رواية زوجي الشبح الفصل الثالث 3 بقلم نور محمد
وفعلا ياسين زهب لغرفه ريم وخبط عليها الاول وبعدها فتح الباب بهدووء وهنا كانت الصدمه تسمر مكانه بزهول من الصدمه الكبيره لما لقى ريم بنته على السرير وهي لابسه قمـ'يس نوم وحاضنه المخده بتاعتها بفرحه
قرب ياسين منها بصدمه وحط ايده على كتفها بهدووء وقال:ريم اصحي ياحبيبتي انتي ايه اللي لابساه ده وجبتيه منين؟!!
ياسين بص حوليه في الغرفه بصدمه وقام فتش المكان كله بس ملقاش ليه اثر في الغرفه فرجع لريم بخوف وقال:هو فين وخرج امتي وازاي من هنا ياريم؟! بقلم نور محمد
ردت عليه ريم وهي بتشاور على الشباك الغرفه وقالت:اجه من هنا يابابا ومن خمس دقايق خرج وقال قولي لعمي احمد بيسلم عليك ووحشته اوي كمان
ياسين برق فيها بصدمه كبيره وقال:اجه من الشباك ده وخرج منه كمان ياريم انتي متأكده؟!
هز ريم رأسها ببسمه فكمل ياسين بنفس الصدمه والزهول وقال:طب ازاي يابنتي احنا في الدور الاخير في العماره وكمان العماره تمن ادوار يعني ازاي هيطلع كل ده وينزل كمان من نفس المكان صعب اوي يحصل ده ياريم
ابتسمت ريم بلامبالاه وقالت:معرفش يابابا بس هو كل يوم بالليل بياجي هنا يفضل معايا وكمان انا بنام في حضنه الليل كله بقلم الكاتبه نور محمد
ياسين بص عليها بشفقه بعد مااتأكد انها اكيد كانت بتتخيله معاها في الغرفه، بس بص على قمـ'يس النوم اللي لابساه بصدمه وقال:ريم انتي منين جبني القميـ'س ده انا اول مره اشوفه معاكي؟!.
ردت ريم بسعاده وقالت:احمد جابه ليا يابابا وقال البسه علشان نجيب بيبي تاني بدل اللي مات
ياسين عينه وسعت بصدمه وغضب وقال:انتي بتقولي ايه كفايه بقى هتجننيني معاكي ياريم الكلام ده مستحيل يحصل وزوجك ميت دلوقتي افهمي ياحبيبتي انتي بتتخيلي احمد موجود معاكي بس
ريم بصت عليه بحده وقالت:لا يابابا احمد كان معايا دلوقتي صدقني حتي شوف في علامه على رقبتي منه
ياسين سمعها بعدم تصديق بس قرب وبص على رقبتها وفعلا لقى علامه غريبه عليها فبعد عنها بسرعه وقال:وده من امتي بيحصل معاكي كده ياريم؟! بقلم الكاتبه نور محمد
ريم حطت ايدها على رقبتها بألم وقالت:لا دي اول مره يابابا يحصل كده معرفش احمد عمل كده ليه المره دي؟!
ياسين بص عليها بشقفه وخوف وقرب غطاها كويس بالملايه وقال:تمام ياحبيبتي نامي دلوقتي بس دي اخر مره اشوفك باللبس ده تاني ياريم ماشي ياقلبي
هز ريم رأسها بتعب وقالت:حاضر يابابا تصبح على خير ياحبيبي
قام ياسين وطفى النوم وقال:وانتي من اهله ياريم
خرج ياسين من عندها وعقله خلاص هيقف هو متأكد من موت احمد ابن اخوه بس كل الادله قدامه بتثبت انه لسه عايش بس ازاي بعد ما شاف جثته قدامه وكمان دفنه بنفسه مع اخوه حمزه
قعد الليل كله يفكر في كلام ريم الغريب ولبسها اللي اول مره يشوفه في البيت اصلا وكمان العلامه الغربيه في رقبتها وكلامها ان احمد كان موجود معاها وبعد تفكير كتير حسم امره انه لازم ياخد ريم لدكتوره الاول يطمن عليها اكتر وبعدها يشوف هيعمل معاها ايه
وفي اليوم التالي ياسين اخد ريم عند الدكتوره علشان يطمن عليها وبعد ماكشفت الدكتوره عليها قال بقلق:ها يادكتوره طمنيني ريم كويسه وايه العلامه الغربيه دي؟!
ردت الدكتوره بهدووء وقالت:هي كويسه اوي يافندم متقلقش ودي علامه ممكن تحصل عادي و مع الوقت هتروح انا هكتب لها كريم كويس للعلامه دي وبالشفا ان شاء الله
ياسين بص على ريم بنته بشفقه وقال:تمام شكرا يادكتوره عن ازنك
خرج ياسين وريم معاه وبعدها ريم قالت:بابا انا عاوزه اروح البيت احمد وحشتني اوي
ياسين بص عليها بضيق وقال:حاضر ياريم بس عندنا معاد مع الدكتور عصام الاول
نفخت ريم باعتراض وقالت:لا يابابا انا مش بحبه الدكتور ده علشان بيقول احمد مات ومش موجود انا عاوزه اروح البيت بس بقلم نور محمد
ياسين مسك ايدها بقله حيله وقال:معلش ياحبيبتي اخر مره علشان خاطر بابا
رد ريم بضيق:ماشي بس لو غلط في احمد انا هضربه قدامك
ابتسم ياسين بحزن عليها واخدها معاه وبعد وقت دخل عند الدكتور عصام وقال:السلام عليكم يادكتور عصام
عصام ببسمه:وعليكم السلام ياعم ياسين نورت المكان.. من زمان ماشوفتكش انت والانسه ريم
قاطعته ريم بحده:المدام ريم كام مره قولتلك انا متزوجه ومش أنسه
وقف عصام قدامها ببرود وقال:بس ياانسه انتي زوجك متوفي من زمان و
صرخت ريم في وجهه بغضب وقالت:انت كذاب احمد لسه عايش ووجهت نظرها لبباها ياسين بضيق
وكملت:مش قولتلك هيغلط في زوجي احمد يابابا ياله نمشي انا مش عاوزه اقعد هنا تاني
ياسين قرب منها علشان تهدى شويه وقال:تمام اهدي ياريم ياحبيبتي انتي لسه تعبانه اكيد الدكتور عصام ميقصدش كده بس
قاطعه عصام بحده وقال:لا اقصد انتي لازم تتقبلي الحقيقه.. العلاج مش هيعمل تأثير قبل ما عقلك يتقبل ان زوجك مات خلاص ومبقاش موجود معاكي لازم تفوقي الاول علشان اعرف اعالجك
نزلت دموع ريم وهي بتهز رأسها بجنون وقالت:لا مستحيل انت غلطان احمد لسه عايش لسه عايش وانا مش هقعد هنا دقيقه كمان انا همشي
خلصت ريم جملتها وخرجت بجنون وغضب وياسين بص في اثرها بخوف عليها وكان هيجري خلفها بس عصام مسك ايده بسرعه وقال:لا سيبها لوحدها شويه ياعم ياسين هي محتاجه تفضل مع نفسها شويه ومتقلقش مش هتقدر تمشي بدونك
ياسين بص عليه بدموع محبوسه وقعد معاه يحكيله اللي حصل مع ريم من فتره
وعند ريم في الخارج فضلت تمشي بغضب وهي مش عارفه تروح فين لانها من زمان مخرجتش لوحدها بدون بباها وبعد ماتعبت قعدت على المقعد بهدووء ونزلت دموعها بوجع
وهي بتقول:احمد لسه عايش كلهم بيكذبوا عليا احمد حبيبي لسه عايش انا متأكده
فضلت وقت تردد نفس الجمله وفجأه لقت ايد شخص على كتفها وصوت هي تعرفه كويس قال:انتي كويسه ياريم ياحبيبتي؟!
بصت عليه ريم بلهفه كبيره واول ماشافته قدامها رمت نفسها في حضنه بدموع وقالت:احمد انت وحشتني اوي اوي خليك معايا متبعتش عني تاني ارجوك
احمد بالها الحضن بشفقه على حالتها وقال:اهدي ياقلبي انا دايما معاكي مين زعل اميرتي كده؟!
بعدت عنه ريم بدموع وزعل وقالت:الدكتور عصام الوحش اتعصب عليا وقال انك ميت بس انا مسكتش واتعصبت عليه كمان قدام بابا
قرب احمد منها ومسك ايدها بحب وبسمه وقال:شاطره ياقلبي وأي حد يقولك احمد زوجك مات اوعى تصديقه ابدا حتي لو عمي ياسين ماشي ياريم
ابتسمت ريم بفرحه وقالت: حاضر ياحبيبي طيب انا نفسي في الايس كريم دلوقتي ممكن تجيبه ليا
وقف احمد وسحبها معاه وقال: من عنيا ياحبيبتي تعالي معايا نجيب احلا ايس كريم لعيون اميرتي ريم
لمعت الفرحه والحماسه في عيون ريم ورحلت معاه وهي ماسكه في ايده بقوه
وعند ياسين خلص كلامه مع الدكتور عصام وقال بتعب: انا مش عارف اعمل ايه معاها يادكتور والله تعبت وكل شويه تحصل معاها مشكله اصعب من اللي قبلها
رد عليه عصام بتفهم وقال: اهدي ياعم ياسين دي كلها هلاوس بس من عقلها الباطن لان الصدمه كانت كبيره اوي عليها وعقلها لسه في غيبوبه مع زكريات زوجها احمد المتوفي وانا كتبت لها ادويه جديده اقوى وبأذن الله تتحسن عليها بسرعه بس نصيحه مني متسبهاش تاني لوحدها ابدا
وقف ياسين بتعب وقال: حاضر يادكتور شكرا تعبتك معايا
رد عصام ببسمه:ده شغلي ياعم ياسين وخد بالك منها كويس ربنا يشفيها
هز ياسين رأسه بحزن وخرج من الغرفه وفضل يدور على ريم في كل مكان حوليه زي المجنون
_لو سمحت بنتي خرجت من الغرفه الدكتور من شويه كده مشوفتهاش هنا في أي مكان؟
_لا يافندم انا مشوفتش حد هنا ابدا
ياسين سمعه بصدمه وعقله وقف عن التفكير وقال لازم اخرج ادور عليها بره بسرعه اكيد مبعدتش كتير عن هنا وفجأه قبل مايحرك من مكانه خطوه كمان لقى ريم جرت عليه وهي بتضحك بقوه ومعاها....
