رواية طفلة وقعت بين احضاني الفصل الثالث 3 بقلم شهد وائل
(طفله وقعت بين احضاني)
بهية بحده اطلعي ي بت نادي البيه وقوليلو امك عايزك تحت كفايه نوم وصحي مراتك ويلا احنا داخلين علي الظهر.
ناديه حاضر ي ستي هروح اهو وطلعت تصحيهم وداخل الغرفه
ناديه الست هانم عايزاك انته والهانم الصغيره عشان الاكل والوقت اتاخر
سلطان انزلي قولي ليها انهارده سلطان مش هينزل من الاوضه وطلعي الاكل لينا وقفل الباب قبل ما تقوله حاضر وهي نزلت وقالت الكلام ده لبهية
بهية بغضب شايف ابنك ي شاكر هتلاقي البت دي كلت دماغه
أنا عارفه شغل الحريم ده
شاكر وضحك اباي عليكي هي البت عملتلك اي ياوليه انتي ما البت مسمعناش صوتها من امبارح وشكلها بنت ناس أهدي بس انتي
رهف وكنت بتضحك ف نفسها علي شكل حماتها اللي مبيعجبهاش العجاب وجوزها ضربها ب خفه ف ايديها وهي سكتت
مهند معلش ي ماما عشان بس عرسان جداد وانتي عارفه اي مكنتيش عروسه ي حاجة
بهية تصدق بالله ي ابن بطني انك عايز الضرب قوم يولا من هنا ومفيش اكل يلا شايف تربيتك ي شاكر ف عيالك ده انا حماتي مكنتش بعرف ارد عليها ولا عيني تكون ف عينيها
رهف طبعا ي ماما انتي هتقوليلي أنا راحه عند امي شويه ي مهند وابقا ابعت الغفير ب العربية يخدني
بهية هو مفيش أنا راحه عند امي ي ماما ولا اي ي ست رهف
رهف معلشي ي حماتي واسفه لحضرتك بس انا مش متجوزه حضرتك متجوزه ابنك عن اذنكم عن اذنك ي بابا
شاكر وكتم ضحكته اذنك معاكي ي بنتي قوم ي مهند روح الشركه يبني
بهية بعصبية شايف مرات ابنك ماشي اوففف وطلعت اوضتها
وشاكر مات ضحك وداخلت بنته وهي شايله ابنها وباين عليها علامات الضرب وهدومها اللي متبهدله اتغيرت ملامح وشه ف ثواني وجري عليها
ريم بانهيار ضربني ي باباااا وخد مني دهبي والعربيه وفلوسي وحتي هدومي وبنتي ي بابا ولحقت اخد ابني وجريت منه وامه ضربتني ي بابا عايزه حقي
شاكر بصوت هز البيت كله سلطاااان سلطاااان
وعند سلطان كان بيصحي عشق براحه وهي فاقت بابتسامه وهو ب*اسها وهي اتكسفت صباح الخير ي عروسه صباحيه مباركه قومي يلا خدي دش عقبال ما البس أنا صحيت من زمان بس فضلت ابصلك اتامل ف جمال ملامحك
عشق وقامت وداخلت الحمام وهي بتاخد نفسها بالعافيه مالك ي عشق لحقتي تحبيه ده لسه اول يوم ليكي ممكن اعجاب بس هو مز وطيب اوي وخدت الدش وطلعت وهي بترفع شعرها المبلول اللي بقا اجمل وقرب منها وهو بيشم ريحتها اللي عشقها بس فاق علي صوت ابوه وهي اتخضت وحضنته
عشق بخوف هو في اي ي سلطان واي الزعيق اللي تحت ده وسلطان كان هينزل عشق مسكته لا مش تنزل عشان خاطري
سلطان وحضنها وحاول يطمنها متخفيش ي حبيبتي وشويه وهاجي وسابها ونزل وهي لبست الطرحه ونزلت تشوف في أي
ريم بعياط الحقني ي اخويا عايزه حقي ي سلطان ضربوني كلهم وخدو بنتي عايزه بنتي ي سلطان
سلطان وعيونه احمرت وطلع غرفته وعشق وراء وفتح الدولاب وخد السلاح ولابس الجلابيه
عشق بخوف يمراري ارمي السلاح ده ي سلطان متروحش ف داهيه يخويا بسبب واحد مش يستاهل
سلطان ومش شايف قدامه ابعدي عني ي عشق وزقها وطلع وهي وراء سلطان عشان خاطري ي سلطان بس سلطان مسمعش ليها وطلع واتصل ب مهند وقال لمراته تروح علي البيت
ريم بعياط شوفتي ي ماما بنتك حصل فيها أي أنا ريم شاكر الانصاري يحصل فيا كدا
بهية متعيطيش ي قلب امك ده معفن ده ليهم الشرف أنهم حطوا أيديهم ف ايد شاكر الانصاري اخواتك هيجبهولك راقع تحت رجلك ويبوسها كمان ويطلقك
رهف بصوت واطي لا اله الا الله اللي يشوفك ي حماتي ميشوفكيش الصبح ولا ريم دلوقتي بتعيطي الله يرحم كنتي بطفحي امي الد*م حربايات البيت اهم
عشق وضحكت وبصوت واطي يخربيتك هيسمعو ويكون يومنا اسود يختي هي صباحيتي شكلها حد باصص فيها
رهف صباحيه مباركه ياقلبي والف مبروك متزعليش يعني لو سلطان معملش فرح
عشق مش مهم فرح مهم اطمن علي بس وداخل سلطان وهو مسك ف ايده شخص جثه مش انسان عايش الد*م ف كل مكان ف وشه وجسمه ورمه قدام رجل ريم
سلطان بقرف بوس رجل ستك ي زباله بقا اخت سلطان كبير البلد واكبر تاجر فيكي ي بلد يتعمل فيها كدا ولا عاش ولا كان
