رواية الشك كاملة وحصرية بقلم الاء الزين
بعد خطوبتى بأربع شهور وانا بفتش فى تليفون أختى صدفه قابلتنى صورة خطيبى
صوره مش مترتبه متاخده من غير الشخص ما يعرف عشان كده مش مظبطه
خطيبى كان قاعد على الكنبه وجزء منى ظاهر لكن أختى قاصه الصوره
أختى كانت فى المطبخ وكانت داخله عليا عشان كده سبت التليفون من ايدى وقفلته
بعد ما أختى قعدت جنبى قلتلها انى عايزه التليفون بتاعك ابعت شوية صور واغاني من عندك
وشها اتغير، قالت افتحى الشير انا هبعتلك كل الصور والاغاني اللى عندى
مرضتش أجادل معاها، قلتلها ابعتى كل الصور وانا هختار منها
أختى بعتتلى كل الصور ما عدا صورة خطيبى
ساعتها الشك لعب فى عقلى وحسيت ان فيه حاجه مش طبيعيه لوجود صورة خطيبى فى تليفون أختى خاصه انها صوره مش طبيعيه
أختى خلصت، سابتنى ودخلت غرفتها وانا قعدت فى مكانى اراجع الصور تانى، اتأكدت انها مبعتتش الصوره
