رواية الروح المنكسرة الفصل السابع 7 بقلم لولو وائل
البارت السابع
وظل سعيد يضرب فى روح وهى لا رد فعل وكان سوف يقترب منها ولكن
استيقظت روح ووجدت نفسها فى المستشفى
نور:خلاص يا روح سعيد مات ومش هيعملك حاجه تانى
روح:ازاى اى الى حصل
عمر:ربك لما يريد وكمان مات بطريقه محدش يصدقها بجد والله بجد ربنا بيحبك يابنتى
روح:الحمدلله طب اى الى حصل طيب
عمر:فاكره الكلب الى كنتى بتربيه
روح:ميكى
عمر:هو بعينه ربك بعته لحد القسم وعض سعيد دمر ال كبد والكلى وكل حاجه الراجل مبقاش نافع خلاص وراح للى خلقه
روح:سبحان الله بجد انا بقالى كتير معرفش حاجه عن ميكى
نور:ربنا ميرضاش بالظلم ابدا ادينا خلصنا منه
روح:ربنا يرحمه
نور:ان شاء الله يمرو الايام جايه هوا عليكى ونلاقى دليل برأتك
روح:ان شاء الله
••••••••••••••••
فى شركة العزيزى فى مكتب سليم
يوسف:بقولك اى يا سليم دلوقتى احنا لازم نلاقي سكرتيرة جديده علشان خلاص يارا على وش ولاده
سليم:عندك حق خلاص اعمل عرض ان احنا عايزين سكرتيرة
يوسف:اه طبعا ولو عرفو بقى انها لسليم العزيزى هيجو طوابير
سلوى:اه طبعا ابنى قمر والف واحده تتمناه
يوسف:اى ده ازيك يا خالتى منوره والله
سلوى:الحمدلله اى قاعدين كدا ليه مفيش شغل ولا اى
سليم: لا فى شغل بس كنا قاعدين بنتكلم علشان هنجيب سكرتيرة جديده علشان يارا بقت على وش ولاده
سلوى:ربنا يقومها بسلامه يارب طيب همشى انا بقى
يوسف:جيتى فى اى وهتمشى فى اى اقعدى معانا شوايه
سليم:كنتى عايزه حاجه ياامى
سلوى:لا كنت جايه اشوفكو بس واعرف اى اخبار الشغل
يوسف:هو انتى يا خالتى اشتغلتى هنا قبل كده
سلوى بحزن من تذكر الماضى:ياااه ايام مكنا انا وياسين وسليمان بنشتغل مع بعض وكنا برضو نتجمع كدا فى الاوضه وكل واحد بيحكى اى الى كان مضايقه وكمان اتفقنا اننا هنجوز عيلنا لبعض كانت اجميل ايام بجد وحشونى اوى
سليم:ربنا يرحمهم يارب
سلوى:انا بس عايزه اعرف روح اختفت فين البت ملهاش أثر خالص
يوسف:احنا لسه بندور لما نوصل لحاجه اكيد هنقولك
سلوى:ماشى همشى انا بقى
سليم:خلى بالك على نفسك
سلوى:حاضر يا حبيبى سلام
يوسف:سليم انت فعلا هتحقق رغبة امك وتتجوز روح
سليم:مش لما اشوفها الاول مش يمكن تطلع مش حلوه
يوسف:يابنى انت بتهزر
سليم:يوسف متفكرش كتير وخلى كل حاجه تيجى فى وقتها
يوسف:طيب
وذهب يوسف الى مكتبه ليكمل عمله
•••••••••••••••••••••
وخرجت روح من المستشفى الى عنبر كارما مره اخرى
كارما:حمدلله على السلامه يا بنتى
روح بتعب:الله يسلمك يا ماما كارما
كارما:ليه يا بنتى مردتيش تقوليلى
روح:مكنتش عايزاه يعمل حاجه لنور خلاص الى حصل حصل وخلص وهو راح للخلقه
كارما:ربنا يرحمه اسر اتصل بيا كتير اوى كان عايز يطمن عليكى بعد ما عرف انك دخلتى المستشفى
روح:كلميه خليه يجى
كارما:مانا عملت كدا لما عرفت انك خارجه انهارده من المستشفى
روح:هروح ارتاح شوايه عقبال ما يجى
كارما:ماشى يا حبيبتى
•••••••••••••••
فى شركة العزيزي
سليم:يارا يارااااا
يارا بتعب:ايوه ايوه جيت اهو
سليم:كل ده علشان تيجى
يارا:وبالنسبه للى فى بطنى ده اى بطيخ
سليم:أنت هتهزرى ماانا عارف انك حامل وخلاص اخر الاسبوع ده هتمشى
يارا:حضرتك كنت عايز اى
سليم:حضرتى الورق بتاع اخر صفقه
يارا:اه حضرته وهجيبه حالا
سليم:ماشى اتفضلى
••••••••••••••••
السجانه:فى زياره ليكى يا كارما
كارما:دخليه هنا
اسر:ازيك يا امى اومال فين روح
روح:انا هنا اهو عامل اى يا ابيه اسر
اسر:الحمدلله يا حبيبة اخوكى انتى عامله اى واى الى مبهدلك كده مين الى عمل فيكى كده
روح:اهدى يا ابيه خلاص ربنا افتكره وراح للخلقه والموضوع خلص
اسر:بس برضو عايز اعرف اى الى حصل
وحكت روح كل شئ لأسر وكان يستمع وهو غاضب للغايه وحزين على روح
اسر بغضب:لو كان عايش كنت موته بإيدى
روح:خلاص بقى اهو راح للخلفه وربنا هيعقبه على أفعاله
اسر:المهم انتى عامله اى
روح:انا الحمدلله كويسه وانت عامل اى
اسر:الحمدلله معلش يا روح بس لازم أمشى علشان سبت الشغل كله وجيت بسرعه بس هحاول اجى ازورك على طول
روح:ماشى يا ابيه ولا يهمك
وذهب اسر للعمل
روح:ماما كارما انتى لسه زعلانه منى
كارما:لا مش زعلانه بس مستغربه انتى ليه عملتى كده مع ان نور مش عشرت عمرك دى معرفت كام شهر بس
روح:انا من بعد بابا الله يرحمه محدش عاملنى حلو خالص وكنت دايما بضرب وبتعامل معامله وحشه اوى لكن الوحيده الى عملتنى بحنيه فى الوقت الى كنت عايزه حنيه فعلا كانت نور وكانت معايا حتى لو كام شهر بس حسستني انى مش لوحدى وانى لياا اخت وعمر برضو حسسني انى لياا اخ وسند هو وأسر لانى مليش حد فى الدنيا دى وانتى كمان يا ماما كارما حسستينى بحنية الام الى اتحرمت منها حتى لو فى وقت قليل بس حسيته فعلا انا بجد بحبكو اوى
كارما بحنيه:وانا بحبك يا روحى بجد انتى الى عوضتينى عن بنتى الى ماتت
•••••••••••••••••
بعد مرور اسبوع خرجت كارما من السجن وظل اسر يدور على دليل براءة روح هو وعمر
السجانه:روح عندك زياره
روح فى سرها:اكيد نور او ماما كارما
وخرجت بحماس الا ان رأت شخصين لا تعرفهم
روح:أنت مين
كرم:انا كرم من المباحث وانتى فى مهمه وطنية محتاجينك فيها وهى الى هتخرجك من السجن ولا مش عايزه تخرجى
روح:لا عايزه اخرج طبعا بس انا هعمل اى
كرم:خدمه مصر مش هتنسهالك ابدا انهارده هتخرجى وهشرحكلك هتعملى اى بالظبط
روح:تمام
وخرج الشابان من القسم
هشام:يخربيتك دانا صدقت انك مباحث بجد
كرم:اى خدمه بس البت غلبانه اوى صدقت كل حاجه و البت طلعت حلوه اوى
هشام:عندك حق بس المهم انها تنفذ كل الى مطلوب منها
كرم:صح
••••••••••••••••
وخرجت روح من السجن بعد فتره وقابلت الشابان لتعرف المطلوب منها
