رواية جزيرة الاناكوندا الخاتمة بقلم شيماء صبحي
نزلت وانا مرعوبه وكنت خايفه يحصل زي الي كنت بحلم بيه وقفت قدام السواق الي كان بيقول" كل واحد فيكوا يطلع موبايله"
استغربت جدا من سؤاله الغريب بس طلعت موبايلي لقيتوا قال" افتحوا الكاميرا وصوروا كل الي هيحصل"
انا قلت في بالي انه هيقتل حد اتوترت جدا ومعرفتش اعمل اي حاجه بس علشان هوا كان بيزعق فعلا فتحت الكاميرا!
وبعدها طلب مننا نبدأ نصور ووقتها كانت في بنت جميله من الي معانا في الباص كان هوا عيونه عليها والغريبه انها مكنتش خايفه منه وكأنها عارفاه ؟؟
هو راح للباص وبعد وقت رجع تاني وكان في ايديه ورد وخاتم جواز قال وهوا بيقرب منها" انا بطلب ايدك قدام الناس دي كلها تقبلي تتجوزيني!
البنت بعناد" انا قولتلك لا انا مستحيل اتجوز واحد بلطجي!
فهمت الحكايه وانه عامل كدا علشانها قربت منهم وقولت" ازيك يا حبيبتي انا حور وعلي فكره الاستاذ دا بيحبك حرام عليكي تكسري قلبه"
الينت" منا عارفه انه بيحبني انتي مالك بق!
رفعت حاجبي باستغراب وقولت" ولما انتي عارفه انه بيحبك مش راضيه توافقي ليه"
البنت" مش هوافق غير لما يبطل الشغل دا!
بصيتله وقولت" وانت شغال ايه"
السواق انا شغال بلطجي!
قولت بصدمه" وبتقولها عادي كدا"
الشاب" وماله البلطجي بق انشاء الله مش عاجبك!
قولت بخوف" ابدا احسن ناس طبعا بس حرام عليك تخسرها دا حتي الشغل بيتعوض انما الجمال دا كلو لأ مستحيل تلاقي واحده زيها تاني !
بصلي باقتناع وقال" انتي عندك حق '
رجع بص للبنت وقال" وافقي وانا اوعدك اني هبطل!
البنت بفرحة" بجد يا احمد هتبطل!
احمد" ايوا والله انا مقدرش ابعد عندك ابدا"
كل الي كانو واقفين بيصوروا الي بيحصل بدأو يسقفوا بفرحه ولا كأنهم كانو مخطوفين من شويه "البنت وافقت وهوا بصلي وقال" انا متشكر يا استاذه علي الي عملتيه معايا وعلشان كدا سماح المره دي انا بنفسي الي هوصلكم لحد بيتوكم كمان"
ابتسمت وبعدها الركاب ركبوا تاني للباص وانا ركبت معاهم واول ما الباص اتحرك"
واحده من الناس" الله يكرمك يابنتي انتي انقذتينا"
ابتسمت وبدأ كل الي موجودين يشكروني وانا كنت فرحانه اني عملت حاجه حلوه المره دي!
اتصلت بيسرا اختي وعرفت ان ماما بقت كويسه كنت خلاص جبت العلاج وفي طريقي ليهم "
_________________
حور خلصت كلامها للدكتور النفسي الي بتحكيلوا القصه كلها وهو قال"
وبعد ما روحتي لوالدتك ايه الي حصل "
حور"لقيت رشيد هناك وماما كانت نايمه وواقف جمبها بابا وكانت يسرا اختي حاض"نه البنات واول مشافوني جريوا عليا طبعا محكتش اي حاجه من الي حصلت علشان مقلقهمش عليا وبعدما اطمنت علي ماما قررت اخد البنات ونروح بيتنا وفي الطريق"
حور" رشيد انت عملت ايه في الراجل الي اتهجم علي الشركة!
رشيد" اتقبض عليه بس تخيلي انه جاي ينتقم مني علشان مراته اشترت عربيه من عندنا وعملت بيها حادثه لانها كانت مستهتره وبتشرب كحول!
حور بحزن" لا حول ولا قوه الا بالله! دا شكله كان بيحبها وعلشان كدا كان مفكر انك السبب في موتها '
رشيد" ايوا بس هوا طلع غبي في الاخر علشان الحكومه جت واخدته !
حور بصت عليه بحزن" هو طبعا يستاهل لانه تعدي علي موظف اثناء عمله بس اكيد عمل دا كله من الصدمه!
صالت كلامها وبعدها اخدت نفس طويل "بتخرج كل حاجه في قلبها لحدما وصلوا عند البيت دخلوا كلهم علشان يرتاحوا وحور نامت من غير ما تحكي اي حاجه "
___________
الدكتور " طيب يا حور انتي مقولتليش انتي ازاي اتعرفتي علي رشيد "
حور " منا قولتلك يا دكتور'
الدكتور" لأ انتي قولتيلي انك قابلتيه يوم الاتوبيس والتجربه ولأكن انتي طلعتي متجوزاه في الواقع ازاي اتعرفتو علي بعض!
حور" حاضر يا دكتور هحكيلك بس أنا كدا هبدأ من الأول !
الدكتور" وانا هسمعك"
ابتسمت حور وبدأ تحكي!!
___________
يعني ايه مفيش شغل ولا شركه راضيه تقبلنا"
لميس بتعب" انا تعبت أوي يا حور رجلي وجعتني اوي!
حور" طيب مفضلش غير شركه واحده ودي شركة لصناعه السيارات"
لميس باستغراب" واحنا هنعمل ايه في شركة بتصنع سيارات !
حور" هنقدم وخلاص واتقبلنا اتقبلنا متقبلناش يبق احنا منحوسين رسمي!
لميس" وهيا فين الشركة دي بق!
حور" هيا لو مشي ساعه ونص انما لو ركبنا مش اقل من عشر دقايق!
لميس بتعب" ساعه ونص يا مفتريه انا رجلي ورمت"
حور" لا كدا عيب ازاي تقولي كدا " طيب انتي معاكي فلوس"
لميس بحزن" لأ وحياتك انا خلاص فلست وطبعا انتي عارفه ان ماما يدوبك الي معاها علي قد الي رايح وانا اخدت منها كتير الشهر دا! بس كله بسببك انتي لو مكنتيش ضربتي المدير مكناش اطردنا"
حور" وانتي عيزاني اشوفه بيتحرش بيا في الرايحه والجايه واسكت لا يبق انتي كدا متعرفنيش كويس!
لميس" ااه رجلي منك لله يا بعيده منك لله!
حور" اسمعي خلينا نمشي شويه وبعدها نركب لان الي معايا يدوبك اجره واحد وبس!
لميس بفرحه" طيب كويس هاتيهم وانا هركب واسبقك!
حور ضربتها" لأ خليهم معانا علشان لما نترفض من الشركه دي نلاقي فلوس نركب بيها!
لميس مسكت فيها طيب انا مش هتحرك غير لما نركب اي مواصله والله مش قادره"
حور " قومي بق يابت بطلي دلع خلينا نمشي وبعدين انتي ناسيه انك داخله علي جواز ومحتاجه تخسي شويه !
لميس" جواز مين مخلاص انا هرفضه انا معيش فلوس اجهز نفسي!
حور" ازاي دا عماد دا بيحبك!
لميس" منا عارفه بس برضوا مفيش فلوس نتجوز!
حور" طيب ماتطلبوا حقكم قصدي ورثكم!
لميس" وانتي فكرك ان عمي هيوافق دا اكيد فرحان بجوازي من عماد علشان ياخد ورثي'
حور باستغراب" غريبه ! انا دايما اسمع خالي اكل ورث امي انما عمي اكل ورث ابويا دي جديدة بصراحه"
لميس" لا ياختي دي قديمه واوي كمان بس انتي الي مش متابعه معانا '
حور" طيب يلا قومي هنركب مواصلات"
لميس" طيب ازاي وانتي بتقولي الفلوس مش هتكفي غير واحد"
حور طلعت 200 جنيه من جيبها وقالت تفتكري اني همشي من غير ما اخد حقي من رفعت المتحرش!
لميس بفرحه" يابنت ال ايه وسيباني اموت جمبك ومش راضيه تنطقي!
حور" لو فضلتي تبرطمي هرجعها جيبي اهي قاعده معززه مكرمه"
لميس" لا خلاص هسكت يلا نركب!
بعد وقت وصلوا لشركة رشيد الكيلاني لصناعه السيارت كانت شركة لسا جديده واول مادخلوا"
لميس" صباح الخير احنا كنا جايين نقدم علي شغل"
الموظفه بابتسامه" بجد اهلا وسهلا "
حور بصت ل لميس باستغراب لانهم مكنوش متوقعين ابدا انهم يشوفوا ابتسامه من الموظفين حتي!
الموظفه" تقدروا تتفضلوا هنا لحد ما ابلغ المدير بوجودكم!
حور بابتسامه" حاضر
لميس" بت يا حور معقوله هنتقبل"
حور" ايوا يابت متقلقيش متنسيش اننا نشرف اي شركة"
لميس مسكت فيها جامد" حاضر مش هقلق!؟
بعد دقايق خرجت الموظفة وقالت" اتفضلوا مستر رشيد في انتظاركوا!
مسكت ايد لميس ودخلنا للمكتب ولقينا شاب وسيم لابس نظاره طبيه واول مشافنا قال" اتفضلوا"
حور بصت ل لميس وهزت راسها وقعدوا"
رشيد" اهلا بيكوا في الشركه معاكوا السي في
حور " هزت راسها وطلعت السي في بتاعها" وهوا بدا يقرأه"
كانت بتبص ل لميس لحدما لما هوا قال" مش بطال ! وانتي فين السي في!
لميس طلعت السي في بتاعها وهوا قرأه"
وبعد وقت قال" دا تقريبا نفس المستوي بتاع حور"
لميس بصتلها بعدم فهم وهوا قال" تمام هتبدأوا شغل من النهارده والسكرتيره هتشرحلكم التفاصيل"
لميس بفرحه" بجد يا استاذ!
حور بصتلها بغضب وبعدها قالت" احنا تشرفنا جدا بالشغل مع حضرتك"
رشيد ابتسم من طريقتها وقال" دا الشرف ليا انا "
حور بصت ل لميس وقالت" بعد اذنك!
رشيد بصلها باعجاب وقال" اتفضلوا!
وبعدما خرجوا من المكتب" حور بفرحه" مش قولتلك هنتقبل!
لميس" انا مش مصدقه لسا ممكن تقرصيني!
حور قرصتها جامد ولميس صرخت" اه يا غبيه بالراحه!
حور بضحك" مش انتي الي طلبتي!
جت السكرتيره والي هيا تمارا !
اهلا وسهلا اتفضلوا"
حور بصت علي لبسها وقالت" اهلا بالجميل!
تمارا" افندم"
حور" لا ولا حاجه مش قصدي ياعني!
تمارا" ولا يهمك حصل خير اتفضلوا علشان هتمضوا العقد"
حور بصت علي لميس وابتسمت بحماس وبعد وقت "
حور "اتفضلي خلاص انا مضيت علي كل التعليمات"
لميس" وانا كمان"
حور قالت بتساؤل" احنا لحد دلوقت معرفتاش هنشتغل ايه!
تمارا" في قسم النظافه!
حور بصوت عالي"ناااااااعم نظافه مين يا حبيبتي انا محاسبه قد الدنيا في الاخر اروح امسح حمامات!
تمارا بانزعاج من صوتها" حمامات ايه نظافه الشركة وبعدين.والله انا مليش دعوه دي تعليمات رشيد بيه"
حور" ورشيد بيه دا مقلناش كدا ليه واحنا انده حوا وقبل ما نمضي العقد !
تمارا" اهدي يا انسه مش كدا!
لميس" نهدي ايه يا حجه انتي بتقوللينا عمال نظافه واحنا اصلا جايين نتوظف بشهادتنا !
تمارا" انتوا خريجه جامعه ايه"
حور بصت ل لميس وقوالوا" معهد حسابات ومعلومات!
تمارا بابتسامه" ههه انتو جيتو هنا في الشركه من غير نا تسمعوا عنها !
حور باستغراب! ازاي يعني يا انسه!
تمارا" قصدي ان اقل موظف هنا مش اقل من خريج الجامعه الأمريكيه ومعاه اكتر من ثلاث لغات" انتو بق معاكو لغة اي!
حور" معانا لغه عربيه فصحي وانجليزي!
تمارا بضحك" انتي عارفه ان الي مسؤل عن طلبات الموظفين بس معاه كام لغه"
لميس" كام!
تمارا" اتنين انجلش واسباني!
حور بلعت ريقها وقالت" بس انا كنت محاسبه قد الدنيا اكيد مش هعمل في النظافه يعني!
تمارا باستغراب" هو ايه الي دخل البرمجه في قسم المحاسبه!
حور" مش فاهمه يعني ايه مش حسابات يعني محاسبه"
تمارا بعدم تصديق" لا بجد مش معقول الي بتقوليه حسابات ومعلومات دا هوا عباره عن كل ما يخص الكوموبيوتر من برمجه وتصليح بس خلاص انا هقولكوا علي مرتبكم يمكن تغيروا وجهة نظركوا "
حور ولميس"اتفضلي!
تمارا"اول شهر بيكون النرتب اقل ف هيكون 8000 وبعد كدا 10000
حور بصدمه وزهول" بتهزري
لميس" دا راتب عمال النظافه هنا!
تمارا بابتسامة " ايوا !
حور" اومال الي زي حلاتك بياخد كام"
تمارا" دي اسرار الشركه ومينفعش ادخل فيها وانتو بق اي رأيكوا قررتوا"
لميس وحور" طبعا موافقين!!!
تمارا" تقدرو تبدأو دلوقت وتعالوا معايا علشان اوريكوا هتبدأو ازاي"
حور ولميس مشيوا مع تمارا وبعد وقت عرفوا شغلهم !
حور" انا كان نفسي اوي ابق خريجه جامعه زي الي برا دول"
لميس" احنا كنا مفكرين اننا معانا شهادات طلعنا بالنسبالهم زي الي مش متعلمين"
حور " انا لو رجع بيا الزمن مكنتش ابدا هستهتر بدراستي كنت هكمل !
لميس" خلاص يا حور احنا حاليا في الواقع ومفيش حاجه اسمها نرجع بالزمن !
حور" اتمني ان يكون في اله زمنيه ارجع بيها اصلح حجات كتير في حياتي !
لميس" ممكن اقولك يا ريت بس دي حاجه مستحيله"
حور بتقاؤل " لا ممكن !خير بإذن الله"
________________
بدأت حور ولميس يشتغلوا عمال نظافه وكانو مرتدين زي خاص بيهم وكان التعامل بينهم وبين الموظفين محترم جدا ودا الي خلي حور ولميس ميحسوش باي نقص وبعد نهاية اليوم راحت حور ولميس يبدلوا ملابسهم علشان يروحوا لبيتهم "
وبعد وقت كانو خرجوا من الشركة وقالت لميس " تصدقي ان الشغل دا انظف واحسن من اي شغل اشتغلناه قبل كدا"
حور" ايوا حلو بس في الاخر اسمنا عمال نظافه!
لميس" فكيها بق يا لمضة دحنا مصدقنا اننا لقينا شركة تلمنا!
حور" عندك حق بس اي رئيك في المدير دا!
لميس" تقصدي مستر رشيد!
حور" ايوا اومال قصدي رفعت المتحرش!
لميس بضحك" دا حاجه كدا نوع جديد فاخر من الأخر يعني تحسي كدا انه مفيهوش غلطة!
حور" تفتكري ان واحد زي دا ممكن يعجب بيا!
لميس بضحك"ضحكتيني يا حور أكيد لأ طبعا انتي مش شيفاه دا اكيد مايقبلش غير بواحده بنفس مستواه!
حور بحزن" انا مش وحشه واكيد هيحبني عادي!
لميس بصتلها ولاحظت حزنها قربت منها وقالت" انا مش قصدي طبعا انتي احلي واحده في الدنيا بس دي حاجه مستحيله جدا! ولو حصلت مش اكيد غير مع %1 !
حور" مفيش حاجه إسمها مستحيل في حاجه اسمها ممكن! والي ممكن ان يكون انا الواحد في الميه دول!!!
يتبع ""
روحت البيت بعدما وصلت لميس واول ما دخلت لقيت البيت فاضي فضلت انادي علي ماما لحدما سمعت صوت جارتنا الي قالتلي ان ماما وبابا خرجوا وان يسرا اختي هيا الي موجوده بس تقريبا خرجت من شويه "
سألتها بقلق " اومال بابا وماما فين !
يسرا" راحوا يشوفو المحل الجديد الي بابا هيأجره"
قولت باستغراب" وهو بابا هيأجر محل ليه !
يسرا" ابوكي عايز يفتح محل تصليح اجهزه كهربائيه يا حور !
استغربت من كلامه وبعدها دخلت اوضتي وانا بفكر في حال بابا بعدما اتطرد من شغله كمهندس طردوه علشان اصابه اتعرضلها بالغلط وقالو انه كبر في السن ومعدش مركز في شغله "بعدما قضي عمره كله في الشغل معاهم ناس معندهمش ضمير كسرو قلبه رغم انه كان مهندس شاطر ومعظم الاجهزه الي رافعه شركتهم دلوقت كانت من تصميمه هو قالوله انهم هيدولو راتب كويس بس طلعو نصابين ومضوه علي عقد انه اتخلي عن كل مستحقاته وعملوله حفله لنهايه الخدمه علشان مياخدش باله وادوله شويه ملاليم "
غيرت هدومي وخرجت وكان بابا وماما وصلوا سلمت عليهم بابتسامه وعرف بابا اني لقيت شغل في شركه كبيره وبدأت شغل من النهارده!
بابا حض"ني بابتسامه وماما ابتسمت وقالت" ربنا يوفقك يا حبيبتي!
ابتسمت علي حبهم ليا وبعد وقت كانت اختي جهزت الأكل قعدنا كلنا ناكل وبعدها دخلت اوضتي!
حاولت اني انام اكتر من مره بس معرفتش ،بفكر في حال بابا وازاي حاله يتغير من مهندس كبير قضي حياته كلها بيصمم اجهزه علاجيه لواحد عادي بيصلح اجهزه كهربائيه"
فضلت قاعده حزينه لحدما لقيت رساله من شخص غريب فتحتها وقرأتها وعرفت انها من الدكتور علي ودا دكتور معجب بيا وامه صاحبت امي من زمان بس انا كنت برفضه لاني بعتبره زي اخويا !
قفلت التليفون وانا بفكر ازاي ممكن حياتي تتغير للاحسن ولاكن للاسف ملقتش اي اجابه واضحه افتكرت كلامي مع لميس وتفكيري في المدير بتاع الشركه وان ازاي اخليه يحبني علشان اثبت للعالم اني مش وحشه ومش علشان ظروفي بسيطه يبق مش مرغوب فيا !
فضلت صاحيه لحدما سمعت صوت آذان الفجر قومت اتوضيت وصليت وانا بدعي وبقول يا رب سلم!
نمت شويه وبعد وقت صحيت علي صوت المنبه قومت جهزت علشان استعد للشغل'
وبعد وقت كنت خرجت من شقتنا وفي طريقي لبيت لميس الي يعتبر مش بعيد اوي عن بيتنا اول ما وصلت رنيت عليها وهيا نزلت وكانت علي وشها ابتسامة باهته!
في ايه يا لميس مالك!
لميس بحزن" انا كلمت عماد وقولتله علي موضوع الشغل وهوا قالي اسيبه وانه ميقبلش اني اشتغل عامله نظافه وقعد يقولي كلام كتير شككني في الي حواليا!
حور" وانتي قولتيلو ايه!
لميس" قولتلو ان الشغل عاجبني وان مفيش اي حاجه من الي بيقولها صح وعرفته انك معايا ولاكن هوا رفض فقولتله دا قراري ومش هغيره كملت بحزن " قالي لو مصممه عليه يبق كل واحد فينا يروح ل حاله!
حور بحزن" طيب اهدي وبعدين انتي صح لان الشغل مافيهوش اي حاجه غلط دي شركة محترمه ومش اي حد بيشتغل فيها وهوا بس لما هيعرف غلطة اكيد هيصالحك متقلقيش!
لميس ابتسمت وحض"نتني وقالت" وانتي مالك بق وشك باهت ليه!
بصيت عليها واتنهدت وقولت" بابا هيفتح محل هيصلح فيه اجهزه كهربائيه!!
لميس" طيب كويس اوي والله ابوكي دا راجل جدع!
قربت وانا بهز راسي" هو فعلا احسن حد في الدنيا بس صعبان عليا انه كان فين وبق فين"
لميس" كل الي بيحصله دا اكيد خير ليه وبعدين انتي لسا متعرفيش ربنا شايلكم ايه تفائلي خير هتلاقيه ومتقلقيش ربنا بيجبر خاطرنا كلنا!
بصيت عليها بحب وقولت" والله انتي بت جدعه ونفسي اجوزك للدكتور علي دا حتي اهبل وانتي وهوا لايقين علي بعض"
لميس بغضب" بس يابت انا ابص للأهبل دا واسيب عماد الحمش!
ضحكت وقولت" اهو الحمش سابك يختي وابقي دوري علي عريس غيره بق"
لميس بضحك" انا مش متفائله"
حور مسكت ايديها وقالت" طيب خلينا نمشي علشان منطردش والعشر بواكي يطيرو مننا"
لميس" ايوا عندك حق خلينا نمشي بس بقولك ايه انا هركب مواصلات!
حور بابتسامه اكيد طبعا بس انتي الي هتحاسبي!
لميس" طول عمرك استغلاليه!
حور بضحك" طيب يلا بدل ما اوديكي للشركه جري مش مشي بس لميس"لا وعلي ايه يلا بينا!
___________
في اتجاه حور ولميس للشركه كان وقتها وصل رشيد بعربيته قرب منه رجل الامن وفتحله الباب نزل رشيد وهوا بيرتدي نظارته الشمسيه ومشي من جمب حور ولميس من غير مايبصلهم"
حور وقفت تبص عليه بسرحان اول مره تعجب بحد بالشكل دا !
لميس" اي يابنتي وقفتي ليه'
حور" لا مفيش يلا بينا!
دخلنا واتجهنا للغرفه الي هنغير فيها هدومنا ولميس خلصت الاول واخدت كل الادوات الي بتستخدمها وخرجت وفضلت انا بلبس لحدما دخلت تمارا وهيا بتقول" حور روحي نظفي مكتب الاجتماعات علشان عندنا اجتماع كمان نص ساعه!
هزيت راسي وهيا خرجت وانا خلصت لبس بسرعه واتجهت للمكتب الي هنظفه.. بدات بسرعه انظف علشان الوقت كان بيهجم وكنت خايفه انهم يدخلو عليا وانا لسا مخلصتش .!
وفي مكتب رشيد كان واقف قدام تمارا وماسك ملفات وبيقول وهو بيبص في ساعته" يلا روحي بلغي الموظفين وانا هسبقكوا علي المكتب!
تمارا باحترام" حاضرياز مستر رشيد اتفضل حضرتك'
رشيد مشي في اتجاه غرفه الاجتماعات وفي نفس الوقت حور كانت خلصت شغلها وخارجه وفجاه توكة شعرها وقعت وطت علشان تجيبها وفي نفس الوقت دخل رشيد وهوا بيبص في تليفونه وللاسف اتخبط فيها وهيا وقعت وشدته بالغلط ووقع فوقها!
حور فضلت مصدومه من الي حصل وعيونها في عيونه تايهه لحدما اخدوا بالهم ان في أصوات بتقرب وقف بسرعه وهيا اخدت حجاتها وخرجت من الغرفه بسرعه "
وقف رشيد يشد الكرافته بتوتر لحدما هيا اختفت من قدامه وفي ثواني دخلوا الموظفين الي هيحضروا الاجتماع!
بدأ رشيد يتناقش معاهم في امور الشغل الجديد وبدأ الجميع يقول افكار !
وفي الخارج كانت حور بتجري بسرعه جنونيه لحدما وصلت للغرفه الي بتقعد فيها وحطت ايديها علي قلبها بتوتر وهيا مش مستوعبه اللي حصل دا لحدما انتبهت انها وراها شغل لسا .
كان لسا هتخرج ولاكنها لقت ان رشيد قدامها رجعت تاني وقفلت الباب بسرعه وبعد ثواني فتحته تاني وهيا متوتره لحدما شافت الموظفين الي كانت في الاجتماع خرجوا فهمت ان الاجتماع خلص فخرجت بالراحه تبص عليه واتاكدت انه مش موجود اخدت نفسها براحه ولفت علشان تمشي لقته واقف وراها وبيبصلها ورافع حاجبه اتوترت اكتر وابتسمت وقالت" حضرتك محتاج اي حاجة"
رشيد بصلها وسكت وهيا عرفت انه اكيد مش محتاج حاجه فمشيت من قدامه لحدما اتاكدت انه مش شايفها فضلت تجري لحدما وصلت لمكان لميس والي قالت" مالك يا هبله بتجري كدا ليه!
حور بصت علي مكان رشيد وقالت" اسكتي يا لميس دانا اتحطيت في حته موقف !
لميس" ودا من ايه انشاء الله ؟
حور بصت علي المكان تاني وهيا بتهدي نفسها علشان تبدأ تحكي ل لميس بس لقت رشيد جاي وبيقرب منهم بسرعه مسكت المساحه وبدات تمسح وهوا عدي من جمبها وقرب من موظف وبدا يتكلم معاه وهيا فضلت تبص عليه بطرف عينيها لحدما هوا بصلها فتسمرت مكانها بتوتر لحدما ماهوا رجع تاني لمكتبه وقتها فهمت لميس ان الموقف دا كان مع مستر رشيد!
لميس" بت يا حور تعالي هنا هو الموقف دا مع مستر رشيد!
حور اتوترت وهزت راسها وقالت" انا بس خبطت فيه بالغلط ووقعنا احنا الاتنين فوق بعض"
لميس شهقت بخضه لدرجة ان انتبه ليها الموظفين فبسرعه حور شدتها وخرجوا من مكانهم وحور قالت" يخربيتك كنت هتفضحينا!
لمس بلعت ريقها" انا مش قصدي بس الي انتي بتحكيه دا مش بشوفه غير في المسلسلات التركي بس!
حور بابتسامه" تصدقي صح انا حتي مش مصدقه بس تعرفي ان عيونه حلوه اوي !
لميس" يا سلام يا ولاد حور بنت عمي احمد بتقول كلمتين حلوين علي بعض!
حور وشها أحمر وزقتها بغيظ وبعدها كل واحده راحت شغلها واتجهت حور للصاله القريبه من مكتب رشيد تنظفها وهيا بتدعي انها تشوفه تاني لانه بجد سحرها من اول نظره !
_____________
الدكتور" وانتي بق شوفتيه وقتها"
حور هزت راسها وقالت" شوفته وقتها كان خرج من مكتبه بسرعه وكان بيتكلم في التيلفون كان شكله متضايق وكأن في مشكله كبيره اوي حصلت لانه كان زي الي متعرض لصدمه !
الدكتور" وهو خرج من الشركة!
حور" ايوا وفضلت انا قلقانه وهموت واجري وراه اشوفه ماله!
الدكتور" محولتيش تسألي السكرتيره بتاعته عن الي حصل معاه "
حور" طبعا حاولت بس هيا مكنتش بتقولي معلومتين علي بعض!
الدكتور" وعملتي ايه وقتها"
حور" انا خرجت من الشركة والغريبه اني لقيته لسا موجود بس الغريبه اكتر انه كان شكله زي تعبان وشكله مش مظبوط كدا!
الدكتور" وبعدين يا حور كملي!
حور" روحت اشوفه لاني مكنتش مرتاحه لشكله الغريب دا واول ما وصلت خبطت علي ازاز العربيه وهوا فتحلي الباب قولت بقلق" مستر رشيد هو انت كويس!
بصلي بنظره غريبه مقدرتش افهمها وقتها بس هو قال" اركبي يا حور"
هزيت راسي وركبت وهوا بعدها ساق
لحدما وصلنا عند النيل نزل وطلب مني انزل وقربنا من الكورنيش وكل دا وانا ببصله وساكته لحدما لقيته بيعيط استغربت جدا وبدات اقلق وسألته" مستر رشيد انت كويس!
سكت شويه ومردش عليا ولاكن بعدها علي طول شدني جامد لحض"نه وبدأ يعيط وانا كنت مصدومه ومش عارفه المفروض اني اتصرف ازاي معاه لحدما بدأت اقول كلام بصوت هامس زي "خلاص" "اهدي " مفيش حاجه" لحدما بعد عني وبصلي وقال" انا متشكر جدا ليكي !
بصيت بخجل وقلت" لا شكر ايه بس !
اصل انا بصراحه قلقت علي حضرتك لما شوفتك خارج ومتعصب !
بصلي وقال" انتي بجد شوفتيني وانا خارج!
هزيت راسي وقولت " كان شكل حضرت مرعب بصراحه زي ميكون ان اتق"تلك حد والله !
رشيد بصلي وسكت وانا حسيت اني قولت حاجه غلط لحدما هوا صوته اتغير وطلب مني اروح اجبله مايه " هزيت راسي وانا ببص حواليا لحدما لقيت شكشك بس في البر التاين ابتسمت ليه وقربت من الكشك الي كان مش بعيد اوي عننا وجبت المايه وانا بعدي الطريق تاني كان في عربيات كتير معرفش هما اتجمعوا امتي ومكنتش عارفه اعدي خالص وبعد وقت من المحاولات قدرت اعدي للطريق التاني قربت من العربيه علشان اشوفه لقيته مش موجوده والغريبه ان العربيه فاضيه ومفيهاش حد قلقت وانا ببص حواليا لحدما فجاه سمعت صوت راجل جمبي بيقول بصوت عالي " غرييق !!
استغربت وبصيت في النيل بس ملقتش حد ركزت اوي مع مكان ما هوا بيشاور واتصدمت لاني شوفت مستر رشيد عايم علي وش المايه بدات اصرخ باعلي صوت علشان حد يلحقه وبدات الناس تقرب علي صريخي والطريق وقف وكل الناس وقفت بصدمه وفي منهم الي نط في النيل ومركب جت من الي كانو موجودين وبدأوا يقربوا منه علشان ينقذوه وانا مش مصدقه انه رمي نفسه فعلا ولي رمي نفسه ايه الحاجه الي تخلي اي حد ينت"حر بالشكل دا!!
الاسعاف وصلت واخدوه وانا ركبت معاه وانا ببص عليه ودموعي مغرقه وشي كله وانا بنادي عليه وبقول" انت هتقوم صح اكيد مش هتموت يعني اصل انت كنت كويس من شويه انا بس اتاخرت عليكي شويه بس الطريق والله كان زحمه ما ترد بق يا مستر رشيد دنتا رخم بجد رد عليا انا بكلمك. اهو رد عليا بق يا مستر رشيد!!
الدكتور بعدني وهوا بيقول يا بنتي اهدي وربنا يرحمه!!!
قال الكلمه دي وانا بصتله بصدمه وقولت" لا انت اكيد بتهزر يرحم مين بس دا كويس انت عارف دا كان بيح"ضني من شويه وكنا لسا هنتجوز في المستقبل اكيد بس لا ماتقولش مات!
الدكتور" يابنتي اهدي متعمليش كدا قولت بعياط" لاا مش ههدي انا هصرخ علشان هوا مماتش ! ارجوك وقف العربيه دي انا وهوا هنرجع الشركة تاني علشان هوا عنده شغل كتير !
الدكتور " لا حول ولا قوه الا بالله العلي العظيم " إنا لله وإنا اليه راجعون!
بدات اصرخ اكتر وانا بقول بقولك وقف العربيه دي حالا"
الدكتور اهدي يابنتي!
حور" متقوليش اهدي متتجننيش ووقف العربيه انا هنزل !
الدكتو وقف العربيه فعلا وهيا خرجت وهيا بتبص لرشيد بحزن وبتقول" استني هوقف تاكسي واخدك ونرجع للشركة اصل انت كويس !
الدكتور بحزن" لا اله الا الله ربنا يصبرها!
فضلت حور تجري في الشارع وهيا بتدور علي تاكسي لحد ما لقت تاكسي واقف بس في البر التاني جريت بفرحه وهيا بتقول" هرجعلك حالا يا مستر رشيد!
ولاكن في عربيه كانت سايقه بسرعه جنونيه خبطتها لدرجه انها طارت لمسافه بعيده وقتها الدنيا ضلمت في عيونها اخر حاجه سمعتها كانت صراخ سيده وهيا بتقول" حاسبيييي!!!
الاسعاف الي كان موجود فيه رشيد اتحرك للمستشفي وفي اسعاف تاني اخدها والراجل الي كان في العربيه كان خايف ومرعوب من الي حصل والحكومه اخدته للتحقيق ووقتها الخبر انتشر وفي ثواني كانت الشركة اتقلبت ولميس عرفت من واحد من الموظفين علي الي حصل وجريت بصدمه علي المستشفي والخبر وصل لاهل حور ولاهل رشيد وكان الكل متجمع في المستشفي"
_________
حالة الرشيد كانت منتهيه وتوفي رغم محاولت الدكاتره في انعاشه ولاكن كان مات !
وحور كانت لسا عايشة ولاكنها دخلت في غيبوبه وكانت وقتها خبر وفات رشيد مكنش سهله بالنسبه لعيلته والي قالو انهم السبب لأنهم بعتوا صورة مرات رشيد وهيا بتخونه ودا الي خلاه يخرج بالعصبيه دي وكان وقتها بيخطت يق"تلها ولولا وجود حور في الوقت المناسب الا انه شال الفكره من دماغه وقرر ياخدها للنيل علشان يهدي ولاكنه مقدرش يستحمل ان اكتر انسانه حبها خانته وقرر ين—تحر!!
وكانت حالة حور انها رافضه ترجع للواقع ودا الي خلاها تدخل في غيبوبه وقررت انها مترجعش تاني ؟
ومر سنتين وكانت حور لسا في الغيبوبه وكان اهلها كل يوم بيزورها وكانت لميس بتدخلها وتكلمها وتطلب منها ترجع علشان هيا بتحبها وبتقول " حور ارجعي انتي ملكيش ذنب في موته هو الي كان مقرر يموت مفسه !!! انتي بريئه من موته انتي طول عمرك جدعه ومقصرتيش مع حد فوقي!!
وقتها حور رمشت وقتها صرخت لميس من الفرحه وندهت علي الدكتور وقالت لاهل حور انها اتحركت وقتها الدكاتره قربوا منها وبدأ يعالجوها ويساعدوها لحدما فاقت كليا وبدوا يساعدوها تمشي وتتكلم وفعلا استجابت معاهم ولاكنها افتكرت الي حصل ومن وقتها اتجهت للدكتور النفسي والي في كل جلسه تحكيلوا نفس الحكايه وقبل ما تخلص كلامها قالت!
وجوده في خيالي الي اتكون في وقت الغيبوبه دا خلاني اخدت قرار واحد!
الدكتور " اي هوا يا حور!
حور بحزن" اني لازم اروحله علشان وحشني اوي؟
الدكتور رغم انه بيسمع القصه دي كل مره الا انه عيط علي حالتها وقتها حور شافته بشكل رشيد وقالت" رشيد انت جيت انت وحشتيني اوي!
بصلها الدكتور وقال" انتي شيفاني رشيد دلوقت"
مردتش عليه وقربت منه حض"نته وهوا حض"نها لحدما حس ان جسمها تقل ووقتها اتأكد انها ماتت فضل يعيط زي الطفل وبدأ ينادي بأسمها وهو بيقول " حور حور! مردتش فقال بعياط "مسكينه يا حور مسكينه انا عمري مشوفت حد صادق وبيحب بجد زيك !!
بعدها عنه واتصل بأهلها والي استقبلوا خبر وافتها بصدمه اكبر ولاكن الدكتور قال " الموت ارحم بكتير من الي كانت عيشاه!
مامتها" انا بنتي هتوحشني اوي انا مش عايزاها تسيبني انا بحبها وابوها واختها ولميس وكلنا بنحبها بس هيا ليه مشيت"
الدكتور بحزن" هيا مشيت لانها مستحملتش تعيش اكتر من كدا من غيره وهو مش معاها علشان كدا قررت تروحله وفي الاخر دا قضاء وقدر ادعولها ربنا يرحمها !!!
النهاية
أنا أسفه علي الي حصل في الروايه بس دي كانت القصه ومترتبه علي الاحداث دي والغرض منها ان احنا في زمن مليان بمشاعر مزيفه ومش شرط انك تحب حد بعد عشره زنن لأ في أشخاص بنحبهم من اول قعده او اول نظره فعلا أنا بجد عيطت وانا بكتب البارت واتمني تسامحوني علي النهايه الحزينه دي ولاكن عايزه اوضح حاجه واقول ان مش كل الحكايات اخرها فرح في بيكون نهايتهم حزينه ولاكن هيا راحتله علشان بتحبه وربنا يجمع كل قلبين اتفارقوا في الجنه يارب !
السلام عليكم ورحمة الله وبركاته
اشوفكم في روايه تانيه مع السلامه اخواتي في الله
الكاتبة شيماء صبحي
