رواية هي السبب الفصل السادس 6 بقلم مي الحسين
*حياتي بين القرآن والسنة أصبحت جنه*
خديجة/ايه الهبل ده يا حور قفلتي الباب في وش مين
سرعان ما أدرك ما فعلته واسرعت في فتح الباب مجددا
حور وأحمر وجنتيها من شدة الخجل /أنا أنا آسفه يا شيخ أويس بس بس يعني متوقعتش انوا يكون حضرتك اللى على الباب تفاجأت أنا اسفه
أويس/محصلش حاجه بس كنت عاوز خديجة هي نسيت الفون في العربيه عندي
خديجة/أنا هنا يا أويس
حور/طيب بعد اذنكم هدخل أنا
خديجة/اتفضلي
أويس/خدي الفون بتاعك اهو وأنا في المسجد تحت عند شيخي هو أمام المسجد ده خلصلى واتصلى عليا
خديجة/حاضر
__________
في المسجد
أويس/السلام عليكم ورحمه الله وبركاته يا مولانا اخبارك
الشيخ/وعليكم السلام ورحمه الله وبركاته الشيخ أويس اخبارك يا حبيبي عامل ايه
أويس/الحمد لله يا شيخي حضرتك عامل ايه
الشيخ/تمام الحمد لله يا ابني
أويس/ديما يارب
الشيخ/اللهم امين واياك يا حبيبي بس غريبه مش متعود تيجي المسجد ده ديما بنتقابل في المسجد الكبير
أويس/اه ده أنا كنت جايب اختي عند صحبتها هنا في البيت اللى جنبنا
الشيخ/اه ده بيت استاذ محمد
أويس/مش عارف والله هي بنته اسمها حور
الشيخ/اه هي بنته على فكره أنا مش ناسي موضوع العروسه وفى واحده كويسه لو أنت ملقتش واحده
أويس/والله يا شيخي فى حد كده فى دماغى مش عارف هستخير واشوف
الشيخ/على خير أن شاء الله يا ابني تبع حد احنا نعرفه
أويس/بصى يا شيخ بما ان حضرتك تعرفها فانا عاوز أسألك عنها هي حور ايه رأيك فيها
الشيخ/هههههههه
أويس/في ايه يا شيخي
الشيخ/اصل هى العروسه اللى بقولك عليها
أويس/بجد يا شيخ طيب هي كويسه
الشيخ/بصى يا ابني هي واحده كويسه احسبها على خير وملتزمة على ما اظن انك عارف لأنها صحبت اختك
أويس/اه عارف وهي عارفها من قبل ما تلتزم
الشيخ/طيب يعني اكيد اختك عارفه اخلاقها وعلى فكره هي من قبل ما تلتزم وهي كويسه بتغض البصر ما ملهاش دعوه بحد عمرها ما كلمت حد استخير يا بني وتوكل على الله وولدها شخص ملتزم برضو بيصلى معنا هنا على طول وبيتصدق لما يعرف ان فى حد محتاج
أويس/طيب ممكن تكلمهولي يا شيخ وناخد معاد نعمل رؤيه شرعيه ونشوف
الشيخ/تمام يا ابني هو هيصلى الفجر هنا أن شاء الله هشوف واكلمه علشان أنا هروح شويه المسجد الكبير
أويس/ماشي يا شيخ وأنا مش هقول لاختي علشان ماتقولش لحور أنا عاوز ادخل الباب من بابه وفي الرؤيه الشرعية اروح وحدي ولو في قبول اخد امي معايا بعدين علشان ما اسببش احراج لأمي لو ما فيش قبول ايه رايك يا شيخ
الشيخ/تمام يا أبني على خير أن شاء الله
__________________________
عند حور وخديجة
خديجة/ايه اللى عملتيه ده الواد يقول علينا ايه دلوقتي
حور/ مش عارفه بقي اتوتر اذاي أنا شفته لقيت نفسي بقفل الباب تاني
خديجة/هههههههه اتفضحنا قدام الجانب
حور/هههههههه شكلها كده
خديجة/المهم لسه عمو وطنط رافضين موضوع النقاب
حور/اه والله شكلي هعمل ذي مي ومريم واستنا قرة عيني هههههههه
خديجة/خير أن شاء ربنا يرزقك الزوج الصالح
حور/اللهم امين ياقلبي ويتمملك على خير يارب
خديجة/يا رب
حور/تعالى نقعد جوه أنا مظبطه الجوى على الآخر جايبه فشار ولب ومحضره فلم كرتون حلو
خديجة/بجد فلم ايه
حور/البطبيط
خديجة/بجد ده أنا بحبه جدا بس عارفه فكرتيني بمي هي كمان بتقول عليه البطبيط
حور/اه صحيح هو يعني ايه مي
خديجة/بصى يا ستي هو ليه معاني كتير بس الامعاني المنتشرة هو القرد الصغير او الغزال الصغير يعني حاجه صغيره في الاخر بس في ناس بتقول هو اصلا معناه الغزال الصغير واول وحده اتسمت بيه مي بنت الهاشم وكانت جميله جدا واطلقه عليه القرد الصغير علشان هى كانت ديما بتهزر وتضحك ولما تشوف حد زعلان لزم تخفف عن حزنه وتخليه يضحك وفي ناس برضو بتقول معناه الافعي الصغير ذي ما قلتلك يعني اي حاجه صغيره
حور/فعلاً هي مي صغيره هههههههه
خديجة/هههههههه ليه ساعة بحكي مطلعتيش غير بأن مي صغيره
هههههههه
وبعد ما يقارب من ساعتين ودعت خديجة حور وذهبت وبعد مغادرة خديجة اعلاً المؤذن عن صلاه العشاء فقامت و توضأت حور لتصلى وبعد الصلاه اخرجت دفترها لتعبر عن ما بداخلها وكتبت: •حياتي بين القرآن والسنة أصبحت جنه•
وبعد أن كتبت هذه الجملة تذكرت ما كتبته من اكثر من عام (في الفصل الثاني)عندما كانت تنتظر خديجة لتحكي لها عن الحلم قبل ان تلتزم ورجعت لتكم ما بدأته في الصفحات الفارغه التي تركتها وكتبت:•وها أنا ذا الفتاه التي كانت لا تدري ما بها حتي ظنت انها مريضه نفسيا رجعت مثل ما كانت الابتسامه لا تغادر وجهاها وحبت الحياة من جديد لتحقق كل أحلامها وصبحت هاكذا عندما رجعت إلي الله وتذكر
ان مع العسر يسرا وأن الله يقول في كتابه الكريم
۞ وَمَا تَسْقُطُ مِن وَرَقَةٍ إِلَّا يَعْلَمُهَا ۞
فكيف بدمع عينك ؟ أو حزن استوطن قلبك ؟ الله يعلم ما بك فقط تفائل واعلم أن الله لن يخذلك ابدا•
ابتسمت ثم ذهبت الى الفراش لتغط في نوم عميق وهي مرتاحه البال لانها أدت كل فروضها
__________
في اليوم التالي بعد انتهاء المحاضرات
حور/المحاضرة كبيرة النهارده اخير خلصت
خديجة/اه والله الواحد تعب
حور/على أساس انك مانمتيش في النص يعني
خديجة/اعمل ايه يا بنتي كان لازم افصل الدكتور رغاي جدا
حور/اه والله انتي مروحه ولا هتستني اخوكي
خديجة/هروح عنده شغل مش فاضي
حور/طيب يلا
خديجة/ماشي
في الطريق
حور/مالك انهارده متغيرة ليه مش بترغي ذي العاده
خديجة/مش عارفه بفكر
حور/خير بتفكري في ايه
خديجة/اصل أويس عاوز يخطب ومش عاوز يقولى مين العروسه او حتي يخدني معاه في الرؤيه الشرعية
حور/مبارك يا قلبي طيب فيها ايه يمكن عاوز يعرفك عليها لما يوافق مش انتي بتقولي لسه رؤيه شرعيه
خديجة/اه بس أن عاوزه اعرفها ياترى هى منتقبة ولا لا مختمره كده يعني
حور/شكلك غيرانه
خديجة/لا والله دي هتبقى مرات الغالي ده أنا مستنيه افرح بيه من زمان هو تعب معايا جدا حقه يرتاح
حور/ربنا ييسر الأمور وأن شاء الله تكون كويسه وربنا يتمم على خير وهو شخص ملتزم وكويس يستاهل كل خير
خديجة/أن شاء الله يا قلبي هو قالي أن الشيخ بتاعه كان مرشحه ليه
بقلم/مي الحسين عبد الرحيم
