رواية ماضي ممنوع الفصل الرابع 4 بقلم وردة رضا
البارت الرابع
- هو أنت ياشيخ خضتنى
- طلعت استكشف المكان
= هو دا وقت أستكشاف انتى مفكره نفسك فى رحله
- أنت بتزعق لمين يلا
= ليكى انتى يا غبيه
أفرض حد منهم شافك وخدك
- احنا فى صحرا يعنى هيحصلى مصايب أكتر من كده ايه .....
= هشششششش متتكلميش أنا سامع صوت
- بس أنا مش سامعه اى صوت ....لقيته حط أيده على بوقى وشاورلى بصباعه أسكت
=وكده سامعه ولا انتى أطرشتى
- ايه الصوت دا .......جاى منين
= خليكى انتى هنا وأنا هروح أشوف الصوت دا جاى منين
- وربنا ما هكسرلك كلمه
= دلوقتى بقيتى تسمعى الكلام ......لقيته سكت مرة واحده وبيبص ورايا على حاجه ومركز أوى
- هو فى ايه ورايا أنت بتبحلق كده ليه .....أنا خوفت
= اللهم صلى على النبى ..... أيوه كده خليها تحلو
- فى ايه يا بنى أدم أنا خايفه أبص بسببك ما تخلص وتقول فى ايه
= بصى وراكى كده وأنتى تعرفى
- ايه كل الكلاب دى .....بقى أنت خايف من شويه كلاب
= كلاب ايه ياعاميه يعنى مش كفايه انك غبيه لا وكمان مش بتشوفي دى تعالب
- احييييييييييه تعلب
= كل دول وتعلب حسبى الله ونعم الوكيل فى اللى عداكى من أبتدائى يعنى كمان ساقطه رياضه
- لا كده كتير هو أنا يأما أموت على أيدك يا أموت متأكله .....منك لله يا أخى منك لله
= أنتى ليه محسسانى هتموتى لوحدك ما أنا متزفت معاكى
- سفيان أتصرف بالله عليك أعمل اى حاجه
= هو أنتى كل ما تحصل مصيبه سفيان أتصرف مبتفكرنيش غير فى المصايب وبس
- مش أنت السبب أنى هنا يبقى انت اللى تتصرف
= أياك تزعقى انتى فاهمه ....واتنيلى اثبتي مكانك عشان طول ما انتى خايفه هيأذكوكى
- ومين اللى قال الهبل دا .....أكيد دا كلامك أنت
أنا مش عاوزة أموت حرام عليك سيبنى فى حالى بقى
لو مكونتش ظهرت فى حياتى مكانش كل دا حصل معايا
= غمضى عينك وأهدى
- أغمض عينى ليه أنت عاوز تخلص منى مش كده ...أنا
عارفه هتخليهم ياكلونى وتجرى وتسيبنى
= شششش أسمعى الكلام وأعملى اللى بقولك عليه وبس
- لا طبعآ أنا مش بثق فيك
= تعالى بس وبطل هبل ....... لقيته شدنى ومسك أيدى ووقفنى وراه
- نزل ام أيدك دى بدل ما أقطعهالك
= أستغغر الله اللهم طولك ياروح ممكن تخرسى وتتزفتى تقفى ورايا وأنا هتصرف
- كل مره بتتنيل تقول كده وفى ألاخر ولا بتتصرف ولا بتعمل حاجه
سكتت أول ما لقيتهم بيقربوا مننا وتبتت فى التيشيرت بتاعه وغمضت عينى بخوف .....فضلت على الحال دا معرفش قد ايه
= خلاص مشيوا شيلى ام أيدك دى بقى
صحيح قصى ضوافرك دى
- ضربته فى كتفه بغيظ ......تستاهل عشان تعرف بس أنى بعرف أخربش كمان
= اوعى أيدك دى من عليا مش كفايه اللى عملتيه فى ضهرى ...... كمان كتفى اه ياضهرى يانى ياما منك لله يامفتريه
- واضح انك نايتى خالص أومال مجرم ايه بقى
= طيب يلا يا أختى انجرى قدامى ....خلينا ندخل بدل ما المرادى مش عارفين هنلاقى ايه
أول ما دخل الخيمه ...بصى مسمعش صوتك تنامى متنميش انتى حره ويكون لعلمك لو عقلك وزك المرادى تطلعي والنبى لو بتموتى كده ما متعتع من مكانى
لو فكرتى تصحيني هيبقى يومك هباب ..... أنتى سامعه
قال كلامه ونام على طول ......مقدرتش أنام متعودتش أنام فى مكان غير سريري دا غير إنه معايا فى نفس المكان فضلت صاحيه ابصله بغيظ ازاى قادر ينام وسط كل اللى بيحصل معانا .....دا طلع معندوش دم فعلآ هو دا وقت نوم مستحملتش أفضل قاعده قلقانه على أعصابى وهو نايم ولا همه .....قررت أصحيه ويحصل. اللى يحصل
- قوم يعسل قوم مش وقت نوم
= عاوزة ايه بتصحينى ليه
- بقولك ايه
= امممممم
- أنا جعانه وعلى لحم بطنى من أمبارح ما تقوم تدور على اى حاجه تتأكل هنا
= اه انتى هبله بقى
- سفيان
= اى ....عاوزة ايه من زفت
- جعانه
= هجبلك منين أكل وسط الصحرا المقطوعة دى
- صحرا مش صحرا ....أنا جعانه وعاوزة أكل دلوقتى
= ماشى اما نرجع أن شاء الله
- ماليش دعوه أتصرف مش أنت .....
= متكمليش هتقولى ......مش أنت السبب وأنا هنا مخطوفه بسببك خلاص حفظت
- ما أنت شاطر اهو وحافظ ...... بص أنا من رأيى أنك تقوم وتتكل على الله وتشوف هتعمل ايه ومترجعش غير والاكل معاك
= بصلى بقرف وسعى يابت من قدامى أنا اللى عملت كده فى نفسى ياريتنى كنت سيبتك للتعالب يمكن كنت خلصت منك
- أغلط أغلط كل بحسابه خد بالك
لقيته غاب بره كتير كل دا عشان يجيب أكل
هو الواد دا اتأخر كده ليه اما أطلع أشوفه راح فين ليكون أتخطف ....يارب يكون أتخطف
دورت عليه بعينى لمحته واقف بعيد مع بنت شعرها طويل أصفر
دا أنت يومك مش معدى ياسفيان الزفت ...قربت منهم بس وقفت بعيد شويه عشان أسمعهم بيقولوا اى
تعرف أن أسمك حلو يا سيفو
- أنت لحقت تشقط البت يخربيتك
وكمان لون عيونك حلو ومميز
- هو فى حاجه ودتنى فى داهيه ورمتنى الراميه السوده دى غير عينيه ......هو مبينطقش ليه هو أتخرس أمتى مش سامعه صوته
رجعت أبص عليهم لقيتهم أختفوا هما راحوا فين دول
- واقفه كده ليه وبتعملي ايه
= خضتنى يا سيفو
- مين سيفو دا
= دلعك مش اسمك سفيان
- مش بحب حد يدلعني
= وأنت مين قالك أنى بدلعك من أصله .... قطعت كلامى أول ما لمحت البت الصفرا جايه علينا عليت صوتى وقربت منه كأنى بقوله حاجه فى ودنه
- سيفو حبيبى
= لقيته أتعصب وشد أيدى .....متقوليش سيفو دى قولتلك
- ما البت الملزقه كانت بتقولها ومتتكلمتش ولا هو لناس حلو وناس لا .....أخرس ووطى صوتك البت الصفرا بتبص علينا
= لقيته قرب منى وحط أيده على وسطى ومالو نمثل أنا حتى بحب التمثيل وكان نفسة اجربه من زمان واهو جاتلى الفرصه
- بصيتله بغضب شيل أيدك يلا بدل ما ابوظ الدنيا واقولهم أنى ولا مراتك ولا زفت وانت مهددنى وخاطفنى وأخليك تطلع من هنا على المستشفى
= وعلى ايه الطيب أحسن ادينى شيلتها يا
اروح أنا بقى أشوف القمر دا عايزنى فى ايه
- وسع يلا وسع جتك القرف فى ذوقك اللى يقرف
= بص قدامه بقله حيله .....مفيش فايده فى لسانك
- أبتسمت بخبث أول ما لقيت البت بتقرب منه عليت صوتى .....سيفو
= هغير أسمى والله لأكون مغيره عشان سيفو دى
ضحكت وأنا بجرى لما لاقيته بيقرب عليا بتوعد
دخلت الخيمه لقيت نفس البنت الحلوه اللى شوفتها أول ماجيت ابتسمتلها ....لقيتها قربت منى وحطت قدامى أكل كتير وأول ما خرجت قعدت أكل كتير كنت جعانه كان بقالى يومين مكلتش
- ايه المنظر اللى شوفته دا
ألاكل وقف فى زورى ....معقوله شافنى بالمنظر دا كنت مكسوفه ألاكل كان مالى بوقى
= فيه حد يدخل على حد كده مش بتكح
- نهارك مش فايت أنتى كلتى كل ألاكل دا لوحدك ....دا حتى اللى يأكل لوحده يزور ....
= لسه مكملش كلامه ولقتنى زورت والأكل وقع من أيدى ........الحقنى بموت يخربيتك
- قرب سفيان وطبطب على ضهرها متحسسنيش بالذنب أنا مش عينى فقر والله
= انت بتعمل ايه ياغبى هتموتنى ..... الحقنى بمايه بسرعه
- اها المايه خدى أشربي
= خدت الكوبايه منه بغيظ وبعد ما هديت ...... كنت هتموتنى عشان شويه أكل طفحتهم
مكملتش كلامى ولقيت نفس البت الصفرا داخله الخيمه وبتقولنا أن زعيم القبيله ونفسه الراجل الكبير بينادي علينا .....طلعنا نشوف فى اى
قالنا ان فيه عربيه هتيجى تاخدنا وهترجعنا لحد القاهره وبعد ساعه بالظبط العربيه كانت وصلت
سفيان شكره على تعبه معانا وأستضافه لينا
ركبنا العربيه وكل واحد مننا مكلمش التانى فضلنا ساكتين .....لحد ما هو قطع السكوت وأتكلم
- طبعآ انتى كده اترفدتى من الشغل
= البركه فيك
- أنا هرجعك الشغل متقلقيش
= ودا ازاى ان شاء الله ....اه صح كنت هنسى ما أنت أبن صاحب المستشفى بس أنا مقبلش على نفسى انى أرجع بالوسطه لو اترفردت مش مشكله هدور على شغل جديد المهم مشوفش وشك تانى كفايه لحد كده اللى. حصلى من تحت رأسك.......
- والله ما انتى مكمله ولا قايله كلمه تانى أنا أستاهل أنى فتحت بوقى
بصيتله وسكتت ...ريحت دماغى على ازاز العربيه
انه أخيرآ كام ساعه وهرجع على بيتى بعد اليوم الطويل دا غمضت عينى قولت أريح شويه لحد ما نوصل
صحيت على ايده وهو بيقولى اننا وصلنا معرفش نمت ازاى ..... نزلت من العربيه من غير ما اقوله ولا كلمه مشيت كام شارع لحد ما وصلت على بيتى
فتحت الباب بالمفتاح الحمدلله انى كنت شايله واحده إحتياطي مع البواب والا مكونتش عارفه هعمل ايه
ببص على الساعه لقيتها ٥ العصر .....اترميت على السرير بتعب حتى من غير ما أغير هدومى
فى مكان تانى يملؤه الهدوء .....دخل أحدهما إلى منزله
فى ساعه متأخره
