رواية ظالمه ومظلومه الفصل الثامن 8 بقلم سالي محمد
الحلقه8
ظالمه ومظلومه
لقيت معتز بيحضني جامد ولسا هيبوسني قومت ضربته بالقلم وزقيته
انا:انت بتعمل اي ياحيوان انت بتستغل ضعفي ايه البجاحه دي وقومت بسرعه طلعت اوضتي وقفلت الباب عليا وهو بيجري ورايا
معتز:والله مش قصدي انا كنت بحاول اخفف عنك سامحيني لو اتجاوزت حدودي انا طنشته ومرضتش ارد عليه وهو يقولي طب افتحي الباب انا اسف مش هتتكرر رميت نفسي ع السرير وانا بعيط وافتكرت لحظه ماحضني وحسيت قد اي بالامان ان ليا سند وحد اشكيله ولقتني بقول لنفسي لا ياسلمي اوعي تضعفي وتحبيه دا عايز يستغلك اكيد مع اول موقف عمل كدا لا لا استغفر الله انا هحاول اخد بالي بعد كدا ومابين كل الافكار دي نمت زي ما انا ودمعتي ع خدي صحيت لقيت الساعه 10ومحدش صحاني ليه اتاريني قافله الباب واكيد خبطوا مسمعتش قومت فتحت الباب ملقتش حد روحت اوضه يوسف لقيت الداده بترتبها
انا:يوسف فين ياداده
الداده:اخده معتز بيه الحضانه يهانم
انا:طيب معلش ممكن تعملي نسكافيه هاتيه ع الاوضه انا هروح اخد شاور عشان افوق
الداده:حاضر ياهانم رجعت اوضتي واخدت هدوم من الدولاب ودخلت الحمام اخدت الشاور وجيت ادور ع منشفه الشعر ملقتهاش فخرجت بالمنشفه لفاها ع جسمي سمعت صوت خبط ع الباب قولت دي اكيد الداده جايبه النسكافيه فتحت باب الحمام
انا:داده ممكن تجيبي منشفه شعري عندك ع السرير اصل نسيتها ومديت ايدي اخدها منها لقيت حد بيشدني لبره
معتز:المنشفه
انا بخضهّ:انت اي وقاحتك دي ازاي تشدني لبره الحمام افرض مش لابسه حاجه عيب عليك
معتز:ما انتي لابسه اهو المنشفه ولا تحبي اول ما قرب زقيته ع الارض ودخلت الحمام لبست هدومي بسرعه وطلعت ملقتوش بس لقيت رساله ع تلفوني طويله وجمبه هديه مسكت الفون اقري الرساله نصها
معتزّّ:انا اسف ياسلمي شكلي اتعديت حدودي بس والله بهزر انا فعلا حبيتك جدا اسف اسف سامحيني والا هموت نفسي اخرجي من عندك تعالي اوضتي هتلاقيني بنت*حر لو مش سامحتيني واتمني تلحقيني قبل ما اعملها ولو مت هبقي شهيد حبك ودا يكفيني انا طبعا قريت الكلام دا جريت ع اوضته لقيته فعلا واقف ع حد البلكون
انا:معتز يامجنون انت بتعمل اي
معتز:لو مش قبلتي اعتزاري هرمي نفسي حالا
انا :طيب ماشي سامحتك بس بشرط ماتعملش كدا تاني ماشي
معتزّّّ:حاضر اوعدك مش هعمل كدا تاني الا برضاكي
اناّ:طيب انزل انا عمري مهوافق ع دا ف عادي
معتز وهو بينزل ّ:ماتكونيش واثقه كدا يمكن الشوق يجيبك تاني
انا:اوف كلامك دا وحركاتك دي بتعصبني
معتزّّ:اعمل اي بس انا جرئ وكمان انتي جميله فوق الوصف وعشان كدا حبيتك
انا:معتز انا صاحي ولا شارب حاجه انا مرات اخوك ماينفعش كلامك دا
معتز:عارف وعارف كمان ان اخويا مش بيعتبرك مراته ولا قرب ليكي بقاله سنين
انا:بس مراته ع الورق واحترم دا
معتزّ:حبيبتي القانون بيقول ست شهور لو زوجك ماقربش منك او بالكتير سنه وانتي معترضه يعتبر مش زوجك
اناّّ:قانون اي دا انا مسمعتش حاجه زي دي....لقيته فتح تلفونه ووراني كلام لصاحبه ع النت وقالي اقري وفعلا لقيت الكلام صح
معتزّّ:داصديق ليا شيخ ييقول لو زوجك هجرك ف الفراش اكتر من سنه وانتي رافضه الوضع يعتبر مش زوجك ع حد علمي محمود هاجرك بقاله اكتر من سنتين صح
انا :وحتي لو كان صح لا يمكن اسمح ابدا بانك تلمسني
معتز:هش المسك اي بس انا بحبك ومش قصدي اللي وصلك بصي الايام هتثبتلك اذا بحبك ولا لا
انا:طيب وجيت اخرج لقيته بيمنعني
معتز:اي بس رايحه فين
انا:خارجه لسا مفطرتش
معتز:انا كمان مفطرتش اي رأيك نفطر بره
انا:اممم مافيش مانع
معتز:طيب البسي وانا كمان هلبس ونخرج صحيح فتحتي الهديه
معتز:طيب ابقي افتحيها وقولي رأيك ولقيته بيغمز بعنيه استغربت وقولت لنفسي ياتري ايه الهديه دي وليه غمزلي بعنيه ....
