رواية الروح المنكسرة الفصل الخامس 5 بقلم لولو وائل
البارت الخامس
كارما:قولى عايز اى
حكى لها محمد كل شئ مرت به روح منذ قدومها الى السجن وما فعله بها سعيد
كارما:لاحول ولاقوة الا بالله طيب هشوف البنت الاول وبعدين هفكر
محمد:ماشى هى انهارده هتخرج من المستشفى
كارما:تمام اتفضل بقى علشان عندى اجتماع
(كارما السويدي سيدة أعمال مشهوره ومعروفه ودخلت السجن فى جريمه ليس لها دخل بها وتأخذ سجن انفرادي جناح لها وتعمل بداخل السجن بسبب مصادرها الخاصه ولا احد يتحدث معاها فى شئ وعندما تحمى احد وتقول انه تحت حمايتها لا يقرب منه احد خوفا منها )
وذهب محمد الى المستشفى مره اخرى
و تم إنهاء اجراءات خروج روح من المستشفى وذهبت الى السجن مره اخرى ودخلت الى العنبر ولكن كانت النساء غاضبون بشده من روح وكانو سوف يضربوها ولكن تدخل العسكرى محمد
ع محمد: محدش فيكوا ليه دعوه بيها تعالي يا روح
واخذها الى كارما
ع محمد: هعرفك يا روح دي كارما هي دي الوحيده اللي تقدر تحميكي من سعيد بيه وما تخليهوش يقرب منك ابدا هي دي يا ست كارما اللي كنت بحكيلك عنها روح
كارما: تصدق عندك حق باين عليها غلبانه اوي كمان يا عيني عليها متبهدله من النهارده يا بنتي انت هتبقي تحت حماتي وهتقعدي معايا في نفس الزنزانه دي ومش هخلي سعيد يقرب منك ابدا
روح: بجد مش عارفه اشكرك ازاي
كارما: لا تشكريني ولا حاجه يا حبيبتي انت زي بنتي يلا ادخلي بقى ريحي شويه عشان انت لسه خارجه من المستشفى ولسه تعبانه
روح:حاضر
وذهب سعيد ليكى يرى روح ولكن علم انها مع كارما فغضب بشده وذهب الى هناك
سعيد بغضب: وانت فكرك كده ان انا هسيبك تبقى غلطانه انا مش هسيبك هتبقى نهايتك على ايدي ومش كارما اللي هتحميكي مني انتى فاهمه
كارما: روح تحت حمايتي وابقى اشوفك بتقرب منها يا سعيد بيه
خرج سعيد غاضبا بشده وانه لان يقدر على اذيت روح
روح: بجد مش عارفه اشكرك ازاي بس انا بجد عايزه اعرف هو ليه بيكرهني اوي كده هو انا عملتله ايه عشان يضربني بالشكل ده
كارما: والله يا بنتي ما انا عارفه بس هو اصلا طبعه كده بيحب يضرب الستات بالذات بقى لو واحده جديده وضعيفه زيك هيفضل يتسلى عليها ويبقى مبسوط باللي هو بيعمله
روح: بس انا اول ما جيت السجن هنا قالولي لو انت اتعاملتي معاه وحش هيأذيكي وانا ولا اتعاملت معاه ولا اتكلمت معاه ليه بيأذيني
كارما: هو اكيد في سبب لكرهو اوي ده بس ايه هو السبب معرفش بس هحاول اعرف ما تقلقيش هو مش هيعملك حاجه طول ما انتى معايا
روح:ماشى
كارما :قوليلى بقى دخلتى السجن في ايه باين عليكى غلبانه مش بتاعة مشاكل ايه سبب دخولك السجن
وحكت روح كل شئ لكارما
كارما: ايه يا بنتي ده انتى اتبهدلتى جامد هحاول اقول لابني يدور على الموضوع ده ويدور على عيلتك ويشوف براءتك وان شاء الله تخرجي من هنا وكل ده ينتهي
روح:اتمنى وانتى بقى دخلتى فى اى
كارما: مع ان مفيش حد سألني السؤال ده قبل كده بس انا هجوبك عشان حسيتك زي بنتي اسيا اسيا بنتي كانت بنت جميله جدا وقلبها ابيض وانا وابنى سافرنا عشان اجتماع شغل ولما رجعنا دخلت البيت واخذت صدمه حياتي واتكسرت فعلا ولقيت بنتي مقتوله حاولت اساعدها بس للاسف البوليس جه وافتكروا ان انا اللي قتلتها ولسه ابنى بيدور على دليل براءتي ان شاء الله هخرج منها واعرف مين السبب واللي عمل فيها كده ومش هسيبه في حاله الا لما انتقم منه واشربه العذاب الوان
روح:ان شاء الله حق بنت حضرتك يرجع وتطلعي براءه
كارما:ان شاء الله انا وانتى يلا روح نامى بقى وارتاحي شوايه
روح:حاضر
••••••••••••••••
فى مكتب سعيد كان جالس وعلى وجه علامات الغضب الشديد وتذكر الماضى
فلاش بالك
سعيد بصدمه:امل انتى يا امل الى تخونيني عمرى ما اتوقعت ان انتى الى تخونيني ومع مين مع صاحب عمرى
امل:سعيد انت فاهم غلط كل ده اشتغاله من بنت عمتك هى الى عملت كده علشان عايزه توقع بينا انا مستحيل اخونك
سعيد بغضب اعمى:وانا شوفتك فين دلوقتى فى المسجد بتصلي انتى مع واحده غريب على السرير عايزانى افهم اى بقى دلوقتى انك كنتى بتصلي قيام الليل
امل:سعيد افهمني ارجوك انا محبتش غيرك والله صدقنى
سعيد بغضب:كان زمان ايام ما كنت سعيد الى بيسامح لكن خلاص خلصت ولازم تموتي انتى وهو
وأخرج مسدسه وقتل صديقه وشهقت امل من الصدمه وخافت كثيرا منه و حاولت الهروب منه واللحق بيها سعيد وامسكها وكان يعذبها ليلا ونهارا ولا يريد تصديقها ولكن انتحرت امل بعدها وظل سعيد نار الانتقام تحرقه ويريد ان يقتلها بيده
باك
سعيد بغضب:للاسف انتى شبها ياروح ولازم انفذ انتقامي فيكى انتى واخلص منك علشان ارتاح
وبعدها اتت فى باله فكره وابتسم بشر
سعيد:نهايتك هتبقى على ايدى يا روح وقريب اوى
•••••••••••••••••
اليوم الثانى استيقظت روح ولكن وهى مطمئنه ان سعيد لن يفعل لها شئ وأتت لها كارما بلإفطار
كارما:طبعا انا عارفه انك بقالك مده مش بتكلى بسببه ولازم تاكلي علشان العلاج واه صح نسيت أسألك انتى فى سنه كام
روح:فى تانيه كليه اللسن
كارما:ماشاء الله ربنا معاكى وتبقى احسن واكبر مترجمه
روح:شكرا بجد يا طنط كارما
كارما:لا طنط اى بقى قوليلى يا ماما انتى بتفكرينى ببنتى الله يرحمها
روح:الله يرحمها حاضر يا ماما كارما
كارما:يلا كلى بقى
روح:حاضر
•••••••••••••••••
فى فيلا عمر
نور:هى روح عامله اى عايزه ازورها اوى
عمر:خلاص بعد جامعتك نروح نزورها
نور:ماشى هروح اغير بسرعه واجى معاك علشان اروح الجامعه
•••••••••••••
السجانة عندك زياره
كارما:دخليه هنا
ودخل ابنها اسر اليها
اسر:عامله اى يا امى وحشانى اوى
كارما :وانت كمان يابنى
وكان ينظر اسر الى روح بإنبهار بسبب جمالها ولانها تشبه الملاك البريئ
اسر:مش تعرفينا مين دى
كارما:دى روح
وحكت له كارما كل ما حدث مع روح
اسر بحزن عليها:لاحول ولاقوة الا بالله انا هحاول اساعدها
كارما:روح روح تعالى
روح:نعم يا ماما كارما
كارما:اعرفك ده اسر ابنى الى حكتلك عنه
روح:اهلا بيك
اسر:اهلا بيكى اعتبرينى زى اخوكى بالظبط
روح:ماشى يا ابيه اسر
اسر:والله احلى ابيه سمعتها فى حياتى
وتوترت روح بسببه
كارما بضحك:بص بقى متخلهاش تزعل منك
اسر:حاضر خلاص مش هتكلم تانى اهو سكت
كارما:يلا بقى روح شوف شغلك
اسر:ماشى وهبقى اجيلك تانى يلا باى باى ياروح
روح:سلام يا ابيه
وبعد أن رحل اسر بفتره اتت نور وعمر
ودخلت السجانه :روح عندك زياره
روح بفرحه:دى اكيد نور وابيه عمر عايزه اعرفك عليهم اوى ياماما كارما
كارما:دخليهم هنا
السجانه:تمام
نور:روحى حبيبتى وحشتينى اوى
وذهبت روح وارتمت فى احضان صديقتها المقربه نور
عمر:ازيك يا روحى هو انا كمان موحشتكيش ولا اى
روح:لا طبعا وحشتنى اوى عامل اى يا ابيه
عمر انا الحمدلله بخير المهم انتى تكونى بخير
روح:انا بخير وعايزه اعرفكو على ماما كارما
وحكت لهم روح كل ما فعلته كارما معها حتى الآن
نور:بجد شكرا ليكى اوى
كارما:شكرا على اى يا بنتى انتو زى بناتى وانا حبيتكو اوى بجد وانت اى اخبارك يا عمر اى مش عارفني ولا اى
عمر:لا طبعا فى حد ميعرفش كارما السويدي ده اشهر سيدة أعمال
كارما:عرفت انك كسبت اخر صفقه مبروك
عمر:الله يبارك فيكى
وبعد قليل غادر عمر ونور وهما مطمئنين على روح
•••••••••••••••••
سعيد:الو نفذ
