رواية زوجي الشبح الفصل الخامس 5 بقلم نور محمد
:ريم بنتي انتي فين ردي عليا ارجوكي؟!!
مره دقايق بس والنور رجع تاني في الغرفه وعصام وياسين بصوا قدامهم بصدمه كبير لما لقوا ريم اختفت فجأه كأنها مكانتش موجوده من الاساس
:ريم انتي هنا ردي عليا طيب انتي في الحمام؟!
ياسين كان بينادي برعب حقيقي وخلاص قلبه هيقف من الخوف على ريم ودخل الحمام كمان يشوف اذا كانت موجوده بس مفيش اثر لها
فبص على عصام بخوف وزهول وقال:دكتور عصام مش ريم بنتي كانت قدامنا من شويه كده او انا كونت بتخيلها بس قدامي
رد عليه عصام بصدمه وزهول:لا ياعم ياسين هي فعلا كانت قدمنا قبل قطع النور بدقايق بس وبعدها اختفت انا كمان شوفتها وسمعتها كويس
ياسين طلع من الغرفه بجنون ولف البيت كله عليها وخلاص عقله وقف عن التفكير وقال:يعني راحت فين اختفت من خمس دقايق بس من قدامنا والبيت كله فاضي بنتي ريم راحت فين باسرعه دي؟!! بقلمي نور محمد
عصام قرب منه وحاول يهديه شويه علشان ميتعبش اكتر وقال:اهدي ياعم ياسين انا معاك وبأذن الله هنلاقيها بس اهدي الاول علشان نقدر نفكر كويس فيه مكان تاني هنا بتحب الانسه ريم تروح عليه دايما؟؟
فكر ياسين دقيقه وبعدها قال:لا مفيش ريم بنتي مش بتخرج من البيت اصلا من يوم وفاه جوزها احمد بس
هنا ووقف ياسين عن كلام لدقايق وقال بتذكر ولهفه:ايوه انا افتكرت فيه غرفه فوق السطح العماره كانت ريم واحمد زمان بيلعبوا فيها ايام الطفوله ومفيش غيرها تاني في العماره هنا
ابتسم عصام براحه وقال:يبقى اكيد هي هنا دلوقتي ياعم ياسين ياله نطلع بسرعه نطمن عليها
ياسين سمعه وجرى خارج الشقه زي المجنون ووصل لسطح العماره في وقت قياسي وقلبه بيدق بعنف وخوف على ريم بنته
وعصام طلع خلفه بسرعه كمان ووصل عنده قدام الغرفه وفتحها ياسين بسرعه وفجأه لقى ريم قدامه بتضحك بصوت عالي
فجرى عليها ياسين بلهفه واخدها في خضنه بخوف وهو بيطمن نفسه عليها وقال:ريم انتي كويسه يابنتي كده تطلعي من الشقه بدون أزني انا كونت هموت من الخوف عليكي
ريم كانت بتضحك من قلبها وصوتها كان عالي وعصام زفر براحه بعد ماشافها قدامه بخير وقال:الحمد لله ياعم ياسين الأنسه ريم كويسه وبخير حال اهدى صحتك بقلم نور محمد
بعد ياسين عن ريم بصدمه وزهول وقال:ريم ردي عليا انتي خرجتي ازاي من الشقه وانا دايما بقفلها بالمفتاح من جوه علشان متخرجيش لوحدك؟!
ابتسمت ريم بلامبالاه وقال:انا خرجت مع احمد يابابا وباب الشقه كان مفتوح
ياسين بص على عصام بصدمه وقال:مفتوح ازاي وانا متأكد اني قفلته بالمفتاح كويس بعد دخول الدكتور عصام الشقه؟!!!
عصام قرب منه بشك وقال:انت متأكد ياعم ياسين انك قفلته بعد دخولي مش يمكن نسيته مفتوح المره دي
ياسين كان بيفكر كويس وحاول يتأكد يمكن فعلا سابه مفتوح المره دي زي.ماقال الدكتور عصام بس قال بنفي:لا انا متأكد من نفسي كويس يادكتور عصام حتي شوف المفتاح اهو لسه في جيبي وانا بسيبه دايما في جيبي بعد مابقفل الباب خلفي كل يوم
عصام عقله تشتت من كلام ياسين وبقى في افكار كتير خطرت في باله بس قال:تمام ياعم ياسين تعال نرجع لشقه حضرتك الاول علشان الانسه ريم ترتاح وبعدها انا حابب اتكلم معاك في موضوع مهم
ياسين هز رأسه ليه بعدم فهم لما يجرى حوله واخد بنته ريم ونزل لشقته تاني
وبعد وقت في صالون كان ياسين يجلس مع عصام زي ماطلب منه بعد مااخد ريم لغرفتها ترتاح وقفل الغرفه عليها كويس
فتهند ياسين بتعب وقال:اتفضل يادكتور عصام عاوز تقول ايه؟! بقلم نور محمد
عصام بص عليه بشك وتفكير وقال:انت متأكد ياعم ياسين ان احمد جوز بنتك مات في حادث العربيه من سنتين؟!!
ياسين سمعه ورد عليه بتأكيد وقال:ايوه انا متأكد يادكتور عصام لاني استلمت جثته بنفسي انا وحمزه اخويا بعد الحادث ودفناه سوى كمان في وقتها
عصام بدء يفكر في كلام ياسين وكل الاحداث اللى حصل معاه هو وبنته وقال بتفكير:طيب ازاي؟!! لو افترضنا ان الأنسه ريم الصدمه اثرت على العقل الباطن عندها بصوره غير طبيعيه وبقت بتتخيل جوزها احمد معاها ديما لكن زي ماحضرتك قولتلي قبل كده من فتره انها كانت حامل ووقعت على بطنها بقوه فنزل البيبي وده كلام الدكتور اللي حضرتك اخدت ريم عنده صح كلامي كده؟
ياسين بدء عقله كمان يفكر في نفس الكلام وقال:فعلا عندك حق يادكتور عصام كمل انت قصدك ايه؟!
عصام رد عليه بتفكير وشك وقال:انا مش قصدي حاجه ياعم ياسين بس في حقائق ممكن تصدق وحقائق أكيدة يعني زي بنتك ريم بتتخيل جوزها ده في العلم النفس ممكن تكون بتتخيله او انه موجود فعلا معاها بس انها تطلع حامل دي حقيقه أكيدة ومفيش شك فيها
قاطعه ياسين بسرعه وحده وقال: انت بتقول ايه.. انت بتشك في شرف بنتي وحتي لو كلامك ده صحيح ازاي هيحصل ده وانا معاها هنا ديما وكمان مش بسيبها تخرج من البيت لوحدها ابدا
عصام عقله تشتت اكتر من كلام ياسين وفضل يفكر في تفسير مقنع للفكره دي وقال:يبقى مفيش غير حل واحد ياعم ياسين وهو ان احمد جوز بنتك لسه عايش وفعلا ريم بنتك عندها حق بس ازاي حصل ده انا مش عندي تفسير مقنع لسه او
سكت عصام بشك وياسين قال بسرعه:او ايه يادكتور عصام كمل بسرعه
كمل عصام كلامه بشك كبير وقال:او ممكن بنت حضرتك بتمثل علينا انها مريضه وفي شخص تاني في حياتها بس مين وليه بتعمل كده انا برضو مش عندي تفسير مقنع لسه؟!
ياسين عقله بدء يربط الاحداث كلها اللى حصل معاه مع بعض وحاول يجمع أي طريقه لحل اللغز ده بس موصلش لأي شئ فتهند بتعب وقال:طيب والعمل يادكتور عصام انا بجد تعبت اوي ونفسي ارتاح من الحوار ده مش عندك أي طريقه نكشف بيها الحقيقه
عصام سمعه وعقله بدء يفكر في طريقه حتي ينهي بها كل الشكوك دي وقال بتخطيط:مفيش قدامنا غير طريقه وحده بس ياعم ياسين تساعدنا في حل اللغز ده دلوقتي بس انت لازم توافق عليها الاول وووو
