رواية كسرة قلوب الفصل الخامس 5 بقلم حبيبة مصطفي
روايـة : كـسرة قـلـوب
بـقـلم : حـبيـبه مـصـطـفى
يـاقوت
زين : اااا... بصراحه كده انا معجب بيكي من بدري و عايز اتقدملك....والله يا نيرة انا واخد الموضوع جد
نيرة بصدمه : احمم هو حضرتك كويس يا زين بيه والله ومحترم و اي بنت تتمني تكون معاك بس متأكد من اعجابك ليا
زين : متأكد والله عشان كده قولت مش هقولها غير لما اكون واثق عشان انا ناوي اتقدم
نيرة بإبتسامه : لو عليا انا فأنا موافقه بس لسه هشوف بابا
زين بسعاده : بجد
نيرة بإبتسامه : اه والله
رغد من الخلف : زيــــن
زين : نعم يا رغد اتأخرتوا كده ليه
رغد بدموع : اااا...اسيا نازله...بس.....بس انا هطلع اشوفها اتأخرت ليه
زين بحزن لعلمه بإعجابها به : ااه تمام و متتأخروش عشان شويه و هتلاقي اسر نزل و ورد كمان
رغد بدموع : ااه ممماشي
« صـعدت سـريعًا إلى غـرفة اسـيا »
• عـند ورد....أرتـدت الخـمار و دخـلت المـصعد و كـانت تـتـمـتم بخـوف قـائله •
ورد بخوف : متخافيش يا ورد...ادخلي و الأسانسير هينزل بسرعه ماشي متخافيش
« دخـلت المـصعـد و بـدأ فـي النـزول ثـم تـوقـف عـند الـطابـق الـعـاشـر...لـدخول شـخص مـا »
مازن : ورد !
« دخـل المـصعد...وبدأ المصـعد بالنـزول »
ورد بإبتـسامه : مازن ! عـامل ايـه
مـازن : الحمد لـله وانتي ايـه الاخبـار
ورد : بخير بفضل ربنا
مـازن بإبـتسامـه : هههه الصـدفه التـالته دي
ورد : ايـوه فـعلاً بـ
« تـوقف المـصعـد فجـأة »
ورد بتـوتـر : ايـه ده
مـازن : ده عطل تقريبا
ورد بخـوف : لا لا لا ازاي
مـازن : متخافيش خمس دقايق وهتلاقيه اشتغل
ورد بإرتـجاف : اه اه ماشي
مـازن : انتي كويـسه !
ورد بإختـناق : اه اه كككــ
« شعرت بضيق تنفس فأصبحت تتنفس سريعًا »
مازن: ورد....ياااا ورد
ورد بإختناق : حـاسه اني مخنوقة
مـازن اخـرج هـاتفه بـتوتر وقـال : طب اهـدي تمـام خـودي نفـس اهـدي....انا هتـصل بـحد اهـو
ورد بـبكاء : بـ....بســـرعه...مـخـنوقـه والـله
مـازن بتـوتـر : حـاضر والـله معـلش استحـملي....«رد على الهـاتف وقـال »...الأسانسير وقف ليه
الموظف : معلش يا مازن بيه احنا بنصلحه اهو
مازن بعصبيه : دقيقه واحده بس...انت فاهم....قدامك دقيقه واحده
الموظف : حاضر حاضر
مـازن اغلق الخط وقال : خـودي نفسـك ماشي....متخافيش انا هنا اهـو
ورد ببكـاء : مممـش عـارفه...ااا...انا مخـنوقه
« بـدأ مـازن بقـراءة القـرأن لورد....بدأت تهـدأ قلـيلاً »
مـازن : خودي نفس برضوا...بصي اعملي زيي....شهيق....زفير.....براحه كده و اهدي ومتخافيش
ورد بدموع : حـاضر....شهيق....زفـير
مـازن : ايوا كده....برافو عليكي
« اشـتغل المـصعد »
مـازن : أشتغل أهو الحمد لله ، هاااه كويسه دلوقتي
ورد : اااه احسن
مـازن : قلقتيني والله
ورد : معلش بقى انا اسفه
مـازن : لا على ايه يا سـت ورد دي حاجه مش بإيـدك.... انتـي راحـه فين طيب
ورد : نـازله المـطعم بـتاع الفنـدق هـما مستنيين تحـت
مـازن : وانـا كـمان نـازل اهـو...طـريقك هو طـريقي تـمام عشان مش هينفع اسيبك بحالتك دي
ورد : تمام
مازن : تعالي بس معايا الأستقبال نقولهم على العطل ده عشان ميحصلش تاني وحد يتأذي بسببهم
ورد : ياريت والله
« ذهـبوا إلـى الإسـتقبـال»
( عـند أسـيا اخـت زيـن )
اسـيا : طب اشربي مايه و اهدي شويه
رغـد ببكـاء : والله قالها انا معجب بيكي وناوي اتقدم وهيا وافقت....المشكله اني بحب اخوكي وهضطر اشوفه هو ونيرة كل يوم قدام عيني
اسيا : ربنا كتب كده يا رغد مينفعش نعترض وبعدين الواحد ميعرفش الايام مخبيه ايه....وصدقيني انتي مفيش اجمل و ارق منك و اي حد يتمناكي....ممكن عشان انتوا ولاد عم فهو اتعود يشوفك زي اخته او صديقته مش اكتر....ده نصيب يا رغد
رغد ببكاء : بس انا بحبه يا اسيا والله
اسيا : والله يا حبيبتي عارفه...ربنا يزيل حبه من قلبك ان شاء الله
رغد بدموع : ان شاء الله
اسيا : ادخلي اغسلي وشك عشان محدش يشوفك كده
رغد : حـاضر
« عـند زيـن و نيـرة »
نيرة : بجد.....طب كويس والله...لو الخامات بس جت فعلاً هنكسب احنا المسابقه
زين : يارب بس تيجي...اول مره اساسًا المصنع يكون فيه خلل كده
اسر جاء وقال : اهلاً اهلاً
زين : وسهلاً
اسر : اومال بقيت البنات فين
زين : قولت لأختك تطلع تستعجل اختي بسم الله ما شاء الله طلعت باتت معاها
اسر : انت عارف الاتنين لما بيتجمعوا
رويه جاءت وقالت : ازيكوا يا شباب
اسر : ايه ده انتي جايه منين
رويه : كنت قاعده في الجنينه
اسر : اومال فين ورد صح
رويه : لسه كنت شيفاها واقفه عند الاستقبال مع واحد
زين : واحد ازاي يعني
رويه : الشاب اللي كان قاعد جنبها في الطيارة النهارده
نيرة بتذكر : اه اه كان اسمه مازن
رويه : ايوه هو الواد المز ابو عيون بني وشعر بني ناعم ده
زين بضيق : لا ده انتوا مركزين اوي
«جاءت رغد و اسيا»
اسيا : انا واقعه من الجوع
اسر : هنطلب اكل اهو
« عـند الاستـقبال »
ورد : ايه ده هما يعرفوك
مازن : مش اوي يعني...بنزل كتير ساعة الاجتماعات
ورد : اه...انا راحه المطعم عشان اتأخرت
مازن : وانا كمان رايح يلا
ورد : بالمره اعزمك على حاجه لأنها تقريبا تالت مره تساعدني
مازن بإبتسـامه : بس نفسي اشوفك مبتخافيش من حاجه
ورد : انا بخاف من الصرصار حتى
« ذهـبوا إلـى المـطعم »
اسر : اهم جايين هناك اهم
ورد جاءت مع مـازن وقالت : اسفه على التأخير
زين : كلنا واقعين من الجوع و مستنيين حضرتك والله
ورد : قولت اسفه
زين : طب شوفوا هتطلبوا ايه
ورد جلست وقالت : مازن هو انت معاك حد
مازن : لا
ورد : طب ما تقعد معانا بدل ما تقعد لوحدك
مازن : لا انا معرفش اصحابك اكيد هينزعجوا مني
اسر : لالا ياعم اقعد معانا علي الاقل نزيد واحد بدل ما انا و زين بس اللي موجودين وسطيهم
رويه : اقعد اقعد تنورنا
جلس مازن بالكرسي بجانب ورد وقال : شكراً
زين بضيق : شوفوا هتطلبوا ايه
ورد : عمومًا انا اللي هعزم مازن لأن لازم ارد الجميل بتاعه حقيقي
زين : والله ! ده ليه ان شاء الله
ورد : لسه مساعدني وانا وعدته
زين بتريقه : وانت بقى يا مازن هتخلي بنت اللي تدفعلك
مازن : اه يا... اسمك ايه
زين : زين
مازن : انا ساعدتها وقالتلي هعزمك عشان ارد جميلك فأستحاله اكسر بخاطرها...وبعدين البنت زي الولد في بعض النقاط...فبلاش نعمل فرق بينهم لأن مش هتفرق مين فينا اللي هيدفع و ده مش هيقلل منها ولا مني لأن الحياة مُشاركه عادي
ورد بإعجاب : ايوه فيها ايه لما ادفع يعني....مفيش فرق اذا كان الولد اللي دفع او البنت عادي....وبعدين لازم ارد جميله
زين : ايوه ايوه ماشي
«كـان أسـر يـتابـع بإستمتـاع »
« فـي شـركة محمـد »
محمد : يعمل اللي يعمله بقى يا امير....اهم حاجه نبعد عن الطريق ده
امير : ايوه يا بابا انا معاك في النقطه دي....ولو لؤي اتصل عليا هعرفه ان احنا وقفنا شغل مع ابوه
محمد وهو يأخذ رشفه من الشاي : ههه...مش هيتصل اساسا....زمان سيد حكاله كل حاجه
« نذهـب الـي شـركة سيـد....كـان ظـن محـمد صـحيح »
لؤي : ده ازاي يعني....هو بمزاجهم ولا ايه
سيد بعصبيه : لو شوفت ثقته وهو بيتكلم....اااخ...كان نفسي اطلع المسدس و اخلص منه
لؤي : هيرجعوا متخافش
« عـند ڤيـلا سعـد الله »
سمر : يلا يا علي الغدا جاهز
علي : حاضر يا سمارة والله نازل
سمر : سمارة في عينك يا قليل الادب
علي : انتي مبتقبليش الهزار على فكرة
سمر : انجز يا علي و إلا هنادي على مراد يتصرف معاك
علي : الجيم ده و نازل والله
سمر : طب انا واقفه جنبك اهو اما نشوف اخرتها بقي
علي : اقعدي يا سمارة متقفيش
سمر : ااه يا بارد يا عديم الدم
« فـي الفـندق »
اسيا : الواحد كان واقع من الجوع
نيرة : اه والله
اسر : نطلب ايه تحليه بقي
ورد بسرعه فائقه : كيكه بالفراوله مع عصير فراوله بلبن عليه قطع فراوله صغيره.....يممممي
مازن بضحك : كله فراوله كده
ورد : بحب الفراوله اووي
زين : وانتي يا نيرة
نيرة : عصير مانجا
زين : تمام و انا كمان عصير مانجا
اسر : هاخد قطعه جاتو بالشيكولاته
اسيا : ايوه ايوه وانا كمان...وهات لرغد زينا برضوا
رغد : اي حاجه ماشي
« بالفـعل طلـبوا الطـلب »
« كـان الجمـيع يتجـمع حـول السـفرة »
سعـد الـلـه : حد اتصل اطمن على الشباب ولا لسه
سندس : لسه....قولنا نسيبهم شويه ونتصل على بالليل لما يكونوا ارتاحوا
سعـد الله : ماشي
سمير : اه صح يا بابا انا حليت موضوع الخامات مع المصنع
سعد : طب كويس يا سمير....تابع معاهم وشوف هيبعتوا الخامات امتي عشان نبدأ تصميمات
سمير : حاضر...شوف لما الموضوع جه عندي اتحل في ثانيه
ثناء : طول عمرك يا حبيبي بتحل اي حاجه ومحدش يقدر ينكر ده
« فـي الفـندق »
ورد بحماس : اهو اهو الطلب جه
اسر : ما تهدي يابنتي
نيرة : هيا على طول كده والله... نقطة ضعفها اي حاجه بالفراوله
ورد بدأت بالطعام وقالت : يااارب بجد اشكرك على نعمة التذوق دي يعني شكرا جدا
مازن بإبتسامه : الحمد لله
« بدأوا في تناول الحلويات والحديث »
« انتهى اليوم....وصعد كل واحد إلى غرفته و حـل الصـباح »
نيرة : ورد انا ماشيه
ورد :راحه الاجتماع
نيرة : اه و بالله عليكي متعمليش مشاكل لغاية ما اجي
ورد : حاضر والله
نيرة : اه صح....زين قال انه معجب بيا و ناوي يتقدم وانا وافقت...بس قولتله هنشوف عيلتنا الاول
ورد بسعاده : بجدد....مبااارك
«حضنت اختها»
نيرة : الله يبارك فيكي
ورد : هو اه غلس بس محترم...اخيراً بقى هبقى اخت العروسه اخيراااً
نيرة بضحك : سلام يا هبله
ورد : سلام
«فـي الفنـدق»
اسر : نفسي اعرف بيتأخروا ليه
زين : صبرني يارب....ما تطلع تشوفهم
اسر : اه صح هو انت اعترفت لنيرة
زين : معرفتش اكلمك قدامهم امبارح
اسر : اعترفت يعني
زين : ايوه ياعم
اسر بحماس : ردها كان ايه هاااه
زين : وافقت بس قالت اول ما هتروح البيت هتشوف رد والدها
اسر بسعاده : ايوووه بقي يا معلم مبروووك
زين : الله يبارك فيك....بس بصراحه اختك رغد سمعتني واضايقت جدا
اسر : اه عشان كده كنت حاسس انها متغيره امبارح
زين : ايوه
اسر : ماما اللي فضلت تملي دماغها بالكلام... و متحطش حاجه في دماغك و هيا برضوا هتنسى والله... وبعدين كل حاجه قسمة ونصيب
زين : يارب تنسي عشان بجد مضايق اوي
اسر : اقفل الموضوع البنات نزلوا
« فـي منـزل محمد....خصوصًـا على الفـطار »
محمد : اتصلتي يا جميله على البنات اطمنتي عليهم
جميله : لا لسه...هبقى اتصل بعد الفطار
محمد : ماشي يا جميله و ابقي قوليلهم يخلوا بالهم من نفسهم وخلي ورد متعملش مشاكل لأختها هناك
جميله : ده اللي قلقني
امير : بس والله وحشتني اوي
يزيد : بس ياعم البيت هادي وجميل اهو من غيرها
امير : انت اللي بتبدأ ترخم عليها
« ذهبوا إلى الاجتماع »
رويه : الحمد لله وافقوا
اسر : الواحد كان قلقان ليكون جه ده كله علي الفاضي
زين بثقه : البركه فيا طبعًا
نيرة بإبتسامه : طبعًا
« ذهبوا إلى الفندق وصعدوا إلى غرفتهم....لكن نيرة و ورد غرفه مشتركه »
• نيـرة فتحت البـاب وقـالت •
نيرة : ورررد...انتي فين
« رن هاتف نيرة و ردت »
نيرة : الو
لؤي : يا اهلاً
نيرة : تؤ هو مش انا قولتلك مترنش عليا يا لؤي
لؤي : بس لاقيتك اتأخرتي
نيرة : والله.... بس مهما كان مينفعش ترني
لؤي : قولت اكيد القاعده وسطهم نسيتك سبب وجودك معاهم
نيرة : مش سامعة
لؤي : بقولك أوعي تكوني نسيتي سبب قربك منهم ايه
نيرة فتحت الاسبيكر وقالت : اتكلم كدا ي لؤي عشان الصوت كان واطي
لؤي بزهق : عملتي أيه في موضوع زين يا نيرة
نيرة : زين لسه معترف بحبه ليا امبارح
لؤي : احلفي
نيرة : والله....وانا وافقت بس قولتله هقول للعيله الاول
لؤي بضحك : يعني خطتنا ماشيه صح
نيرة : و اوووي كمان....الغبي فاكرني بقى بحبه والكلام ده ميعرفش ان مفيش غيرك بس اللي قلبي حبه
لؤي : طبعًا...حاولي التصميمات تيجي بسرعه و افضلي قربي منه كده لغاية ما ناخد اللي عايزينه
نيرة : حاضر....بس عارف اللي عجبني ايه
لؤي : ايه
نيرة : ان هدير مثلت المشهد صح
لؤي : عشان الفلوووس يا نيرة.....مش قولتلك ان الفلوس بتغير الانسان
نيرة بضحك : معاك حق....التصميمات هتكون معاك يا حبيبي و بعد ما نسرقها بفتره كده هسيب زين و ارجع شركتك بقى عشان بجد زهقت
لؤي : الشركه مستنياكي
نيرة : طب سلام دلوقتي يا لؤي عشان لسه طالعه من الاجتماع وعايزه اريح شويه
لؤي : سلام يا قلب لؤي
« أغلقـت الهـاتف ونـظرت خـلفها وقـالت بصدمـه »
نيرة بصـدمه : ورد !!
