رواية طفله في عرين الشيطان ( حلقة خاصة ) بقلم مياده السيد الجزار
بعد اسبوع
مِسِك بدموع : جاسم انا عايزه هشوف اللي قتل امي ارجوك وافق
جاسم بتنهيده : ماشي بس متعيطيش مش اقدر هشوف دموعك فاهمه
عادل بقسوه : ايه اللي جابك هنا يا بت انتي
مِسِك بدموع : جايه هسالك سؤالين
صمتت قليل ثم قالت بوجع : انت ليه قتلت ماما ... وليه بتكرهني كده انا والله حبيتك كنت نفسي تكون معايا في اي حفله تبع المدرسه كنت بشوف كل العيال مع آبائهم وهقول بكره بابا يحبني بس انت محبتنيش وطلعت قاتل ماما لييييه كل ده ليييه
عادل بغضب : انا محبتش امك اتجبرت هتجوزها علشان بس فلوسها وكنت ناوي هطلقها اول لما تتنازل عن كل حاجه بس ساعتها انا غلطت اكبر غلط لما جيبتك كنت عايزها تموتك قبل ما تيجي بس هي رفضت حاولت كتير هسقطها بس كل مره كان في حاجه بتنقذها معرفتش هموتك لغيط لما جيتي معرفتش هتقبلك بس كانت طول المده دي بحاول همضيها على التنازل وبرده مكنتش بعرف لغيط لما هي عرفت اني متجوز قبلها ومخلف كمان كانت ناويه تفضحني بس مضتها بالعافيه على التنازل
مِسِك بدموع : لييييه عملت كده حرام عليك انت السبب في حرماني من امي
عادل : انا اساسا حبيت حنان هي اول حب والاخير وغلطي لما جيبتك
قامت مِسِك بانهيار
جاسم لما شافها قلبه وجعه
ظلت مِسِك تبكي في حضن جاسم
ــــــــــــــــــــــــــــــــــــــــــــــــ
بعد دخول رودينا السجن بثلاث شهور
رامي ببرود : خير قالوا إنك عايزاني ضروري
رودينا : بقالي كتير بطلب هشوفك يا رامي وهما بيقولوا انك بترفض تيجي
رامي ببرود : ايوه فعلا كنت برفض لغيط لما اتخنقت من زنك فيه ايه قوليلي خلصي لاني مش فاضيلك
رودينا بدموع : خرجني من هنا يا رامي ارجوك .. انا تعبانه اوي
رامي بضحكه استفزاز قائلا : والله ضحكتيني انتي واحده رخيصه وخاينه واللي زيك آخرهم السجن
رودينا بدموع : طيب انا غلطت بس ابني اللي في بطني ذنبه ايه يعني يرضيك يتولد هنا في القسم
رامي ببرود : ذنبه أنه ابنك انتي رخصتي نفسك واهو آخره خيانتك ليا السجن ده ، وحامل كمان في عيل ابن حرام
رودينا بدموع : سامحني يا رامي انا بحبك انت
رامي بضحك ثم قال ببرود : حب ايه بس انتي واحده خاينه اخرتك هنا
رودينا بدموع : لا يا رامي ارجوك انا مش هقدر هستحمل السجن طب علشان خاطر اللي في بطني بلاش تسيبني
قام رامي ببرود : انتي مش بتهميني واللي في بطنك صعبان عليا علشان انتي امه سلام
رودينا بانهيار : بطل قسوه انا غلطت سامحني
رامي بغضب : انتي فاكره غلطك بيتنسي بكل سهوله ها لا يا رودينا استحاله هسامحك أما ابنك انا مستحيل هربي لانه هيفكرني بخيانتك ليا انا بكرهك وكرهت نفسي علشان حبيت واحده رخيصه زيك كلهم حزروني منك بس انا صدقتك انتي يا حقيره انا همشي دلوقتي ومش هجيلك تاني
ذهب رامي بغضب
رودينا بجنون : لا يا رامي بلاش تسيبني انا مش هعرف هعيش هنا ارجوك يا رامي لا
العساكر خدوا رودينا بجنونها وانهيارها بالعافيه ودخلوها الزنزانه
فهد بهدوء : ارتاح يا رامي
مايا بحزن : انت كويس يا رامي
رامي بهدوء : اول مره هكون كويس انهارده طلعت كل الكلام اللي جوايا ليها .
ثم اكمل بوجع : انا بس مش مصدق اني حبيت واحده زيها .. كلهم كانوا بيحزروني منها بس انا كدبتهم كلهم ووثقت فيها هي
نظرت له مايا بحزن
فهد بحزن : ده اختبار من ربنا يا رامي .. عارف انه اكيد صعب عليك بس ليه متقولش اني ربنا كشفلك حقيقتها علشان متفضلش مخدوع فيها
رامي بتنهيده حزن : الحمدالله
ثم نظر إلي مايا بابتسامه : شكرا يا مايا
مايا بابتسامه : على ايه
رامي بابتسامه : علشان صممتي تيجي معايا
مايا بابتسامه : احنا اصدقاء يا رامي مفيش شكر بينا صح يا ابيه
نظر لها فهد بهدوء : اكيد
ثم قال مغيرا الموضوع : المهم يا رامي هي في الاخر كانت عايزه ايه دي فضلت تزن علشان تشوفك
رامي بسخريه : كانت عايزاني هخرجها قال ايه علشان خاطر اللي في بطنها بس انا رفضت طبعا هي تستاهل تعفن في السجن
مايا : ابيه هي ازاي فعلا هتكون في السجن وهي حامل
فهد بهدوء : عادي هتفضل في السجن لغيط لما يجي معاد ولادتها .. هتولد في مستشفي السجن وبعد ما تتحسن هترجع السجن تاني
ثم نظر إلي رامي : بس السؤال هنا هل عندك استعداد يا رامي تربي ابنها ؟؟
رامي بتنهيده : لا يا فهد مينفعش انا مش عايز اي حاجه تفكرني بخيانتها بس علشان هو مالهوش ذنب في خيانتها انا ممكن هخلي يروح اي دار ايتام او نشوف ليه اسره يقدروا يربوا لكن انا لا مينفعش
فهد بتفهم : تمام ربنا يسعدك يارب يا رامي
رامي : يارب
ثم قام قائلا : طب انا همشي تعالي طا مايا هوصلك
فهد : لا يا رامي امشي انت انا هوصل مايا
رامي : ليه يا ابني ما تخليك انت في شغلك وبعدين انا اللي جيبتها عادي بقا هروحها
فهد : انا مروح البيت يا ابني متقلقش لو كان عندي شغل كنت خليتك توصلها بس انا حاليا معنديش شغل
رامي بابتسامه : ماشي يلا باي
خرج رامي
نظر فهد الي مايا : يلا يا مايا علشان هوصلك
مايا : ماشي يا ابيه
نزل فهد ومعه مايا ثم ركبوا في العربيه
ــــــــــــــــــــــــــــــــــــــــــــــــ
حبيبه بغيره قائلا بضيق : حازم بقولك صح هي البنت دي ليه كل ما هجيلك هلاقيها موجوده
حازم : قصدك الباشمهندسه فاطمه
حبيبه بضيق : والله مش فارقه معايا انا بتكلم في حاجه تانيه ليه كل ما هجيلك هنا الاقيها عندك في المكتب
حازم بخبث : بتسالي ليه اوعي تكوني غيرانه
حبيبه بارتباك : لا مش غيرانه انت بتكون ابن خالتي واكيد لازم هخاف عليك لانك زي اخويا بالظبط
حازم بضيق : زي اخوكي
حبيبه بارتباك : اه اه وبعدين انت بتغير الموضوع ليه
نظر لها حازم بضيق : طب انتي كنتي جايه ليه
حبيبه بضيق : مكنتش عايزني هاجي تمام انا فعلا غلطت سلام
حازم : حبيبه بلاش شغل العيال ده انا بس استغربت لما لقيتك جيتي وكمان قلقت يكون فيه حاجه
حبيبه بدموع محبوسه : لا مفيش حاجه انا غلطت علشان جيت سلام
حبيبه استدارت بضهرها
حازم : حبيبه
حبيبه بدموع محبوسه : انا عندي درس دلوقتي علشان متاخرش
حازم : طب استني هوصلك
حبيبه بسخرية : لا شكرا خليك مع الباشمهندسه
حازم بابتسامه على غيرتها : طب تعالي يلا هوصلك
حازم صمم يوصل حبيبه للدرس
طول الطريق حبيبه سرحانه مش بتتكلم مع حازم
ــــــــــــــــــــــــــــــــــــــــــــــــ
فهد : مايا انتي ايه اللي خلهاكي تروحي لي رامي الشركه
مايا : عادي يا ابيه انا بعتبروا صديق
فهد : صديق بس متاكده
مايا : ايوه صديق بس
فهد بتنهيده وقف العربيه على جنب ثم نظر الي اخته قائلا : انتي مش اختي الصغيره وبس يا مايا ... انتي كمان بنتي علشان كده انا فاهمك اكتر من نفسك
مايا : مش فاهمه حاجه يا ابيه
فهد : لا فاهمه انا اخوكي وحافظك اكتر من نفسك ... علشان كده اوعي تتعلقي بشخص مش شايفك
صمتت مايا بحزن
اكمل فهد حديثه قائلا : انا وافقت في البدايه تتكلمي مع رامي قولت يمكن الخلاف ما بينكم ينتهي وكمان علشان بثق فيكي وعارف رامي كويس وهو محترم بس مينفعش اكتر من صديق عارفه ليه يا مايا
نظر له مايا بدموع محبوسه
اكمل فهد حديثه قائلا بحزن : رامي مجروح بسبب خيانه مراته ولو انتي قربتي منه هتتوجعي انا خايف عليكي يا مايا مش عايزك تتعلقي بشخص مش شايفك وكمان ده شخص مجروح على الماضي انا مش عايز هو يحبك علشان ينسى بيكي الماضي المؤلم فهمتي
مايا بدموع محبوسه : ابيه ممكن تروحني
فهد بحزن باس جبينها بحنيه ثم ركز في السواقه
ــــــــــــــــــــــــــــــــــــــــــــــــ
اماني بابتسامه : الو يا حبيبي ايوه انا كويسه متقلقش
مروان بابتسامه : ازاي بس مقلقش على حبيبتي
اماني بضحك : بكاش اوي
ضحك مروان ثم قال بحب : على فكره انا هعدي عليكي الساعه 7 كده
اماني باستغراب : ليه ؟؟
مروان بحب : نتغدا بره يا موني
اماني بابتسامه : طب ما انا هعمل الاكل
مروان : لا انا عازمك بره خلصنا
ضحكت اماني : طب خلاص انا هجهز وهستناك
مروان بحب : ماشي يا قلبي باي
اماني : باي
تنهدت اماني بسعاده وهي تدعوا اني سعادتها مع زوجها تدوم للابد
ــــــــــــــــــــــــــــــــــــــــــــــــ
اشرف بابتسامه : الو يا حبيبتي عامله ايه
مِسِك : الحمدالله يا حبيبي انت عامل ايه
اشرف : مستني بفارغ الصبر علشان هخرج من المصحه وهعوضك عن كل حاجه وحشه
مِسِك بابتسامه : ربنا يخليك ليا يارب وانا مستنياك يا حبيبي
جاسم بغيرة : خلاص بقا يا مِسِك مش اطمنتي عليه
مِسِك : بقالي كتير مطمنتش عليه
جاسم بضيق : ماشي بس مش كل شويه تقوليلوا يا حبيبي يا حبيبي الكلمه دي ليا انا وبس
ابتسمت مِسِك بخجل
جاسم بضيق : الو يا اشرف مش خلاص بقا
اشرف بضحك : دي اختي علي فكره
جاسم بضيق : هي دلوقتي بقيت مراتي مفهوم
اشرف بضحك : اه مفهوم طبعا
جاسم بهدوء : خليك عارف انك بعد ما تخرج من المصحه هتيجي تشتغل في الشركه
اشرف بسعاده : بجد يا جاسم بيه
جاسم بابتسامه : ايوه بجد وبعدين قولتلك بلاش كلمه جاسم بيه دي انا بالنسبالك جاسم وبس جوز اختك واخوك يا اشرف
اشرف بابتسامه : والله احسن اخ ان شاء الله هخرج من هنا وهرفع راسك
جاسم بابتسامه : وانا متاكد من كده .. لو عوزت اي حاجه خليهم يكلموني
اشرف بابتسامه : حاضر
جاسم بابتسامه : يلا باي
اشرف : باي
جاسم اغلق الخط
مِسِك تنظر الي جاسم بحب
جاسم يقترب منها : هو انا حلو اوي كده
مِسِك بلا وعي : جدا
جاسم بضحك : ده انا كده اتغر
فاقت مِسِك على صوت جاسم قائلا بخجل : احم انا رايحه هذاكر
جاسم بابتسامه على خجلها : ماشي ربنا يوفقك لو عوزتي اي حاجه قوليلي
وقفت مِسِك ثم نظرت له : حاضر انا بس كنت عايزه هشكرك
جاسم : على ايه
مِسِك برقه : علشان انت ساعدتني ودايما بتكون معايا انا ظلمتك اوي يا جاسم وكمان انت بتساعد اخويا شكرا
جاسم بحب اقترب منها قائلا : انا اللي غلطت من الاول ... اتجوزتك بالعافيه علشان انتي بنت ماما رقيه وكمان علشان تكوني في حمايتي بس حبيتك والله انا بعشقك
مِسِك بدموع محبوسه : انا بحبك اوي يا جاسم ربنا ما يحرمني منك
جاسم احتضنها قائلا بحب : وانا بعشقك يا قلب جاسم
ابتعدت مِسِك بخجل عنه قائلا : طب انا رايحه هذاكر بقا
ابتسم جاسم على خجلها
ذهبت مِسِك سريعا لتكمل مذاكرتها
ــــــــــــــــــــــــــــــــــــــــــــــــ
هدير باستغراب : ايه ده فيه ايه ؟؟
مايا ذهبت الي غرفتها سريعا وهي تبكي
نظر هدير الي فهد بقلق : فيه ايه يا فهد مال مايا
فهد بحزن : هحكيلك يا هدير بس خليكي جنب مايا
هدير : اكيد طبعا مايا اختي احكيلي يلا
فهد بتنهيده ظل يحكي لي هدير ما حدث
هدير بحزن : متقلقش يا حبيبي روح انت على شغلك وانا هتكلم معاها
فهد : ماشي يا قلبي وابقي طمنيني عليها
هدير : حاضر
ذهب فهد الي شغله
ــــــــــــــــــــــــــــــــــــــــــــــــ
جاسم دخل الغرفه لاحظ انها سرحانه
جاسم باستغراب : مِسِك
مِسِك بانتباه : ها في ايه
جاسم : انتي اللي فيكي ايه مالك يا حبيبتي
مِسِك : عندي امتحان بكره
جاسم : ايوه انا عارف
مِسِك بتوتر : انا قلقانه من امتحان بكره
جاسم بحنيه يقترب منها : انتي مذاكره صح
مِسِك ببراءه : ايوه بس برده خايفه
جاسم بحنيه : لا متخافيش ده امتحان بسيط جدا وكمان انتي مذاكره يبقى متقلقيش من اي حاجه
مِسِك ببراءه : جاسم انت كمان كنت بتخاف من الامتحانات
جاسم بابتسامه : لا مكنتش بخاف
مِسِك : بجد
جاسم بابتسامه : ايوه بجد وبعدين يلا بقا علشان تنامي
مِسِك بطفوله : ينفع تيجي انت توصلني بكره المدرسه
جاسم بحنيه : ايوه طبعا انا اللي هاجي هوصلك الامتحان مش عايزك تقلقي من حاجه
مِسِك : حاضر
ابتسم جاسم بحب ثم خدها في حضنه ونام
ــــــــــــــــــــــــــــــــــــــــــــــــ
فرح بابتسامه : جاهزه للامتحانات يا حبيبه
حبيبه : ايوه ربنا يستر
فرح : انتي كويسه
حبيبه : ايوه
فرح : مش باين يعني
صمتت حبيبه بدموع محبوسه
فرح بقلق : مالك يا بنتي احكيلي
حكيت حبيبه لي فرح على غيرتها ثم ظلت تبكي
ظلت فرح تهديها
ــــــــــــــــــــــــــــــــــــــــــــــــ
هدير بحنيه دخلت لي مايا قائلا : يلا بقا يا مايا اشربي العصير
مايا بدموع : لا مش عايزه
هدير بتنهيده قعدت بجانبها : انتي واثقه في خوف فهد عليكي صح
مايا بدموع : ايوه صح انا فعلا يا هدير كنت بضحك علي نفسي وبقول ده صديق ليا .. بس انا فعلا حبيته اوي يا هدير من اول يوم شوفتوا لفت نظري .... طب انتي عارفه لما عرفت ايه متجوز قولت اعجابي بيه كان غلط من الاول مكنش ينفع بس لما عرفت باللي حصل فرحت علشان هو دايما كان في بالي ... غصب عني يا هدير حبيت شخص متجوز ولما طلقها قولت هقرب منه كصديقه بس ... انتي وابيه كلامكم صح مينفعش هتعلق بشخص عمره ما يشوفني علشان بس هو موجوع ... بس قوليلي اعمل ايه انا حبيته
هدير بحزن على مايا حضنتها بحنيه قائلا : بس يا حبيبتي ده اختبار من ربنا وانتي هتنجحي فيه وخليكي عارفه لو الاستاذ رامي من نصيبك هيكون ليكي حتي لو اودامكم مليون عقبه اما لو مش من نصيبك يبقي ربنا هيخليكي تنسي زي ما زرح الاعجاب والحب ده فيكي قادر يخرجوا من جواكي من تاني فاهمه كلامي
مايا بدموع : ايوه فاهمه يارب يارب يا هدير
ــــــــــــــــــــــــــــــــــــــــــــــــ
حبيبه : انت بتعمل ايه هنا
حازم : جاي هروحك
حبيبه بضيق : لا شكرا انا هركب تاكسي
حازم بحده مسك ايد حبيبه جامد قائلا : بلاش تختبري صبري فاااااهمه
حبيبه بوجع من ماسكه ايدها : اه ايدي انت بتوجعني
حازم بضيق من نفسه ساب ايدها
حبيبه بدموع محبوسه : انا ماشيه ارجع لي شغلك يا ابن خالتي
حازم بضيق : حبيبه اسمعي الكلام يلا تعالي اركبي
نظرت له حبيبه بضيق هي الاخر قائلا : لا انا هروح بتاكسي
حازم بعصبية مكتومه : اسمعي الكلام يا حبيبه يلا
حازم ركب حبيبه غصب عنها في العربيه
حبيبه بغضب : نزلني يا حازم
حازم : لا مش هنزلك واسكتي بقا
نظرت له حبيبه بضيق وغضب
ــــــــــــــــــــــــــــــــــــــــــــــــ
هدير : متقلقش عليها يا حبيبي انا معاها
فهد : انا قسيت معاها في الكلام يا هدير بس غصب عني خايف عليها من الوجع
هدير : عارفه والله يا فهدي بس متقلقش هي دلوقتي نامت واحنا هنفضل معاها بس ممكن هقولك حاجه
فهد : طبعا يا حبيبتي قولي
هدير بتنهيده : ما يمكن الاستاذ رامي يحبها
فهد : اديكي قولتي يمكن يعني مش اكيد وانا مش عايز اختي تتوجع اكتر من كده وفي نفس الوقت مش عايز هخسر صحبي فاهمه
هدير : ايوه فاهمه طب انا هروح هطمن عليها انت هتتاخر انهارده
فهد : لا يا حبيبتي انا بس هخلص الشغل ده وبعدين هاجي البيت
هدير : اوك باي
اغلقت هدير الخط مع فهد
ــــــــــــــــــــــــــــــــــــــــــــــــ
حازم ومعه حبيبه دخلوا الشقه
حبيبه بدموع محبوسه ذهبت سريعا الي غرفتها
سناء باستغراب : ايه ده فيه ايه مال حبيبه
حازم بتنهيده : مفيش يا خالتو انا راجع الشركه وعايز هتكلم معاكي انتي وعمو
سناء بابتسامه : ماشي يا حبيبي
خرج حازم
سناء : حبيبه انتي كويسه يا بنتي
حبيبه نايمه على السرير قائلا بدموع : ايوه يا ماما كويسه انا بس عايزه هنام
سناء بحنيه : طب احكيلي ايه اللي مزعلك يا بنتي
حبيبه : مفيش انا بس هنام علشان هصحى هذاكر
سناء بحنيه باست خدها : طيب يا حبيبتي نامي لغيط لما اعمل الغداء
خرجت سناء تاركا حبيبه بتبكي بصوت مكتوم
ــــــــــــــــــــــــــــــــــــــــــــــــ
الساعه 7
هدير بابتسامه : يلا بقا علشان نتغدا يا مايا
مايا بابتسامه حزن : ابيه جيه
هدير : ايوه يلا قومي
قامت مايا غسلت وشها
هدير : فهد اتكلم مع مايا تاني وفهمها وجهه نظرك
فهد بتنهيده : ما انا عملت كده الصبح بس هي فضلت تعيط واتوجعت من كلامي وكمان زعلت مني ... انتي تعرفي يا هدير انا واثق فيها هي ورامي بس مش عايزها تتعلق وتتوجع في الاخر
هدير : عارفه يا حبيبي ومتقلقش مايا طيبه وهي متاكده انك بتخاف عليها
نزلت مايا بحزن قائلا : مساء الخير
فهد بابتسامه : مساء النور يا حبيبتي اقعدي كلي يلا
قعدت مايا وبدات تاكل حاجات بسيطه
ــــــــــــــــــــــــــــــــــــــــــــــــ
سناء بابتسامه : يلا يا حازم
حازم قعد جنب عصام
حازم : هي حبيبه مش هتاكل
سناء : لا هتيجي تاكل دلوقتي
ابتسم حازم وظل ينظر الي غرفتها
حبيبه خرجت وهي تتجاهلوا
ابتسم حازم على غضبها
ــــــــــــــــــــــــــــــــــــــــــــــــ
فهد : مايا عايز هتكلم معاكي
مايا : اتفضل يا ابيه
دخل فهد قائلا بحنيه : عارف اني كلامي وجعك بس والله انا خايف عليكي
مايا بدموع محبوسه : عارفه يا ابيه متقلقش انا مش زعلانه منك لان كلامك صح اسفه بس غصب عني والله
فهد بحنيه : عارف انه غصب عنك ... وكمان واثق فيكي انا اللي مربيكي وواثق في رامي علشان هو صحبي ومتاكد انه استحاله يستغل اختي انا بس عايزك تتحكمي في مشاعرك
مايا بحزن : هوعدك يا ابيه هحاول
فهد بابتسامه : وانا متاكد من كده يا حبيبتي ..... انا بس عايزك تكوني مبسوطه وتتاكدي من حاجه اني بخاف عليكي
مايا بابتسامه حزن : عارفه يا ابيه ربنا ما يحرمنيش منك
فهد بحنيه : ولا منك يا قلب ابيه
ابتسمت مايا ثم احضتنت فهد
ــــــــــــــــــــــــــــــــــــــــــــــــ
سناء عملت ليهم القهوه
حازم : خالتو هي حبيبه فين
سناء : حبيبه قاعده في الاوضه بتذاكر
حازم بتنهيده : طب كويس انا كنت عايز هتكلم معاكم في موضوع مهم بصراحه حاولت هستنى بس مش قادر
عصام بقلق : فيه ايه يا ابني
حازم باحراج : احم انا عايز هطلب ايد حبيبه
سناء وعصام نظروا الي بعض
حازم بقلق : ها انا والله متكلمتش معاها في كده انا حتي مخبي حبي ليها في قلبي محاولتش هقولها وهخون ثقتكم
عصام بابتسامه : انا متاكد من كده يا ابني
سناء بحنيه : عارف يا حازم طول عمري بتمنا اني حبيبه تكون من نصيبك اوعي تكون فاكر اني مشوفتش نظرات حبك ليها من قبل ما تسافر وانا واخده بالي ده كفايه انك ابن اختي الغاليه ربنا يرحمها
حازم بتنهيده : ربنا يرحمها
ثم قال : يعني كده موافقين ولا ايه
عصام بابتسامه : ايوه طبعا موافقين بس الخطوبه هتكون بعد نتيجه حبيبه
حازم بسعاده : انا موافق طبعا
ظل حازم بتحدث معاهم وبداخله سعاده لا توصف
ــــــــــــــــــــــــــــــــــــــــــــــــ
الساعه 10 م
جاسم بابتسامه : حبيبتي سرحانه فيه ايه
مِسِك بقلق : بصراحه انا خايفه من امتحان بكره
جاسم بحنيه : مش انتي مذاكره
مِسِك : ايوه بس برده خايفه
جاسم بحب يقترب منها قائلا : متخافيش وخليكي عارفه اني ربنا معاكي دايما ومستحيل يضيع تعبك
مِسِك : حاضر هحاول مخفش بس ممكن طلب
جاسم بحب : اطلبي يا قلبي
مِسِك بطفوله : ينفع انت اللي توصلني بكره في اول يوم امتحان
جاسم بحب : اكيد طبعا ينفع انا اصلا هوصلك طول فتره الامتحانات وهكون معاكي دايما
مِسِك برقه : شكرا
جاسم بحب قرب منها باسها في خدها : انتي مراتي يا قلبي
مِسِك بخجل : طب انا هنام بقا
جاسم بابتسامه على خجلها قائلا : طب تصبحي علي حاجه يا طفلتي
مِسِك بغضب طفولي : بطل تقولي الكلمه دي انا مش طفله
جاسم وهو يحتضنها قائلا بحب : لا انتي طفلتي الاولى ، وحبيبتي وعشقي الاول والاخير .
صمتت مِسِك بخجل
جاسم بحب : يلا نامي بقا بس وانتي في حضني زي كل يوم
ابتسمت مِسِك بخجل ثم نامت في حضن زوجها حبيبها
ــــــــــــــــــــــــــــــــــــــــــــــــ
يوم جديد
مع تسرييع الاحداث
الساعه 12 ظهرا
حازم بابتسامه : هتفضلي زعلانه كده
حبيبه بضيق : وانا هزعل ليه
حازم بابتسامه : والله اسألي نفسك من امبارح مش راضيه تكلميني حتي لما جيت بليل متكلمتيش معايا
نظرت له حبيبه بضيق
حازم بتنهيده اقترب منها قائلا : والله الباشمهندسه فاطمه ماليش كلام معاها غير في الشغل وبس
حبيبه بارتباك : انا ماليش دعوه
حازم بابتسامه : عارف انا بس بحكيلك ک بنت خالتي
حبيبه : طيب
يقترب منها حازم بابتسامه : لسه زعلانه
حبيبه لفيت وشها بعيد عنه
حازم بحب : حبيبه انتي غاليه عليا وزعلك يفرق معايا
نظرت له حبيبه : طيب خلاص مش زعلانه
حازم بابتسامه : يعني صافي يا لبن
حبيبه بابتسامه : حليب يا اشطا
ابتسم حازم قائلا بحب : طب يلا علشان هوصلك
اتكسفت حبيبه من نظراته ثم ركبت بجانبه في العربيه
ــــــــــــــــــــــــــــــــــــــــــــــــ
بعد مرور شهرين
خلصت امتحانات الثانويه العامه والجامعات
مايا كلامها مع رامي بحدود وبتحاول تتحكم في مشاعرها بس طبعا صعب
ــــــــــــــــــــــــــــــــــــــــــــــــ
رامي : فيه ايه يا فهد
فهد : رودينا
رامي بضيق : مالها ما انا قولتلك لو طلبت
فهد مقاطعا : رودينا ماتت يا رامي
رامي بصدمه : ايه ماتت ازاي
فهد بتنهيده : من يومين جالها نزيف ودخلت مستشفى السجن لكن حالتها ساءت فماتت هي واللي في بطنها
صمت رامي بهدوء
فهد : رامي انت كويس
رامي : انا كويس هي مش فارقه معايا يا فهد .... من يوم خيانتها ليا وانا معتبرها ماتت ولو انت فكرك اني زعلان على موتها تكون غلطان انا ولا زعلان ولا فرحان
فهد : طب هي مالهاش حد يا رامي علشان بس
رامي : فهد لو علشان الدفن فا انا اعمل كل الاجراءات بس مش علشانها لا علشان ربنا
فهد بابتسامه : تمام يا صحبي
رامي عمل كل الاجراءات واستلم الجثه ودفنها
مايا بحزن : انت لسه بتحبها يا رامي
رامي : لا انا بس عملت كل ده علشان ربنا مش علشانها فاهماني
مايا هزت دماغها بتفهم
ــــــــــــــــــــــــــــــــــــــــــــــــ
بعد اسبوع
فهد بسعاده : الف مبروك يا قلبي
مايا بسعاده : الله يبارك فيك يا ابيه
هدير بسعاده : الف مبروك يا قلبي عقبال كل السنين ومم نجاح لي نجاح
مايا حضنت هدير : الله يبارك فيكي يا حبيبتي
رامي بيكلم مايا
رامي : الف مبروك يا دكتوره
مايا بابتسامه : الله يبارك فيك يا رامي انت هتيجي الحفله اكيد صح
رامي بابتسامه : ايوه اكيد ان شاء الله
مايا : ان شاء الله
مع تسرييع الاحداث
مر يومين
عملوا الحفله لي مايا والكل حضر وباركولها
ــــــــــــــــــــــــــــــــــــــــــــــــ
بعد شهرين
ظهرت نتيجه مِسِك والكل طبعا كان فرحان علشان جابت 98٪ وبقيت تالته ثانوي
حبيبه جابت 97% ودخلت كليه هندسه اللي بتحلم بيها ويوم الحفله حازم اتقدملها وهي وافقت
ــــــــــــــــــــــــــــــــــــــــــــــــ
بعد بدايه الدراسه بتلات شهور
جاسم بابتسامه : عامله ايه في المذاكره
مِسِك بابتسامه : الحمدالله يا جاسم تعرف نفسي اوي احقق حلمي
جاسم بابتسامه : إن شاء الله يا قلبي اه صح عندك امتحان بكره في الدرس
مِسِك بابتسامه : ايوه إن شاء الله
جاسم بابتسامه : إن شاء الله يلا انا هروح هكمل شغل
مِسِك بابتسامه : ماشي جاسم صح
نظر لها جاسم لتكمل مِسِك حديثها قائلا بحزن : هو اشرف هيخرج امته
جاسم بحنيه : متقلقيش يا حبيبتي انا اتكلمت مع الدكتور وهو قالي انه قرب يخلص العلاج وبعدين هيخرج
مِسِك بابتسامه حزن : هو اللي فاضلي من اهلي يا جاسم دلوقتي اشرف بقا كل اهلي
جاسم بضيق : وانا يا مِسِك بالنسبالك ايه
ابتسمت مِسِك : انت جوزي
جاسم بضيق : لا مش جوزك بس انا اهلك كلهم فاهمه اوعي تقولي كده تاني
مِسِك بحب : ربنا ما يحرمنيش منك
إتنهد جاسم بحب : يلا كملي مذاكره
خرج جاسم وتركها تكمل مذاكرتها
ــــــــــــــــــــــــــــــــــــــــــــــــ
في الشركه
حازم بابتسامه : ايه ده. الانسه حبيبه بنفسها موجوده
حبيبه بابتسامه : اممممم جيت اقعد معاك شويه في الشركه عندك مانع
حازم.: لا طبعا ازاي الشركه والمدير تحت امرك
ابتسمت حبيبه بحب
ثم اكمل حازم حديثه بابتسامه قائلا : عامله ايه يا حبيبتي في الجامعه
حبيبه : مش عارفه انا متلغبطه ما بين المواد
حازم بابتسامه : بس انا عارف انك هتقدري علشان انتي قدها وبعدين ده انتي جيبتي مجموع وحققتي حلمنا كلنا
حبيبه بابتسامه : دايما مش بتخليني افقد الامل
حازم بابتسامه : لا بالعكس انتي اللي بتدعميني دايما
الباب بيخبط
حازم : ادخل
فاطمه دخلت بضيق وهي تنظر إلي حبيبه
حازم باستغراب :فيه ايه يا بشمهندسه
فاطمه بانتباه تنظر إلي حازم : انا بس جايه هجيب لي حضرتك التصميم ده
حازم بهدوء : تمام حطي عندك على المكتب
حبيبه قاعده جنب حازم بتولع من الغيره
فاطمه بضيق : حاضر
ثم نظرت له قائلا : حضرتك مش عايز تاكل او هجيبلك فنجان قهوه
حبيبه بغيره : هو انتي مش شايفه يعني اني قاعده جنبه ولا ايه وبعدين خليكي في شغلك انا خطيبته واحنا هناكل سوا
حازم بابتسامه على غيرة حبيبته : روحي انتي يا بشمهندسه
ذهبت فاطمه بضيق من حبيبه
نظرت لها حازم بابتسامه
حبيبه بغيرة : تقدر تقولي هي مالها تاكل ولا تشرب .. هي مالها يا حازم ليه تتدخل
حازم :طب ممكن تهدي اولا انتي رديتي عليها .... ثانيا انا والله استغربت طريقتها وكنت لسه هرد عليها بس انتي سبقتيني
حبيبه بغيرة : انت المفروض تطردها
حازم بابتسامه :طب اهدي وهي لو حاولت تتجاوز حدودها انا اعمل كده متقلقيش
صمتت حبيبه بضيق وغيرة
حازم بابتسامه : يلا نروح ناكل
حبيبه بضيق : مش عايزه
حازم : حبيبه خليكي واثقه فيا
حبيبه بتنهيده : واثقه فيك اكتر من نفسي بس غصب عني بغير عليك
حازم بحنيه : مفيش داعي للغيرة لانك انتي اللي في قلبي اما بقا لو هي حاولت بس تعمل اي حركه مش عجباني ساعتها هتطردها
حبيبه : ماشي
حازم : طب يلا بقا علشان ناكل
حبيبه بابتسامه : يلا
خرج حازم ومعه حبيبه تحت نظرات غيرة فاطمه
ــــــــــــــــــــــــــــــــــــــــــــــــ
الباب بيخبط
اماني بصدمه : عمي !!
مروان جيه على الصوت بغضب
العم : مش هدخلوني
اماني بخوف مستخبيه وراء مروان
العم بحزن : متخافيش يا بنتي انا ظلمتك كتير وجيت عليكي سامحيني
مروان : لو فاكر اني هخرج ابنك من السجن تبقي غلطان
العم : لا يا ابني انا مش جاي علشان كده ابني غلطان ولازم يتحاسب انا جاي علشان ظلمت بنت اخويا جيت عليكي يا بنتي سامحيني
اماني : ايه اللي غيرك كده يا عمي
العم بدموع لاول مره : فوقت يا بنتي بعد فوات الاوان بنتي اطلقت وجوزها رماها وابني اتسجن وكل ده بسببي انا سامحيني
اماني بطيبه : انا مش زعلانه منك يا عمي المهم انك فوقت
العم بحنيه : ربنا يبارك فيكي يا بنتي
ثم نظر إلي مروان : متقلقش يا ابني انا لو كنت عايز هخرج ابني كنت جيت من زمان انا عارف اني جرحتك يا اماني بالكلام وقتها بس انا عرفت دلوقتي انه يستاهل الحبس وانا كمان علشان جينا عليكي يا بنتي ... انا همشي دلوقتي ومرتاح انك مسامحني ربنا يفرحك زي ما فرحتيني ...
ذهب عم اماني
مروان بابتسامه : مكنتش متخيل انك هتسامحي عمك
اماني بتنهيده : لازم هسامح يا حازم علشان خاطر ربنا حتي لو شوفت الوجع من عمي بس لازم هسامح
ابتسم مروان ثم احتضنها
ــــــــــــــــــــــــــــــــــــــــــــــــ
بعد شهر ونص
مِسِك بسعاده : اشرف
ابتسم اشرف بحب وهو يحتضن اخته
جاسم بغيره : مش خلاص بقا
ضحك اشرف
جاسم بضيق : بطل ضحك وانتي اول لما اخوكي جيه فضلتي في حضنه
مِسِك بابتسامه : ده اخويا يا جاسم
جاسم بضيق : وانا جوزك ومينفعش تحضني حد غيري
مِسِك وشها جاب طماطم من الكسوف ثم جريت على الجناح
اشرف بضحك : ينفع كده برده تكسف اختي
جاسم بابتسامه على خجلها نظر إلي اشرف قائلا بتنهيده : اشرف انت هتقعد هنا
اشرف : لا لا طبعا مينفعش انا
جاسم مقاطعا : لا ينفع عادي وبعدين انا خليتهم يجهزولك اوضه ليك لوحدك
اشرف بإحراج : انا مش عايز هتقل عليك
جاسم : انت اخويا يا اشرف وبعدين انت هتريح يومين كده وهتنزل معايا الشركه
اشرف : بس انا معنديش خبره
جاسم : متقلقش انت هتكون في قسم خدمه العملاء وفيه حد هناك هيعلمك كل ده واه صح انت المفروض تكمل تعليمك هتدخل جامعه مفتوحه
اشرف بسعاده : بجد شكرا ليك يا باشا
جاسم : باشا تاني يا اشرف قولتلك انت اخويا
اشرف بابتسامه : شكرا ليك يا جاسم
ابتسم جاسم ثم احتضن اشرف بحب
اشرف ابتعد بحزن : بس ممكن سؤال
جاسم : اه طبعا
اشرف : فين عاطف وبوسي
جاسم بتنهيده : عاطف اتقبض عليه بعد دخولك المصحه بس
اشرف : بس ايه ؟؟
جاسم : هرب
اشرف بصدمه : ايه هرب ازاي طب حد عرف يمسكوا
نظر له جاسم
ــــــــــــــــــــــــــــــــــــــــــــــــ
الاحداث دي كلها قبل التلات سنين
عاطف اتقبض عليه تاني ولا لا ؟؟؟
فيه حلقه خاصه تانيه كنت ناويه هخلي الاحداث دي كلها في حلقه واحده بس مينفعش علشان الاحداث كتيره
