماشي .......ومتقوليش كدا انتى هتخفى وانا متاكد ....اختى قويه واقوي من اي حد.
امنيه . طب يلا نمشي من هنا انا مش عايزة افضل فى المستشفى
ناصر . بس ي حبيبتى انتى لازم تبدئ بالعلاج فى اسرع وقت ي قلبي
امنيه ..انت عايزنى اخد العلاج وشعرى يقع على ايه لا انا اموت احسن وشعرى ميقعش
ناصر . ايه ي امنيه كل شويه سيرة الموت على لسانك انتى هتخفى وانا متاكد متقوليش بقااا كدا وهتبدأئ فى العلاج مينفعش كدا عايزينك يا بنتى اومال مين اللى هيصدعنى بالرغى بتاعه
امنيه .طب انا عايزة اروح الحمام ي ناصر
ناصر بدموع من جواه وخوف على أخته ماشي ي حبيبتي استنى هشوف ممرضه تيجى
امنيه. تمام
ناصر . ي دكتور ممكن اي ممرضه تاخد امنيه الحمام
الدكتور . تمام......انت حكتلها وانى هتبدأ فى العلاج انهاردة
ناصر بحزن شديد ايوة
الدكتور بيبعت الممرضه بتاخد امنيه وتوجها للحمام
امنيه بمجرد ما بتدخل الحمام بتفضل تعيط بغزارة وبدموع مفرطه وبتقعد تفتكر ايام الكليه مع كل نظرة اعجاب كانت بتنظرها لحازم واد ايه كانت بتحبه ويوم ما اعترفت بحبها ليه كسرها وقالها أنه مش بيحبها ولا بيطيقها حتى وأنه خلاص لقا حب حياته
امنيه ومن ساعتها ماكنتش شافت حازم ويوم ما شافته فى الشركه كانت مصدومه بمعنى الكلمه وحاولت تتجاهله ولا كأنها فكراه ولا تعرفه اصلا وكانت مع كل نظرة بتبصهاله كانت بتحاول تكره اكتر وبتكون امنيه مفكراه متجوز...............بمعنى امنيه بتحب حازم من ايام الكليه
وعشان كدا بتحاول تبعد عنه بقدر المستطاع ولا تتكلم معاه عشان متفتكرش حبها ليه
الحمد لله ي رب على كل حال يمكن مرضي ده عشان ينسينى وانساه هو خلاص نسينى وبقااا خلاص متجوز انا معتش طالبه اي حاجة غير انى اعيش الباقى من عمرى بسلام من غير جروح ولا زعل وبتكون ده كل مع دموع منهمرة وانكسار فى قلبها
ناصر. شكرا ي استاذ حازم لو عايز حضرتك تمشي مافيش مشاكل امنيه خلاص فاقت
حازم . انا عارف انك دلوقتى حزين على اختك وعارف أنها زعلانه بس عايزك تقوى عشان تعرف تقويها كويس
وبياخده بالحضن
حازم وناصر اتفاهموا جدا مع بعض وقعدوا يتكلموا لفترة كبيرة وحازم حدت رقم ناصر عشان يتاوصلوا سوا وبعدها حازم مشي
ناصر . والله الاستاذ حازم ده جدع
ناصر بيروح الأوضه بتاعت أخته بيلاقيها نايمه بيفرح اووى أنها محتطش فى بالها وبيكون واثق انى أخته هتخف
حازم فى الشركه
ي ياسمين ألغى اي اجتماع انهاردة مع شركه .................
ياسمين. ليه ي استاذ حازم
حازم . مش بحب الاسئله الكتير انتى عارفه انهم مدفعوش المديونية بقالهم كتير مش هتعمل معاهم اي صفقه حاليا
ياسمين.حاضر ي استاذ حازم
حازم بيكون فى مكتبه
مليكه بتدخل ومن غير ما تخبط حتى
ي حازم انا كدا مينفعش البنت اللى اسمها امنيه دى لازم ترفدها من الشغل حالا
حازم..هو انتى المدير هنا وانا مش عارف
مليكه. لا بس دى شركه عمى ومن حقى البنت دى مش محترمه وقللت منى النهاردة قدام كل الشركه وانا خلاص قررت دى لازم تترفد
حازم بيقوم بكل غضب
انتى اولا المفروض كنتى تخبطى ع الباب وانتى داخله مش تدخلى بالهمجيه دى كدا
ثانياً. انا هنا المدير مش حضرتك ولازم تعرفى انى انتى ده يعتبر أول يوم ليكى مش من اول يوم تعصبينى ف ثوانى ممكن ارفدك مش هيهمنى انتى بتكونى مين
مليكه بنظرة اعجاب اكتر واكتر
هو ده اللى بيعجبنى فيك ي حزومه كلامك كله جديه ومش بيهمك حد بس انت بردوا تهون ترفضلى طلب
حازم. وانتى كنتى مين عشان تتكلمى معايا بالطريقه دى يلا بره لو سمحتى
مليكه . ماشي ي حزومه خليك كدا تزعلنى بس انا عمرى ما ازعل منك ده انت ........ولا خلاص يلا سلام ي قلبي
حازم. هى ايه البنت اللزقه دى
وليد بيستأذن للدخول للمكتب بتاع حازم
حازم..اتفضل
وليد بيدخل بكل مرح ايه ي شق فى ايه شكلك وقعت ساكت وبدأت تحب وكمان مقولتليش ده انا حتى اخوك
حازم. احب.........احب مين
وليد. البنت اللى فقدت الوعى انهاردة بس كنت قمر وانت خايف عليها كدا يخراشي عليك ي خويا قمر طول عمرك
حازم .............................
فى المستشفى
امنيه بتكون بتعيط مش عايزة اخد العلاج ي ناصرر انا عايزة اروح انا مش عايزة شعرى يقع ي ناصر روحنى ارجوك
ناصر بقلة بس ي حبيبتى لازم تاخدى العلاج
امنيه. ابوس ايدك ي ناصر مش عايزة اخد حاجة انهاردة روحنى
ناصر بقلق على أخته تمام .....تمام هنروح بس توعدينى انك هتبدأيي فى العلاج بكرة
امنيه بتبصله مطولا ......
ناصر.اوعدينى ي امنيه مش هنتحرك غير لما توعدينى
امنيه . اوعدك بس يلا انا مش عايزة اقعد هنا اكتر من كدا
ناصر بياخد أخته وبيروح
فى البيت
ناصر بزعيق ي امنيه انتى ...........................
