رواية انا واخي كاملة وحصرية بقلم ايات الرحمن
من فتره كدا كنت منتبهه لقراءة الروايات لان في روايات بيكون كلها مواعظ وحكم وبتعلم منها لحد ما قابلني كام روايه كدا عن الاخوات اللي هي واخوها حبوا بعض وقرروا يفضلوا
من غير زواج عشان يفضلوا مع بعض واللي اخوها اعتد....ي عليها وغيرهم وغيرهم
فجأه بعدت نهائي الكلام بقي محدود طول ما هو في البيت افضل لابسه الحجاب اتغيرت 180°معاه فلما جه وواجهني بقيت اهرب من الاجابه
ماما ليها اخت تعبانه فكانت بتروح تقعد معاها باليومين والثلاثه وتسيبني معاه دا اخويا المهم ان بعد ما قرأت الروايات دي وانت ثقتي فيه اتعدمت في الوقت دا خالتي كانت تعبت اوي
وماما قررت تروح تزورها وتفضل معاها لحد ما تتحسن اخدت في الوقت دا اسبوعين عند خالتي في خلالهم
طول ما اخويا في البيت اكون قاعده في اوضتي وقافله علي نفسي لا اكل معاه ولا اتكلم معاه ولما كان ييجي يخبط علي باب اوضتي اتفزع واهرب منه بأي حاجه
كان طول الوقت زعلان مني وحاسس ان هو عامل ذنب كبير وانا رافضه اعرفه بيه لحد ما يوم جه يكلمني قدام ماما وبردوا ما طلعش مني بأي اجابه
خلاص اخد قرار يسافر مش عشاني لا دا كان حلمه من سنين سافر فرنسا 3سنين متواصله ماكلمتوش فيهم مره ولما رجع كنت مقابلاه بنفس الطريقه لحد ما يوم حصل معايا موقف صعب جدا رقم غريب اتصل عليا
رديت عليه هددني ان معاه صوري وهينزلها علي السوشيال ميديا وبعتهم ليا حاجه كدا تر...عب خلاص انتهيت انا ما عملتش كدا ومفيش حد هيصدقني
خلاص وصلت لمرحلة ان هنت...حر ومفيش قدامي اي طريقه في خلال اسبوع واحد كنت بنتهي لحد ما لقيته جاي وبيحاول يعرف السبب
غصب عني حكيت انا كدا كدا اصلا حكيت ما حكيتش انا هنت...حر لان لو شافوا الصور مستحيل يصدقوني
حكيت ليه وشاف الصور وانا مرعوبه من رد فعله هيق...تلني فضلت ااقسم اني بريئه لحد ما لقيته قال : اهدي وماتخافيش والله لأند...مه علي تفكيره دا واذيته ليكي يوم واتنين وثلاثه ومفيش حاجه صوري حرفيا كدا مفيش حد في البلد ما شافهاش
وزي مااحنا عارفين الناس مابتصدق تمسك علي اي حد حاجه
كانت الساعه 2 الظهر صوت عالي جدا في الشارع خرجت البلكون اشوف في اي
لقيت اخويا ومعاه اصدقاؤه وفي واحد واقع علي الارض ومربوط بس مضر...وب كتير اوي
واخويا بينادي علي الجميع عشان يثبت ليهم براءتي ومن اليوم دا لحد النهارده وانا الكل بيعمل ليا الف حساب لان طلعت بريئه وهما ظلموني بكلماتهم واخويا اللي اثبت ليهم ان هو في ظهري امتي مااحتاجت ليه
ملخص الحكايه الاخ اخ مهما كان ما تصدقيش اي روايه بتحكي ان الاخ يحب اخته او يإذيها ربنا سبحانه وتعالي زرع للاخ محبه خاصه في قلب اخته وزرع ليها محبه خاصه في قلبه فماتصدقيش اي روايه من دول دي بتكون زي فكره جديدة وفي نفس الوقت تغير تفكيرك تجاه اخوكي
السؤال هنا كاتبة الاسكريبت دا كاتبه اكتر من روايه عن حب الاخوات في اباء وامهات لما بينفصلوا وكل واحد بيختار طريقه مش بيعرفوا اولادهم علي بعض الانفصال صعب بس بيكون تفكيرهم وقتها ان هما كدا بيتحدوا بعض
لكن في الحقيقه هما كدا بيد...مروا اولادهم وفي اللي بتنسب بنتها لشخص تاني مع ان دا محر...م فممكن تتقابل مع اخوها ويحبوا بعض وفي الاخر تحصل الكا...رثه انفصلتي عرفي اولادك علي بعضهم حتي لو هما من ام تانيه وانت كذلك
ما تخافيش من اخوكي هو سندك وقوتك في الدنيا بعد ربنا حتي لو مش حلو معاكي جربي كدا ان حد يإذيكي وشوفي هيعمل اي مش كل حاجه بنسمعها ونقرءها بتكون صدق يااما عشان فكره جديده ويتقال صاحبة اجمل واجدد افكار او عشان التريند الاخ اخ مهما حصل
وعمر نظرته ليكي ما هتكون خارج الادب لو نظر ليكي فإعرفي ان هو مش مصدق ان دي الطفله اللي من قريب كانت بتجري وتلعب حواليه كبرت وممكن اي حد ييجي يااخدها منك هو دا الشخص اللي بيخفي دموعه يوم زفافك وقلبه بيتقطططع علي فراقك حتي لو هتكوني جارته في نفس المكان هو دا الاخ
