رواية مغامرات ابناء العاصي الفصل الخامس 5 بقلم ميادة مأمون
جلس داخل سيارته خلف عجلة القياده بجانبه جلست غمزه وعلي قدمها طمطم وبالخلف جلست كل من غزل وتيا وعنديته ليا
وعم الصمت السيارة طول الطريق ولكن طمطم نوت ان تحثهم علي مشاكثتها
طمطم انتو مالكو ساكتين كده ليه
غمزه وعايزانا نعمل ايه يا لمضه
طمطم اي حاجه بقى يا غمسه سغل الكاسيت يا عاثي
عاصي بس يا طمطم. مش ناقص صداع
غمزه بلهفه مالك يا حبيبي انت تعبان
غزل عاصي لو مصدع يا حبيبي انا معايا مسكن
كان يراقب تعابير وجهها من خلف نظارته الشمسيه ولكنها لم تهتم لهم وكانت تراقب الطريق
عاصي پغضب في ايه يا جماعه انا مش تعبان ولا حاجه ماتكبروش الموضوع يعني
تيا ايوا يا عم مين قدك انت مش اي حد بردو المزتين دول ېخافو عليه
قرر ان يتلاعب بأعصابها ويتجنبها
عاصي والله انتي اللي مزه يا بت يا تيا هتفضلي علطول فرفوشه كده
الټفت اليه پغضب ذلك العنيد هل يمزح مع توؤمها ام يريد اغظاتها
طمطم طب سغل الكاسيت بقى
عاصي حاضر ياستي وادي الكاسيت اهو ها قولولي بقى هاجي اخدكو امتي
غمزه يعني تعالي علي الساعة تمانية كده
واخيرا نوت ان تتحدث لتشعله من الغيظ
ليا مامي احنا متفقين اننا هنبات مع دانا انا وتيا ماشي ماتجيش بقى بليل تقولي يلا
استشاط غيظا منها ولكنه تحلى بالصبر فهو يعلم انها القت هذا الكلام علي مسامعه لتغيظه
غمزه خلاص يا ليا انتو مش قولتو لبابي قبل ما ينزل وهو وافق
تيا ايوا يا مامي وقالنا باتو وبكره عاصي ولا عدي يبقو يجو ياخدونا
غزل خلاص تبقى بكره تيجي تاخدهم يا عاصي مانت عارف عدي مش بيحب يروح هناك
عاصي لاء والله معلش مش فاضي انا نازل الشركه مع ابويا وعمي من بكره
غمزه بجد يا حبيبي ده ايه القرار الحلو ده
عاصي مالك فرحتي كده ليه دا انتي فرحتي اكتر مني
اعمل ايه لجوزك يا ستي هو اللي مصمم مش صابر حتى اما اخد اول سنه في الهندسه
عمال يقولي كلية ايه ياض دانا اللي هدربك بنفسي واعلمك كل حاجه
غزل ربنا يخليه لينا هو وباباك عايزينك تبقي تحت عنيهم عشان
تعرف كل حاجه
تيا يا خواتي عليك يا عاصي وانت نازل من العربيه زي بابي كده وشايل أوراقك والرسومات الهندسيه بتاعتك هتبقى امور خالص
نظرت لها پغضب ولكنها اصرت الصمت فأن تفوهت الان سوف تلقي علي مسامعهم ما يغضبهم منها اكثر
عاصي امور والله انتي اللي قمر وعسل وحتة سكره يا بت يا تيا يا حبيبتي انتي
طمطم بشهقة هاه كل ده تيا وطمطم لاءه انا سعلانه منك
عاصي لاء دانتي روحي حد بردو يقدر يزعل حبيبته منه يلا اتفضلو وصلنا
وبمجرد ان اوقف السياره داخل حديقة الفيلا الا وكانت هي أول من ترجلت منها پغضب
ولم تلتفت اليهم او تنتظرهم و ذهبت للداخل مسرعه
تيا استني يا ليا لما ندخل مع بعض وذهبت من خلفها
غزل طب سلام يا حبيبي خلي بالك من نفسك وانت راجع ماتسوقش بسرعه
عاصي ماشي يا ماما حاضر سلام يا طمطم
طمطم سلام والقت له قبله في الهواء
وقفت غمزه امامه تملس علي وجه بحنان عارفه انك زعلان من اللي حصل بس هي كمان زعلانه والعند مش هايعمل حاجه غير انه هايزود الزعل
تنهد تنهيده قصيره يخرج فيها غضبه
سبيها لما تجيب اخرها انا مغلطش عشان اروح اصالحها واقولها حقك عليا المفروض هي اللي تعتذر
غمزه بمكر وهي مش هاتعتذر وانت عارف دماغها كويس ايه هاتفضلو كده
عاصي شكلك عمي مرسيكي علي الحوار كله
غمزه عيب يا واد من غير مايرسيني انت عارف عمك مش سهل تطلع منه كلمه
بس انا اللي مربياك وعارفه كويس مين اللي قاعده هنا ومربعه كمان.
عاصي ايه يا جدعان هو انا مكشوف ليكي انتي وجوزك اوي كده
غمزه يا واد دانت ابننا احنا مش ابن غزل وحمزه يلا سلام ومتتأخرش عن الساعه تمانية
عاصي ماشي يا مزتي سلام بس مش عايز حد يعرف حاجه.
اتجهت هي للداخل وركب هو السياره وقادها الي الخارج متجها الي الجماليه
وفي الداخل القت بنفسها في احضان صديقتها
وهتفت وحشتيني اوي يا دانا كده بردو تقعدي المده دي كلها وتسيبينا
دانا ليا يا حبيبتي وحشتيني اوي
هتفت تيا من خلفهم لو كنا وحشناكي مش كنتي قعدتي المده دي كلها
وسيبتينا
دانا بعد ان احتضنتها هى الأخري والله وحشتوني بس اعمل ايه بقى بصراحه ماكنتش هاقدر مأقعدش مع اصحابي الشهر ده في السخنه داحنا قضينا ايام تحفه هناك.
لتهتف دارين القادمه من الداخل اهلا اهلا بحابيبي وحشتوني
غزل وانتي كمان يا روحي وحشتينا اوي
غمزه اه يا بكاشه كل ده وحشتينا يا دارين
دارين تعالو نقعد في
الجنينه علي البيسين
وبعد ان جلسو هتفت اعمل ايه بس في الهانم دي ماكانتش عايزه تيجي ولا انا كنت اقدر اسيبها لوحدها انتو عارفين احمد وتحكماته
غمزه هو انتي كنتي عايزه تسبيها لوحدها وترجعي ولا ايه
دارين بصراحه اه زهقت من القاعده هناك وكلهم شباب وبنات من سن بعض وامهتم بقى مألقيش حاجه كده ايه اللي هما التناكه كلها
غزل بس بردو مكانش ينفع انك تسيبها لوحدها هناك
دارين وهو انا كنت اقدر ده احمد كان بهدل الدنيا ده جالنا اخر اسبوع قضاه معانا وفي اخر يوم قال كفايه عليكو كده
الهانم حاولت تعترض وتدلع عليه كالعاده بس هو تربس دماغه وصمم اننا نرجع
غمزه اه يا بختكو بصراحه احنا اللي عايزين نطلع يومين حتي البنات نفسيتهم وحشه اوي ومش بيبطلو مشاكل مع عاصي وعدي
غزل والله ليهم حق احنا الصيف ده مروحناش في اي حته والبنات ماخرجوش خالص
دانا طب ايه رأيك يا انطي غمزه لو تقولي لأنكل عاصي و ونروح انشالله يومين سوى قبل الدراسه عشان خاطري
غمزه اه منك يا شقيه انتي يا بنتي انتو لسه راجعين
تيا والنبي يا مامي انتي عارفه كويس انك لو طلبتي منه مش هيرفض ليكي طلب
غمزه يا سلام مانتي عارفه انه مشغول في الشركه هو وعمك ومش هيرضي يخليكو تروحو من غير رجاله
خصوصا وان عاصي هاينزل معاهم الشركه من بكره
ليا وهو يعني اذا ماكنش سي عاصي يجي معانا ماينفعش نروح ما يروح معانا عدي وزين كمان نازل اجازه اليومين دول نخليه يروح معانا
دانا ماعتقدتش ان زين هيوافق داحنا اتحيلنا عليه كتير اوي وهو كل اللي طالع عليه عندي شغل عندي شغل دا بقالو شهر بحاله مانزلش اجازه
ليا بمكر اهو راجع
بكره ولا بعده والوحيده بقي اللي هاتقدر تخليه يوافق هي تيا
تيا يا سلام ياختي واشمعنى انا ولا انتو ديما كده تحطوني في وش المدفع انتو الاتنين
غمزه خلاص اما يجي بس بالسلامه انا اكلمه ولو لقيته موافق هاكلم باباكم وغزل عليها حمزه بقى
فرحو البنات جدا بما قالته وقضو يومهم بسعاده ومرح
صعد مع عدي بيت الجده توحه ليريه مشروعه الصغير وما حصده من تربية الكلاب
عاصي تعالي يا سيدي وريني مزرعة الكلاب اللي انت عاملها دي
عدي تعالى تعالى ده انا بقى عندي تقريبا كل الانواع
الچرمن والجولدن و الهاسكي لحد اللولو كمان
عاصي ماشي يا عم وعلى كده بقى بتكسب حلو الحكايه دي
عدي هي بتكسب طبعا دا اقل كلب فيهم بيعدي الالف جنيه بس انت عارف اني واخدها هوايه مش حرفه يعني
امسك مقعد وقلبه امامه وجلس عليه وضع يديه علي مقبضه وهو يحثه علي الجلوس امامه وهتف
طب وانت بقى اخبارك ايه
عدي اخباري ايه يا عاصي مانت عارف كل حاجه عني وعارف يومي ماشي ازاي طول النهار في الوكاله مع ابوك وبليل هنا مع الكلاب يأما نايم في البيت
عاصي اه بس الكلام ده ماجدش الا من يوم ما أتخنقت مع دانا بنت احمد
وزين زعق ليها عشانك ومن يومها هي بطلت تيجي هنا وانت قفلت حياتك علي نفسك
عدي ماتجبليش سيرتها دي بت مغروره ومتكبره
عاصي ومالك وشك قلب كده ليه اول ما جات سيرتها
عدي مش بطيقها يا عاصي دي واحده كل اللي يهمها هاتخرج فين وتصاحب مين وتلبس ايه
عايله تافهه مالهاش اي هدف في الحياه غير انها تصرف فلوس ابوها في الكلام الفارغ
عاصي ياه دا أنت بتكرهها اوي البت دي.
عدي اه بكرهها ويا ريت لو تبعد عننا
عاصي طب ما تحاول تصلح علاقتك بيها انا بصراحه ماقدرش اقطع علاقتي بأحمد ولا بأبني عشان ابعدها عنك
عدي اااايه تبعدها عني دي وانا مالي ومالها وبعدين انا ماقولتش ليك ابعد عن صاحبك وعارف كويس زين بالنسبه ليك ايه
بس صدقني هي ولا تعنيني في اي شيء حتي لو جبتها تعيش معانا هنا
عاصي
وهو يطبطب علي كتفه ما هو باين انها مش تهمك في حاجه بدليل اننا من ساعة ما طلعنا ماتكلمناش غير عليها
بس عايز اقولك علي حاجه انت لسه قدامك سبع سنين في كليتك حط رجلك علي اول درجه في سلم طموحك
وهاتلاقيني في ضهرك واول ما هاتبدأ تتخصص في حاجه معينه في دراستك هاتلاقي احسن عياده في احسن حته في البلد مفتوحه بأسمك
ولو عايز تجدد عربيتك قبل ما الكليه تبدأ هاغيرها ليك ولو حبيت تخطب وانت بتدرس هاخطبلك انشالله تكون بنت وزير
المهم عندي اني ماشوفش في عينك حاجه تكسرك عايزك قوي زي انا وحمزه ماشي يا حبيبي
عدي ربنا يخليك ليا يا عاصي انا عارف انك ديما سندي وماتخفش انا مش هاخذلك ابدا
عاصي ويخليك يا حبيبي ياض دانت ابني مش اخويا بس تعرف اهي كل كلابك دي مافيش فيهم واحد زي عنتر
وصل امام الڨيلا في تمام الثامنه ورن هاتف والدته واخبرها انه بالخارج ترجلو اليه ومعهم احمد ودارين
احمد ايه ياض مش عايز تدخل تسلم عليا
عاصي الصغير ازيك يا
عمي واحشني والله كنت فاكرك مش جوه
دارين ولو هو مش جوه ماينفعش تدخل تسلم عليا انا
احمد ما هو عشان تربية حمزه وعاصي مهما تقنعيه انه زي زين والبيت ده بيته بردو مش هيقتنع
عاصي ربنا يخليك يا رب يا عمي انا عارف والله بس الوقت اتأخر وابويا وعمي قالولي متأخرش
احمد ماشي يا عاصي يا صغير وانا مش هأخرك وابقى سلملي عليهم لغاية ما اجي الجمالية واقعد معاكو شويه
محدش يقولي البارت قصير انا مش هطول البارت بأي كلام وخلاص لازم انزل الاحداث مترتبه عشان تحبو الرويا اكتر والناس اللي بتسأل علي زين قابلو اللي جاي بقي
السادس من هنا
