رواية عالمي يكتمل بك الفصل العاشر 10 بقلم شروق مجدي

رواية عالمي يكتمل بك الفصل العاشر 10 بقلم شروق مجدي

 

 

 

 

عالمي يكتمل بك
الفصل العاشر
......................................................

انجيل وهي تنظر له بأستغراب: اااايه فينك ريان حبيبي بدور عليك
ريان وهو يسند على الشجرة : لا ولا حاجه كنت بتمشي
انجيل : اممم ايه قررت هتعمل ايه ولا لسه
ريان بضيق: في ايه بالظبط مش فاهم
انجيل : في شغلك وحياتك و بلدك
ريان : شغلى وحياتي و بلدي انا مصري يا امي ابويا مصري يعني انا مصري ف لو هنتكلم صح حياتي هنا وسط اهلى

انجيل: اهلك اللى لسه عارفهم وبلد ماما مش بلدك بلد اهلها اللى عشت فيها وشغلي انا مش هقدر اسيبك هنا لوحدك وارجع احنا مستقبلنا هناك
ضحك بقوه وهو يقول: مش فاهم يعني ايه معلش وضحي اكتر يعني لما كنت مرمي في غيبوبة كنتى عادي سيباني لاي حد و حاليا وانا واقف قدامك مش قادره ومش هينفع تمشي طب معلش دي تيجي ازاي طيب افهم

انجيل بضيق : باباك الى صمم يبعد ووو.... قاطعها بضيق: ماما ماما معلش انا مش عيل صغير حضرتك عارفه كويس اني فاهم كل حاجه ومش عبيط تنهد بتعب واكمل : حضرتك امي وهو ابويا تمام وليكم كل الاحترام والتقدير بس انا حر اختار اعيش فين اعتقد اني مش قاصر ولا ايه
اكملت انجيل بغضب : وحياتك فين بقى ها ،، هنا جنب ابوك في مصر

ريان : اه يا امي انا قررت اكمل هنا في مصر
قاطعته انجيل : كنت عارفه بس قصدك تبدأ هنا في مصر انت هناك ليك اسمك و سمعتك وتاريخ الكل بيحلف بيه لسه هنا هتبدء من الاول من تحت الصفر
ريان بعدم فهم: ده اللى هو ازاي،، ماما انا قبطان بحري ليا تاريخ في اغلب البلاد عملت رحلات في معظم الدول تقريبا فا اكيد اي بلد تتمني اني اشتغل معاها مش لسه ابدء ، ثم ان حضرتك ايه المشكله انا معظم الوقت مكنتش عايش معاكم ديما مسافر واكيد مش هقطع من روسيا و هجيب مراتي واجيلك كتير طبعا وانتي كمان تيجي عندنا

انجيل : ايوه بس جورجينا مستحيل تعيش هنا
ريان : ومين قال لحضرتك اني هتجوز جورجينا
انجيل: اوعي تقولي واحده من بنات اهل باباك دول،،اه قول كده بقى طبعا البنت المبهدله دي اللى اسمها عشق مش كده
ريان : مبهدله ااااه هي يا ماما هي
شهقت بصدمه وهي تقول: بقى ريان القبطان،، ريان اللى البنات من كل الدول العالم هتموت عليه يتجوز دي ،،دي بنت مصريه لبسها مبهدل ليه عشان ايه وقفت جنبك عادي قولها شكرا و اديها قرشين مش تتجوزها

ريان بضيق: ماما ماما خدي بالك دي بنت عمتي قرشين ايه اللى اديهم لها وشكرا ايه ماما الموضوع مش كده خالص انا بحبها بحبها بجد وعايز اتجوزها ولبس ايه اللى مبهدل هي مسلمه و بتصلي طبيعي تحافظ على قيم دينها وبصراحه بقى ده اكتر شئ عجبني فيها انها ملتزمة بدينها وحضرتك اتجوزتي بابا مسلم وكان بيحافظ على تقاليد دينه فين الموضوع

انجيل: ومالها جورجينا نفس ثقافتك و تعليمك و متربيه معاك وبنت خالك
ريان بضيق: لا هي مش نفس ثقافتي خالص جورجينا متحرره اوي ثم اني مسلم وهي مسيحية وانا مش حابب اقرر غلطتك انتي وبابا تاني اتجوز واحده لا من ديني ولا بلدي ولا ثقافتي طبيعي النهايه الانفصال

انجيل: انت مخطط بقى و واخد قرارك وانا اخر من يعلم وكمان جوازي انا و باباك بقى غلطه
ريان : اكيد مقصدش ماما يا ست الكل ، واقترب منها و احتضنها بقوه وهو يقول: انتي عمرك ما اتدخلتي في قرارتي وانا مقدرش ابدا ازعلك ارجوكي احترمي رغبتي تعالى عيشي معانا يا ستي ليه لا محدش هنا بيعاملك وحش بالعكس كلهم محترمين انك امي

انجيل بحزن : انا شغلى هناك واهلى هناك ريان
ريان : وابنك هنا وعايز يفضل هنا يبقى نتقابل على طول اوعدك دايما هجيلك و تجيلي واي حاجه عايزاها تحت امرك بس بلاش تزعلى مني ممكن

ابتسمت بحب له فهو الوحيد القادر على ان يمتص غضبها وحبها للمال على اي شئ
ضحك وهو يحتضنها ويقبل يدها فهي مهما فعلت امه وستظل امه هو يعرف جيدا حبها للمال والسلطة والنفوذ ولكن هي تربت هكذا وتعلمت هكذا فهي بالاخر امه ويحبها مهما فعلت معه يريد ان ترضى عنه فقط ولا يقدر ان يقسو عليها بكلام جارح مهما فعلت معه فاق على صوتها تقول
انجيل: بس انا مش بحب عشق دي
ريان برجاء وهو يقبل يدها : حبيها علشان روني ابنك حبيبك انجيل بلييييز
تنهدت وهي تنظر له بحزن: ممكن روني ممكن
......................................................

ياسر :يعني ايه تسافر و لوحدك كده
تنهد ريان وهو يجهز حقيبه صغيره : بابا حبيبي ده مشوار صغير مكان هنا وارجوك زي ما قولتلك اللى يسأل عليه تقوله تعبان و نايم هي ليله وراجع ان شاء الله

ياسر : ايوه طب ليه انا قلقان يا ريان مش مطمن عليك رايح فين طمني يا ابني
ريان : اطمن يا حبيبي اصلا حازم كمان راجع وجي معايا جهز له مكان بقى مش معقول يقعد في اوتيل واحنا هنا
ياسر بتعب: طب كلمني على طول لحد ما ترجع وخد بالك من نفسك بدال رافض اني اجي معاك
ابتسم ريان له : حاضر يا حبيبي وانا كويس والله الحمد لله متخفش عليا
تنهد ياسر بتعب واتجه للخارج نظر ريان لهاتفه وجدها عشق تتصل به فتح الهاتف وهو يجلس على الفراش بفرح ويقول : ااوه لا معقول ده دقت قلب بنفسها بتتصل بيا لا مش مصدق

ابتسمت بخجل وهي تقول: عايزة اطمن عليك انت مسافر فين وليه وامتى
تنهد ريان وهو يقول: مسافر يوم كده مش هينفع اقولك فين ليه شغل يا ستي امتى على الفجر كده

عشق : شغل ايه انت رجعت شغلك
ريان : يعني حاجه زي كده
عشق : يعني ااا.... قاطعها وهو يقول: بحبك
عشق: هااااا
ابتسم واكمل : بحبك بااااا حبك ايه غريبه
اكملت بخجل : مش لسه بدرى على الكلمة دى
ريان : بدرى لا خالص بالعكس انا اعرفك من سنين يا عشقي
عشق بخبث : امممم ازاي بقى
ريان : مش ناويه تتكلمي و تكوني صريحه معايا
عشق : هتكلم لما احس ان ده الوقت المناسب اني اتكلم فيه
ريان : وانا هستنى يا اميرة بحري الوقت ده
عشق : حلوه اميرة بحري دي
ريان : كنت بقولك عروسه مش كده
عشق بخجل : امممم
تنهد واكمل : طب و اني كنت عارف صوتك في الغيبوبة وانك بتحبيني ماشي واني شوفتك حوليا ممكن إنما احلام وووو
قاطعته بضيق: حيلك حيلك بحبك مين يا عم ده انت كنت بتحلم
ريان بضحك :يا شيخه يعني مكنتيش بتغيري من صافيه ولا بتتغزلي في ذقني ولا كنتي بتنامي على صد......
عالمي يكتمل بك بقلم شروق مجدي
صرخت بغيظ : في ايه،، ايه ده لاء طبعا محصلش
ابتسم بخبث وهو يقول : امممم طيب ممكن برضه انا اصل كنت بحلم بحاجات كده غريبه امممم يعني مثلا تخيلى ...... ولا اقولك لما نتجوز اقولك
عشق بفضول : لاء قول .... ايه نتجوز
ريان : طبعا نتجوز اومال يعني بحبك ليه فراغ ثم اني محتاج أتأكد من تفاصيل كتير مش هينفع الا لما نتجوز
عشق بعدم فهم : يعني ايه
اكمل بخبث : مثلا الحسنه اللى في رقبتك ..... الفراوله مثلا امممممم وحاجه تاني كده
عشق بخجل : انا مش فاهمه بتتكلم عن ايه اصلا.... وحاجه ايه التانيه دي

ريان بخبث : عندك شورت بينك و تيشرت كت بينك
عشق بصدمه واستغراب : هاااااا يعني ايه
اكمل بخبث : انتى كنتى لابساهم ف ..... قاطعته بغضب: انت كداب وايه اللى بتقوله ده محصلش مفيش حلم بينا كده على فكره

ريان بضحك: انا مقولتش انه كان حلم اصلا انا شوفتك وانتي بتغيري هدومك قدامي يوم ما فوقت كنت محتاج أتأكد بقى كنت بخرف ولااااااا ..... الو انتي يا بت
عشق بصدمه : انت مش محترم
ضحك بقوه وهو يقول: اه م انا عارف عادي جدا انتي هتكوني مراتي ابقى محترم معاكي ليه طب هنجيب احفاد لبابا ازاي

عشق بغيظ: اسمع ياض انت من هنا ورايح لا تتصل بيا ولا ليك دعوه بيا اصلا انا مش عايزه اتجوز خلاص سلام بقى و اغلقت الخط

ضحك بقوه وهو يقول: غبي كنت خليت الكلام ده وهي قدامي مكنتش عرفت تهرب هههههههههههه

.....................................................

صحيت عشق من النوم وزي كل يوم خميس خلصت البرنامج وهي نازله لقت اللى واقف مستنيها عند العربية: خالد في حاجه
خالد : محتاج اتكلم معاكي ممكن
عشق: ليه احنا مفيش بينا كلام اصلا

خالد : صدقيني مش هعطلك ممكن نشرب حاجه سوا مش هعطلك سيبي عربيتك وتعالى معايا ممكن
اغلقت الباب وادت العربيه للحارس يركنها تاني وذهبت معه الى مكان قريب منهم
......................................................

بالميناء وصلت المركب عليها الشحنه والجميع مطمئن مثل كل مره ولكن تلك المرة تختلف ريان فاق ويعرف كل شئ وصلت رجال جورج للتسليم على انهم عمال بالميناء وكان جورج يراقب من بعيد ولكن تفاجئ بوجود البوليس في كل مكان حولهم

صدم جورج وحاول الهرب ولكن المكان محاصر وتم فتح الشحنه وتأكيد الجريمه
ضحك ريان بقوه وهو يقول: مسيو جورج شوف الصدف اخرك فين بمصر هنا هههههههههههه

جورج بغضب : لعبت في عداد عمرك ريان حبيبت القلب تحت ايدي قول عليها الله يرحمها بقى انت الخسران

ضحك ريان بقوه وهو يقترب منه : هو انا نسيت اقولك مش انا عرفت،، مش جورجينا قالتلى أصلها اتصدمت لما عرفت انك مهرب خطير سمعتك وقررت تساعدني وقالتلى انك مخطط تخطف عشق بس خسارة خطتك فشلت خالي العزيز سوري بقى بنتك طلعت اشرف منك

جورج والبوليس ياخذه : مش هسيبك ريان ورايا ناس تاخد حقي انت ميت ميت فاهم ميت مش هسيبك
ريان بضحك : متقلقش حبيبي ان شاء الله يكونوا
معاك سوا سوا
ضحك ريان بقوه وهو بيتصل على حازم : ايه يابني عملت ايه
حازم : قاعد معاها لحد ما تفوق خطفتها زي ما قولتلي من عند شغلها وجبتها على الشقه اول ما تفوق اسيبها ولا اعمل ايه انا خايف تفضحني

ريان : سيبها نايمه انا جي في السكه حالا خد بالك منها يا حازم بالله عليك اوعي تخاف

حازم: ياعم حاضر لا تقلق على حبيبت القلب لو فاقت قبل ما تيجي هكلمك انت راجع امتي

ريان : حالا راجع مش هستنى خلاص انا كان نفسي اشوفه وهو بيتمسك عشان اشفي غليلي منه الحقير اللى كان عايز يقتلني ويدمر حياتي

حازم : كويس ان جورجينا قالتلك كان زمانه خطفها واحنا ولا هنا الحمد لله غيرنا كل حاجه وجيت لحقتها مكنتش لسه طلعت من مطار القاهرة اهو كان واحد فينا هنا
ريان : فعلا لولا انك كنت في القاهره مكنتش هلحق اتصرف الحمد لله المهم دلوقتى عينك عليها لحد ماجيلك
حازم : تمام تمام هي نايمه متخفش
......................................................

قبل قليل من احداث الميناء والقبض على جورج

خالد : مش عارف ابدء منين او اقول ايه
عشق : قول اللى عايزه يا خالد و خلصني انا جيت هنا خوف منك ومش عايزه مشاكل قدام شغلى لكن اصلا مفيش بينا اي كلام وعندي ميعاد مع ساره ممكن نخلص بقى

قاطعها رنين هاتفها بريان
نظر خالد بتوتر وهو يقول : ممكن بلاش تعرفي حد حاليا انك معايا انا مش هاخد من وقتك كتير
عشق بتفكير: طيب ثواني الو ايوه
ريان: انتي فين
عشق: خلصت شغل و ماشيه اهو في حاجه ولا ايه انت اللى فين
ريان : سفرت وراجع ان شاء الله بليل روحي علطول خدي بالك من نفسك انتى عند عربيتك صح
عشق: اه اشمعني

ريان : ولا حاجه سلام دلوقتي
عشق : سلام في حفظ الله
تنهد بتعب وهو يقول: بتحبيه
عشق بغيظ : انت مالك يا خالد وماله ومالى اصلا
خالد : اقصد سؤال عادي مش اكتر
عشق : اه بحبه في حاجه ومش حابه اني كدبت عليه كده اصلا

خالد : طيب تعالى نكون واضحين و صداقين مع بعض تعالى نتكلم بصراحه عشق انا رحت لسارة اتعالج منك وهي االى طلبت مني المواجهه دي وانها مفيده ليا
نظرت له بعدم فهم: معقول ده طب رحت ليه اصلا انت حاسس انك محتاج كده
خالد : طبعا لما توصل بيا اني اشرب واحاول اقرب منك وابقى اناني يبقى انا اكيد مريض محتاج اتعالج انتي مهما كان بنت عمتي وانا معترف اني مريض بيكي

عشق : انا اسفه يا خالد الحب مش بأيد حد فينا انت حقيقي انسان كويس لكن ........ قاطعها بتنهيده: من غير شعارات اكيد فاهم ويمكن طريقه تعاملي معاكي في الاول كانت غلط انا اللى معرفتش احتويكي اكتر و وصلك حبي
عشق : بس انا مش بقول شعارات : انت فعلا شخص كويس كفايه انك معترف قدام نفسك انك غلط وعايز تصلح ده ودي لوحدها كبيرة جدا

ابتسم خالد وهو يقول : اللى عايز اقوله اني اسف ،،اسف على اي حاجه واكيد كنت بخوفك مش اكتر عمري ما كنت هقرب منك ومن هنا ورايح انا زي طارق اوعدك مش هكون اكتر من كده ليكي واتمني ليكي السعاده مع ريان بدال ده اللى قلبك اختاره

عشق بفرح: انت مش فاهم كلامك ده فرحني ازاي بجد انا طول عمري بعزك يمكن زعلت. منك لكن مكانتك غاليه عندي شكرا يا خالد و انت كمان رشا بتحبك اوي ووو
قاطعها بتعب : لالا لا انا ورشا حكايه انتهت من قبل ما تبداء مش هننفع لبعض خالص في حاجه بينا مكسوره مستحيل تتصلح انا وهي حكاية لازم تتقفل

عشق: فكر كويس الاول هي بتحبك
خالد : مش عارف ولا حاسس ولا قادر اكمل معاها حولت ومش عارف المهم اشمعنا ريان بقى ،، انتي دايما مش بتحبي السن الكبير صح ولا ايه

ابتسمت بحرج وهي تشرب الكوب الشاي بلبن الساخن : يعني تقدر تقول كده اقدار
خالد : له علاقه باحلامك مش كده
نظرت له بصدمه وهي تقول: عرفت منين
ابتسم واكمل : فكرت وربط الاحداث شويه لقيت ممكن اصل غريب تتعلقي ب واحد كان ميت واول ما شفتي اغم عليكي مش طبيعي لما فكرت فهمت

عشق بفرح: تعرف انك اول واحد يعرف لوحده
ابتسم عليها: طب وريان يعرف
عشق : هو كان بيحلم زي بس لسه متكلمناش مع بعض في التفاصيل دي مستنيه شويه وقت و اقدر اتكلم براحه اكتر معاه
خالد : قصه حب جميله حقيقي ربنا يقربكم من بعض واتمني اكون زيكم يارب
ابتسمت بفرح وهي تقول: يارب بجد انا فرحانه اوي انهارده انك عملت كده
ابتسم عليها واكمل : اتمنى بقى تمهدي الطريق مع ريان عشان يصفى من ناحيتي
عشق بمرح : عيوني بس كده يلا بقه تعالى رجعني عربيتي اروح لسارة
وقف وهو يحاسب: يلا يا ستي
......................................................
عالمي يكتمل بك بقلم شروق مجدي
بعد وقت عند حازم
وقف بتوتر ينظر للباب وقرر ان يدخل يطمئن عليها
ويخرج. فتح الباب بهدوء شديد ولكن فتح عيونه بصدمه فهي ليست على الفراش اتجه للداخل سريعا ولكن وجد شئ حاد ينزل على رأسه وقع على الارض بقوه وهو يصرخ بها وهي ظلت تضرب جسده وتصرخ بقوه الى ان حاول التمسك بها بقوه وجذبها للارض وهو يثبت يدها فوق رأسها والاخري يضعها على فمها وقريب منها بدرجه كبيره ويقول: الله يخربيتك جالى ارتجاج في المخ في ايه اهدي ظلت تحرك جسدها بقوه ولكن صرخ بها : بس بقااااا ايه ده اهدي وانا افهمك انا مش خطفك خالص عايزة تمشي امشي ،،انسه عشق انا صاحب ريان متخافيش

هدأت وهي تنظر له بأستغراب وعدم فهم اكمل هو: هشيل ايدي وابعد اهدي وبلاش جنان ها
حركت رأسها بنعم

بالفعل ابتعد عنها وهو يجلس على الارض بتعب من رأسه : في حد يعمل كده انتي بتضربي بايه وجذب الشئ من جانب يدها وهو يضحك بقوه: استشوار اهو اتكسر عجبك كده الشقه متاجر مفروش الراجل هيعلقنا

و رفع عينه عليها وجدها تبكي وتنظر له بخوف شديد اكمل بحزن : لا لا والنبي بلاش عياط انا مش بحب كده والله ما انا قولتلك انا تبع ريان مالك بس انا حازم هو محكاش ليكي عني خالص

....... قالت وهي تمسح دموعها بظهر يدها بخوف : ريان مين وحازم مين انا مش فاهمه حاجه

حازم: اهدي طيب ماتخفيش ووقف وجذب كوب ماء وهو يعطي لها : خدي اشربي وعلى مهلك اهدي
شربت القليل وهي تنظر له بتوتر : ممكن افهم في ايه

حازم : انسه عشق انا صديق ريان والحقيقة كنتي هتقعي في مشكله وناس تخطفك لولا اني ادخلت في الوقت المناسب وربنا ستر ملحقتش أشرح لك حاجه كنت متضطر اخطفك مكنش في وقت والموضوع اتحل وريان ربع ساعه ويبقى هنا ويفهمك تحبي تكلميه عشان تطمني

صرخت وهي تقف وتشهق برعب : الله يخربيتك انت بتقول ايه عشق اتخطفت يالهوي
نظر لها بعدم فهم: نعم امال انتي مين مش انتي عشق
اسراء ببكاء : لاء انا اسراء بنت خالتها عشق يالهوي هات التليفون بسرعه اشوفها فين فين موبايلي

حازم بصدمه : ازاي هو قافل معاها كانت عند العربية وانتي اللى كنتي هناك يبقى ازاي
اسراء: يوووه كنت جايه ليها يا اخي اخلص بقى فين الزفت البت فين

اقترب سريعا وجذب الهاتف بتوتر : طب طب رني رني عليها حالا
اسراء بتوتر: تليفونها مقفول
ونظرت لساعه يدها بتوتر : المفروض تكون في البيت استني اكلم خالتو

اسراء: ازيك يا خالتو معلش كنت عايزة عشق ....... ها اه طيب سلام هكلمها على سارة

حازم بتوتر : قالت لك ايه
اسراء بتوتر: اسكت شويه خاطف و غبي كمان عاملى فيها جيمس بوند
حازم بضيق : بت اتلمي انا اصلا اول مره اخطف حد
نظرت اسراء له بغيظ : سارة مقفول برضه وبعدين طيب
حازم بتوتر : تبقى مصيبه لو خطفها مصيبه البت كده الله يرحمها من بدري وانا فاكر انها انتي يادي المصيبه

.....: مين دي الي الله يرحمها و اسراء انتي بتعملى اي هنا. وفين عشق يا حازم

حازم بتوتر: انت قولت بنج اللى عند العربيه اللى كانت هناك هي دي انا ماليش دعوه اه انا عملت المطلوب مني
ريان بصدمه : دي اللى كانت هناك ازاي دي كانت عشق طب طب عشق فين جذب هاتفه يتصل عليها ولكن مغلق
اسراء بخوف : خالتو بتقول كانت هتروح لسارة انهارده
ريان بتذكر: الدكتورة مش كده معاكي رقمها
اسراء بحزن: مقفول برضه

ريان بخوف وهو يضع يده على رأسه : ليه كده يا حازم ليه انتي معاكي عنوانها
اسراء بدموع : اه معايا يلا نروح بسرعه
فعلا خرجه التلاته بسرعه وطلع على عنوان سارة في العيادة
اسراء: مين اللى كان عايز يخطفها ده طيب
ريان بغضب: اسراء ارجوكي مش عايز كلام خالص لحد ما اوصل لها من فضلك بعدين

نظرت له بحزن على حالته والتزمت الصمت
وحازم ينظر له بأسف فهو فعل مثل ما طلب منه فقط
بعد وقت وصل العياده كانت مغلقه ظل ينظر حوله على اى شخص يسأله ولكن لا يوجد احد حاول الاتصال بها اكثر من مره مغلق
ريان بخوف : جورجينا انتي فين
جورجينا : في الفندق مالك
ريان : شكل ابوكي خطف عشق للأسف مش عارف اوصل لها التليفون مقفول ومحدش عارف هي فين ارجوكي اتصرفي

جورجينا بخوف : ازاي ده انت قولت انك اتصرفت
ريان بغضب: حصل سوء تفاهم ارجوكي اتصرفي انا في ورطه خايف يكون اقتلها
شهقت اسراء برعب وهي تبكي بصدمه
جورجينا : طيب طيب هتصرف واقولك سلام

ظل كل منهم يتصل على كل شخص يعرفها ولكن اختفت تماماً
بعد وقت اتصلت جورجينا: ريان لاء معرفش يوصل لها في معلومات بتقول حد خطفها غيرهم عشان يحميها منهم

ريان : طيب جورجينا تمام شكرا وقفل وفضل قاعد مش عارف يفكر وقال : يعني هما زيك كانوا فاكرين اسراء عشق ولما انت خطفتها زي الخطه بعدوا طب طب ايه حصل راحت فين عشق طيب

حازم : يمكن بتعمل حاجه ولا بتشتري حاجه اكيد
ريان : ازاي يعني من غير ما تقولى قالت مروحه مش حتى رايحه لسارة قالتلى مروحه كانت هتقول رايحه لصحبتها لاني معرفش حوار الزفت الدكتورة ده منها يبقى راحت فين اختفت

اسراء بتفكير : المشكله انها ملهاش صحاب خالص غير تقريبا سارة بس عشق حدوديه جدا صعب تتعرف على حد
حازم : طيب ثواني كده العربيه بتاعتها اكيد لسه هناك في الشغل صح تعالى نشوف يمكن رجعت خدتها او اصلا مخرجتش من المكان
ريان بتأكد: صح صح و طلع على الراديو

فعلا وصل واقترب منه الحارس : في حاجه يا فندم
ريان بتوتر : عربيه عشق هانم او عشق مش موجوده
الحارس : لا يا بيه مشيت من بدري
ريان : من امتى بالظبط ارجوك اقول اصل بدور عليها مش عارف فين
مسعد : وحضرتك مين وتسأل عليها ليه
اسراء بتاكيد : ايوه يا عم مسعد انا اسراء
مسعد : اه اهلا يا بنتي هي خرجت مع خالد بيه جي خدها وبعد ما حضرتك سالتي عليها بشويه هي رجعت معاه وخدت العربيه ومشيت
ريان بصدمه : خالد خالد قريبها
مسعد : ايوه
اسراء : مشيت معاه لما رجعت
مسعد : معرفش هو وصلها تاني هنا وهي خدت العربيه وطلعت وراه الله اعلم بقى يا هانم

ريان بغضب وهو يرحل : شكرا وانطلق بسيارته وهو يقول : عنوان الواد ده فين انطقي
اسراء: استني اكلمه طيب نفهم
اكمل بغضب : اياك تكلمي فاهمه اكيد عمل لها حاجه الواطي وبعدين ما انتي رنيتي من شويه عليه و سالتي قالك معرفش الزب،اله
اسراء: ايوه بس كنت بسأل عادي مش انها مخطوفه
ريان : انتي مش فاهمه حاجه يا اسراء اسكتي احسن
اسراء بخوف: خالد مش ممكن يضرها هو مش كده
احنا متربين سوا
ريان بغضب: هنشوف
......................................................

بعد وقت دق جرس الباب خالد بغضب: في ايه براحه رن رن رن وفتح الباب وجد نفسه ملقى على الارض من ضربه قويه وفوقه ريان بغضب يصرخ به: عشق فين
خالد بصدمه : هو في ايه في ايه
صرخت رشا وحاولت اسراء وحازم جذبه من عليه
ريان : بقولك عشق فين
خالد بصدمه وهو يقف :انت مجنون هو في ايه،، ايه ده يا اسراء
اسراء بخوف : انت شوفت عشق انهارده
خالد بتوتر : لااااء قاطعه ضربه قويه من ريان وهو يجذبه بغضب : انطق عشق فين الحارس شافها معاك يا حقير انطق هطلع روحك في ايدي

خالد بتعب :هو في ايه طيب ايوه كنت معاها بس مكنتش حابب حد يعرف مالها عشق طيب فهموني
حازم بتوتر: استاذ خالد عشق مخطوفه
شهق خالد : مخطوفه ايه ازاي ده
ريان بغضب: ولاااااا قاطعه خالد وهو يقول:اقسم بالله ماعرف حاجه انا روحت لها وقعدت معاها في مكان قريب من الشغل واعتذرت لها على كل اللى حصل منى حتى انت كلمتها وانا معاها وانا طلبت منها متقولكش غير لما تشوفك و هى خافت عشان متزعلش قالت لما تشوفك هتحكيلك وبس وصلتها تاني ومشيت قالت رايحه لسارة والله ماعرف حاجه تاني ابدا

اسراء بدموع: احنا لازم نعرف طارق وعمي ونبلغ البوليس انا خايفه عليها
حازم : لازم يعدي ٢٤ساعه على الخطف وسارة دي العياده مقفوله والفون مغلق

خالد : طيب انا اعرف بيت سارة تعالو نروح لها
ريان بخوف : طب يلا بسرعه وفعلا اخدهم وخرج تحت نظرات رشا البارده وهي تغلق الباب بقوه خلفهم وتقول :يلا يكش تكون ولعت
.....................................................

 

 

 

الحادي عشر من هنا  

تعديل المقال