رواية حورية مالك الفصل الثامن 8 بقلم صفاء احمد
الفصل الثامن:-
حوريه مالگ 
حور خرجت لمالك اللى كان واقف ساند على العربيه ومستنيها اول ما شافها جايه نزلت نضارته اللى كان لبسها وصفر لها بإعجاب حور اتكسفت وشها احمر مالك مسك أيدها وقال:- كل مره بتأكديلى أن اختياري كان صح، عامله ايه.؟
حور:- الحمدلله انتا عامل ايه.
حور:- اوك.
ركبوا العربيه وصلوا قدام محل دهب كبير ومعروف نزلوا ودخلوا مالك اول ما دخل صاحب المحل بنفسه استقبله لأن مالك معروف ودائما بيجيب هدايا لمامته ولريم من هنا حور استغربت أنه بيجي هنا على طول معقول كان مرتبط قابلها بس مجاش في بالها ريم أو حماتها.
عم فكرى صاحب المحل :- أهلا يا مالك بيه اخبار حضرتك ايه مجيتش بقالك فتره نورتنا.
مالك:- دا نورك يا عم فكرى اهو مشغول شويه بس المره دي جايلك بخطيبتي عشان ناخد الشبكه .
عم فكري:- مبروك يابني تنور طبعا ،مبروك ي بنتي .
مالك بص بحور:- ها عندك حاجه تليق بأميرتي ولا هتخذلني.
عم فكرى :- طب انا عمرى خذلتك عندي مجموعه هتعجبكم جدا تعالو يلا ندخل ننقي.
دخلوا اوضه زي استراحه وعمي فكرى جابله كذا مجموعه ينقو منهم اللى يعجبهم مالك وحور قاعدين بينقوا
حور :- انتا جيت هنا قبل كدا.
مالك:- كتير ،لى.
حور:- بتيجي بمين.
مالك بهزار:- بالمزه بتاعتي.
حور :- نعم.
مالك؛- اي يحور لما بعوز هديه بجبها من هنا سواء لماما أو ريم ،ولا انتي بقا غيرانه .
حور:- وانا هغير من ايه بسأل بس .
مالك:- ماشي اي رايك في دي .
حور:- جامده.
مالك:- حوووور.
حور:- سورى حلوه.
نقول اللى هما عاوزينه مالك حاسب وخرجوا راحوا يشربو حاجه مالك جاله فون من الشركه يروح ضرورى .
مالك:- يلا عشان اوصلك لازم اروح الشركه،ضرورى.
حور:- طيب هروح معاك طلاما ضرورى وبعد ما تخلص روحنى.
مالك:- هتزهقي؟
حور:؛ متقلقش.
راحوا الشركه وحور في أيده دخل لاسيل
مالك:- في ايه؟
اسيل:- في حد جوا مستنيك بس قالى نقولش هوا مين عاوز يعملك مفجأه.
مالك زعق؛- ياعني جيباني على ملأ وشي عشان تقوليلى مفجأه.
حور:- مالك اهدا ما يمكن حد تعرفه كويس .
مالك شدها:- طب يلا ندخل نشوف.
مالك اول ما دخلوا لقوا واحده صاروخ ارض جو زى ما حور قالت فى سرها بتجرى على مالك وبتحضنه ومالك مصدوم.
نانسي:- مالك وحشتني انا هنا من بدرى مستنياك اى رايك في المفاجاه دى، ومين دى.
مالك واقف مصدوم انها رجعت حياته هتتقلب تانى وخصوصا أن حور معاه دلواقتى وممكن تقلب الدنيا.
حور:- مين دى يا مالك.؟
مالك فاق على صوت حور وقال:- احممم دى نانسي بنت عمى يا حور واخت ريم بس كانت مسافره سياحه اليومين دول.
حور اضايقت من فكره ان نانسي قاعده مع مالك فى نفس البيت ومعقول الصاروخ دى معاه فى نفس البيت ومأعجبش بيها بس رجعت قالت مالك ملوش فى الكلام ده.
نانسي:- مين دى يا مالك.
مالك وهوا بيحاول يهدى الأمور عشان عارف ان نانسي بتحبه ومش عاوز حاجه من دى تحصل قدام حور خصوصا الفتره دى.
حور لما لقيته ساكته بصلته بغيظ واتكت على أيده وقالت:- قولها يا مالك مين دى.
مالك:- احمم دى حور خطيبتى.
نانسي واقفه مصدومه ومالك واقف مترقب اللى هيحصل وحور واقفه متابعها عشان تعرف ان كان فى حاجه بينهم ولا لاء.
نانسي :- خطيبتك امتا دا حصل وبعدين شكلها مش من نوعك وأقل منك يا مالك انا مش عارفه دماغك كانت فين الصراحه.
واحد اتنين تلات ثوانى وكانت قامت مجزر فى مكتب مالك بسبب حور اللى نطت على نانسي جابتها من شعرها ونانسي اللى عماله تصوت ومش عارفه تفلت من حور ومالك اللى بيحاول يطلع نانسى من تحت ايد حور بأقل الخساير وآسيل إلى رخلت تجرى على الصوت وواقفه مبلمه من اللى بيحصل.
مالك اخد باله من اسيل اللى واقفه بتفرج وقال بزعيق:- والله يا اسيل أن ما جيتي تحوشي معايا لتكوني مطروده
.
اسيل طلعت تجرى تحوش هيا كمان ومحدش قادر على حور من كتر غيظها من نانسي نسيت كل حاجه ونسيت نفسها نسيت أن مالك واقف اصلا اهم حاجه تاخد حقها طبعا الشركه كلها سامعه الزعيق والصويت وكله بيحاول يفهم الخبر راح لهدي اللى كان محمد واقف معاها طلعوا يجرو على مكتب مالك لقوا المجزره شغاله .
هدي حاولت تهدي حور ومالك لسا بيفك أيدها من شعر نانسي اللى متبته فيه ونانسي تصوت محمد وآسيل بيشيلو نانسي من تحت أيدها ونانسي بتصوت مالك عمال يشد في حور بعيد ونانسي بتصوت الموظفين كلهم بيتفرجوا ونانسي بتصوت.
(اما حتت شكله والله انا معلمه)
مالك خلاص اما زهق ساب حور وبعد شويه ورا مزعق:- حووووووور ابعدي عنها حالا.
حور وقفت مكانها وبصت للى فى أيدها لقت نانسي الصاروخ زى ما كانت سميتها بقيت شوارع كلوا وقف يبص لبعضه مستنين يشوفوا مالك هيعمل ايه حور بصتله لقته متعصب .
مالك بعصبيه:- اسيل محمد خدوا نانسي ظبطيها وانتا يا محمد خودها روحها البيت يلا ، وانتى يا حور اتفضلي انزلى اسبقينى على العربيه متتحركيش منها يلا.
بص على الباب لقا كل الموظفين واقفين وقال بزعيق:- يلا كل واحد على شغله هيا مش سينما.
كله عمل زى ما مالك قال راح قعد على المكتب بيحاول يهدأ مش عايز ينزل لحور كدا عشان ميزعلهاش بجد بعد خمس دقائق نزل ركب العربيه ساق وصلها البيت كل الطريق ساكتين وهيا مش قادره تتكلم وهوا بيتحاشا الكلام معاها عشان ميتعصبش وقف قدام بيتها والاتنين ساكتين اخيرا مالك بدأ بالكلام:- ينفع اللى عملتيه ده.
حور:- هيا اللى غلطت فيا.
مالك بزعيق:- وانا جايب واحده من الشارع عشان تعمل كدا،غلطت فيكى انا هعرف ازاى اجيب حقك مش فى ثانيه الاقي مجزره فى المكتب ،وكله بيفرج منظرى ايه لما تبقي خطيبتى همجيه بالطريقه دى.
حور بعيط:- اسفه يا استاذ مالك انتى محترمتكش بس انا متعودتش انى اسكوت عن حقي واسفه على انى خليت منظرك وحش قدام موظفينك ،وشكرا على انك عرفتنى انى همجيه .
حور سابته ونزلت من غير ما تسمع اى حاجه تانيه، حتى علبة الدهب نسيتها اليوم اللى المفروض يكون مميز عندها بقا أسواء يوم بالنسبالها .
مالك قاعد مضايق حاول على قد ما يقدر ميزعلهاش وفى الاخر غلط فيها قاعد متغاظ من نانسي مكنش وقت رجوعها ولا وقت كلامها عارف انها بتحبه بس هوا لاء هوا بيحب حور وحتي قبل حور هوا كان شايفها زيها زي ريم الاتنين اخواته وبيحاول يتجاهل حبها دا بس هيا غلطت في خطيبته ومع كل اللى حصلها هوا مش هيسكت لها.
__________________
محمد بيوصل نانسي وبيحاول ميضحكش على منظرها عشان ميجرحهاش بس هيا عارفه أن شكلها محرج اوي خصوصا انها اول مره تبقا كدا هيا على طول حلوه وانيقه ازاى يحصل فيها كدا.
نانسي بغيظ:- اضحك يااخويا متكتمهاش انا عارفه مالك حاب الشرشوحه دي منين.
محمد:- هوا اي اللى حصل لكل دا.
نانسي:- عشان بقوله هيا مش من مستواك ولا استايلك يكفيك الشر على اللى عملته .
محمد:- انتي قولتى لحور كدا طب كويس أن دا بس اللى حصل.
نانسي:- لى أن شاء الله ما كانت تقتلني احسن.
محمد:- طب هيا قالت علينا شركه تيران وشتمتنا وهزقتنا عشان اتعصبت عليها ما بالك انتي بقا شتمتيها.
نانسي:- ومالك ساكت لها كل ده.
محمد:- على قلبه زي العسل.
نانسي بشرود:- مالك اتغير اوي البنت دي مش سهله.
محمد:- مالك بيحبها حاولى تتأقلمي.
محمد كان قاصد يقول الكلام ده لنانسي عشان تبعد عن صاحبه وتسيبه في حاله كان قاصد يعرفها أن حور مش سهله وان مالك مش هيسيبها بسهوله.
/////////////////////////////////
حور دخلت البيت متغاظه حاولت متبينش حاجه عشان كله اكيد هيغلطها وقولوا أنها المفروض كانت اتحكمت فى أعصابها افضل من اللى حصل ده دخلت سلمت على عيلتها سألوها عن شبكتها قالت إنها جابتها بس نسيتها مع مالك وأنها تعبانه ومحتاجه تنام.
عند نانسي داخله البيت مع محمد الكل اتخض من منظرها قاموا يجرو عليها واختها اتخضت على شأنها.
احمد:- فى اى يانانسي جيتى امتا من السفر وهيا الطياره انفجرت فى وشك ولا ايه.
ريم بصت لاحمد بغيظ :- مش وقته هزارك عاوزين نفهم فى اى.
على:- ما تفهمنا ي محمد.
محمد:- احمم افضل أن نانسي تحكى أو مالك افضل.
على:- مالك لى هوا انتى روحتى لمالك الشركه.
نانسي:- روحت والعقربه خطيبته هيا اللى عملت فيا كدا منها لله مش عارفه هوا جايب تربيه الشوارع دى منين.
صفاء:- نانسي احكمي لسانك وعيب كدا مالك كل اختياراته حلوه ولو سمعك وانتى بتقولى كدا هيزعلك جامد.
صفاء كانت فاهمه كل اللى بيدور فى دماغ نانسي عشان كدا حبت توقفها عند حدها وكمان كانت بتحاول تبعدها عن ابنها عشان مش شيفاها مناسبه ليه.
ريم '- طيب بس تعالى ارتاحي الاول وبعدين نفهم فى اي.
نانسي قعدت وحكت لهم كل حاجه وفجأه بابا البيت اتفتح ودخل منه مالك اللى الشر كان بيطلع من عنه دخل من غير سلام ولا كلام وقف قدام نانسي
وقال:- اسمعي بقا انا عارف كل اللى فى راسك حاولى على قد ما تقدر تبعدى عن حور عشان هيا خط احمر والكلام اللى قولتيه ده لولا انك بنت عمى كنت عرفتك ازاى تتكلمى على خطيبتى بالطريقه دى .
مالك سابهم ومشي طلع على اوضته مش طايق حد ولا حتى نفسه بيفكر يصالح حور ازاى رن عليها كتير مردتش والآخر قفلت فونها مش عارف يعمل اى عشان ترجع تكلمه.
تحت نانسي قاعده :- ينفع كدا ياعمى ياعنى خطيبته تضربنى وهوا يجي يهزقنى.
على وقف:- نانسي انا متاكد انك غلطتى فى حاجه عشان حور عملت فيكى كدا وكمان كلام مالك بياكد انك عملتى حاجه انتى محكتيهاش لينا ، نانسي انتى زى بنتى بس متخلنيش في يوم أطر اختار بينك وبين ابنى تصبحو على خير.
$$$$$$$$$$
كلو بدأ يطلع بنام احمد وريم اخدوا نانسي على اوضتها احمد سابهم وراح اوضته ريم فضلت مع اختها لحد ما نامت دعت ليها ربنا يهديها وراحت اوضتها.
//////////////////////////////
حور نايمه في اوضتها زعلانه أنها زعلت مالك وفي نفس الوقت زعلانه منه أنه قال عليها همجيه ضحكت بسخريه على نفسها وقالت فى عقلها:: ياعني كل اللى عملته ده ومش عاوزه يقول عليكي همجيه دا المفروض يقول عليكي تور.
سرحانه ومش عارفه تنام باب الاوضه خبط ودخلت امها.
فوفا:- حور لسا صاحيه ليه.
حور:- تعالى يا ماما مفيش بفكر شويه.
فوفا:- امم طيب اللى بتفكري فيه واقف مستنيكي تحت.
حور نطت من على السرير:- مالك بيعمل ايه تحت.
فوفا بضحك:- امم ياعني كنتي بتفكرى فيه، عموما هوا كلمني عشان انتي قافله فونك بيقول أنه بينكم مشكله وهوا عاوز يحلها مش عاوزك تنامي زعلانه منه.
حور:- بجد هوا قال كدا ،امم بس برضوه مش نازله.
فوفا:- قومي ي بنت الجزمه ي دبش احسن وربنا انزل أقوله انك نايمه واخليه يمشي.
حور:- طيب طيب.
حور نزلت طلعت قدام الفيلا لقت مالك واقف مستنيها اول مره تشوفه لابس كاجوال عجبها جدا زوقه فى البس حاولت تتجهاله راحت وقفت قدامه من غير ما تتكلم.
مالك اتعدل في وقفته:: اي اكله سد الحنك.
حور بصلته:- خير مالك باشا بقا بيتكلم زينا اهو معلش خليناك اتعديت منا.
مالك اتنهد بضيق :- حور انا اسف مكنتش اقصد اللى قولته كان وقت عصبيه .
حور:- وانا بروده اللى عملته كان وقت عصبيه ومستعده اني اعتزر ليها عشان خاطرك وخاطر ريم.
مالك اتنهد:- مش جايلك عشان تروحي تعتذرى جايلك عشان مش قادر انا وعارف انك زعلانه مني مش اكتر.
حور بابتسامه:-بجد يا مالك.
مالك ؛- طبعا تعالى نخرج افسحك أو اصالحك.
&&&&&&&
مالك صالح حور والحياه مستقره نوعا ما، لحد ما جه يوم كانت عيله معزومه في بيت مالك اجه وقت أنهم يرحو العزومه حور مبسوطه أنها هتقضي اليوم مع مالك لبست دريس بامبي كات تحته شميز ابيض طرحه بيضه وكوتش ابيض (وليله بيضه أن شاء الله)
خرجوا من البيت وصلوا عند فيلا الاسيوطي مالك كان واقف مستنيهم لانه متابع حور بالفون.
نزلوا سلموا على بعض ودخلوا الكل متجمع ضحك وهزار لحد ما ريم ونانسي دخلوا ريم سلمت على حور وباقى العيله ونانسي رمت السلام وخلاص الكل اضايق منها ومالك رمالها نظره عصبيه من أفعالها، نانسي عرفت انها غلطت لما قالت إن حور أقل منهم وخصوصا انها اول ماشفت باباها عرفت أنه رجل الأعمال قاسم الاسيوطى،بس هيا مقنعه أن الغني لازم يغضب ربه ،وعايزه تقنع نفسها أن حور أقل منها.
قاعدين وسط ضحك وهزار نظرات حب ونظرات غيظ .
على:- بس ايه يا حور يابنتي الحلاوه دي .
حور:- حلاوه اي بس ي عمي هوا في زي صفصف دا انتا اخد الحلاوه كلها.
احمد:- طبعا مامتي وانا برضوه شبها شكرا ياحور دي حلاوتك انتي.
مالك بصله:- اخرس.
نانسي :- اي ي عمو حلاوه اي بس حتي عاديه ولبسها عادي .
حور بصت لمالك بتقوله انا ساكته اهو مالك مش عاوز يعمل مشكله قدام نسايبه بس طبعا حاسين أن البنت دي مش قابله بنتهم.
صفاء:- وهوا البس لازم يبقا محزق ولا ايه يانانسي عشان يعجب، مالك عجبه فى حور أنها مش حارمه نفسها وبتعمل كل حاجه ،بس في نفس الوقت محترمه نفسها ودينها وانا مبسوطه من اختيار ابني.
حور مبسوطة من رد حماتها ونانسي اتغاظت اكتر وبتبص لحور بحقد ومالك متابع حب يخرج حور من الجو ده عشان متضايق وتعمل زي المره اللى فاتت،اخدها وخرج برا يتمشوا ماسك أيدها وطلعوا بيلفها حوالين نفسها وفستانها طاير حواليها .
مالك:- مش عايز ثقتك في نفسك تتهز ابدا .
حور:- متخفش انا اكتر حد ممكن تلاقيه مقتنع بالى بيعمله،ياعني لو دخلت دلواقتى رنتها علقه زي اللى فاتت هتلاقيني بردوه مقتنعه بالى بعمله.
مالك بيصقف ليها:- الله ياجامد الله هتجوز بلطجي ياااني.
حور بضحك:- بس تصدق لسا في وشها علامات الضرب دا انا طلعت مجرمه ي جدع .
مالك:- اسكوتي يا حور هزقك والله في المايه واخلى نانسي تشمت فيكي.
حور:- اهون عليك طيب.
مالك:- طب تعالى بدل ما ازقك بجد يلا ندخل.
دخلوا واتغدوا وكل واحد بيتكلم في مواضيع غير التانيه ،حور راحت لنانسي وقعدت جمبها.
حور:- معلش متزعليش مني على اللى عملته انتي عصبتيني ومعرفتش بعمل ايه.
نانسي بغيظ:- ما هما بتوع الشوارع كدا همج.
حور اضايقت أنها بتصالحها وبرضون بتغلط فيها مردتش ترود وبصت قدامها عشان متعملش مشاكل بس احمد كان متابع الحوار وسمع نانسي وهيا بتقولها كدا مش فاهم نانسي بتقول كدا ليه بس مقدرش يسكوت راح واقوف .
احمد بزعيق:- في أي يا نانسي بتقولى لحور لى كدا.
الكل انتبه لزعيق احمد ونانسي ارتبكت من نظرات مالك حور غمضت عينها بضيق مكنتش عاوزه ده يحصل.
مالك بغضب:- في ايه هنا......
حور شافت مالك متعصب وحبت تهدي الموضوع:- مفيش حاجه يا مالك تعالا نخرج شويه.
مالك مسك أيدها منعها تخرج:- قوليلى في ايه بدل ما اخليها سواد على الكل .
احمد:- أبيه مالك نانسي ضايقت حور بالكلام مش عارف ايه السبب.
هنا مالك وجه أنظاره لنانسي اللى كانت نفسها تهرب باي طريقه ومش عارفه هتخرج من تحت ايد مالك ازاى المره دي.
مالك بص لحور:- قالتلك ايه.
حور:- مفيش يا مالك كنا بنهزر.
مالك ضغط على ايدها؛- حور انا اكتر واحد عارف ان مافيش بنكم هزار انطقي قالتلك ايه.
احمد أتدخل:- قالت لها انها بتاعت شوارع وأنها همجيه بس دا اللى سمعته.
قاسم:- بنتي انا الكلام دا ليها.
على قاعد حاطط وشه في الأرض من عمايل بنت اخوه.
محدش فاهم حاجه خصوصا عيله حور ميعرفوش الموضوع فيه ايه.
مالك بدأ يفقد أعصابه المره اللى فاتت عداها عليها بخير لدرجه انه زعل خطيبته بس المرادي لا يكمن.
مالك:- نانسي اطلعي لمى هدومك والسواق هايخدك على شقه اكتوبر هتعيشي هناك ومشوفكيش هنا ....وبص لباباه :- بعد اذنك يا بابا.
على هز دماغه أنه موافق على قرار ابنه بس هوا عارف أنه بيهددها بس عشان تبعد عن حور.
نانسي وقفت:- ايه هعيش لوحدي اي الكلام ده يا مالك.
مالك؛- مش مستعد أن مراتي تعيش مع واحده بتكرها وتبقى في مشاكل كل يوم ياريت تفهمي كدا،القرار خلاص وحتي ريم مش هتروح معاكي.
نانسي :- استني بس يا مالك كل ده لى عشان حور هيا اللى جت تضايقني خليها تبعد عني.
مالك بص لحور:- روحتي كلمتها ليه.
حور بصت فى الارض:- روحت اصالحها بس هيا رفضت.
مالك بص لنانسي نظره خرصتها معرفتش تنطق عرفت أن مالك خلاص غضب عليها حتى عمها مش هيقدر يوقفه عن قراره،عيله حور قاعدين متابعين بس مش فاهمين.
قاسم:- في ايه يا مالك موضوع ايه دا وحور عملت ايه ولى اصلا متخانقه مع نانسي عاوزين نفهم.
مالك:- سوق تفاهم ياعمي حصل في الشركه ونانسي اتهدت حدودها مع حور بس بنتك متتوصاش علمتها الدرس كويس.
حور بصوت واطي:- الله اكبر عليا
مالك بصلها من تحت لتحت وحاول يدارى ضحكته وقال بصوت واطي:- احنا في ايه وانتي في ايه اتهدي.
حور بصوت واطي:- ما انتا بتقر عليا الله هموت من عينك لازم احصن نفسي، وبعدين سيبني في النصيبه اللى جايه عليا دي دا با.....ولسا هتكمل كلامها سمعت صوت ابوها بينادي عليها بعصبيه عرفت أن المصيبه جت خلاص لا مفر.
حور بتوتر:- نعم يا بابا.
قاسم بعصبيه بعد ما عرف الموضوع واللى حصل من على:-
الكلام ده صح انا بنتي تعمل كدا ومع مين مع بنت عيله خطيبها طب حد تاني مبلوعه إنما ايه دا.
حور بتوتر :- يا بابا هيا استفزتني.
مالك اضايق أن عمه ببزعق لحور واتدخل :- ياعمي انا بنفسي بقولك نانسي غلطت في حور وحور من حقها تعمل كدا واكتر بعد انك يا عمي الموضوع خلص خلينا نكمل سهرتنا من غير مشاكل وان كان على نانسي هيا عارفه هتعمل ايه كويس دلواقتي ،وبص لنانسي وقال:- اتمني تبدأي تاني هدومك وحاجتك اللى هتاخديها معاكي.
نانسي بتبص لعمها ومرات عمها عشان حد يعارض مالك لكن محدش عبرها فقدت الامل في أنه يرجع في قراره طلعت اوضتها عشان تشوف هتعمل ايه.
الكل قعد في هدوء بس احمد متابع ريم اللى باصه للأرض مش عارفه تزعل على اختها ولا تزعل منها ،تزعل من تصرفاتها الغلط،ولا عليها عشان هتسيبها وتمشي ،معدتش قادره تتحكم في دموعها وعيطت ،احمد مقدش و قام يهديها ومالك راح نحيتها .
مالك ؛- ريم بصيلى ،تعرفي اني ممكن اطلع اختك من البيت واوديها شقه لوحدها طب دي حتى في مقام اختي ،طب دا انا مبقاش راجل.
ريم بعيط:- متقولش كدا يا أبيه انتا اي حاجه بتعملها لمصلحتنا حتي لو هتبعدها عن هنا.
مالك مسك أيدها:- طب بطلى عياط انا بهددها بس عشان تبطل تصرفات طايشه مش هتمشي.
ريم:- بجد يا أبيه انتا احن اخ في الدنيا .
الكل متابع وحور ابتسمت لحنيه مالك وعرفت انها مهما أن لفت مش هتلاقي زيه وزي قلبه.
البوم عدا والكل روح تعبان من أحداث اليوم دخلوا يناموا عند مالك بعدت ريم لنانسي عشان تقولها تفضل في البيت وان ريم هيا اللى أصرت ومالك معرفش يرفض لها طلب ، نانسي فرحت أنها عدت على خير مهاما ان كان هيا وحشه بس بتعتبرهم أهلها بدل ابوها وامها اللى ماتوا وفقدت احساس الأهل من بعدهم ومعتش ليها غير اختها ريم من عائلتها الصغيره .
تاني يوم في الشركه محمد ساب هدي على راحتها وحاول على قد ما يقدر ميشوفهاش عشان متحسش أنه بيضغط عليها وتاخد قرارها براحتها.
محمد داخل الشركه وراح ناحيه الاسانسير لقاه عطلان غير الاتجاه وراح الطرقه التانيه ناحيه اسانسير الموظفين لقا هدي واقفه مستنيه الاسانسير اتفاجئ بيها بس انبسط لانه قرر انهارده يكلمها في موضوعهم.
محمد:- احممم..صباح الخير يا هدي.
هدي اتفأجي بيه وحست اد ايه الدنيا داقت بيها حاولت تهدأ ومتتوترش عشان مبيناش عليها حاجه .
هدي:- صباح النور..احمم خير جاي هنا لى.
محمد:- اى اروح.
هدي:- لاء مش قصدي ..قصدي الاسانسير بتاعكم هناك
محمد:- بس انا عاوز اركب ده.
هدي:- ماشي .
وصل الاسانسير وركبوا طلعوا ك ل واحد راح مكتبه اليوم عدا بسرعه محمد راح لها المكتب.
محمد:- هدي احم حابب نخرج اعزمك على حاجه ونتكلم شويه.
هدي بتحاول تهرب:: ضرورى انهارده.
محمد بحده:- اه ضرورى.
هدي :- اوك هلم حاجتي واجي.
محمد:- مستنيكي في العربيه.
وصلوا كافيه على النيل وقعدوا وطلبوا.
محمد:- من غير اي مقدمات زي ما طلبت ايدك حابب اعرف ردك عليا من غير ما تضغطي نفسك ولا تتوترى.
هدي:- هوا ياعني انا لسا..
محمد:- هدي مش عارف انتي كل ده بتفكرى في ايه انا طالب ايدك مش بعمل حاجه حرام ولا عيب ومتفكريش تفكيرك الغبي اني عشان شوفت وشك ابقا عاوز اتجوزك انا هتجوزك عشان انا بحبك.
هدي مصدومه واه من صدمتها لا بتعرف تتكلم ولا تسمع ولا تشرب ولا تأكل ويمكن كمان ما تمشيش وممكن تعيط ، محمد خس أن الدنيا مأزمه معاها.
محمد بهدوء:- هدي انا بحبك ومن اول يوم دخلتي فيه مكتبي وانا معجب بيكي مش عارف حاسه ولا لاء مش متاكد أن عندك شعور متبادل من ناحيتي وانا احساسي مبيخيبش انا مش عيل صغير وفاهم كل اللى في عنيكي مش عاوز حاجه غير أننا تبقا مع بعض وهنبقا مبسوطين هتبقي انتي كل حياتي مش هيبقا ليا غير انتي عارفه اسلوب حياتي عارفه اني لوحدي انتي هتبقي كل حاجه اتمني توافقي .
هدي بدموع:- انا والله موافقه بس انا محروجه.
محمد بضحك:- طب خلاص خلاص اهدي خدي منديل دا انتي مدلوقه.
هدي:- والله همشي واسيبك .
محمد:- دا كان زمان قبل ما تقولى موافقه انتي خلاص بقيتي خطيبتي يلا نقوم اروح لمك نتفق على الخطوبه.
راحوا اتفقوا أن الخطوبه بعد اسبوع محمد طاير من الفرح قال لصاحبه اللى مبيخبيش عنه حاجه مالك فرح ليه جدا حتي عدي قالت لحور والكل بيستعد لخطوبه محمد وهدي....
