محتالة اقتحمت حياتي الفصل الثاني 2 بقلم ميرفت محمد
روح : اروح مع مين انت اتجننت
عصام بحده : روح
روح: ماانت اللي بتطلب حاجه غريبه اروح معاه البيت ازاي
عصام : مش مراته
عصام : امال انتي فاكرة اي لما يعرف انك مراته هتعيشي في بيت وهو في بيت يعني
روح بجنون : معرفش بس مكنتش متصورة أننا نعيش مع بعض
عصام : روح أنا عندي شغل مش فاضي هو هيخرج النهارده وهتروحي معاه ...وقفل
روح بقرف : ابو شكل.ك علي اللي يمشي وراك
روح دخلت لغيث
غيث: اتأخرتي كده ليه
روح : متأخرتش روحت اشوف الدكتور وجيت
غيث: وقالك هخرج أمته
روح: النهارده
غيث : تمام
****************
عند عصام
: انت هتعمل في غيث اللي انت قولت ليا عليه ياعصام
عصام بشر: ايوه
: لا لا ياعصام متعملش كده
عصام بشر وغضب: انتي لسه بتخافي عليه لسه بتحبيه يانور
نور بخوف: ل لا مش بخاف عليه طبعا انا خايفه عليك انت
عصام ببرود: كدابة بس مش ليا مزاج أضر.ب النهارده هكتفي بقعدتك النهارده من غير اكل
نور بخوف: لا ياعصام بالله عليك انت بتعمل فيا كده ليه
عصام: علشان انتي واحده خا.ينه وزبا.له حبيتك وجبتلك الدنيا كلها تحت رجليكي عملتك هانم علي الكل بس انتي متستهليش في غيييث اي مش فيا فيه اييييي زياده
نور ببكاء : علفكرة انت فهمت غلط وهتندم صدقني ياعصام والله هتندم أنا معملتش حاجه وانت فاهم غلط
عصام بدموع وعصبيه: فاهم غلط وانا شايفكم بعيني الكلام ده تقوليه لو حد قالي لكن أنا شايفكم بعيني
نور ببكاء: والله أنا....
عصام : شششش مش عايز اسمع اي كلام منك وهنتقم منه وعلفكرة الحادثه اللي هو عملها أنا السبب فيها ومش هسكت ولا ارتاح غير لما يمووو.ت
وخرج وعينه كلها شر وبيتوعد لغيث
**********************
غيث رجع بيته وروح روحت معاه
روح : الله بيتك جميل اووي
غيث باستغراب : انتي اول مره تدخليه ولا اي
روح بخوف: ها
غيث وهو بيقرب منها : ها اي انتي مش مراتي يعني عارفه البيت ولا ......
روح بخوف ولا بترجع ورا : ايوه ...هقولك احنا متجوزين في السر زي ما قولت لك فا كان لينا شقه تانيه علشان لو اهلك جم ولا حاجه
غيث بعدم إقناع: تمام
روح : هو انت عملت حادثه اي أنا شيفاك زي القرد اهوو وكويس
غيث: زي القرد !! هو انتي عرفتي منين صحيح أن أنا عملت حادثه
روح: انت كنت بتجيلي كل يوم لما كنت بتتأخر مثلا بتكلميني أو كده بس المره دي بكلمك مش بترد فاقلقت كلمت السكرتيرة بتاعتك في الشركة وقالت ليا أن انت عملت حادثه وفي المستشفي فا جتلك علطول
غيث: خوفتي
روح : اي
غيث: خوفتي عليا
روح بابتسامه وتوتر : احم طبعا مش جوزي
غيث : طب وجوزك جعان مفيش اكل
روح :ثانية هشوف في اكل في البيت ولا لا
غيث: تمام
بعد ما روح مشت غيث طلع تلفونه علشان يشوف ل في رقم كلمه وهو في المستشفي وفعلا كان في رقم متسجل بأسم (حبي
)
)روح : غيث بقولك
غيث: نعم
روح : أنا ملقتش اكل ياريت تجيب فلوس انزل اجيب أو تطلب اكل جاهز من برا
غيث: هطلب اكل جاهز
روح : تمام
بعد شويه الاكل جه وغيث استلموه ولسه هينده علي روح ولكن شافها خارجه كانت روح غيرت هدومها لبجامه بيتي وسايبه شعرها كان شكلها حلو اووي
روح كانت نفسها تهرب من نظراته ولكن افتكرت كلام عصام لما قال لها لازم تتعامل طبيعي قدامه في البيت .
روح بكسوف: الاكل جه
غيث بعدما فاق : ايوه
روح خدته منه وراحت المطبخ علشان تحضره
غيث دخل وراها: اساعدك
روح باستغراب:هو انت يابني مش لسه خارج من المستشفى ولا اي ماانت زي القرد اهو امال حادثه بقاا ومحجوز في المستشفي ده انا قولت هاجي الاقيك عبارة عن جبس
غيث بضحك: جبس ؟!!!أي ده دبش .شكل ده اللي عجبني فيكي .
روح خجلت وكملت في تحضير الاكل
غيث: أنا الحادثه مأثرتش علي جسمي أنا اتخبطت في دماغي جامد وده اللي سبب فقدان في الذاكرة
روح: طيب روح اقعد علي السفرة أنا حضرت الاكل اهو
غيث: وليه ما ناكل هنا علي ترابيزة المطبخه
روح: تمام
غيث: هو احنا متجوزين بقالنا قد اي
روح: احم من سنه
غيث: سنه؟!! بصراحه؟
روح بانتباه: اي
غيث: مش حاسس أننا متجوزين
روح بتوتر: ليه
غيث: يعني مكنتش اتصور في يوم اني احب مكنتش اتصور ان ممكن حد يعيش معايا في نفس البيت اصلا ..... احنا شوفنا بعض ازاي
روح لتحاول تتوه عن السكه دي علشان ميسألش فيها كتير وقالت بضحك:ياعم بقا اي كمية الاسئلة دي ؟..شويه كمان تقولي مين المأذون اللي كتب كتابنا
غيث ضحك وسكتوا شويه بس روح قطعت الصمت ده
روح بخوف: غيث هو أنا ممكن اسئلك سؤال
غيث بانتباه: اسئلي
روح : احم انت تعرف حد اسمه عصام الالفي؟
غيث برفع حاجب: عصام الالفي
روح بخوف: ايوه
غيث: بتسألي السؤال ده ليه
روح بخوف : اصل..
غيث: اصل اي
روح: *******
تفتكروا روح هتقول لغيث ؟
ولو غيث عرف هيعمل في روح اي ؟
ياترا اي اللي حصل علشان عصام يعمل كده ؟
ونور مظلومه ولا لا؟
